341. Haram Shareef mein Namazi ke aage se guzarna

Haram Shareef mein Namazi ke aage se guzarna

[Sawaal]

Haram Shareef mein Namazi ke aage se guzarne ka Kia hukm hai? Kia Namazi ko aage se guzarne waale ko mana’ karna chaahiye?

[Jawab]

Haram Shareef mein Namazi ke aage se guzarne mein koi harj nahi aur Masjid-e-Haraam mein Namaz padhne waale ko chaahiye ke woh aage se guzarne waale ko mana’ na kare kyunke salaf-e-saaleh aage se guzarne waalon khuwah woh tawaaf karne waale hon ya koi aur unhein mana’ nahi karte the. Ibn-e-Zubair رَضِيَ اللَّهُ عَنْهُ bhi mana’ nahi kiya karte the kyunke Masjid-e-Haraam mein izdaham ziyaada hone ki wajah se Namazi ke aage se guzarne waale ko mana’ karne se bhi insaan ‘aajiz hai lehaaza zaroori hoa hai ke is silsila mein asaani paida kardi jaae.

➡Surah Fatiha ki takmeel ke baghair hi raka’at shumaar karli gai hai, Jo sahih nahi hai. Is liye soorat-e-Mas’oola mein Surah Fatiha ki takmeel kar ke Ruko’ mein shaamil hona chaahiye aur agar muqtadi ke liye Surah Fatiha ka poora karna mumkin na ho, To phir Imaam ke saath Ruko’ mein chala jaae aur yeh raka’at ba’d mein poori kare, kyunke Surah Fatiha na padhne ki wajah se yeh raka’at shumaar nahi ho gi. (S-Y)

(1) Is waqi’a mein mudarik-e-Ruko’ ki raka’at ko shumaar karna sahih nahi hai, Jaisa ke is se qabl ek hashiye mein is ki mukhtasar tafseel guzar chuki hai.

__Shaikh Ibn-e-Baaz__