648. Kia yeh shart hai ke khateeb hi Namaz padhaae?

Kia yeh shart hai ke khateeb hi Namaz padhaae?

[Sawaal]

Kia yeh shart hai ke jo shakhs Jumm’a ka khutba de, Namaz bhi wahi padhaae?

[Jawab]

Jamhoor-e-Ahl-e-ilm ka mazhab yeh hai ke yeh shart nahi hai ke khateeb hi Jumm’a ki Namaz padhaae kyunke is silsila mein koi aisi daleel waarid nahi hai jis ki paabandi ki jaae haan albatta Maalikiya ne is ki mukhaalifat karte hue yeh shart qaraar di hai ke khateeb hi Namaz-e-Jumm’a ki Imaamat bhi karwaae Un ki daleel yeh hai ke khutba Namaz hi ke saath musalik hai lehaaza kisi ‘uzr ke baghair , Qasad-o-iraadah se us se do Imaamon mein taqseem nahi karna chaahiye.Wa billah Al-Toufeeq.

__Fatwa-e-committee__