486. Jis ne shak ki haalat mein sajdah-e-Sahav na kiya

Jis ne shak ki haalat mein sajdah-e-Sahav na kiya

[Sawaal]

Jab mujhe Namaz mein shak ho aur mein sajdah-e-Sahav na karoon to Kia is se Namaz baatil ho jaae gi ya naqas? Yaad rahe ke mein ‘amdan sajdah-e-Sahav nahi karta kyunke mein bakasrat shak mein mubtala ho jaata hoon.

[Jawab]

Namaz mein shakook-o-shubhaat ki kasrat ki taraf iltifaat karna jaaiz nahi hai balkeh Namazi ko chaahiye ke asal ke mutaabiq Namaz ko mukammal kare. Sahav aur waswasa ki wajah se sajdah-e-Sahav nahi hai, Ke hum mein se kon hai jo Namaz mein Sahav mein mubtala nahi hota ya jis ke dil mein waswasa paida nahi hota? Haan albatta agar kisi waajib ko tark kar de ya us f’el-e-waajib mein shak ho ya Namaz mein izaafa ho ya kisi waajib ko kam kar de to is soorat mein us se sajdah-e-Sahav karna ho ga jaisa ke kutub-e-faaqah mein is ki tafseel maujood hai.

__Shaikh Ibn-e-Jibreen__