354. Jab pehli saf mein jagah na ho to?

Jab pehli saf mein jagah na ho to?

[Sawaal]

Jab Namazi Masjid mein daakhil ho aur woh pehli saf mein koi jagah na paae to Kia us ke liye yeh jaaiz hai ke pehli saf se kisi insaan ko peeche khench le ya us soorat mein Kia kare?

[Jawab]

Jab koi shakhs Masjid mein daakhil ho aur dekhe ke tamaam safen mukammal hain, Kisi bhi saf mein koi jagah nahi to us se chaahiye ke intezaar kare hatta ke us se jagah mil jaae ya koi aur Namazi aa jaae ya woh Imaam ke daaein jaanib saf bana le. Us ke liye yeh jaaiz nahi ke saf mein se kisi ko peeche khenche kyunke is silsila mein jo Hadees waarid hai, Woh za’eef hai. Saf se aadmi ko peeche khenchne ki soorat mein saf mein khala paida ho jaae ga aur Rasoolullah (ﷺ) ka hukm to yeh hai ke saf ke khalaa ko pur kar diya jaae. Wa billah Al-Toufeeq!

__Shaikh Ibn-e-Baaz__