447. jahri Namaz mein qira’at ka buland awaaz se na padhna

jahri Namaz mein qira’at ka buland awaaz se na padhna

[Sawaal]

Kia yeh jaaiz hai ke Namaz-e-‘Isha mein qira’at jahri na ki jaae?

[Jawab]

Hukm-e-shariy’at yeh hai ke Imaam raat ki Namaz mein qira’at jahri kare taake muqtadi us se sun kar us se istifaada karen, Agar Imaam sahwan jahri tark kar de to us par sajdah-e-Sahav laazim na ho ga. Isi tarah jo shakhs infiraadi taur par Namaz padh raha ho to us ke liye jahri qira’at laazim nahi hai kyunke us ne to apni qira’at apne ji hi ko sunaana hoti hai aur agar woh jahri qira’at kare to is mein koi harj nahi basharteke is se kisi doosre qaari ya Namazi ya soye hue aadmi ko pareshaani na ho aur woh yeh samjhe ke jahri qira’at us ke liye ziyaada qawi aur huzoor-e-qalab ka baa’is hai.

__Shaikh Ibn-e-Jibreen__