594. Imaam ka Ruko’ mein intezaar karna

Imaam ka Ruko’ mein intezaar karna

[Sawaal]

Jab Imaam haalat-e-ruku’ mein ho aur woh yeh mehsoos kare ke kuch Namazi jaldi se aa rahe hain taake Ruko’ mein mil jaaein to Kia Imaam ke liye un ka intezaar karna jaaiz hai ya nahi?

[Jawab]

Is haalat mein Imaam ke liye afzal yeh hai ke Ruko’ se sar uthaane mein jaldi na kare taake jo log raka’at paa lene ke shouq mein Imaam ke saath Ruko’ mein shaamil hona chaahte hain, Woh shaamil ho jaaein lekin Imaam ko is qadar taakheer bhi nahi karni chaahiye jis se Imaam ke saath shareek muqtadiyon ko takleef ho, Is haalat mein Nabi Kareem (ﷺ) se bhi saabit hai jis se ma’loom hota hai ke qadre intezaar kar lena mustahab hai.

__Shaikh Ibn-e-Baaz__