632. Safar mein Sunan-e-Mu’akkadah

Safar mein Sunan-e-Mu’akkadah

[Sawaal]

Kia safar mein Sunan-e-Mu’akkadah saaqit ho jaati hain, Is ki daleel Kia hai?

[Jawab]

Hukm-e-shariy’at yeh hai ke safar mein Witr aur subah ki Sunnaton ke siwa deegar tamaam Sunan-e-Mu’akkadah ko tark kar diya jaae kyunke Hazrat Ibn-e-‘Umar رضى الله عنهم aur deegar Sahaaba se marwi Hadees se yeh saabit hai ke Nabi Kareem (ﷺ) safar mein Witr aur subah ki Sunnaton ke siwa deegar Sunan-e-Mu’akkadah ko tark farma diya karte the haan albatta Nawaafil , Safar ho ya hazar padhe jaa sakte hain, Isi tarah woh Namaazein jin ke makhsoos asbaab hain, Unhein bhi padha jaa sakta hai. Maslan Sunnat-e-Wuzu , Sunnat-e-Tawaaf , Namaz-e-Zuha aur raat ki Namaz Tahajjud kyunke in Namaazon ka safar mein bhi padhna Ahadees se saabit hai.(Wallahu waali Al-Toufeeq)

__Shaikh Ibn-e-Baaz__