635. Hawaai jahaaz mein Namaz

Hawaai jahaaz mein Namaz

[Sawaal]

Jab tayyaarah Fiza mein ho aur Namaz ka waqt ho jaae to Kia tayyaarah mein Namaz jaaiz hai?

[Jawab]

Jab Namaz ke waqt ke khatam ho jaane ka andesha ho maslan yeh ke subah ki Namaz padhne se pehle sooraj ke tul’u aur Namaz-e-‘Asar padhne se pehle sooraj ke ghuroob hone ka andesha ho to tayyaarah mein Namaz padhna jaaiz hai. Agar tayyaarah mein khade ho kar Namaz padhne ki jagah ho to khada ho kar padhe aur Ruko’-o-sujood bhi Isi tarah kare goya woh zameen par khada ho kar Namaz padh raha hai aur agar aisi koi jagah na ho to apni nishast par bethe bethe ishaarah se Namaz padh le aur sajdah mein Ruko’ ki nisbat ziyaada sar jhukaae aur agar Namaz aisi ho jis se jam’a kar ke padha jaa sakta ho to us se doosri Namaz ke saath jam’a kar ke tayyaarah se utarne ke ba’d padh le lekin agar yeh khadsha ho ke tayyaarah ke utarne se pehle donon Namaazon ka waqt khatam ho jaaega maslan Zuhr aur ‘Asar ki Namaz ke padhne se pehle sooraj ghuroob ho jaae ya Maghrib aur ‘Ishaa ki Namaazon ke padhne se pehle Fajr tul’u ho jaae to phir un Namaazon ko mu’akkhar karna jaaiz nahi balkeh un ko tayyaraah ke andar hi’ Khuwah ishaarah ke saath’ Waqt par adaa karna chaahiye.

__Shaikh Ibn-e-Jibreen__