444. Jumbi jo ghusl nahi karta raha

Jumbi jo ghusl nahi karta raha

[Sawaal]

Mein musht-e-zani karta raha hoon aur ghusl kiye baghair Namaz padhta aur Roza bhi rakhta raha hoon kyunke mujhe’:ilm nahi tha ke us f’el ki wajah se mujh par ghusl waajib hai. mujhe ab ma’loom bhi nahi ke is tarah baghair ghusl ke main ne kitni Namaazein padhi hain. Ab mere liye Kia hukm hai?

[Jawab]

Tum ne bohat badi ghalti ka irtikaab kiya hai kyunke musht-e-zani Haraam hai agarcha ba’az Ahl-e-ilm ne us shakhs ke liye is ki ijaazat di hai jis se zana mein mubtala ho jaane ka khadsha ho aur phir doosri badi ghalti yeh ki ke is ke baare mein kisi se poocha bhi nahi ke hukm Kia hai? Haan albatta jahaalat’ Taul-e-zaman aur bohat si Namaazon ki qaza mein mushaqqat ki wajah se tumhara yeh gunaah qaabil-e-ma’afi hai. lehaaza ab tumhein kasrat ke saath Nafil Namaazein aur ‘ibaadatein adaa karni chaahiyein taake maazi mein jo kuch hoa Allah Ta’ala us se ma’af farma de. Wallahu A’lam.

__Sheikh Ibn-e-Jibreen__