614. Jab Imaam qiraat mein ghalti kare

Jab Imaam qiraat mein ghalti kare

[Sawaal]

Jab Imaam jahri Namaz mein qiraat karte hue ghalti kare maslan yeh ke ek Aayat ya kisi Aayat ka koi juz na padhe ya ghalti se Aayat ke kisi lafz ko tabdeel kar de to Kia muqtadi Imaam ki is no’iyyat ki ghalti ki tasheeh kare?

[Jawab]

Jab Imaam qiraat mein ghalti karte hue ek Aayat ko chod de ya alfaaz ghalat padhe to muqtadiyon ke liye laazim hai ke Imaam ki tasheeh karen aur agar ghalti ka ta’lluq Surah Fatiha se ho to phir is ki tasheeh karna muqtadiyon par waajib hai kyunke Surah Fatiha padhna Namaz ka rukan hai haan albatta agar ghalti is qism ki ho ke is se ma’ani mein koi tabdeeli na aati ho maslan Al-Rehmaan ya Al-Rahim ko mansoob padh liya jaae to is soorat mein muqtadiyon ke liye luqma dena waajib nahi hai.

__Shaikh Ibn-e-Baaz__