417. Naahamwaar zameen par Namaz ka hukm

Naahamwaar zameen par Namaz ka hukm

[Sawaal]

Aisi zameen par Namaz padhne ka Kia hukm hai jo naahamwaar ho Yaane oonchi neechi ho jis ki wajah se Namazi e’itidaal ke saath Ruko’ aur sajood na kar sakta ho?

[Jawab]

Aisi naahamwaar zameen par Namaz jaaiz nahi jahan Namaz padhte hue itminaan aur khush’oo muysasar na ho ke yeh Namaz ki rooh hai lekin agar maslan jaam’a Masjid tang pad jaae aur log Masjid se bahar bhi saf bana lein aur Masjid se bahar ki yeh jagah nasheeb-o-faraz waali ho aur Namazi us se hamwaar karne ki istata’at na rakhte hon to zaroorat ke pesh-e-nazar un ke liye yahan Namaz padhna jaaiz ho ga.

__Shaikh Ibn-e-Jibreen__