621. Musaafiron ki mustaqil Imaam ke peeche Namaz

Musaafiron ki mustaqil Imaam ke peeche Namaz

[Sawaal]

Kia afzal yeh hai ke musaafir muqeem Imaam ki iqtida mein Namaz-e-Zuhr Masjid mein adaa karen aur phir apni ‘Asar ki Namaz jam’a kar lein ya afzal yeh hai ke woh Imaam ka intezaar na karen aur musaafir apni Zuhr aur ‘Asar ki Namaazon ko jam’a kar ke padh lein?

[Jawab]

Agar muqeem Imaam ka intezaar un ke liye giraa’n na ho to afzal yeh hai ke muqeem Imaam ke saath Masjid mein Namaz adaa karen kyunke is tarah kasrat-e-ijtim’a aur intezaar jo ke Namaz hi ki ek qism hai, Ki wajah se unhein ziyaada ajar-o-sawaab mile ga aur agar Imaam Raatib ka intezaar giraan ho to musaafiron ko ijaazat hai ke woh apni Namaazon ko qasar-o-jam’a ki rukhsaton ke saath adaa kar lein.

__Fatwa-e-committee__