07. Gaali galoch.
*GALI GALOOCH*
Bachon mein yeh buraii aam hai, bilkhushoos aisay muashray mein jo deen o tahazeeb se bichra hua hai is burai ko burai bhi nahi samjha jata, bachon mein yeh aadat do tarhan se dar aati hai : 1) walidain se. (2) burii sohbat ke zariye.
Agar walidain apni zabanon par qaboo nahi rakhtay aur woh apni aulaad ke samnay aik dosray se lartay jhagartay aur fahash aur nangi galion ka tabadlah kartay hain to phir aulaad par bhi is ka asar parna shuru ho jata hai aur woh samajtay hain keh shayad yeh alfaaz jo hamaray maa baap ki zabaan se hama waqt nikaltay rehtay hain buray nahi hain, phir woh bhi be jhijak inhen galion ki rehearsal shuru kar detay hain, shuru shuru mein jab bachay chhootey rehtay hain un ki masoom zabaan se yeh gaaliyan baaz walidain ko bari pyari pyari lagti hain aur woh inhen sun sun kar bary khush hotay hain lekin yahi bachay jab barray ho kar apne walidain ko gaali bikna shuru kartay hain, tab walidain ko ehsas hota hai ke un ki ghalat tarbiyat ne apna rang dikha diya hai.
2 ) Burii Sohbat = buray larkay amuman baazaaron clubon, galiyo, nukron aur shaahrahon ki pedawar hotay hain, jab bacha apna ziyada waqt un jaghon par sirf karnay lagta hai to phir un se woh un gandi galion aur fahash kalmaat ko seekhta hai aur woh unhi ke naqsh qadam Par chaltay hue buray ikhlaq aur burii tarbiyat par parwan charhnay lagta hai, walidain ke liye zaroori hai keh woh apne bachon ko un maqamat se hata ul makaan bachanay ki koshish karen, aur bachon ko baat karnay ka tareeqa, adab o tahazeeb ka saleeqa seekhaye, aur inhen buzurgon, walidain aur apnay se chotoon ko mukhatib karnay ke alfaaz seekhaye, kyunkay bachon ko ilm o adab, husan kalaam aur tahazeeb o shaistagi sikahnay se baaz auqaat bachay woh karnamay anjaam detay hain jinhein anjaam dainay ki barron mein himmat nahi hoti, tareekh mein is tarhan ke kayi waqeat mazkoor hain, jin mein se aik waqea yeh bhi hai:
Hisham Bin AbdullMilk ke zamanay mein mukhtalif ilaqon mein sakht qeht para, khalifah waqt se madad mangnay ke liye aik qabeela Daar ul Khilafa Dimashq aaya, jab khalifa se baat karnay ka waqt aaya to khalifa ke roab daab aur Jah o jalal ke agay kisi mein baat karnay ki to kya, is ka saamna karnay ki bhi himmat nahi hui.
Unhon ne Hisham ko dekhtay hi raah e faraar ikhtiyar ki.
Yeh soorat e haal dekh kar
”Dar Vas Bin Habib, Nami aik bacha jis ki Umar chodan saal ki thi, agay barha aur khalifa se baat karnay ki jurrat ki.
Hisham Bin AbdullMulk ne yeh dekh kar keh aik bacha mujh se baat karnay ki koshish mein hai to apnay darbaan se kaha:
“Ab to mujh se baat karnay ke liye bachay bhi anay lagey” yeh sun kar Vardas ne kaha:
“Ameer ul -Momineen! mujh se baat karnay mein aap ke liye to koi aar nahi Albata aap se guftagu karnay se mujhe sharf haasil ho jaye ga”.
Yeh sun kar Hisham ne kaha:
“Kaho tum kya kehna chahtay ho”?
Us bachay ne kaha:
یا امیر المؤمنين ! أصابتنا ثلاث سنين : فسنة أذابت الشحم وسنة أكلت اللحم ، وسنةnنقت العظم : ، وفى أيديكم فضول أموال إن كانت الله ففرقوها على الله المستحقين لها ، وإن كانت العباد ا الله ، فعلام تحبسونها عنهم ؟ وإن كانت لكم فتصدقوا بها عليهم ، فإنّ الله يجزى المتصدقين ولا يضيع أجر المحسنين ،، ۔ ( تربية الأولاد في الإسلام : 306)
Ameer-ul-Momineen! hum qeht sali ka shikar hein, pehlay saal ne hamari charbi pighla di, doosary saal ne hamara goshat kaha lia, aur teesray saal ke qeht ne hmarai hadiyon ke goday ko bhi khatam kar dala.
Aap ke paas zayd maal para hua hai, agar yeh Allah Ta’alaa ka hai to usay Us ke mustahiq bandon par nisar kar den, agar Us ke bandon ka hai to phir un se aap ne kyun rokay rakha hai? agar aap ka hai to us se in sitam zadon par sadqa kar den, is liye keh Allah Ta’alaa sadqa karnay walon ko sawab ataa farmata hai aur Woh ahsaan karnay walon ki nakion ko kabhi zaya nahi karta.
Yeh sun kar Hasham Bin AbdulMulk zer lab barbaraya keh is larkay ne meray liye bachnay ki koi raah nahi chori, phir khzanchi ko hukam dia keh aik laakh darham is afat zadah qabeelay ko diye jayen aur aik laakh darham akailay Virdas ko, Virdas ne yeh sun kar kaha:
“Ameer-ul-Momineen! meray is inaam ko bhi meray qabeelay ki raqam mein shamil kar dia jaye, is liye keh mujhe khadsha hai keh Ameer-ul-Momineen ki di hoi yeh raqam un ko kafi nahi hogi” Hasham ne kaha “agar tumari apni koi zarorat ho to bayaan karo” Virdas ne kaha:
“Main apnay hi qabeely ka aik fard hun, un ki hajat hi meri bhi hajat hai, un se hatt kar meri apni koi zarorat nahi”.
Walidain ke liye zaroori hai keh woh bachpan se hi apni aulaad ke dilon mein sab washtam aur gaali galoch se nafrat paida karen aur inhen Rasool Allah (ﷺ) ke woh farmodat yaad karayen jo is burai ki khidmat mein hain:.
1……. ” سباب المسلم فسوق وقتاله كفر ( متفق عليه )
Tarjumah:
“Musalman ko gaali dena bad amli hai aur is se larai aur jung karna kufar hai”.
2….. إن من أكبر الكبائر أن يلعن الرجل والديه ، قيل يا رسول الله ! كيف يلعن الرجل والديه ؟ قال : يسبّ الرجل أبا الرجل فيسب أباه ، ويسب أمه فيسب أمه ،، ( رواه البخارى وأحمد)
Tarjuma:
“Barray gunaaho mein se aik bara gunah yeh bhi hai keh koi shakhs apnay baap ko bura bhala kahay”
Aap (ﷺ) se poocha gaya:
Ae Allah ke Rasool (ﷺ) koi apnay baap ko kaisay bura bhala kahay ga”?
Aap (ﷺ) ne farmaaya:
” Woh doosray ke baap ko gaali deta hai to is ke jawab mein doosra shakhs bhi is ke baap ko gaali day ga woh kisi ki maa ko gaali day ga to woh bhi is ki maa ko gaali day ga”.
3….. إنّ العبد ليتكلم بالكلمة من سخط الله لا يلقى لها بالا يهوى بها في جهنم ،، (البخاری)
Tarjuma:
“Koi bandah apni zabaan se Allah ko naraaz karnay wala aik lafz aisa keh deta hai, jis ki usay koi parwah nahi hoti lekin is ki wajah se woh jahannum mein gira dia jata hai”.
4… وهل يكبّ الناس في النار على وجوههم إلا حصائد ألسنتهم ، ( أبوداؤد ، ترمذی ، ابن ماجه ، نسائى ، أحمد )
Log undhay munh jahannum mein Apni zabanon ki wajah se hi giraye jatay hain.
-
.. … لیس المؤمن بالطعان ولا اللعان ولا الفاحش ولا البذى” ( ترمزی )
Tarjuma:
“Momin taanay baz, laanat bhejnay wala, fahash go aur be hooda nahi hota”.
REFERENCE:
Book: Aulaad ki islami Tarbiyat
Taaleef: “Muhammad Anwar Muhammad Qasim Al Salfi”
گالی گلوچ
بچوں میں یہ بُرائی عام ہے، بالخصوص ایسے معاشرے میں جو دین وتہذیب سے بچھڑا ہوا ہو اس برائی کو برائی بھی نہیں سمجھا جاتا، بچوں میں یہ عادت دو طرح سے در آتی ہے :
1) والدین سے۔
2) بُری صحبت کے ذریعے۔
1) اگر والدین اپنی زبانوں پر قابو نہیں رکھتے اور وہ اپنی اولاد کے سامنے ایک دوسرے سے لڑتے جھگڑتے اور فحش اور ننگی گالیوں کا تبادلہ کرتے ہیں تو اولاد پر بھی اسکا اثر پڑنا شروع ہوجاتا ہے اور وہ سمجھتے ہیں کہ شاید یہ الفاظ جو ہمیشہ ماں باپ کی زبان سے نکلتے رہتے ہیں بُرے نہیں ہیں، پھر وہ بھی بے جھجک انہیں گالیوں کی ریہر سل شروع کردیتے ہیں، شروع میں جب بچے چھوٹے رہتے ہیں انکی معصوم زبان سے یہ گالیاں بعض والدین کو بڑی پیاری پیاری لگتی ہیں اور وہ انہیں سن سن کر لٹو ہوجاتے ہیں، لیکن یہی بچے جب بڑے ہوکر اپنے والدین کو گالی بکنا شروع کرتے ہیں، تب انہیں احساس ہوتا ہے کہ انکی غلط تربیت نے اپنا رنگ دکھا دیا ہے
2) بُری صحبت : بُرے لڑکے عمومًا بازاروں،کلبوں،گلیوں، نکّڑوں اور شاہراہوں کی پیداوار ہوتے ہیں، جب بچہ اپنا زیادہ وقت ان جگہوں پر صرف کرنے لگتا ہے تو پھر ان سے وہ ان گندی گالیوں اور فحش کلمات کو سیکھتا ہے اور وہ انہی کے نقشِ قدم پر چلتے ہوئے بُرے اخلاق اور بُری تربیت پر پروان چڑھنے لگتا ہے، والدین کے لئے ضروری ہے کہ وہ اپنے بچوں کو ان مقامات سے حتی الإمکان بچانے کی کوشش کریں، اور بچوں کو بات کرنے کا طریقہ، ادب وتہذیب کا سلیقہ سکھائیں، اور انہیں بزرگوں، والدین اور اپنے سے چھوٹوں کو مخاطب کرنے کے الفاظ سکھائیں،کیونکہ بچوں کو علم وادب، حُسنِ کلام اور تہذیب وشائستگی سکھانے سے بعض اوقات بچے وہ کارنامے انجام دیتے ہیں جنہیں انجام دینے کی بڑوں میں ہمت نہیں ہوتی، تاریخ میں اس طرح کے کئی واقعات مذکور ہیں، جن میں سے ایک واقعہ یہ بھی ہے :
تہذیب وشائستگی کا ایک نمونہ
ہشام بن عبد الملک کے زمانے میں مختلف علاقوں میں سخت قحط پڑا، خلیفۂ وقت سے مدد مانگنے کے لئے ایک قبیلہ دار الخلافہ دمشق آیا، جب خلیفہ سے بات کرنے کا وقت آیا توشاہی رعب داب اور جاہ وجلال کے آگے کسی میں بات کرنے کی تو کجا، اس کا سامنا کرنے کی بھی ہمّت نہیں ہوئی۔ انہوں نے ہشام کو دیکھتے ہی راہِ فرار اختیار کی۔ یہ صورتِ حال دیکھ کر” درواس بن حبیب ” نامی ایک بچہ،جس کی عمر چودہ سال کی تھی، آگے بڑھا اور خلیفہ سے بات کرنے کی جراء ت کی۔ ہشام بن عبد الملک نے یہ دیکھ کر کہ ایک بچہ مجھ سے بات کرنے کی کوشش میں ہے تو اپنے دربان سے کہا :” اب تو مجھ سے بات کرنے کے لئے بچے بھی آنے لگے” یہ سن کر ورداس نے کہا :”امیر المومنین ! مجھ سے بات کرنے میں آپ کے لئے تو کوئی عار نہیں البتّہ آپ سے گفتکو کرنے سے مجھے شرف حاصل ہوجائے گا “۔ یہ سن کر ہشام نے کہا : کہو تم کیا کہنا چاہتے ہو ؟ اس بچے نے کہا :
” یَا أَمِیْرَ الْمُؤْمِنِیْنَ ! أَصَابَتْنَا ثَلَاثُ سِنِیْنَ : فَسَنَۃٌ أَذَابَتِ الشَّحْمَ وَسَنَۃٌ أَکَلَتِ اللَّحْمَ، وَسَنَۃٌ نَقَّتِ الْعَظْمَ، وَفِیْ أَیْدِیْکُمْ فُضُوْلُ أَمْوَالٍ إِنْ کَانَتْ ِاللّٰه فَفَرِّقُوْہَا عَلٰی عِبَادِ اللّٰہِ الْمُسْتَحَقِّیْنَ لَہَا، وَإِنْ کَانَتْ لِعِبَادَ اللّٰہِ فَعَلَامَ تَحْبِسُوْنَہَا عَنْہُمْ ؟ وَإِنْ کَانَتْ لَکُمْ فَتَصَدَّقُوْا بِہَا عَلَیْہِمْ، فَإِنَّ اللّٰہَ یَجْزِی الْمُتَصَدِّقِیْنَ، وَلَا یُضِیْعُ أَجْرَ الْمُحْسِنِیْنَ “۔( تربیۃ الأولاد فی الإسلام : 306)
ترجمہ : امیر المومنین ! ہم تین سال سے قحط سالی کے شکار ہیں۔ پہلے سال نے ہماری چربی پگھلادی، دوسرے سال نے ہمارا گوشت کھا لیا، اور تیسرے سال کے قحط نے ہماری ہڈیوں کے گودے کو بھی ختم کرڈالا۔آپ کے پاس زائد مال پڑا ہوا ہے، اگر یہ اﷲ تعالیٰ کا ہے تو اسے اس کے مستحق بندوں میں بانٹ دیں، اگر اس کے بندوں
کا ہے تو پھر ان سے آپ نے کیوں روکے رکھا ہے ؟ اگر آپ کا ہے تو اس سے ان ستم زدوں پر صدقہ کردیں، اس لئے کہ اﷲ تعالیٰ صدقہ کرنے والوں کو ثواب عطا کرتا ہے اور وہ احسان کرنے والوں کی نیکیوں کو کبھی ضائع نہیں کرتا۔
یہ سن کر ہشام بن عبد الملک زیرِ لب بڑبڑایا کہ اس لڑکے نے میرے لئے بچنے کی کوئی راہ ہی نہیں چھوڑی، پھر خزانچی کو حکم دیا کہ ایک لاکھ درہم اس آفت زدہ قبیلے کو دئے جائیں اور ایک لاکھ درہم اکیلے ورداس کو۔ ورداس نے یہ سن کر کہا :
” امیر المومنین ! میرے اس انعام کو بھی میرے قبیلے کی رقم میں شامل کردیا جائے، اس لئے کہ مجھے خدشہ ہے کہ امیر المومنین کی دی ہوئی یہ رقم ان کو کافی نہیں ہوگی” ہشام نے کہا :” اگر تمہاری اپنی کوئی ضرورت ہو تو بیان کرو ” ورداس نے کہا :” میں اپنے ہی قبیلے کا ایک فرد ہوں،ان کی حاجت ہی میری بھی حاجت ہے، ان سے ہٹ کر میری اپنی کوئی ضرورت نہیں”۔
والدین کے لئے ضروری ہے کہ وہ بچپن سے ہی اپنی اولاد کے دلوں میں سبّ وشتم اور گالی گلوج سے نفرت پیدا کریں اور انہیں رسول اﷲ صلی اللہ علیہ وسلم کے وہ فرمودات یاد کرائیں جو اس برائی کی مذمّت میں ہیں :
1۔ ” سِبَابُ الْمُسْلِمِ فُسُوْقٌ وَقِتَالُہُ کُفْرٌ “( بخاری:6044 مسلم:64 )
تر جمہ : مسلمان کو گالی دینا بے دینی ہے اور اس سے لڑائی اور جنگ کرنا کُفر ہے۔
2۔” إِنَّ مِنْ أَکْبَرِ الْکَبَائِرِ أَن یَّلْعَنَ الرَّجُلُ وَالِدَیْہِ، قِیْلَ یَا رَسُوْلُ اللّٰہِ !وَکَیْفَ یَلْعَنُ الرَّجُلُ وَالِدَیْہِ ؟ قَالَ : یَسُبُّ الرَّجُلُ أَبَا الرَّجُلِ فَیَسُبُّ أَبَاہُ، وَیَسُبُّ أُمَّہُ فَیَسُبُّ أُمَّہُ “
تر جمہ : بڑے گناہوں میں سے ایک بڑا گناہ یہ بھی ہے کہ کوئی شخص اپنے باپ کو بُرا بھلا کہے، آپ صلی اللہ علیہ وسلم سے پوچھا گیا : اے اﷲ کے رسول صلی اللہ علیہ وسلم کوئی اپنے باپ کو کیسے بُرا بھلا کہے گا ؟ آپ صلی اللہ علیہ وسلم نے فرمایا :” وہ دوسرے کے باپ کو گالی دیتا ہے تو اس کے جواب میں دوسرا شخص بھی اس کے باپ کو گالی دے گا، وہ کسی کی ماں کو گا لی دے گا تو وہ بھی اس کی ماں کو گالی دے گا”۔
( بخاری:5973 مسلم:90 )
3۔” إِنَّ الْعَبْدَ لَیَتَکَلَّمُ بِالْکَلِمَۃِ مِنْ سَخْطِ اللّٰہِ لَا یُلْقِیْ لَہَا بَالًا یَہْوِیْ بِہَا فِیْ جَہَنَّمَ “(بخاری6478:)
تر جمہ : کوئی بندہ اپنی زبان سے اﷲ کو ناراض کرنے والا ایک لفظ ایسا کہہ دیتا ہے، جس کی اسے کوئی پرواہ نہیں ہوتی، لیکن اس کی وجہ سے وہ جہنم میں گرادیا جاتا ہے۔
4۔” وَھَلْ یَکُبُّ النَّاسَ فِی النَّارِ عَلٰی وُجُوْہِہِمْ إِلاَّ حَصَائِدُ أَلْسِنَتِہِمْ “ ( ترمذی 2619:)
ترجمہ : لوگ اوندھے منہ جہنم میں اپنی زبانوں کی کمائی کی وجہ سے ہی گرائے جاتے ہیں۔
5۔” لَیْسَ الْمُؤْمِنُ بِالطَّعَّانِ وَلاَ اللَّعَّانِ وَلَا الْفَاحِشِ وَلَا الْبَذِیِّ “ ( ترمذی )
تر جمہ : مومن طعنے باز، لعنت بھیجنے والا، فحش گو اور بے ہودہ نہیں ہوتا.
حواله جات :
كتاب : “اولاد كى اسلامى تربيت”
محمد انور محمدقاسم السّلفی