GHULAM KA BHAGNA

Jareer se riwayat hai keh RasullAllah ﷺ ne farmaya:

“Jab ghulam bhag jae tou uski koi namaz qubool nahin hoti” [1]

Aur aap ﷺ ne farmaya:

“Jo ghulam bhag jae usse zimma uth jata hai ” [Muslim: 69]

Jareer bayan karte hain RasullAllah ﷺ ne farmaya:

“3 aadmi aise hain Allah unki namaz qubool karta hai na unki koi naiki aasman ki taraf buland hoti hai, bhaga hua ghulam hatta keh woh apne Malik kay pas wapas ajae, woh aurat jis ka khawand usse naraz ho hatta keh woh us se razi hojae, aur nashe mein madhosh shakhs hatta keh uska Nasha utar jae”                                                                  [ Ibne khuzaima: 940 Yeh riwayat za’eef hai]

Fuzala bin ubaid marfoo’an riwayat karte hain:

“3 qisam kay log hain jin se pucha nahin jaega: jama’t se alag hone wala shakhs jis ne apne imam ki nafarmani ki, bhaga hua ghulam jo nafarmani ki maut mar jae, aur woh aurat jiska khawand mojood na ho aur woh uski zaruraten Puri karta ho aur woh phir bhi us kay ba’ad banao singhar karti ho” [Bukhari fil adabil mufrad]

Ya’ani us kay ba’ad woh apne mahasin zahir karti ho, jis tarah ehle jahiliyat kia karte the aur unse murad woh log hain jo eesa عليه السلام aur Muhammad ﷺ kay darmian hue

Al wahidi ne isi tarah zikar kia hai.

REFERENCE:

Book: “Kabeerah Gunah”
Taleef: Shaikh Ul Islam Shams ad-Dīn adh-Dhahabī Rahimahullah.
Urdu Tarjumah: Abu Anas Muhammad Sarwar Gohar.