634. Safar mein chaar qism ki rukhsat hai

Safar mein chaar qism ki rukhsat hai

[Sawaal]

Safar mein Kia Kia rukhsat hai?

[Jawab]

Safar mein chaar qism ki rukhsat hai:

1. Chaar raka’aton waali Namaz ki sirf do raka’at hain.

2. Ramzaan ka Roza na rakha jaae aur phir ayyaam-e-safar ki ginti ke mutaabiq roze ba’d mein rakh liye jaaein.

3. Mouzon par masaah shur’u karne ke waqt se le kar teen din aur teen raaton tak masaah kar liya jaae.

4. Zuhr , Maghrib aur ‘Ishaa ki Sunnat-e-mu’akkadah saaqit ho jaati hain. Albatta subah ki Sunnaton aur deegar Naflon ka padhna mustahab hai.

Yaane musaafir raat ki Namaz , Sunnat-e-Fajr , Zuha ki do raka’at , Sunnat-e-Wuzu , Masjid mein daakhil hone ke waqt ki do raka’at aur safar se wapsi ke mouq’a ki do raka’at padh sakta hai.

Sunnat yeh hai ke aadmi jab safar se wapas aae to ghar mein aane se pehle Masjid mein aae aur Allah ke ghar mein do raka’at padhe. Namaz ke saath musaafir deegar Nawaafil to adaa kar sakta hai lekin jaisa ke main ne kaha us ne Zuhr , Maghrib aur ‘Ishaa ki Sunnat-e-mu’akkadah ko adaa nahi karna kyunke Nabi (ﷺ) ne in teenon Namaazon ki Sunnat-e-mu’akkadah ko adaa nahi farmaaya karte the.

__Shaikh Ibn-e-‘Usaymeen__