14. Ghairaat.
*GHAIRAT*
Ghairat aik musalman ka sarmaya hai, aik martaba kisi shakhs ne RasoolAllah (ﷺ) se masla poocha:
” Yaa RasoolAllah! agar koi shakhs apni biwi ke sath kisi ghair mard ko paye to woh kya karay?”
Aap (ﷺ) ne farmaaya:
”Is par chaar logon ko gawah rakhay” jab yeh baat Hazrat Saad Bin Abadah (رضی اللہ عنہ) ne suni to kaha:
“Ya RasoolAllah! kya aisi haalat mein woh gawah talaash karnay jaye ga?”
غير مصفح عنه ، فبلغ ذلك النبي الا الله فقال الله : “أتعجبون من غيرة سعد ، فوالله لأنا أغير منه ، والله أغير منى ، من أجل غيرة الله حرم الفاحش ما ظهر منها وما بطن ،
Tarjumah:
Agar main apni biwi ke sath kisi ghair mard ko paon to aik hi waar mein is ka sir qalam kardoon, jab yeh baat Aap (ﷺ) ko maloom hui to Aap (ﷺ) ne Sahaba Karaam se farmaaya:
”Kya tumhein Saad Bin ubadah ki ghairat par taajjub hai? jab keh Allah ki qasam main un se ziyada baa ghairat hon, aur Allah Ta’alaa mujh se ziyada baa ghairat hai, Allah ne apni isi ghairat ki wajah se har khuli chhupi burai aur be hayai ko haraam qarar diya”.
( صحیح مسلم : حدیث نمبر 1499)
Sahaba Karaam (رضوان الله عليهم) ki ghairat misali thi, unhon ne aik musalman aurat ki be hurmati par jang tak kya, nah sirf is be hurmati karnay walay ko, balkay is ki himayat par anay walay pooray qabeeley ko Ibrat naak sazayen di.
Chunancha RasoolAllah (ﷺ) ke zamanay mein 1 Arab aurat bani qeenaa ( jo yahodi thay ) ke bazaar mein kuch samaan lay kar aayi aur farokht kar ke ( kisi zaroorat ke liye ) aik sunaar ke paas, jo yahodi tha baith gayi, yahudion ne is ka chaihra khulwana chaha magar is ne inkaar kar diya.
Is par is sunaar ne chupkay se is ke kapray ka nichala kinara peechay bandh diya aur usay kuch khabar nah hui jab woh uthi to is se be parda ho gayi to yahudion ne qehqeha lagaya.
Is par is aurat ne cheekh o pukaar machai jisay sun kar aik musalman ne is sunaar par hamla kya aur usay maar dala.
Jawaban yahudion ne musalman par hamla kar ke usay maar dala.
Us ke baad maqtool muslaman ke ghar walon ne shor machaya aur yahood ke khilaaf Musalmanoon se faryaad ki nateeja yeh hua keh RasoolAllah (ﷺ) ne un ke Qilay ka muhasra kar liya, phir inhen Madinah se jala watan kar diya.
( الرحیق المختوم 327 )
Salf Saliheen ki ghairat o hamiyat ka yeh aalam tha keh jahan aurat ka chaihra logon ke samnay kholna sharan bhi jaaiz tha lekin un ki ghairat ne yeh gawara nahi kya keh un se mansoob kisi aurat ka chaihra ghair mardon ke rubaroo khoola jaye.
Aik waqea mulahiza ho:
Hazrat Moosa Bin Ishaq (رحم الله) teesri sadi hjri mein Ree, aur Ahwaz” ke mashhoor qaazi guzray hain.
Aik martaba aik aurat ne un ki adalat mein apnay Sabiq shohar ke khilaaf yeh daawa dair kya keh is ne is ke mehar ke paanch so dinar adaa nahi kiye hain shohar ne is se saaf inkaar kar diya keh is ke zimma is ka mehar baqi hai, is par is ne do gawah bhi paish kar diye, qaazi ne aik gawah bulaya aur kaha:
”Tum uth kar is aurat ka chaihra dekho, taakay tumhein gawahi dainay mein tamil nah ho, woh uth kar jab is aurat ke paas janay laga to is ke shohar ne poocha:
”Tumhein is se kya gharz hai?” usay qaazi ka hukam sunaya gaya keh jo ho raha hai woh qaazi ke hukam se ho raha hai aur gawah ka aurat ko dekhna zaroori hai shohar ki ghairat ne bardasht nahi kya keh is ki biwi ka chaihra logon ke samnay khulwaya jaye, woh cheekh para aur kehnay laga:
”Main qaazi ke samnay iqraar karta hon keh jis mehar ka woh mujh se mutalba kar rahi hai woh meray zimmay hai, is liye ab is ka chaihra nah khulwaya jaye,” aurat ne jab yeh suna keh sirf meri be pardaghi ko bardasht nah kartay hue mera sabiq shohar is khateer raqam ko adaa kar raha hai to is ne bhi qaazi ko khitaab kartay hue kaha:
”Aap gawah rahein kei main ne apna yeh haq Mehar maaf kar ke usay duniya aur akhirat mein bari kar diya” qaazi ne jab aurat ki yeh aala zarfi dekhi to kaha:
“Is waqeay ko makarm ikhlaq mein likh lo”.
( تربیتہ الأولاد فی الإسلام :521 )
Lekin afsos! aaj musalman ghranon mein islami aur imani ghairat ka graf taizi se neechay gir raha hai, ghairat ka taqaza yeh hai keh mard apni biwi ki taraf uthnay wali har aankh ko phor day, jab biwi khud kisi mard se nazar baazi karay to is ka khoon khol parray aur apni biwi ko bhi is ki saza dainay se nah chokay, lekin afsos ke aaj ganday aur fahash manazair aksar musalman apnay poooray kunbay ke sath baith kar T. V kar dekh raha hai aur ahal-o-ayal smart mardon ko tik tiki bandhay dekh rahay hain, lekin imani ghairat par jon tak nahi rengti:
“Waye nakami Mataa karwan jata raha karwan ke dil se ahsasِ zayan jata raha”
Islami muashray mein fahashat ko phelana aik azeem jurm hai, jis ki saza duniya aur akhirat dono mein di jaye gi, irshad Qurani hai:
﴿ إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ﴾ ( نور : 19)
Tarjumah:
“Jo log imaan walon mein be hayai ko phelana chahtay hain un ke liye duniya aur akhirat mein dard naak azaab hai”.
Dunewi saza, muashray mein larkoon ke inhiraf aur larkiyon ki maa baap aur islami eqdaar se baghaawat se baghaawat hai.
Raha akhirat ka azaab woh to barhaq hai.
REFERENCE:
Book: Aulaad ki islami Tarbiyat
Taaleef: “Muhammad Anwar Muhammad Qasim Al Salfi”
غیرت
غیرت ایک مسلمان کا سرمایہ ہے، ایک مرتبہ کسی شخص نے رسول اﷲ صلی اللہ علیہ وسلم سے مسئلہ پوچھا :
“یار سول اﷲ ! اگر کوئی شخص اپنی بیوی کے ساتھ کسی غیر مرد کو پائے تو وہ کیا کرے ؟ آپ صلی اللہ علیہ وسلم نے فرمایا : “اس پر چار لوگوں کو گواہ رکھے،، جب یہ بات سعد بن عبادہ رضی اللہ عنہ نے سنی تو کہا :” یا رسول اﷲ ! کیا ایسی حالت میں وہ گواہ تلاش کرنے جائے گا ؟ لَوْ رَائَیْتُ رَجُلًا مَعْ امْرَأَتِیْ لَضَرَبْتُہُ بِالسَّیْفِ غَیْرُ مُصْفَحٍ عَنْہُ فَبَلَغَ ذٰلِکَ النَّبِیَّ صلی اللّٰہ علیہ وسلم فَقَالَ :” أَتَعْجَبُوْنَ مِنْ غَیْرَۃِ سَعَدٍ فَوَاللّٰہِ لَأَنَا اَغْیَرُ مِنْہُ وَاللّٰہُ أغیر مِنِّیْ، مِنْ أَجْلِ غَیْرَۃِ اللّٰہِ حَرَّمَ الْفَوَاحِشَ مَا ظَہَرَ مِنْہَا وَمَا بَطَنَ”
( صحیح مسلم : حدیث نمبر1499 )
تر جمہ : اگر میں اپنی بیوی کے ساتھ کسی غیر مرد کو پاؤں تو ایک ہی وار میں اس کا سر قلم کردوں، جب یہ بات آپ صلی اللہ علیہ وسلم کو معلوم ہوئی تو آپ صلی اللہ علیہ وسلم نے صحابہ کرام رضی اللہ عنہم سے فرمایا :”کیا تمہیں سعد بن عبادہ کی غیرت پر تعجب ہے ؟ جب کہ اﷲ کی قسم
میں ان سے زیادہ باغیرت ہوں، اور اﷲ تعالیٰ مجھ سے زیادہ باغیرت ہے، اﷲ نے اپنی اسی غیرت کی وجہ سے ہر کھلی چھپی برائی اور بے حیائی کو حرام قرار دیا”۔
صحابہ کرام رضی اللہ عنہم کی غیرت مثالی تھی،انہوں نے ایک مسلمان عورت کی بے حرمتی پر جنگ تک کیا، نہ صرف اس بے حرمتی کرنے والے کو، بلکہ اس کی حمایت پر آنے والے پورے قبیلے کو عبرت ناک سزائیں دیں۔
چنانچہ رسول اﷲ صلی اللہ علیہ وسلم کے زمانے میں ایک عرب عورت بنی قینقاع(جو یہودی تھے ) کے بازار میں کچھ سامان لے کر آئی اور فروخت کر کے ( کسی ضرورت کے لئے ) ایک سُنار کے پاس، جو یہودی تھا بیٹھ گئی، یہودیوں نے اس کا چہرہ کھلوانا چاہا مگر اس نے انکار کردیا۔ اس پر اس سنار نے چپکے سے اس کے کپڑے کانچلا کنارا پیچھے باندھ دیا اور اسے کچھ خبر نہ ہوئی۔جب وہ اٹھی تو اس سے بے پردہ ہوگئی تو یہودیوں نے قہقہہ لگایا۔ اس پر اس عورت نے چیخ وپکار مچائی جسے سن کر ایک مسلمان نے اس سنار پر حملہ کیا اور اسے مار ڈالا۔ جوابًا یہودیوں نے مسلمان پر حملہ کرکے اسے مارڈالا۔ اس کے بعد مقتول مسلمان کے گھر والوں نے شور مچایا اور یہود کے خلاف مسلمانوں سے فریاد کی۔ نتیجہ یہ ہوا کہ رسول اﷲ صلی اللہ علیہ وسلم نے ان کے قلعے کا محاصرہ کرلیا، پھر انہیں مدینہ سے جلا وطن کردیا۔( الرحیق المختوم :327)
سلف صالحین کی غیرت وحمیّت کا یہ عالم تھا کہ جہاں عورت کا چہرہ لوگوں کے سامنے کھولنا شرعًا بھی جائز تھا لیکن ان کی غیرت نے یہ گوارہ نہیں کیا کہ ان سے منسوب کسی عورت کا چہرہ غیر مردوں کے روبرو کھولا جائے۔ ایک واقعہ ملاحظہ ہو :
موسیٰ بن اسحاق رحمہ اﷲ تیسری صدی ہجری میں”ری”اور” اہواز “کے مشہور قاضی
گذرے ہیں۔ ایک مرتبہ ایک عورت نے ان کی عدالت میں اپنے شوہر کے خلاف یہ دعوی دائر کیا کہ اس نے اس کے مہر کے پانچ سو دینار ادا نہیں کئے ہیں، شوہر نے اس سے صاف انکار کردیا کہ اس کے ذمّہ اس کا مہر باقی ہے، اس پر اس نے دو گواہ بھی پیش کردئے۔ قاضی نے ایک گواہ بلایا اور کہا :” تم اٹھ کر اس عورت کا چہرہ دیکھو، تاکہ تمہیں گواہی دینے میں تأمل نہ ہو” وہ اٹھ کر جب اس عورت کے پاس جانے لگا تو اس کے شوہر نے پوچھا :” تمہیں اس سے کیا غرض ہے ؟ اسے قاضی کا حکم سنایا گیا کہ جو ہورہا ہے وہ قاضی کے حکم سے ہورہا ہے اور گواہ کا عورت کو دیکھنا ضروری ہے۔ شوہر کی غیرت نے برداشت نہیں کیا کہ اس کی بیوی کا چہرہ لوگوں کے سامنے کُھلوایا جائے، وہ چیخ پڑا اور کہنے لگا : ” میں قاضی کے سامنے اقرار کرتا ہوں کہ جس مہر کا وہ مجھ سے مطالبہ کررہی ہے وہ میرے ذمّے ہے، اس لئے اب اس کا چہرہ نہ کھلوایا جائے۔” عورت نے جب یہ سنا کہ صرف میری بے پردگی کو برداشت نہ کرتے ہوئے میرا شوہر اس خطیر رقم کو ادا کررہا ہے تو اس نے بھی قاضی کو خطاب کرتے ہوئے کہا :” آپ گواہ رہیں کہ میں نے اپنا یہ حق مہر معاف کرکے اسے دنیا اور آخرت میں بری کردیا۔”قاضی نے جب عورت کی یہ اعلیٰ ظرفی دیکھی تو کہا :
” اس بات کو مکارم ِ اخلاق میں لکھ لو”( المنتظم لإبن جوزی: 12؍403 )
لیکن افسوس ! آج مسلم گھرانوں میں اسلامی و ایمانی غیرت کا گراف تیزی سے نیچے گر رہا ہے، غیرت کا تقاضہ یہ ہے کہ مرد اپنی بیوی کی طرف اٹھنے والی ہر آنکھ کو پھوڑدے، جب بیوی خود کسی مردسے نظر بازی کرے تو اس کا خون کھول پڑے اور اپنی بیوی کو بھی اسکی سزا دینے سے نہ چُوکے، لیکن افسوس کہ آج فحش مناظر اکثر
مسلمان پورے کنبے کے ساتھ بیٹھ کرT.Vدیکھ رہے ہیںاور اہل وعیال سمارٹ مردوں کو ٹکٹکی باندھے دیکھ رہے ہیں، لیکن ایمانی غیرت پر جوں تک نہیں رینگتی :
وائے ناکامی ! متاعِ کارواں جاتا رہا
کارواں کے دل سے احساسِ زیاں جاتارہا
اسلامی معاشرے میں فحاشیت کو پھیلانا ایک عظیم جرم ہے، جسکی سزا دنیا اور آخرت دونوںمیں دی جائے گی،ارشادِ قرآنی ہے:
﴿اِنَّ الَّذِیْنَ یُحِبُّوْنَ اَنْ تَشِیْعَ الْفَا حِشَۃُ فِی الَّذِیْنَ آمَنُوْا لَہُمْ عَذَابٌ اَلِیْمٌ فِی الدُّنْیَا وَالْآخِرَۃِ ﴾ (نور : 19)
تر جمہ :جو لوگ ایمان والوں میں بے حیائی کو پھیلانا چاہتے ہیں ان کیلئے دنیا اور آخرت میں دردناک عذاب ہے۔
دنیوی سزا، معاشرے میں لڑکوں کے انحراف اور لڑکیوں کی ماں باپ اور اسلامی اقدار سے بغاوت سے بغاوت ہے۔رہا آخرت کا عذاب وہ تو بر حق ہے۔
حواله جات :
كتاب : “اولاد كى اسلامى تربيت”
محمد انور محمدقاسم السّلفی