678. Yeh tark-e-Jumm’a ke liye ‘uzr nahi

Yeh tark-e-Jumm’a ke liye ‘uzr nahi

[Sawaal]

Ek haadsa ki wajah se mere paaon mein chot lag gai thi, Jis ki wajah se Namaz padhte hue mein apne paaon ko seedha khada nahi kar sakta aur mein mehsoos karta hoon ke is wajah se Namaaziyon ko takleef uthaana padti hai, To Kia mere liye yeh jaaiz hai ke mein Jumm’a ki Namaz ghar mein apne Ahl-o-‘ayaal ke saath adaa kar loon?

[Jawab]

Shar’an mansoos alaihi masla yeh hai ke har us musalmaan ke liye Masjid mein Namaz-e-Jumm’a adaa karna Farz-e-‘ain hai, Kis mein Jumm’a ki shartein maujood hon lehaaza Jumm’a sirf usi soorat mein saaqit ho ga. Jab un sharton mein se koi shart mafood ho gi. Saa’il jab iqraar kar raha hai ke woh bilf’el Namaz-e-Jumm’a jama’at ke saath adaa kar raha hai aur ab sirf is wajah se tark karna chaahta hai ke ba’az Namazi us ke paaon khada na kar sakne aur majbooran us se phela dene ki wajah se tangi mehsoos karte hain, To yeh koi aisa ‘uzr nahi, Jis ki wajah se woh Namaz-e-Jumm’a ko tark kar de, Jab ke bil f’el us se Namaz-e-Jumm’a adaa karne ki qudrat haasil hai aur mazkoora baala ma’zoori ki wajah se yeh bhi ho sakta hai ke woh Safon ke peeche tanha ek mustaqil sif mein ya kisi sif ke aakhri kinaarey par kisi bhi doosri aisi soorat ko ikhtiyaar kar ke khada ho jaae, Jis se saath waale Namaaziyon ko takleef na ho. Wallahu A’lam

__Sheikh Ibn-e-‘Usaymeen__