392. Aakhri sajdah ki tawaalat

Aakhri sajdah ki tawaalat

[Sawaal]

Mein ba’az Aimmah —-Allah Ta’ala unhein hidaayat ‘ataa farmaae —- ko dekhta hoon ke woh Namaz ke aakhri sajdah ko bohat lamba karte hain, To Kia is ki koi shar’i sanad hai? Aur Kia awaaz ke naghma ki is wajah se tabdeeli ki koi asal hai ke us tabdeeli se yeh ma’loom ho sake ke yeh jalsa jalsa-e-tashahhud hai?

[Jawab]

Mujhe koi aisi daleel yaad nahi jis se yeh ma’loom ho ke aakhri sajdah ko lamba karna chaahiye balkeh Ahaadees se yeh ma’loom hota hai ke arkaan-e-Namaz baraabar hon ya qareeb qareeb baraabar hon. baaqi raha masla jalsa-e-tashahhud ke liye takbeer ki awaaz mein tabdeeli ka to yeh ek aisa ‘amal hai jo Aimmah ke haan ma’mool ba hai aur shaayad un ki daleel ‘amal mutsalsal hai, Jo aglon se pichlon mein muntaqil hota chala aa raha hai aur is ki buniyaad sirf naqal par hai aur us ka faaida yeh hai ke is se Namaaziyon ko yeh ma’loom ho jaata hai ke yeh jalsa-e-tashahhud hai aur is se woh takbeer sun kar khade nahi hote.(1)

__Shaikh Ibn-e-Jibreen__

(1) jaise is sawaal ke ibtidaai hissa ke jawaab mein fazeelat-ul-shaikh ne yeh farmaaya ke mujhe is ki koi daleel yaad nahi Yaane yeh baat be sanad hai, Isi tarah sachi baat yeh hai ke tashahhud ke liye takbeer kehte hue awaaz ki tabdeeli ki baat bhi qat’an be daleel aur be sanad hai. Wallahu a’lam baalsawaab.(Mutarjam)