لَا اِلٰہَ اِلَّا اللّٰہُ کا معنی و مفہوم

٭ اللہ تعالیٰ کا یہ فرمان ہے:

﴿شَہِدَ اللّٰہُ اَنَّہٗ لَآ اِلٰہَ اِلَّا ہُوَ وَ الْمَلٰٓئِکَۃُ وَ اُولُواالْعِلْمِ قَآئِمًا بِالْقِسْطِ لَآ اِلٰہَ اِلَّا ہُوَ الْعَزِیْزُ الْحَکِیْمُ﴾[آل عمران: ۱۸]

’’اللہ تعالیٰ، فرشتے اور اہل علم اس بات کی گواہی دیتے ہیں کہ اللہ کے سوا کوئی معبود نہیں اور وہ عدل کو قائم رکھنے والا ہے، اس غالب اور حکمت والے کے سوا کوئی عبادت کے لائق نہیں۔‘‘

اور اللہ تعالیٰ کا فرمان ہے:﴿فَاعْلَمْ اَنَّہٗ لَآ اِلٰـہَ اِلَّا اللّٰہُ﴾[محمد:۱۹]

’’سو(اے نبی)آپ یقین کرلیں کہ اللہ کے سوا کوئی معبود نہیں۔‘‘

٭ اس کا معنی: اللہ تعالیٰ کے علاوہ کوئی بھی معبود برحق نہیں۔

٭ چنددوسرے باطل معانی:

۱۔ اللہ تعالیٰ کے علاوہ کوئی معبود نہیں۔ یہ معنی باطل ہے،اس لیے کے جس کی بھی بندگی کی جائے خواہ وہ حق ہو یا باطل؛ وہ معبود اور الہ ہے۔

۲۔ اللہ تعالیٰ کے علاوہ کوئی خالق نہیں۔ یہ اس کے معنی کا ایک جزء ہے۔ لیکن مقصود یہ نہیں،اگر لَا اِلٰہَ اِلَّا اللّٰہُ کا یہی معنی ہوتا تو رسول اللہ صلی اللہ علیہ وسلم اور آپ کی قوم کے مابین اختلاف نہ ہوتا، اس لیے کہ وہ تو اس چیز کا اقرار کرتے تھے۔

۳۔ اللہ تعالیٰ کے علاوہ کسی کی حاکمیت نہیں۔ یہ بھی اس کے معانی کا ایک جزء ہے، لیکن یہ کافی نہیں، اس سے مقصود حاصل نہیں ہورہا، اس لیے کہ اگر اللہ تعالیٰ کو اکیلا حاکم مانا جائے اور اس کے ساتھ غیرکی بندگی بھی کی جائے تو توحید حاصل نہیں ہوتی۔

٭ کلمہ کے ارکان:اس کے دو ارکان ہیں:

۱۔ تمام معبودوں کی نفی(لَا اِلٰہَ)
یعنی اللہ تعالیٰ کے سوا جتنے بھی معبودوں کی بندگی کی جاتی ہے ان سب کا انکارکیا جائے۔

۲۔ اللہ تعالیٰ کے لیے بندگی کا اثبات:(اِلَّا اللّٰہُ)

عبادت کو صرف اللہ وحدہ لاشریک کے لیے ثابت کیا جائے۔ اس کی دلیل یہ آیت ہے:

﴿فَمَنْ یَّکْفُرْ بِالطَّاغُوْتِ وَ یُؤْمِنْ بِاللّٰہِ فَقَدِ اسْتَمْسَکَ بِالْعُرْوَۃِ الْوُثْقٰی﴾

’’جس نے طاغوت کا انکار کیا اور اللہ تعالیٰ پر ایمان لایا تو اس نے مضبوط کڑے کو تھام لیا۔‘‘[1][البقرہ: ۲۵۶]

﴿فَمَنْ یَّکْفُرْ بِالطَّاغُوْتِ﴾یہ نفی ہے۔﴿وَ یُؤْمِنْ بِاللّٰہِ﴾یہ اثبات ہے۔

نیز اللہ تعالیٰ کا فرمان ہے:

﴿وَاِذْ قَالَ اِبْرٰہِیْمُ لِاَبِیْہِ وَقَوْمِہِ اِنَّنِیْ بَرَائٌ مِّمَّا تَعْبُدُوْنَ o اِلَّا الَّذِیْ فَطَرَنِی فَاِنَّہٗ سَیَہْدِیْنِ﴾[الزخرف: ۲۶۔۲۷]

’’اورجب ابراہیم نے اپنے باپ اور اپنی قوم سے کہا: بے شک میں ان چیزوں سے بالکل بری ہوں جن کی تم عبادت کرتے ہو۔سوائے اس کے جس نے مجھے پیدا کیا، پس بے شک وہ مجھے ضرور راستہ دکھائے گا۔‘‘

﴿اِنَّنِیْ بَرَائٌ مِّمَّا تَعْبُدُوْنَ﴾یہ نفی ہے۔﴿اِلَّا الَّذِیْ فَطَرَنِیْ﴾یہ اثبات ہے۔

٭ لَا اِلٰہَ اِلَّا اللّٰہُ کا اقرار انسان کو کب فائدہ دے گا:

۱۔ جب انسان اس کے معنی کو سمجھے۔
۲۔ جب اس کے مقتضی پر عمل کرے(غیر اللہ کی بندگی ترک کرکے صرف ایک اللہ کی بندگی کرے)

[1] کڑے سے مراد لَا اِلٰہَ اِلَّا اللّٰہُ یعنی توحید ہے۔ ایک صحیح حدیث میں ہے نبی کریم صلی اللہ علیہ وسلم نے فرمایا:((من قال لا إلہ إلا اللّٰہ و کفر بما یعبد من دون اللّٰہ فقد حرم مالہ ودمہ و حسابہ علی اللّٰہ عزو جل)) ’’جس نے لَا اِلٰہَ اِلَّا اللّٰہُ کا اقرار کیااور اللہ تعالیٰ کے علاوہ تمام معبودوں کا انکار کر لیاتو اس کا مال، اس کی جان، محفوظ ہے اور(قیامت میں)اس کا حساب اﷲ کے ہاں ہوگا۔‘‘(مسلم)

لَا اِلٰہَ اِلَّا اللّٰہُ کی شروط

پہلی شرط:… ’’علم، جو کہ جہالت کے منافی ہو۔‘‘
دوسری شرط:… ’’یقین،جو کہ شک کے منافی ہو۔‘‘
تیسری شرط:… ’’اخلاص، جوکہ شرک کے منافی ہو۔‘‘
چوتھی شرط:… ’’صدق، جو کہ جھوٹ کے منافی ہو۔‘‘
پانچویں شرط:…’’ محبت، جو کہ بغض کے منافی ہو۔‘‘
چھٹی شرط:… ’’سر تسلیم خم کرنا، جو کہ ترک کے منافی ہو۔‘‘
ساتویں شرط:…’’قبول، جو کہ رد کے منافی ہو۔‘‘
آٹھویں شرط:… ’’غیر اللہ کا انکار۔‘‘
ان شرائط کی تفصیل:
۱۔علم:…اس کا معنی یہ ہے کہ لَا اِلٰہَ اِلَّا اللّٰہُ کے نفی و اثبات کے معانی کا علم ہو۔[1]

[1] اللہ تعالیٰ کے متعلق یہ علم اس لئے ضروری ہے کہ اللہ تعالیٰ کے ایک ہونے اور اکیلے ہی مستحق عبادت ہونے سے لاعلمی بندے کے قبول اسلام میں رکاوٹ ہے، اس لئے کسی بھی انسان پر اسلام قبول کرنے کے لئے اللہ تعالیٰ کی وحدانیت اور مستحق عبادت ہونے کاعلم لازم ہے۔نبی کریم صلی اللہ علیہ وسلم کاارشاد ہے:((مَنْ مَاتَ وَہُوَ یَعْلَمُ اَنَّہُ لَا اِلٰہَ الَّا اللّٰہُ دَخَلَ الْجَنَّۃَ۔))جو اس حال میں مرگیا کہ وہ اس بات کا علم رکھتا تھا کہ اﷲ کے علاوہ کوئی معبود نہیں ہے تو یہ آدمی جنت میں داخل ہوگا۔(مسلم) ابو مظفروزیر کہتے ہیں کہ لَا اِلٰہَ اِلَّا اللّٰہُ ایک گواہی ہے اور جو شخص کسی بات کی گواہی دے رہا ہو تو اس پر لازم ہوتا ہے کہ وہ اس بات سے واقف ہو جس بات کی گواہی دے رہا ہے، لہٰذاجو مسلمان لَا اِلٰہَ اِلَّا اللّٰہُ کا اقرار کر رہا ہے اسے اس شہادت اور گواہی کے بارے میں علم ہونا چاہیے اس لئے کہ اس کا حکم اﷲ نے دیا ہے۔ الوہیت صرف اسی کیلئے واجب ہے کوئی دوسرا ا س کا حق نہیں رکھتا۔اس طرح اس کلمہ سے یہ بھی ثابت ہوتا ہے کہ طاغوت کا انکار لازم ہے اللہ تعالیٰ پر ایمان ضروری ہے جب کوئی انسان تمام مخلوق سے الوہیت کی نفی کرکے صرف اﷲ کے لئے اسے ثابت کرتا ہے تو یہ کفر بالطاغوت اور ایمان باﷲ ہے۔(الدارالسنۃ۲؍۲۱۶) شیخ عبداﷲ بن عبدالرحمن ابابطین کہتے ہیں:اللہ تعالیٰ کا فرمان ہے:

﴿ھٰذَا بَلاٰغُ لِّلنَّاسِ وَ لِیُنْذَرُوْا بِہٖ وَلِیَعْلَمُوْا اَنَّمَا ہُوَ اِلٰہٌ وَّاحِدٌ وَّلِیَذَّکَّرَ اُوْلُوا الْاَلْبَابِ﴾(ابراہیم:۵۲) ’’یہ لوگوں تک پہنچانا ہے اور تاکہ اس کے ذریعہ سے(یہ انبیاء)لوگوں کو متنبہ کریں اور لوگ یہ جان لیں کہ وہ اکیلا معبودبرحق ہے اور تاکہ عقل مند نصیحت حاصل کریں۔‘‘ اس آیت میں اﷲ تعالیٰ نے﴿وَلِیَعْلَمُوْا اَنَّمَا ہُوَ اِلٰہٌ وَّاحِدٌ﴾فرمایا ہے جس کا معنی ہے تاکہ وہ اﷲ کی وحدانیت کا علم حاصل کریں، یہ نہیں فرمایا کہ﴿وَلِیَقُولُوْا اَنَّمَا ہُوَ اِلٰہٌ وَّاحِدٌ﴾وہ کہیں کہ وہ اﷲ ہی اکیلا معبود ہے، یعنی صرف زبانی کہناکافی نہیں ؛ بلکہ اس کا جاننا اورعلم رکھناضروری ہے۔ دوسری آیت میں فرمایا:﴿اِلَّا مَنْ شَہِدَ بِالْحَقِّ وَہُمْ یَعْلَمُوْنَ﴾(الزخرف: ۸۶) ’’جس نے حق کی گواہی دی اور وہ اس کا علم بھی رکھتا ہو۔‘‘ علامہ ابن سعدی رحمۃ اللہ علیہ فرماتے ہیں: ’’علم میں دل کا اقرار ضروری ہے۔یعنی اس سے جس چیز کا مطالبہ کیا گیا ہے اسے کے معانی، مطالب جانتا ہو، اور اس کے تقاضوں کے مطابق عمل بھی کرتا ہو۔ اور یہ علم جس کا حکم اللہ تعالیٰ نے دیا ہے یعنی علم توحید؛ اس کا حاصل کرنا ہر مسلمان پر فرض عین ہے۔ کوئی شخص اس سے مستثنیٰ نہیں۔‘‘ جب یہ بات اچھی طرح معلوم ہوجائے کہ ہر قسم کی عبادت کا مستحق صرف اللہ تعالیٰ ہے، تووہ عبادت کا کوئی کام کسی دوسرے کیلئے بجا نہ لائے۔ ارشاد ربانی ہے:﴿إِلَّا مَنْ شَہِدَ بِالْحَقِّ وَہُمْ یَعْلَمُوْنَ﴾(الزخرف: ۸۶) ’’ مگر جس نے حق بات کااقرار کیا،اور اسے علم بھی ہو۔‘‘(شیخ بن سعدی رحمۃ اللہ علیہ فرماتے ہیں: ’’جس نے زبان سے گواہی دی؛ دل سے اقرار کیا ؛اور اس کے معنی ومفہوم کا علم حاصل کیا ؛ وہ شفاعت کا مستحق ہوگا۔‘‘یعنی جس بات کازبان سے اقرار کررہے ہیں اس کے بارے میں علم بھی ہو۔ علماء نے اس آیت اور اسی طرح کی دوسری آیات سے استدلال کیاہے کہ انسان پر سب سے پہلے اللہ تعالیٰ کے بارے میں معلومات حاصل کرنا واجب ہے لَا اِلٰہَ اِلَّا اللّٰہُ کا علم حاصل کرنا بھی فرائض میں سے ہے اور اس کلمہ کے معنی سے لاعلمی سب سے بڑی جہالت ہے۔ [2] یعنی توحید اور لَا اِلٰہَ اِلَّا اللّٰہُ کے معنی ومطلب کو سمجھنے کے بعد اس پر یقین رکھنا اس میں کسی قسم کا شک نہ کرنا ا س بات پر دل سے یقین کرنا کہ اﷲ ہی تمام قسم کی عبادات کا اکیلا مستحق ہے اس میں ذرا سا بھی شک یا ترد د نہ کرے۔ اللہ تعالیٰ نے مؤمنین کی یہی تعریف کی ہے اور انہیں اپنے دعویٰ ایمان میں سچا قرار دیا ہے۔اس طرح ایک حدیث شریف میں آتا ہے نبی کریم صلی اللہ علیہ وسلم نے فرمایا:’’ جس نے یہ گواہی دی کہ اللہ تعالیٰ کے سوا کوئی معبود نہیں اور میں محمد اﷲ کا رسول ہوں اور پھر اس گواہی میں شک نہیں کیا تو وہ شخص جنت میں داخل ہوگا۔‘‘(صحیح مسلم) اس آیت میں اللہ تعالیٰ نے سچے ایمان کے لیے یہ شرط لگائی ہے کہ مومن کا ایمان ہر قسم کے شک وشبہ سے بالاتر ہو۔ کیونکہ شک کرنا منافقین کی صفت ہے نہ کہ مومنین کی۔ رسول اللہ صلی اللہ علیہ وسلم نے فرمایا:

((أشھد أن لا إلہ إلا اللہ وأني رسول اللہ، لا یلقي اللہ بہما عبد غیر شاکٍ فیہما دخل الجنۃ))(مسلم) ’’ میں گواہی دیتا ہو ں کہ اللہ تعالیٰ کے سوا کوئی معبود برحق نہیں ؛اور میں(محمد صلی اللہ علیہ وسلم) اللہ کا رسول ہوں ؛ یہ دو گواہیاں ایسی ہیں کہ جو انسان ان کے ساتھ اللہ تعالیٰ سے اس حالت میں ملے گا کہ اسے ان کے بارے میں کوئی شک وشبہ نہ ہو، تو وہ سیدھا جنت میں داخل ہوگا۔‘‘ ’’ شک کے تین مراتب ہیں: ریب:…: دونوں متقابل چیزوں کے درمیان ایسے متردد ہونا کہ انسان اپنی مرضی سے ان میں سے کسی ایک کو دوسری پر ترجیح نہ دے سکے۔ تھمت:…: کسی پراس کی براء ت کا یقین ہو کر بھی ناحق الزام لگانے کو۔ مریہ:…: جب انسان دو متقابل چیزوں کے درمیان متردد ہو۔ لیکن کسی ایک کو اپنے نفس امارہ کی وجہ سے ترجیح بھی دے۔ عربی لغت میں ’’ریب‘‘ شک کے قریب تر معنی میں استعمال ہوتاہے۔ کیونکہ اس میں شک کے ساتھ بد گمانی یا وہم ہوتا ہے، اور پھر یہ وہم ختم بھی ہوجاتا ہے۔ اللباب فی علوم الکتاب ۱/ ۲۶۸ ؛ روح المعانی ۱/ ۱۰۶۔ علامہ نسفی رحمہ اللہ فرماتے ہیں: ’’ریب‘‘ کا معنی ہے: دل کی بے چینی اور اضطراب، قلق نفس۔ تفسیر نسفی ۱ / ۳۸۔ شک سے اتنی سختی کے ساتھ ممانعت کی وجہ یہ ہے کہ کھلم کھلا کفر اور اسلام دشمنی تک جتنے بھی گناہ ہیں ان کی اصل اور پیش خیمہ شک ہے۔ پہلے دل میں توحیداور دین حق کے بارے میں شکوک وشبہات پیدا ہوتے ہیں، جو اسے راہ ِ حق سے بھٹکا دیتے ہیں۔حقیقت میں گمراہی کے یہ چار درجے ہدایت کے چار درجوں کے مقابلہ میں آتے ہیں: ا:… شک: جس کابیان گزر چکا؛ یہ انابت اور رجوع الی اللہ کے مقابلہ میں آتا ہے۔ ب:… ضلالت: جب توحید اور دین حق سے متعلق شکوک وشبہات کا ازالہ نہ کیا جائے تو پھر انسان گمراہی کا شکار ہوجاتاہے، اور راہِ حق چھوڑ کر راہ باطل اختیار کر لیتا ہے۔ یہ درجہ ہدایت کے مقابلہ میں ہے۔ ج:… جدال: گمراہ شخص اپنے باطل عقائد ونظریات کو صحیح ثابت کرنے کے لیے اہل حق سے جھگڑا ورمجادلہ کرتا ہے، اور حق بات کو جھٹلاتا اور ردکرتا ہے۔یہ درجہ استقامت کے مقابلہ میں ہے۔

د:… مہر جباریت:(دل پہ مہر): یہ درجہ ربط قلب کے مقابلہ میں آتا ہے۔ جب آدمی حق کے مقابلہ میں جھگڑا کرتا ہے اورتمام عقلی ونقلی دلائل سے راہ حق واضح ہوجانے کے بعد اس کو نہیں مانتا ؛ اور ضد وعناد پر ڈٹا رہتا ہے،تواس کے دل پر مہر لگ جاتی ہے؛ پھر کفر ونفاق دل سے باہر نہیں نکل سکتا، اور حق بات دل میں داخل نہیں ہوسکتی۔ اس انسان سے ہدایت کی توفیق سلب ہوجاتی ہے۔اللہ تعالیٰ نے ان تمام امورکوایک آیت میں بیان کیا ہے ؛ فرمایا:﴿وَلَقَدْ جَائَ کُمْ یُوْسُفُ مِنْ قَبْلُ بِالْبَیِّنَاتِ فَمَا زِلْتُمْ فِیْ شَکٍّ مِّمَّا جَائَ کُمْ بِہِ حَتَّی إِذَا ہَلَکَ قُلْتُمْ لَنْ یَّبْعَثَ اللّٰهُ مِنْ بَعْدِہِ رَسُوْلًا کَذَلِکَ یُضِلُّ اللّٰهُ مَنْ ہُوَ مُسْرِفٌ مُّرْتَابٌ o الَّذِیْنَ یُجَادِلُوْنَ فِیْ آیَاتِ اللّٰهِ بِغَیْْرِ سُلْطَانٍ أَتَاہُمْ کَبُرَ مَقْتاً عِندَ اللّٰهِ وَعِندَ الَّذِیْنَ آمَنُوْا کَذَلِکَ یَطْبَعُ اللّٰهُ عَلَی کُلِّ قَلْبِ مُتَکَبِّرٍ جَبَّارٍ﴾[غافر: ۳۴- ۳۵]’’ اور اس سے پہلے یوسف علیہ السلام تمہارے پاس کھلے دلائل لے کر آئے، مگر تم پھر بھی ان کی لائی ہوئی دلیل میں شک وشبہ ہی کرتے رہے؛ یہاں تک کہ جب ان کی وفات ہوگئی تو کہنے لگے: ان کے بعد تو اللہ تعالیٰ کسی رسول کو نہیں بھیجے گا ؛ ایسے ہی اللہ تعالیٰ گمراہ کرتا ہے جو حد سے بڑھ جانے والا اور شک و شبہ کرنے والا ہو۔ وہ لوگ جو بغیر کسی دلیل کے جو ان کے پاس آئی ہو، اللہ تعالیٰ کی آیات میں جھگڑا کرتے ہیں ؛ اللہ تعالیٰ کے نزدیک اور مومنوں کے نزدیک یہ تو بہت بڑی بیزاری کی چیز ہے ؛ اللہ تعالیٰ ایسے ہی ہر ایک مغرور سرکش کے دل پر مہر کر دیتا ہے۔‘‘ یعنی ایسا یقین جس کیساتھ انسان کے دل میں کوئی بے چینی، اضطراب، قلق، اور وہم یا بد گمانی دین اسلام یا شریعت محمدیہ کے متعلق باقی نہ رہے؛ اس معاملہ میں زیادہ تفصیل بیان کرنے کی ضرورت اس وجہ سے پیش آئی کہ موجودہ دور میں ہر طرف سے دین اسلام پر انگلیاں اٹھائی جارہی ہیں، ان حالات میں ایک عام مسلم نوجوان شکوک وشبہات کا شکارہوجاتاہے۔ اور یہی شک ہر فتنہ کی اصل بنیاد اور کفر کے درجہ تک پہنچا دینے والی چیز ہے۔ [2] اس طرح اخلاص کا معنی یہ بھی ہے کہ لَا اِلٰہَ اِلَّا اللّٰہُ کااقرار کسی اور کی خاطر کسی اور کی خوشنودی کے لئے نہ ہو نبی صلی اللہ علیہ وسلم نے فرمایا ہے:((فَاِنَّ اللّٰہَ حَرَّمَ عَلَی النَّارِ مَنْ قَالَ لَا اِلٰہَ اِلَّا اللّٰہُ یَبْتَغِیْ بِذٰلِکَ وَجْہَ اللّٰہِ۔))’’اللہ تعالیٰ نے جہنم پر حرام کر دیا ہے اس شخص کو جو لَا اِلٰہَ اِلَّا اللّٰہُ صرف اﷲ کی رضا مندی کے لئے کہتا ہے۔‘‘(بخاری و مسلم)دوسری حدیث میں ہے آپ نے فرمایا:((أسعد الناس بشفاعتی یوم القیامۃ من قال لَا اِلٰہَ اِلَّا اللّٰہُ خالصا مخلصا من قلبہ))۔’’روزِقیامت میری شفاعت[حاشیہ جاری ہے]

اس خوش نصیب کو حاصل ہوگی جس نے دل کے اخلاص کیسا تھ لَا اِلٰہَ اِلَّا اللّٰہُ کہاہوگا۔‘‘(بخاری) یعنی ایسا ایمان و عمل جس میں شرک کی آمیزش بلکہ شائبہ تک نہ ہو۔اور کلمہ کے تقاضوں کے مطابق عمل ہو۔ لَا اِلٰہَ اِلَّا اللّٰہُ کا اقرار کرنے والے کے لیے ضروری ہے کہ جس طرح وہ اللہ تعالیٰ کی الوہیت اور وحدانیت کا اقرار کرتا ہے؛ اسی طرح غیر اللہ سے براء ت کا اظہار بھی کرے۔ اور یہی حقیقی معنی اور روح ہے’’لَا اِلٰہَ اِلَّا اللّٰہُ ‘‘ کے اقرار کی ؛ اسی وجہ سے اس کلمہ کو کلمۂ اخلاص بھی کہتے ہیں۔ شرعی معنی کی رو سے ہر عبادت کے کام کو ہر قسم کے شرک اور ریاکاری سے بچاتے ہوئے صرف اللہ تعالیٰ کے لیے خاص کرنا؛فرما ن الٰہی ہے:﴿إِنَّا أَنزَلْنَا إِلَیْْکَ الْکِتَابَ بِالْحَقِّ فَاعْبُدِ اللّٰهَ مُخْلِصاً لَّہُ الدِّیْنَ o اَ لَا لِلّٰہِ الدِّ یْنُ الْخَالِصُ﴾(الزمر:۲،۳) ’’(اے پیغمبر!) ہم نے یہ کتاب آپ کی طرف سچائی کے ساتھ نازل کی ہے تواللہ تعالیٰ کی عبادت کرو(یعنی) اس کی عبادت کو(شرک سے) خالص کر کے۔دیکھو خالص عبادت اللہ ہی کے لئے(زیبا ہے)۔‘‘ حافظ ابن کثیر رحمہ اللہ اس آیت کی تفسیر میں فرماتے ہیں: ’’ یعنی تم اللہ تعالیٰ ہی کی عبادت کرو جو اکیلا ہے، اور اس کا کوئی شریک نہیں ہے۔ اور لوگوں کو بھی اس کی طرف دعوت دو۔انہیں آگاہ کردو کہ عبادت کا مستحق اللہ تعالیٰ ہی ہے ؛ نہ ہی اس کا کوئی شریک ہے اور نہ ہی ہمسر؛ اس کے ہاں صرف اخلاص کی بنیاد پر کی جانے والی عبادت ہی قبول ہے۔‘‘(تفسیر ابن کثیر:۴/۴۹) یہی تعلیم ہمیں رسول اللہ صلی اللہ علیہ وسلم کے اقوال وافعال میں ملتی ہے ؛ آپ صلی اللہ علیہ وسلم نے فرمایا:’’ اللہ تعالیٰ فرماتے ہیں: ’’ میں تمام شریکوں کے شرک سے بے نیاز ہوں اور جو شخص کوئی ایسا عمل کرے جس میں وہ میرے ساتھ کسی اور کو شریک کرے تو میں اسے اور اس کے شرک کو چھوڑ دیتا ہوں۔‘‘(مسلم) 

ایک اور مقام پر فرمایا ہے:((مَنْ قَالَ لَا اِلٰہَ اِلَّا اللّٰہُ صَادِقًا مِنْ قَلْبِہِ دَخَلَ الْجَنَّۃَ۔))(مسنداحمد) ’’جس نے سچے دل سے لَا اِلٰہَ اِلَّا اللّٰہُ کہہ دیا وہ جنت میں داخل ہوجائے گا۔‘‘ مگر جو شخص زبان سے اقرار کرتا ہے مگر دل سے کلمہ کے مطالب سے انکاری ہے تو فقط زبانی اقرار کا کوئی نتیجہ مرتب نہیں ہوتا جیسا کہ اﷲ تعالیٰ نے منافقین کے متعلق فرمایا ہے ؛ وہ کہتے ہیں:((نشھد انک لرسول اﷲ)) ’’ہم گواہی دیتے ہیں کہ آپ اﷲ کے رسول ہیں۔‘‘اﷲ تعالیٰ نے فرمایا:﴿وَاللّٰہُ یَعْلَمُ اِنَّکَ لَرَسُوْلُہُ وَاللّٰہُ یَشْہَدُ اِنَّ الْمُنَافِقِیْنَ لَکٰذِبُوْنَ﴾(المنافقون:۱) ’’اﷲ بھی جانتا ہے کہ آپ اس کے رسول ہیں اور اﷲ یہ بھی گواہی دیتا ہے کہ منافقین جھوٹے ہیں۔‘‘اسی طرح ایک اورآیت میں بھی اﷲ نے ایسے لوگوں کی تکذیب کی ہے ؛فرمایا:﴿وَمِنَ النَّاسِ مَنْ یَّقُوْلُ اٰمَنَّا بِاللّٰہِ وَبِالْیَوْمِ الْاٰخِرِ وَمَا ہُمْ بِمُؤْمِنِیْنَ﴾(البقرہ:۸) ’’کچھ لوگ ایسے ہیں جو کہتے ہیں کہ ہم ایمان لائے ہیں حالانکہ وہ مومن نہیں ہیں۔‘‘

جیسا کہ ارشاد باری تعا لیٰ ہے:﴿فَاعْلَمْ اَنَّہٗ لَا اِلٰـہَ اِلَّا اللّٰہَ﴾[محمد: ۱۹]

’’جان لیجیے کہ اللہ تعالیٰ کے علاوہ کوئی معبودبرحق نہیں ہے۔‘‘

۲۔دوسری شرط یقین جوکہ شک کے منافی ہو:

…اس کا معنی یہ ہے کہ: یہ کلمہ کہنے والے کو پختہ یقین ہو کہ معبود برحق صرف اورصرف ایک اللہ ہی ہے۔[2]

اللہ تعالیٰ کافرمان ہے:

﴿اِنَّمَا الْمُؤْمِنُوْنَ الَّذِیْنَ آمَنُوْا بِاللّٰہِ وَرَسُوْلِہٖ ثُمَّ لَمْ یَرْتَابُوْا وَ جٰہَدُوْا بِأَمْوَالِہِمْ وَاَنْفُسِہِمْ فِیْ سَبِیْلِ اللّٰہِ اُوْلٰئِکَ ہُمُ الصّٰدِقُوْنَ﴾
[الحجرات:۱۵]

’’بے شک مومن وہ لوگ ہیں جواللہ تعالیٰ اور اس کے رسول صلی اللہ علیہ وسلم پر ایمان لائے اور پھر شک نہیں کیا اور اپنے اموال اور اپنی جانوں سے اﷲ کی راہ میں جہاد کیا یہی لوگ سچے ہیں۔‘‘

۳۔تیسری شرط:  …اخلاص:اس کامطلب یہ ہے کہ ہرقسم کی عبادت صرف اللہ تعالیٰ

کے لئے خالص ہو اور کسی بھی قسم کی عبادت کوغیر اﷲ کے لئے نہ بجالائے۔[2]

 [2] اس طرح اخلاص کا معنی یہ بھی ہے کہ لَا اِلٰہَ اِلَّا اللّٰہُ کااقرار کسی اور کی خاطر کسی اور کی خوشنودی کے لئے نہ ہو نبی صلی اللہ علیہ وسلم نے فرمایا ہے:((فَاِنَّ اللّٰہَ حَرَّمَ عَلَی النَّارِ مَنْ قَالَ لَا اِلٰہَ اِلَّا اللّٰہُ یَبْتَغِیْ بِذٰلِکَ وَجْہَ اللّٰہِ۔))’’اللہ تعالیٰ نے جہنم پر حرام کر دیا ہے اس شخص کو جو لَا اِلٰہَ اِلَّا اللّٰہُ صرف اﷲ کی رضا مندی کے لئے کہتا ہے۔‘‘(بخاری و مسلم)دوسری حدیث میں ہے آپ نے فرمایا:((أسعد الناس بشفاعتی یوم القیامۃ من قال لَا اِلٰہَ اِلَّا اللّٰہُ خالصا مخلصا من قلبہ))۔’’روزِقیامت میری شفاعت[حاشیہ جاری ہے]

جیسا کہ اللہ تعالیٰ کا فرمان ہے:

﴿وَمَا اُمِرُوْا اِلَّا لِیَعْبُدُوْا اللّٰہَ مُخْلِصِیْنَ لَہُ الدِّیْنَ حُنَفَآئَ﴾[البینہ:۵]

’’انہیں صرف یہی حکم دیاگیا ہے کہ اﷲ کی عبادت کریں اس کے لئے دین کو خالص کرتے ہوئے یکسو ہوکر۔‘‘

۴۔چوتھی شرط: صدق جو کذب کے منافی ہو:…یعنی کلمہ توحیدکے اقرارمیں انسان سچا ہو، اس کی زبان سے اقرار اور دل سے تصدیق میں مطابقت ہونی چاہیے۔ فرمان الٰہی ہے:

﴿الٓمّٓ o اَحَسِبَ النَّاسُ اَنْ یُّتْرَکُوْٓا اَنْ یَّقُوْلُوْٓا اٰمَنَّا وَ ہُمْ لَا یُفْتَنُوْنَo وَ لَقَدْ فَتَنَّا الَّذِیْنَ مِنْ قَبْلِہِمْ فَلَیَعْلَمَنَّ اللّٰہُ الَّذِیْنَ صَدَقُوْا وَ لَیَعْلَمَنَّ الْکٰذِبِیْنَ﴾[العنکبوت: ۱ تا ۳][1]

’’الم۔ کیا لوگوں نے گمان کیا ہے کہ وہ اسی پر چھوڑ دیے جائیں گے کہ کہہ دیں ہم ایمان لائے اور ان کی آزمائش نہ کی جائے گی۔حالانکہ بلاشبہ ہم نے ان لوگوں کی بھی آزمائش کی جو ان سے پہلے تھے، سو اللہ تعالیٰ ہر صورت ان لوگوں کو جان لے گا جنھوں نے سچ کہا اور ان لوگوں کو بھی ہر صورت جان لے گا جو جھوٹے ہیں۔‘‘[2]

[1]۵۔پانچویں شرط:   محبت جو بغض کے منافی ہو:… اس کا معنی یہ ہے کہ جب آپ اس کلمہ کا اقرار کریں تو دل سے اللہ اور اس کے رسول صلی اللہ علیہ وسلم ؛اس کلمہ اوراس کے معانی و مدلول سے محبت کرتے ہوں۔ اﷲ تعالیٰ کاارشاد ہے:﴿وَمِنَ النَّاسِ مَنْ یَّتَّخِذُ مِنْ دُوْنِ اللّٰہِ اَنْدَادًا یُّحِبُّوْنَہُمْ کَحُبِّ اللّٰہِ وَالَّذِیْنَ اٰمَنُوْا اَشَدُّ حُبًّا لِلّٰہِ﴾(البقرۃ:۱۶۵) ’’کچھ لوگ ایسے بھی ہیں جو اﷲ کے علاوہ معبود بناتے ہیں ان سے ایسی محبت کرتے ہیں جیسی اﷲ سے کرنی چاہیے اور ایمان والے اﷲ سے شدید محبت رکھتے ہیں۔ ‘‘[2]

[2] اس کلمہ کی[اور اس کی روشنی میں توحید الٰہی کی]محبت دل میں اتنی ہو جوہر نفرت کو فنا کر دے اور انسان توحید ربانی کی خاطر اپنا تن من دھن سب کچھ قربان کرنے کے لیے تیار ہو۔منافقین کی طرح نہ ہو جو زبان سے تو اس کا اقرار کرتے ہیں مگر دل میں یقین نہیں رکھتے۔ مشرکین مکہ کی طرح بھی نہ بنے کہ کلمہ کا معنی و مفہوم تو سمجھتے تھے مگر اس کلمہ کو قبول نہیں کرتے تھے۔ نیز اس کلمہ کے تقاضوں کی روشنی میں ایسی اطاعت کرے جو کہ صحیح اسلام کے لئے لازم و ضروری ہے۔ جوشخص ان باتوں پر یقین کرے اور ان پر عمل کرلے تو وہ لَا اِلٰہَ اِلَّا اللّٰہُ کے معانی و مطالب کو سمجھنے میں ذرا سی بھی تاخیر نہیں کرے گا اور پھر وہ دین پر عمل علی وجہ البصیرت کرے گا دین پر ثابت قدم رہے گا اور کبھی سیدھی راہ سے بھٹکے گا نہیں۔(ان شاء اﷲ)(الدرء السینۃ کتاب التوحید 2/255)۔ اس سے مراد یہ بھی ہے کہ اس کلمہ کے معنی اور مطالب کی محبت دل میں پیوستہ ہو۔ اللہ اور اس کے رسول صلی اللہ علیہ وسلم کی محبت ہر ایک چیز پر غالب اور ہر ایک محبت سے زیادہ ہو۔ اوران لوگوں سے بھی محبت ہو جو لَا اِلٰہَ اِلَّا اللّٰہُ پر کاربند اور اس کے تقاضوں کو پورے کرنے والے ہوں۔ غرض کہ محبت اور نفرت، دوستی اور دشمنی اللہ اور اس کے رسول صلی اللہ علیہ وسلم سے محبت کے معیار پر قائم کی جائے۔

۶۔چھٹی شرط: …تابعداری:اس کا معنی یہ ہے کہ صرف ایک اللہ وحدہ لاشریک کی عبادت کی جائے اور اس کی شریعت کے سامنے سر تسلیم خم کیا جائے،اوراس شریعت کے برحق ہونے کا اعتقاد رکھا جائے۔اللہ تعالیٰ کا فرمان گرامی ہے:

﴿وَاَنِیْبُوْا اِلٰی رَبِّکُمْ وَاَسْلِمُوْا لَہٗ﴾(الزمر:۵۴)

’’اور اپنے رب کی طرف پلٹ آؤ اور اس کے مطیع ہو جاؤ۔‘‘[1]

۷۔ساتویں شرط: … قبول جو انکار کے منافی ہو:یعنی توحید اور لَا اِلٰہَ اِلَّا اللّٰہُ کے معنی کو سمجھنے کے ساتھ ساتھ اسے ؛اور جن معانی پر یہ کلمہ دلالت کرتا ہے انہیں بھی قبول کرے۔ اور عبادات کو صرف اللہ کے لیے خاص کرے اورغیراللہ کی عبادت ترک کردے۔[2] فرمان الٰہی ہے:

[1] علامہ سعدی رحمہ اللہ فرماتے ہیں: اللہ تعالیٰ نے اپنی طرف جلدی رجوع کاحکم دیتے ہوئے فرمایا:﴿وَأَنِیْبُوْا إِلَی رَبِّکُمْ﴾سے مراد اپنے دلوں کے ساتھ رجوع ہے۔ اور﴿وَأَسْلِمُوْا لَہُ﴾: سے مراد اپنے باقی اعضاء سے اللہ تعالیٰ کی طرف رجوع ہے۔کیونکہ جب انابت کے ساتھ اسلام کا ذکر بھی ہو تو اس سے مراد دل و اعضاء سے رجوع کرنا ہوتا ہے۔یعنی ظاہری اور باطنی طور پر انسان کامل اخلاص کے ساتھ اللہ تعالیٰ کی طرف رجوع کرتے ہوئے احکام ِ شریعت کی پیروی کرے۔ نیک اعمال میں جلدی کرنا انابت إلی اللہ کا حصہ اور اس کا مظہر ہے۔ اور یہی انسان کے بہترین اور اچھے مسلمان ہونے کی نشانی ہے، جیسا کہ فرمایا:﴿وَمَنْ أَحْسَنُ دِیْناً مِّمَّنْ أَسْلَمَ وَجْہَہٗ لِلّٰہِ وَہُوَ مُحْسِنٌ وّاتَّبَعَ مِلَّۃَ إِبْرَاہِیْمَ حَنِیْفاً﴾’’اور اُس شخص سے کس کا دین اچھا ہو سکتا ہے جس نے حکمِ الٰہی کو قبول کیا اور وہ نیکوکار بھی ہے اور ابراہیم کے دین کا پیرو ہے جو یکسو مسلمان تھے۔‘‘

[2] یعنی جب مشرکین کو لَا اِلٰہَ اِلَّا اللّٰہُ کے اقرار اور باقی معبودوں کے انکار کی دعوت دی جاتی تو وہ کلمہ توحید اور اس کے پیغمبر حضرت محمد صلی اللہ علیہ وسلم کے مقابلہ میں غرور اور تکبر سے کام لیتے، اور اس کی بات کو ماننے سے انکار کر دیتے۔ صرف یہی نہیں،بلکہ آپ صلی اللہ علیہ وسلم پر الٹے سیدھے الزام لگاتے اور تکلیف دیتے۔ مشرکین کا یہ طرز عمل ان کی سب سے بڑی بد بختی تھی جس کی وجہ سے خود انہیں بھی حق بات قبول کرنے کی توفیق نہ ہوتی اورنہ ہی وہ اپنے ماتحت اور زیر اثر لوگوں کواسلام قبول کرنے دیتے۔اللہ تعالیٰ نے ان تمام تر الزامات کا رد کرتے ہوئے فرمایا:﴿بَلْ جَائَ بِالْحَقِّ وَصَدَّقَ الْمُرْسَلِیْنَ﴾’’بلکہ وہ حق لے کر آئے ہیں اور پہلے انبیاء کی تصدیق کی ہے۔‘‘ اور نبی صفاتِ حمیدہ کے حامل درست منہج کے داعی سچے مخبِر اور واجب الاتباع والایمان ہوتے ہیں۔ان کی بات نہ ماننا بڑی بد بختی اور شقاوت ہی شقاوت ہے ؛ فرمان ِ الٰہی ہے:﴿قُوْلُوْا آمَنَّا بِاللّٰہِ وَمَا أُنْزِلَ إِلَیْنَا﴾(البقرہ: ۱۳۶) ’’ تم کہو: ہم االلہ تعالیٰ پر ایمان لائے، اور اس چیز پر ایمان لائے جو ہماری طرف اتاری گئی ہے۔‘‘(یعنی قرآن) اور جو اس کے باوجود ایمان نہ لائے اور آپ کے لائے ہوئے منہج اور شریعت کو قبول نہ کرے وہ آپ صلی اللہ علیہ وسلم کو تو کوئی نقصان نہیں دے سکتا مگر اللہ تعالیٰ کی آیات کا انکار کرکے اپنے آپ کو انتہائی سخت بدبختی اور شقاوت سے دو چارکررہا ہے۔ جیسا کہ فرمان ِ الٰہی ہے:﴿فَإِنَّہُمْ لَا یُکَذِّبُوْنَکَ وَلَکِنَّ الظَّالِمِیْنَ بِآیَاتِ اللّٰہِ یَجْحَدُوْنَ﴾[الانعام:۳۳]’’ سو وہ آپ کو نہیں جھٹلاتے، لیکن یہ ظالم تو اللہ کی آیات کا انکار کرتے ہیں۔‘‘

﴿اِنَّہُمْ کَانُوْا اِذَا قِیْلَ لَہُمْ لَا اِلٰہَ اِلَّا اللّٰہُ یَسْتَکْبِرُوْنَ. وَیَقُوْلُوْنَ اَئِ نَّا لَتَارِکُوْا اٰلِہَتِنَا لِشَاعِرٍ مَّجْنُوْنٍ﴾[الصافات:۳۵]

’’جب ان سے کہاجاتا تھا کہ اﷲتعالیٰ کے سوا کوئی عبادت کے لائق نہیں ہے تو یہ لوگ تکبر کرتے تھے(کہتے تھے)کیا ہم ایک دیوانے شاعر کے قول پر اپنے خداؤں کو چھوڑ دیں ؟‘‘

۸۔آٹھویں شرط: …اﷲتعالیٰ کے علاوہ تمام معبودوں کاانکار: یعنی کہ غیراللہ کی عبادت سے برأت کا اظہار کیا جائے اوراس کے باطل ہونے کا عقیدہ رکھا جائے، اﷲتعالیٰ کا ارشاد ہے: [1]

﴿فَمَنْ یَّکْفُرْ بِالطَّاغُوْتِ وَیُؤْمِنْ بِاللّٰہِ فَقَدِ اسْتَمْسَکَ بِالْعُرْوَۃِ الْوُثْقٰی﴾

’’جس نے طاغوت کاانکارکیا اور اﷲ پر ایمان لایا تو اس نے مضبوط کڑے کو تھام لیا۔‘‘

[1] اللہ تعالیٰ کے علاوہ جن کی پوجا کی جاتی ہو،(اور وہ اس پوجا پر راضی ہوں)وہ طاغوت ہیں ؛ ان سب کا انکار کرنا، اور ان سے بغض ونفرت رکھناواجب ہے۔ اللہ تعالیٰ نے ایک انسان کے سینے میں دو دل کبھی نہیں پیدا کیے؛ ایسا نہیں ہو سکتا کہ غیر اللہ کی بھی عبادت کی جائے اور اللہ تعالیٰ کی بھی۔ غیر اللہ کی عبادت کے ساتھ جتنی بھی اللہ تعالیٰ کی عبادت ہوگی وہ سب کی سب ضائع اور بے فائدہ ہے۔اس شرک کی وجہ سے اللہ تعالیٰ ان تمام اعمال کو اکارت کردیں گے، فرمان ِ الٰہی ہے:﴿ذَلِکَ ہُدَی اللّٰهِ یَہْدِیْ بِہٖ مَن یَّشَاء ُ مِنْ عِبَادِہٖ وَلَوْ أَشْرَکُواْ لَحَبِطَ عَنْہُمْ مَّا کَانُوْا یَعْمَلُوْنَ﴾(الانعام:۸۸) ’’ یہ اللہ تعالیٰ کی ہدایت ہے اس پر اپنے بندوں میں سے جسے چاہے اس پر چلاتا ہے اور اگر وہ لوگ شرک کرتے تو جو عمل وہ کرتے تھے سب ضائع ہو جاتے۔‘‘ صحیح مسلم میں روایت ہے کہ نبی صلی اللہ علیہ وسلم نے فرمایا:((مَنْ قَالَ لَا اِلٰہَ اِلَّا اللّٰہُ وَکَفَرَ بِمَا یَعْبُدُ مِنْ دُوْنِ اللّٰہِ حَرَّمَ مَالُہٗ وَ دَمُہٗ وَ حِسَابُہٗ عَلَی اللّٰہِ عَزَّوَجَلَّ۔)) ’’جو شخص یہ کہے کہ لَا اِلٰہَ اِلَّا اللّٰہُ یعنی اﷲ کے سوا کوئی معبودبرحق نہیں اور اللہ تعالیٰ کے علاوہ تمام معبودان باطلہ کا انکار کرے تو اس کا جان ومال سب حرام ہوگیا اور اس کا حساب اﷲ عزوجل کے سپرد ہے۔‘‘

REFERENCE:

KITAAB “TAWHEED MUYASSAR” / ASAAN TAWHEED

BY: “ABDULLAH BIN AHMAD AL HAWAIL”