516. Teen raka’at Witr padhne ki niyyat ki phir—-!

Teen raka’at Witr padhne ki niyyat ki phir—-!

[Sawaal]

Ek shakhs ne teen raka’at Witr padhne ki niyyat ki lekin Namaz ke dauraan hi us ne raka’at ki tadaad mein izaafa ka iraadah kar liya to Kia yeh jaaiz hai? Kia azaan ke ba’d bhi Tahiyyat-ul-Masjid jaaiz hai?

[Jawab]

Sunnat yeh hai ke teen Witr do salaam ke saath padhe jaaein Agar teen se ziyaada padhe to afzal hai. Witr giyaarah raka’at tak padhe jaa sakte hain. Har do raka’at ke ba’d salaam pher de. Agar teen raka’at padhne ki niyyat ki aur takbeer ke ba’d ziyaada raka’at padhne ka iraadah kiya to yeh jaaiz hai. Teesri raka’at ke ba’d chawthi raka’at ke izaafa phir us ke ba’d ek raka’at padhne ka iraadah kiya to (In sha Allah) is mein bhi koi harj nahi. Tahiyyat-ul-Masjid azaan ke ba’d bhi jaaiz hai aur Namaz se pehle ki Sunnat-e-raatiba ke taur par bhi yeh kaafi hai.

__Shaikh Ibn-e-Jibreen__