365. Kia masbooq dua’a-e-istafta aur Surah-e-Fatiha padhe?

Kia masbooq dua’a-e-istafta aur Surah-e-Fatiha padhe?

[Sawaal]

Jab muqtadi Imaam ke saath us waqt shaamil ho jab woh ruku’ se qabl qiraaat ke ikhtitaam par pohanch chuka ho to Kia woh dua’a-e-istafta سبحانك اللهم وبحمدك …. padhe ya khaamosh rahe aur Imaam ke saath shaamil ho jaae?

[Jawab]

Jab muqtadi us waqt aae jab Imaam ruku’ karne waala ho to yeh bhi uske saath ruku’ mein shaamil ho jaae. Us soorat mein dua’a-e-istifta ya kuch aur na padhe balkeh Allah-u-Akbar keh kar Imaam ke saath ruku’ mein chala jaae. Aur agar muqtadi us waqt aae ke woh dua’a-e-istafta aur Fatiha padh sakta ho to us se zaroor padhna chaahiye ke us ke liye hukm-e-shariy’at yehi hai ke pehle dua’a-e-istafta aur phir Fatiha padhe, khuwaah Namaz jahri ho agar Imaam sukoot kare to yeh sakta mein padh le aur agar Imaam sukoot na kare to yeh apne ji mein padh le aur phir Imaam ki qiraat sunne ke liye khaamosh ho jaae, Lekin agar woh late ho aur ruku’ ke waqt pohanche to takbeer keh kar ruku’ shur’u kar de, Is haalat mein us se Fatiha saaqit ho jaae gi kyunke woh ma’zoor hai.

__Shaikh Ibn-e-Baaz__