Search
Sections
< All Topics
Print

01. Maa ka kirdaar.

*MAA KA KIRDAR*

Jismani tarbiyat kay sath zaroori hai keh bachon ki deeni, islami aur akhlaqi tarbiyat ki Jaaye, is silsalay mein maa ka kirdar baap se ziyadah ehem hai kyunkay bachay ki sab se pehli tarbiyat gah maa ki aaghosh hai, bacha, maa kay aik aik qatrah sher kay sath is kay ikhlaq o adaat ko bhi apnay dil o dimagh mein utarta jaata hai.

Maa agar momna aur muslima aur paaband e shariyat hai to bachay se bhi yeh umeed ki jaa sakti hai keh woh aainda chal kar saahab e imaan aur paaband e shara hoga, agar badkismati se maa deen o imaan se khali aur azaad khiyaal aur facion ki dildadah hai to us se paida honay wali nasal bhi facion parast deen bezaar aur islaami tarbiyat se aari hogi.

Sahabiyaat (رضی اللہ عنہن) aur Allah Ta’alaa ki deegar naik bandiyon kay beshumar waqeaat hein keh unki husan-e-tarbiyat ki wajah se unki godon se aik aisi nasal paida hoi jinhon ne aadhi se ziyada dunia ko ilam o irfan, haqq o sadaqat, adalat o shuja’at aur ikhlas o lillahheet se bhar dia.

Dunia in mubarak o muqadas hastiyon ko, jigar goshaa e Rasool (ﷺ) Hassan o Hussein Bin Ali, aur Abbdulah Bin Umar, Abdullah Bin Abbas, aur Abbdulah Bin Zubair, Imaam Maalik Bin Aans, Tariq Bin Ziyaad, Ahmad Bin Hambal, Muhammad Bin Ismaeel Al Bukhari, Shaikh Abdul Qaadir Jelani aur Sultaan Salaah ul Deen Ayoobi wagera hum, Rizwan Ullah kay naamon se janti hai.

( ورحمة عليهم أجمعين)

Sahabiyaat (رضی اللہ عنہن) chotay chotay bachon ko tak roza rakhwati agar woh bhook se ronay lagtay to khilonon se un kay dil behlati (Bukhari) Hazrat Umar Bin Khitaab (رضی اللہ عنہ) kay zamanay mein aik aisa shakhs laaya jis ne Mah Ramzaan ul mubarak mein sharab noshi ki thi, Aap ne us par hadd jari ki aurat farmaaya:

“Tujh par afsos! Tu ne is muqadas o mubarak mahinay kay din mein sharab pi rakhi hai jab keh meray ghar ka aik aik bacha roza rakhay hue hai.

Maa kay liye zaroori hai keh bachay jis waqt bolna seekhen sab se pehlay Inhein apnay khaliq-o-Maalik “ALLAH” ka Mubarak-o-muqadas naam sikhayen phir unhein kalma toheed

لَا إِلٰهَ إِلَّا اللّٰهُ

Sikhayen, Hazrat Abdullah Bin Abbas (رضی اللہ عنہما) ki riwayat hai, keh Rasool Allah (ﷺ) ne irshad farmaaya:

 

إفتحوا علی صبيانكم أول كلمة بلا إله إلا الله،، (رواہ الحاكم)

 

“Tum apnay bachon ki zabaan sab se pehlay ‎ Se kehlwao”.

لَا إِلٰهَ إِلَّا اللّٰهُ

  1. Bacha jab thora sa samajhnay lagay to us ki samajh kay mutabiq usay halaal aur haraam ki taleem dein, Hazrat Abdullah Bin Abbas (رضی اللہ عنہما) farmatay hein:

 

“إِعْمَلُوْا بِطَاعَۃِ اللّٰہِ وَاتَّقُوْا مَعَاصِیَ اللّٰہِ وَمُرُوْا أَوْلَادَکُمْ بِإِمْتِثَالِ الْأَوَامِرِوَإِجْتِنَابِ النَّوَاہِی فَذٰلِکَ وِقَایَۃً لَّہُمْ وَلَکُمْ مِنَ النَّارِ ” ( إبن جریر وإبن منذر )

“Allah ki ita’at karo aur Us ki na farmani se baaz raho, apni aulaad ko ahkamaat alhiya ko bajalanay aur Us ki mana ki hui cheezoon se door rehnay ki talqeen karo, isi mein un kay liye aur tumharay liye bhi dozakh ki aag se bachaao hai”.

 

REFERENCE:
Book: Aulaad ki islami Tarbiyat
Taaleef: “Muhammad Anwar Muhammad Qasim Al Salfi”
Aulad Ki Tarbiyat Mai Maa Ka kirdaar By Shk Tauseef Ur Rehman

ماں کا کردار

 

جسمانی تربیت کے ساتھ ضروری ہے کہ بچوں کی دینی، اسلامی اور اخلاقی تربیت کی جائے، اس سلسلے میں ماں کا کردار باپ سے زیادہ اہم ہے کیونکہ بچے کی سب سے پہلی تربیت گاہ ماں کی آغوش ہے، بچہ، ماں کے ایک ایک قطرۂ شِیر کے ساتھ اس کے اخلاق وعادات کو بھی اپنے دل ودماغ میں اتارتا جاتا ہے۔ ماں اگر مؤمنہ اور مسلمہ اور پابندِ شریعت ہے تو بچے سے بھی یہ امید کی جاسکتی ہے کہ وہ آئندہ چل کر صاحبِ ایمان اور پابندِ شرع ہوگا، اگر بد قسمتی سے ماں دین وایمان سے خالی اور آزاد خیال اور فیشن کی دلدادہ ہے تو اس سے پیدا ہونے والی نسل بھی فیشن پرست دین بیزار اور اسلامی تربیت سے عاری ہوگی۔

صحابیات رضی اﷲ عنہن اوراﷲ تعالیٰ کی دیگر نیک بندیوں کے بے شمار واقعات ہیں کہ انکی حُسنِ تربیت کی وجہ سے انکی گودوں سے ایک ایسی نسل پیدا ہوئی جنہوں نے آدھی سے زیادہ دنیا کو علم وعرفان، حق وصداقت، عدالت وشجاعت اور اخلاص وللّٰہیت سے بھر دیا۔ دنیا ان مبارک ومقدس ہستیوں کو،نواسۂ رسول1،جگر گوشۂ بتول حضرت حسن وحسین اور حضرات عبد اﷲ بن عمر، عبد اﷲ بن عباس، عبد اﷲ بن زبیر، امامِ مالک بن أنس، طارق بن زیاد، أحمد بن حنبل، محمد بن اسماعیل بخاری، شیخ عبد القادر جیلانی اور سلطان صلاح الدین أیوبی وغیرہم کے ناموں سے جانتی ہے۔ صحابیات رضی اﷲ عنہن چھوٹے چھوٹے بچوں کو تک روزہ رکھواتیں اگر وہ بھوک سے رونے لگتے تو کھلونوں سے ان کے دل بہلاتیں ( بخاری )

سیدنا عمر بن خطاب رضی اللہ عنہ کے زمانے میں ایک ایسا شخص لایا گیاجس نے ماہ رمضان المبارک میں شراب نوشی کی تھی، آپ نے اس پر حد جاری کی اور فرمایا :

” تجھ پر افسوس ! تو نے اس مقدس ومبارک مہینے کے دن میں شراب پی رکھی ہے جب کہ میرے گھر کا ایک ایک بچہ روزہ رکھے ہوئے ہے “۔

ماں کے لئے ضروری ہے کہ بچے جس وقت بولنا سیکھیں سب سے پہلے انہیں اپنے خالق ومالک“اللّٰہ “کا مبارک ومقدس نام سکھائیں، پھر انہیں کلمۂ توحید

“لاَ إِلٰہَ إِلاَّ اللّٰہُ مُحَمَّدُ رَّسُوْلُ اللّٰہِ “

ترجمہ کے ساتھ یاد کروائیں۔

 

۲۔ بچہ جب تھوڑا سا سمجھنے لگے تو اس کی سمجھ کے مطابق اسے حلال اور حرام کی تعلیم دیں، حضرت عبد اﷲ بن عباس رضی اﷲ عنہما فرماتے ہیں :

 

” إِعْمَلُوْا بِطَاعَۃِ اللّٰہِ وَاتَّقُوْا مَعَاصِیَ اللّٰہِ وَمُرُوْا أَوْلَادَکُمْ بِإِمْتِثَالِ الْأَوَامِرِوَإِجْتِنَابِ النَّوَاہِی فَذٰلِکَ وِقَایَۃً لَّہُمْ وَلَکُمْ مِنَ النَّارِ “ ( إبن جریر وإبن منذر )

 

ترجمہ:  اﷲ کی اطاعت کرو اور اس کی نافرمانی سے باز رہو، اپنی اولاد کو احکاماتِ الٰہیہ کو بجالانے اور اس کی منع کی ہوئی چیزوں سے دور رہنے کی تلقین کرو، اسی میں ان کیلئے اور تمہارے لئے بھی دوذخ کی آگ سے بچاؤ ہے۔

 

حواله جات : 

كتاب :  “اولاد كى اسلامى تربيت”
محمد انور محمدقاسم السّلفی

 

 

Table of Contents