09. Kuffar Ki mushabihat se parhez.
*YADOOD-O-NASAARI AUR KUFfAAR KI MUSHABAHAT SE PARHAIZ*
Mojooda daur mein aik aam si waba jo chal pari hai woh yeh keh bilaa soochey samajhay har nayi cheez ki taqleed ki jaye aur “کل جدید لذيذ” “har nayi cheez lazeez hoti hai” ke maqolay par sad fi sad amal aawri hai, is ikeeswen sadi mein har jawan aur boorha, bachi aur bacha, mard-o-zan sab isi ke shikaar nazar atay hain, is ka nateeja yeh nikla keh deen aur zameer ko faramosh kar diya gaya, achay ikhlaq, aur islami riwayaat ko daqiyanoosiyat samajh kar pas pusht daal diya gaya, chand lamhaat ki lazzat, zaleel karnay wali shehwat, aur haraam khwahisaat par hamari nojawan nasal sir ke bil daur pari, kitney aisay hain jo haya bakhta raqs-o-suroor ko taraqqi ki alamat samajh rahay hain, kitney aisay hain jo mard-o-zan ke ikhtilaat ko duniya ke har maidan mein agay barhnay ka wahid zareya qarar day rahay hain, aur kitney be chaaray aisay hain keh aala karkardagi, buland himmati, mehnat o kawish ke saaray maidanon ko chor kar sirf maghribi tahazeeb o tamaddun ki andhi taqleed ko hi mairaaj kamaal jaan rahay hain, is tarhan ke logon se hum kahein gay keh har chamaknay wali cheez sona nahi hoti:
“Kar bulbul-o-taaIs gandi tahazeeb ko jin nojawan larkay aur larkiyon ne apnaya, unhon ne apni mardangi aur niswaniat se haath dho lia, larkoon ne apni chaal mein lachak paida ki aur guftaar mein sheereeni, libaas mein chhichhoray pan ko taari kar liya, baal barha liye, aur larkiyon ki tarhan naz nahkray dikhaanay mein hi apna kamaal jan-nay lagey, idhar sanaf-e-naazuk ne apni nazakat chor di aur woh chust jaamon, be baak nigahon ke sath mardon ke kandhay se kandha milatay hue, zindagi ke har maidan mein rawan dawaan hogayi, haya o sharam ko tij dala, aur Iffat o asmat ki taar o pod bakhair diye, aur is be hayai aur avargi par utar aayi keh mard ko is sanaf se hi ghinn anay lagi, Urap aur America jahan yeh waba aam hai mard bajaye aurton ke mardon, ya sarahna zankhon se shadian karnay lagey aur aurtain aurton se, baaz America aur Urap ke mumalik mein is ke liye khusoosi qanoon banaye gaye, jahan un ko qanoonan miyan biwi tasleem kya gaya, is zaleel tareen qanoon se insaaniyat ki zillat aur ruswai mein ab konsi kasar baqi reh gayi hai? aayli nizaam is qader darham barham ho kar reh gaya hai keh nah baap beti ke rishta ka taqaddus baqi reh gaya hai, nah behan bhai ke mohtaram rishtay ka, insaaniyat ke haq mein is se bhi ziyada sharamnaak aur khabar kya ho sakti hai keh America aur Urap mein 70% sy zayed larkiyan khud apnay hi bapoun, bhaiyon aur deegar qareebi rishta daaron ki hawas ka shikaar ho jati hain, aur hum hain keh un mumalik ke naqsh qadam ki pairwi mein hi duniya ki saari kamiyabiyan talash kar rahay hain.
Jab keh hamaray Aaqa Janaab Muhammad RasoolAllah (ﷺ) ne apni ummat ko yahood, nasaari, majoos, aur kufaar ki mushabahat se mana farmaaya hai, balkay mukhalfat ka hukam dia hai, Aap ne farmaaya:
-
.. . خالفوا المشركین, حفوا الشارب وأعفوا اللحى, , ( متفق علیہ )
“Mushriqeen ki mukhalfat karo, moonchh pust karo aur daarhi barhao”.
-
..” جزوا الشارب وأرخوا اللحى, وخالفوا المجوس,, ( رواه مسلم)
“Monchon ko kato, daarhi latkao aur majoos ki mukhalfat karo”.
-
.. … لیس منا من تشبه بغیرنا, لا تشبهوا بالیهود ولا بالنصارى,, ( ترمزی )
Woh shakhs hum musalmanoon mein se nahi jo ghairon ki mushabihat ikhtiyar karta hai, tum yahood aur nasara ki mushabihat se bachcho.
-
.. .. . من تشبه بقوم فهو منهم,, ( أبو داؤد)
Jo kisi qoum ki mushabihat ikhtiyar karta hai woh inhen mein shumaar hoga.
balkay Aap (ﷺ) ne usay qayamat ki aik alamat qarar diya keh Ummat Musalmah un gumraah yahood-o-nasari ki taqleed karay gi:
5…… لتتبعن سنن من کان قبلكم حذو النعل بالنعل وحذو القذة بالقذة, قالوا الیهود والنصارى یا رسول اللہ؟ قال : فمن فمن ?,, ( بخاری ومسلم )
Tarjumah:
“Tum zaroor apnay se pehli umton ke naqsh qadam par is mushabihat se chalo gay jis tarhan keh aik joota doosray jootay aur aik kaan doosray kaan ke mushaba hota hai” Sahabah Karaam ne kaha:
“kya yahood o Nasara ke naqsh qadam par” Aap (ﷺ) ne farmayaa:
“Agar woh nahi to phir kon”? Allah Ta’alaa ne Ummat islamia ko khair Ummat qarar diya, woh saari duniya ke aqwam par apna assar daal sakti hai, lekin assar qubool nahi kar sakti, aur isi ka Allah Ta’alaa ne hamein hukam diya hai”.
Farmaan Elahi hai:
كُنۡتُمۡ خَيۡرَ اُمَّةٍ اُخۡرِجَتۡ لِلنَّاسِ تَاۡمُرُوۡنَ بِالۡمَعۡرُوۡفِ وَتَنۡهَوۡنَ عَنِ الۡمُنۡكَرِ وَتُؤۡمِنُوۡنَ بِاللّٰهِؕ (آل عمران: 110)
Tarjuma:
“Tum behtareen ummat ho, tumhein insanon ke liye barpaa kya gaya hai, tum logon ko nakiyon ka hukum detay ho aur buraiyon se roktay ho”.
Hazrat Umar Bin Khattaab (رضی اللہ عنہ) ke zamanay mein jung qadsiah ke moqa par irani commander Rustam, ne Hazrat Rabi Bin Aamir (رضی اللہ عنہ) se poocha:
“ماجاء بكم ?”
“Tumhein konsi cheez yahan lay aayi hai”? Hazrat Rabi Bin Aamir (رضی اللہ عنہ) ne jawab diya:
“الله إبتعثنا لنخرج العباد من عبادة العباد إلى عبادة الله ومن ضيق الدنيا إلى سعتها ومن جور الأديان إلى عدل الإسلام ،، ( البداية والنہایۃ لابن کثیر : ج 3)
Tarjumah:
“Allah Ta’alaa ne hamein is liye bheja hai keh hum Is ke bandon ko bandon ki bandagi se Allah ki ibadat ki taraf lay aayein, aur duniya ki tangi se inhen Is ki wasat aur kushadgi ataa karen aur Adyan ke zulm-o-sitam se bacha kar inhen islam ke insaaf ki taraf rahnumai karein”.
Allah Ta’alaa ne musalmanoon ko kufar o mushriqeen ke muqablay mein hamesha haalat jung mein rehnay ka hukam diya. Farmaan ellahi hai:
﴿ وَاعِدُّوا لَهُمُ مَا اسْتَطَعْتُمُ مِنْ قُوَّةٍ وَمِنْ ربَاطِ الْحَيْلِ تُرْهِبُونَ بِهِ عَدُوٌّ اللَّهِ وَعَدُوَّكُمْ وَآخَرِينَ مِنْ دُونِهِمْ لَا تَعْلَمُونَهُمُ اللَّهُ يَعْلمُهُمْ ﴾ ( الأنفال : 60)
Tarjumah:
“Tum log jahan tak tumhara bas chalay, ziyada se ziyada taaqat aur tayyar bandhay rehnay walay ghoray un ke muqablay ke liye muhaya rakho, taakeh is ke zariye tum Allah aur apnay dushmanon ko, aur un Dushmanon ko jinhein tum nahi jantay balkay Allah jaanta hai khauf zada karo”.
Yeh sirf qowat o difaa ke muqablay ki hi baat nahi balkay Ummat islamia par zaroori hai keh woh har mahaaz par chahay woh muashi ho ya iqtisadi, saqafati aur tehzibi, deeni ho ya dunewi, baatil aqwam se muqaabla karay aur is cho makhi jung mein inhen har mahaaz par paspaa karnay ki koshish karay.
Albata woh uloom jin se Science, Tecnalojy, Doctori, uloom o fanon Harb aur is ke wasail ghair muslim aqwam se sekhay ja satkay hain, kyunkay yeh bhi Allah Ta’alaa ke is farmaan:
وَاعِدُّوا لَهُمْ مَا اسْتَطَعْتُم مِنْ قُوَّة
Mein daakhil hain, balkay RasoolAllah (ﷺ) ne bhi is ka hukam diya hai:
” الحكمة ضالة المؤمن فإذا وجدها فهو أحق بها ، ( ترمذی )
Tarjumah:
“Hikmat ki baat momin ka gum shuda khazana hai, jahan bhi usay paye ga woh is ka ziyada haq daar hoga”.
Is liye zaroori hai keh
” خذ ما صفا ودع ما کدر”
Ke usool ke tehat har achi cheez se faida uthaya jaye aur har buri cheez se daman bachaya jaye.
REFERENCE:
Book: Aulaad ki islami Tarbiyat
Taaleef: “Muhammad Anwar Muhammad Qasim Al Salfi”
کفّار کی مشابہت سے پرہیز
موجودہ دور میں ایک عام سی وبا جو چل پڑی ہے وہ یہ کہ بلا سوچے سمجھے ہر نئی چیز کی تقلید کی جائے اور”کُلُّ جَدِیْدٍ لَذِیْذٌ ” ”ہر نئی چیز لذیذ ہوتی ہے”کے مقولے پر
صد فی صد عمل آوری ہے، اس اکیسویں صدی میں ہر جوان اور بوڑھا، بچی اور بچہ، مرد وزن سب اسی کے شکار نظر آتے ہیں، اس کا نتیجہ یہ نکلا کہ دین اور ضمیر کو فراموش کردیا گیا، اچھے اخلاق،اوراسلامی روایات کو دقیانوسیت سمجھ کر پسِ پشت ڈال دیا گیا، چند لمحات کی لذّت، ذلیل کرنے والی شہوت، اور حرام خواہشات پر ہماری نوجوان نسل سر کے بل دوڑ پڑی، کتنے ایسے ہیں جو حیا باختہ رقص و سُرود کو ترقی کی علامت سمجھ رہے ہیں، کتنے ایسے ہیں جو مرد وزن کے اختلاط کو دنیا کے ہر میدان میں آگے بڑھنے کا واحد ذریعہ قرار دے رہے ہیں، اور کتنے بے چارے ایسے ہیں کہ اعلی کارکردگی، بلند ہمّتی، محنت وکاوش کے سارے میدانوں کو چھوڑ کر صرف مغربی تہذیب وتمدن کی اندھی تقلید کو ہی معراجِ کمال جان رہے ہیں، اس طرح کے لوگوں سے ہم کہیں گے کہ ہر چمکنے والی چیز سونا نہیں ہوتی :
کر بلبل وطاؤس کی تقلید سے توبہ
بلبل فقط آواز ہے طاؤس فقط رنگ
اس گندی تہذیب کو جن نوجوان لڑکے اور لڑکیوں نے اپنایا، وہ اپنی مردانگی اور نسوانیت سے ہاتھ دھوبیٹھے، لڑکوں نے اپنی چال میں لچک پیدا کی اور گفتار میں شیرینی، لباس میں چھچھورے پن کو طاری کرلیا، بال بڑھا لئے، اور لڑکیوں کی طرح ناز نخرے دکھانے میں ہی اپنا کمال جاننے لگے، ادھر صنف نازک نے اپنی نزاکت چھوڑ دی اور وہ چست جاموں،بے باک نگاہوں کے ساتھ مردوں کے کندھے سے کندھا ملاتے ہوئے،زندگی کے ہر میدان میں رواں دواں ہوگئی، حیا وشرم کو تج ڈالا، اور عفّت وعصمت کی تار وپود بکھیر دئے، اور اس بے حیائی اور آوارگی پر اتر
آئی کہ مرد کو اس صنف سے ہی گھن آنے لگی، یورپ اور امریکہ جہاں یہ وبا عام ہے مرد بجائے عورتوں کے مردوں، یا صراحتاً زنخوں سے شادیاں کرنے لگے اور عورتیں عورتوں سے، بعض امریکہ اور یورپ کے ممالک میں اس کیلئے خصوصی قانون بنائے گئے، جہاں انکو قانوناً میاں بیوی تسلیم کیا گیا، اس ذلیل ترین قانون سے انسانیت کی ذلّت اور رسوائی میں اب کونسی کسر باقی رہ گئی ہے ؟ عائلی نظام اس قدر درہم برہم ہوکر رہ گیا ہے کہ نہ باپ بیٹی کے رشتہ کا تقدس باقی رہ گیا ہے، نہ بہن بھائی کے محترم رشتے کا، انسانیت کے حق میں اس سے بھی زیادہ شرمناک اور خبر کیا ہوسکتی ہے کہ امریکہ اور یورپ میں 70% سے زائد لڑکیاں خود اپنے ہی باپ، چچا،بھائی اور ان جیسے دیگر قریبی رشتہ داروں کی ہوس کا شکار ہوجاتی ہیں، اور ہم ہیں کہ ان ممالک کے نقشِ قدم کی پیروی میں ہی دنیا کی ساری کامیابیاں تلاش کررہے ہیں۔
جب کہ ہمارے آقا محمد رسول اﷲ صلی اللہ علیہ وسلم نے اپنی امّت کو یہود،نصاری، مجوس اور کفّار کی مشابہت سے منع فرمایا ہے، بلکہ مخالفت کا حکم دیا ہے، آپ صلی اللہ علیہ وسلم نے فرمایا :
1۔” خَالِفُوا الْمُشْرِکِیْنَ، وَفِّرُوْا اللُّحٰی وَ أَحْفُوْ الشَّوَارِبَ”
ترجمہ : مشرکین کی مخالفت کرو، مونچھ پست کرو اور داڑھی بڑھاؤ۔(بخاری:5892)
2۔ ”جُزُّوْا الشَّوَارِبَ وَأَرْخُوا اللُّحٰی خَالِفُوا الْمَجُوْس”(مسلم: 626)
ترجمہ : مونچھوں کو کاٹو، داڑھی بڑھاؤ اور مجوس کی مخالفت کرو۔
3۔”لَیْسَ مِنَّا مَنْ تَشَبَّہَ بِغَیْرِنَا، لَا تَشَبَّہُوْا بِالْیَہُوْدِ وَلَابِالنَّصَارٰی ”( ترمذی:2695 )
ترجمہ :وہ شخص ہم مسلمانوں میں سے نہیں جو غیروں کی مشابہت اختیار کرتا ہے، تم یہود اور نصاری کی مشابہت سے بچو۔
4۔” مَنْ تَشَبَّہَ بِقَوْمٍ فَہُوَ مِنْہُم”
ترجمہ : جو کسی قوم کی مشابہت اختیار کرتا ہے وہ انہیں میں شمار ہوگا۔
( أبوداؤد :4033)
بلکہ آپ صلی اللہ علیہ وسلم نے اسے قیامت کی ایک علامت قرار دیا کہ امتِ مسلمہ ان گمراہ یہود ونصاری کی تقلید کرے گی :
5۔“لَتَتَّبِعُنَّ سُنَنَ مَنْ کَانَ قَبْلَکُمْ شِبْرًا شِبْرًا وَ ذِرَاعًا بِذِرَاعٍ حَتّٰی لَوْ دَخَلُوْا جُحْرَ ضَبٍّ تَبِعْتُمُوْہُمْ،قَالُواالْیَہُوْدَوَالنَّصَارٰی یَا رَسُوْلَ اللّٰہِ؟قَالَ : فَمَنْ؟(بخاری 7320:)
تر جمہ : تم ضرور پہلی امتوں کی راہوںپر قدم بہ قدم اور ہاتھ در ہاتھ چلو گے،یہاں تک کہ اگر وہ کسی گوہ کے سوراخ میں بھی داخل ہوجائیں تو تم انہی کے پیچھے چلے جاؤ گے۔ صحابہ کرام رضی اللہ عنہم نے کہا : کیا یہود ونصاری کے نقشِ قدم پر ؟ آپ صلی اللہ علیہ وسلم نے فرمایا : اگر وہ نہیں تو پھر کون ؟
اﷲ تعالیٰ نے امت اسلامیہ کو خیر امت قرار دیا، وہ ساری دنیا کے اقوام پر اپنا اثر ڈال سکتی ہے، لیکن اثر قبول نہیں کرسکتی، اور اسی کا اﷲ تعالی نے ہمیں حکم دیا ہے۔
فرمانِ الٰہی ہے:
﴿ کُنْتُمْ خَیْرَ اُمَّۃٍ اُخْرِجَتْ لِلنَّاسِ تَاْمُرُوْنَ بِالْمَعْرُوْفِ وَتَنْہَوْنَ عَنِ الْمُنْکَرِ وَتُوْ مِنُوْنَ بِاللّٰہِ ﴾ ( آلِ عمران : 110 )
تر جمہ : تم بہترین امت ہو، تمہیں انسانوں کے لئے برپا کیا گیا ہے، تم لوگوں کو نیکیوں کا حکم دیتے ہو اور برائیوں سے روکتے ہو۔
عمر بن خطاب رضی اللہ عنہ کے زمانے میں جنگِ قادسیہ کے موقعہ پر ایرانی کمانڈر”رستم ” نے ربعی بن عامررضی اللہ عنہ سے پوچھا :“مَا جَائَ بِکُمْ ؟” تمہیں کونسی چیز یہاں لے آئی ہے ؟ربعی بن عامررضی اللہ عنہ نے جواب دیا :” اَللّٰہُ إِبْتَعَثَنَا لِنُخْرِجَ الْعِبَادَ مِنْ
عِبَادَۃِ الْعِبَادِ إِلٰی عِبَادَۃِ اللّٰہِ وَمِنْ ضِیْقِ الدُّنْیَا إِلٰی سَعَتِھَا وَمِنْ جَوْرِ الْأَدْیَانِ إِلٰی عَدْلِ الْإِسْلَامِ “( البدایۃ والنہایۃ لإبن کثیر : ج 3)
تر جمہ : اﷲ تعالیٰ نے ہمیں اسلئے بھیجا ہے کہ ہم اسکے بندوں کو بندوں کی بندگی سے اﷲ کی عبادت کی طرف لائیںاور دنیا کی تنگی سے انہیں اسکی وسعت و کشادگی عطا کریں اور ادیان کے ظلم وستم سے بچا کر انہیں اسلامی عدل و انصاف عطا کریں۔
اﷲ تعالیٰ نے مسلمانوں کو کفّار ومشرکین کے مقابلے میں ہمیشہ حالتِ جنگ میں رہنے کا حکم دیا۔ فرمان الہٰی ہے:
﴿وَاَعِدُّوْا لَہُمْ مَا اسْتَطَعْتُمْ مِنْ قُوَّۃٍ وَّمِنْ رِّبَاطِ الْخَیْلِ تُرْہِبُوْنَ بِہٖ عَدُوَّ اللّٰہِ وَعَدُوَّکُمْ وَاٰخَرِیْنَ مِنْ دُوْنِہِمْ لَا تَعْلَمُوْنَہُمْ ج اَللّٰہُ یَعْلَمُہُمْ﴾( الأنفال : 60)
تر جمہ : تم لوگ جہاں تک تمہارا بس چلے، زیادہ سے زیادہ طاقت اور تیار بندھے رہنے والے گھوڑے انکے مقابلے کیلئے مہیّا رکھو، تاکہ اس کے ذریعے تم اﷲ اور اپنے دشمنوں کو، اور ان دشمنوں کو جنہیں تم نہیں جانتے بلکہ اﷲ جانتا ہے خوف زدہ کرو۔
یہ صرف قوت و دفاع کے مقابلے کی ہی بات نہیں بلکہ امتِ اسلامیہ پر ضروری ہے کہ وہ ہر محاذ پر چاہے وہ معاشی ہو یا اقتصادی، سائنسی ہویا فوجی،ثقافتی اور تہذیبی، دینی ہو یا دنیوی، باطل اقوام سے ہر میدان میں سخت مقابلہ کرے اور اس چومکھی جنگ میں انہیں ہر محاذ پر پسپا کرنے کی کوشش کرے۔
البتہ وہ علوم جن سے سائنس، ٹیکنالوجی، طبّی، علوم وفنونِ حرب اور اس کے وسائل غیر مسلم اقوام سے سیکھے جاسکتے ہیں، کیونکہ یہ بھی اﷲ تعالیٰ کے اس فرمان :
﴿ وَاَعِدُّوْا لَہُمْ مَا اسْتَطَعْتُمْ مِنْ قُوَّۃ﴾
میں داخل ہیں، بلکہ رسول اﷲ صلی اللہ علیہ وسلم نے بھی اس کا حکم دیا ہے :” اَلْحِکْمَۃُ ضَالَّۃُ الْمُؤْمِنِ فَإِذَا وَجَدَہَا فَہُوَ أَحَقُّ بِہَا “ ( إبن ماجہ :4169 ) تر جمہ : حکمت کی بات مومن کا گم شدہ خزانہ ہے، جہاں بھی اسے پائے گاوہ اس کا زیادہ حق دار ہوگا۔ اس لئے ضروری ہے کہ“خُذْ مَا صَفَا وَدَعْ مَا کَدَرَ “کے اصول کے تحت ہر اچھی چیز سے فائدہ اٹھایا جائے اور ہر بری چیز سے دامن بچایا جائے۔
حواله جات :
كتاب : “اولاد كى اسلامى تربيت”
محمد انور محمدقاسم السّلفی