581. Masjid mein do jama’atein

Masjid mein do jama’atein

[Sawaal]

Mein Masjid mein aaya to Imaam aakhri tashahhud mein tha to Kia us ke saath shaamil ho jaaon ya intezaar karoon ke woh salaam pher de aur hum doosri jama’at ke saath Namaz padh lein? Agar yeh baat yaqeeni ho ke Imaam aakhri raka’at mein hai aur hum bohat se log hon to phir is baat ki Kia daleel hai ke hum Imaam ke salaam ka intezaar karen? Kia aakhri tashahhud mukammal padhna waajib hai ya jis qadar mumkin ho padh liya jaae?

[Jawab]

Afzal yeh hai ke aap kisi doosri Masjid mein jaa kar Namaz padh lein, Jahan umeed ho ke aap ko jama’at mil jaae gi ya phir intezaar karen aur Imaam ke salaam ke ba’d Isi Masjid mein doosri jama’at ke saath Namaz padhen. Afzal yehi hai ke aap pehle Imaam ke salaam ka intezaar karen taake pehli jama’at ki Namaz mein koi khalal paida na ho. pehle Imaam ke salaam se qabl doosri jama’at ke liye takbeer kehna jaaiz hai aur agar doosri jama’at ki umeed na ho to phir pehli jama’at ke saath tashahhud mein shaamil ho jaaiye aur tashahhud ka saara ya jitna hissa padhna mumkin ho padh lein.

__Shaikh Ibn-e-Jibreen__