24. Hazrat Abu Muslim Kholani (رحمہ اللہ)
Hazrat Abu Muslim Kholani (رحمہ اللہ)
|
Abu Muslim Kholani (رحمہ اللہ) ibaadat mein is qadar magan ho chukay thay wo yeh kaha kartay thay agar main Jannat ko apni aankhon say dekh loon yaa Jahannum ko dekh loon phir bhi is say ziadah ibaadat na kar sakoon. (Usman Bin Abi ‘Aatیkah) |
Jazeera tul A’arab mein yeh khabar jungle ki aag ki tarah phail gayi keh Rasool Muazzim (ﷺ) Hajjatul wida’a se waapis aate hi shadeed bimaar ho gaye hain.
Aswad Aansi ko shaitaan ne behkaaya keh woh Allah Ta’ala par jhoot bandhtay huye Yaman mein apni qaum ko yaqeen dilaaye keh isay to Allah Ta’ala ne Nabi bana kar bhejaa hai, Is tarah usay imaan kay baad kufr ki taraf lauta diya.
Aswad Aansi taakatwar, Kadiyal jawaan, Siyaah dil aur intaha darjay ka sharaarti tha, Usnay zamanah jahiliyat mein ilm najoom mein mahaarat paida kar li thi aur yeh apnay daur ka bhot bada shobdah baaz tha.
Us kay sath sath uski guftagu mein badi Fasaahat-o-Balaaghat hoti. Uska bayaan nihaayat dil nasheen hota. Yeh bada hoshiyaar, chalaak tha logon ko garweedah karnay ka fun usay khoob aata tha, Aam logon ko apni shobdah baazi se garweedah kar leta aur khuas ko qeemti tahaif de kar apna bana leta, Yeh jab bhi Manzar-e-Aam par aata to apnay chehray par siyaah rang ka khol chadha kar namudaar hota taakeh logon par uski haibat taari ho.
Yaman mein Aswad Aansi ki dawat is tezi se phaili jaise khushk ghaas mein aag phailti hai. Sab se pehlay us kay qabilay ne uska bharpoor sath diya. Yeh qabilah in dinon Yaman mein tamaam qabaail se bada, ziyadah asar rusookh wala aur taaqatwar tha.
Nit naaye jhoot ghadhnay ki mahaarat neez zaheen aur taiz tarraar pairo kaaron ne bhi iski mulammah sazi ko mehmeez lagayi.
Usnay logon ko is baat ka yaqeen dila diya keh aasmaan se farishta wahi lay kar us kay paas aata hai aur usay ghaaib ki khabrein deta hai. Usnay logon ko mutma’in karnay kay liye bohot se tareeqay ejaad kar rakhay thay.
Usnay apnay jasoos har jagah phailaa rakhay thay takeh logon kay khufiya halaat aur mushkilaat ka mushahidah karein aur usay un kay raaz hayee daron se aagah kartay rahein.
Jasoos pehlay logon ki mushkilaat ma’loom kartay un ki dili umangon ko bhaanp kar unhein Aswad Ansi se panaah aur madad talab karnay kay liye ikkhatta kartey.
Jo shakhs bhi Aswad Ansi kay paas fariyaad lay kar jaata jasoos us kay wahaan pohochnay say pehlay hi uski mushkilaat say aagah kar detay, Junhi woh samnay aata abhi woh soch hi raha hota keh main fariyaad karun. Aswad Ansi baday pur aitemaad lehjay mein us say mukhaatib hota aur kehta tum falaan jagah se aaye ho, Tujhay yeh mushkil dar pesh hai tum mujhe yeh baat kehna chahtay ho, Aise Ajeeb-o-Ghareeb andaaz mein guftagu kartaa keh fariyaad lay kar aanay walay angasht badnidaan reh jaatay, Unki aqlain yeh manzar dekh kar dang reh jatein.
Thoday hi arsa mein uski shohrat badi tezi say chahaar soo phail gayi. Bohat say log un kay pairokaar ban gaye. In shaitaan gazeedah logon kay zariye pehlay usnay San’aa par hamlay kar kay usay apnay qabzay mein liya aur phir San’aa ko markaz bana kar doosray ilaaqon par chadhai ki. Yahaan tak Hazar-e-Mout se Taif kay darmiyaan pura ilaqaa us kay Zair-e-Nageen ho gaya, Aur Bahrain-o-Adan kay darmiyaani ilaqay bhi us kay Zer-e-Asar aa gaye.
Jab Aswad Ansi kay paaon jam gaye, Kaseer tadaad mein ilaqay aur insaan us kay taabe’ ho gaye to us ne apnay in mukhalifoon ki sar kobi kay liye tezi say iqdamaat kiye jinhein Allah Ta’ala ne apnay deen par rasikh imaan honay ki daulat se nawaza tha, Jinhein Nabi Akram (ﷺ) ki sadaqat par thos yaqeen tha. Allah-o-Rasool (علیہ السلام) se sachi mohabbat thi aur jo haq kay parchaar aur baatil se nabard aazma honay ko apnay liye Baa’is-e-Iftikhaar samajhte thay.
Is naa hinjaar ne badi sakhti aur zalimaana andaaz mein pakad dhakad shuru kar di aur unhein ibrat naak sazayein denay laga. Un azeem shakhsiyaat mein Hazrat Abdullah Bin Saob (رحمہ اللہ) Sar-e-Fahrist hain jo Abu Muslim Khoolaani kay naam se mashhoor thay.
Hazrat Abu Muslim Khoolaani Deen-o-Imaan kay pakkay, Raast go, Sachaai kay khugar, Ailaan haq mein gayyor aur jurratmand thay, Unhon ne apnay aap ko Allah kay liye waqf kar diya tha, Duniya aur uski Zeb-o-Zeenat se munh pher liya tha, Zindagi ki ranaiyon se yaksar be raghbati ikhtayyaar kar li thi, Apni zindagi Allah Ta’ala ki ita’at aur us kay deen ki tabhleegh kay liye waqf kar di thi. Aur unhon ne apni faani duniya ko sadaa bahaar aakhirat ki khaatir bech diya tha, Logon kay dilon mein unka bada martabah tha sab hi log usay burgazeedah, Paarsa aur mustaajabul dawat samjhtay thay.
Aswad Ansi ne Hazrat Abu Muslim Khoolaani ko aisi ibrat naak saza denay ka faislah kiya jis se tamaam mukhaalifeen kay rongtay khaday ho jaayen aur woh mukhaalifat se yaksar baaz aa jaayen.
Usnay hukm diya keh San’aa kay aik khulay maidaan mein lakdiyan ikatthi ki jaayen aur unhein aag laga di jaye aur logon mein yeh ailaan kar diya jaye keh woh Faqeeh-e-Yaman Abu Muslim Khoolaani ki tobah, Apnay moqaf se inharaaf aur Aswad Ansi ki nabuwwat kay ikraar ka dil faraib manzar dekhnay kay liye maidaan mein jama ho jaayen, Jab maidaan mein logon kay azdahaam ki wajah se til dharnay ki jagah naa thi to Aswad Ansi waqt muqarrarah par is tarah namudaar hua keh cheelay chantoon, hifaazti dastay aur lashkar kay General ne usay apnay gheray mein lay rakha tha, woh is chabootray par rakhi gayi aalishaan kursi par birajamaan hua jo aag kay samnay khaas taur par us kay liye rakhi gayi thi.
Abu Muslim Khoolaani ko bediyon mein jakad kar us kay samnay laya gaya. Log yeh haibat naak manzar baday hi ista’jaab se dekh rahay thay har koi angasht badnaan tha, Is jhootay makkaar aur sarkash ne unki taraf baday takabbur se dekha, Phir sholah fagan aag ki taraf dekha, Phir woh aap ki taraf mutawajjah hua aur puchaa:
Kya tum iqraar kartay ho keh Hazrat Muhammad (ﷺ) Allah kay bande aur us kay Rasool hain.
Aap ne farmaaya: Haan main bebaang dahl gawaahi deta hun keh Hazrat Muhammad (ﷺ) Allah kay bande aur us kay Rasool hain, Woh Sayyedul Mursileen aur khaatamul anbiyaah hain, Aswad Ansi ne tyori chadha kar aur apna makruh chehra uski aankhon kay qareeb laa kar kaha.
Kya tum gawaahi detay ho keh main Allah ka Rasool hun?
Aap ne farmaaya meray kaanon mein behrah pan utar aayaa hai jo tum kehtay ho woh baat main sun nahi paa raha.
Aswad Ansi ne kaha main tumhein is aag mein phenk dungaa.
Hazrat Abu Muslim ne farmaaya: Agar tum mujhe is aag mein phenk do gay jo lakdiyon se jalaai gayi hai main is kay zariye qayamat kay din us aag se bach jaunga jis ka indhan log aur patthar hongay, Jis par aise sakht geer farishtay muqarrar hon gay jo Allah Ta’ala ka har hukm manein gay aur sarmo bhi inharaaf nahi karein gay yeh baat sun kar Aswad ne Kaha main teray baaray mein jald baazi nahi karunga.
Main tujhay mauqa deta hun takeh teri aqal thikaanay aa jaye.
Thodi der kay baad us ne phir yeh sawaal dohraaya.
Kya tu gawaahi deta hai keh Muhammad (ﷺ) Allah kay Rasool hain.
Aap ne farmaaya haan main gawaahi deta hun keh Hazrat Muhammad (ﷺ) Allah kay Rasool hain, Allah Ta’ala ne unhein deen barhaq de kar bheja aur aap par risaalat khatam kar di, Aswad ko bhot gussa aaya us ne kaha kya tu gawaahi deta hai keh main Allah ka Rasool hun?
Hazrat Abu Muslim ne Kaha kya main ne tujhay pehlay nahi keh diya tha keh teri yeh baat meray kaan sunnay kay liye aamadah nahi hain aur naa hi in main yeh baat sunnay ka yaaraa hai.
Yeh jawaab sun kar aur Hazrat Abu Muslim kay Chain-o-Itminaan ko dekh kar Aswad Ansi ghussay se aag bagoolah ho gaya.
Us ne iraadah kiya hi tha keh unhein aag mein phenkanay ka hukm de itnay mein uska aik manzoor nazar cheela aagay badha aur kaan mein yeh baat kahi: Jaisa keh aap jantay hain keh yeh shakhs pakeezah dill mustajabaatul dawaat hai.
Yaad rakh Allah Ta’ala apnay momin bande ko hargiz Zaleel-o-Ruswaa nahi kiya karta, Agar aaj tu ne isay aag mein phenk diya aur Allah Ta’ala ne isay bachaa liya to aan waahid mein teri izzat khaaq mein mil jayegi, Aur log isi maidan mein teri Nabuwwat ko jhutla den gay. Aur agar aag ne usay jalaa diya to logon ki nazron mein is ki Izzat-o-Tauqeer mazeed badh jayegi. Log usay shaheedon ki saf mein laa khada kareinge.
Meri maanein is ko chod kar is par ahsaan karein aur isay mulk badar kar dein aur apni jaan chhudaein.
Aswad Ansi ne apnay chelay ka mashwarah mantay huye Hazrat Muslim Khoolaani ko foran mulk se nikal janay ka hukm diya.
Hazrat Abu Muslim Khoolaani ne Madinay ka rukh kiya. Rasool Muazzim (ﷺ) ki ziyarat ka shoq dil mein mojzan thaa, Yeh aap ki ziyaarat ka surmah apni aankhon ko laganay se pehlay hi imaan laa chukay thay, Dil aap ki sohbat ka mutmanni tha lekin yeh abhi Madinah ki hudood mein hi pohchay thay keh inhein Nabi Akram (ﷺ) kay wisaal aur Hazart Siddique Akbar (رضي الله عنه) kay Khalifah bannay ki ittala’a mili to unhein aap ki wafaat par dili sadma hua.
Hazrat Abu Muslim kholani Madinah Munawwarah pohchay aur Masjid Nabwi ka qasad kiya. Masjid Nabwi kay qareeb pohoch kar apni untani ko darwazay kay paas bandh diya. Haram-e-Nabwi mein daakhil huye.
Roza-e-Rasool par salaam arz kiya phir Masjid kay aik satoon ki oat mein khaday ho kar namaz padhnay lage.
Jab namaz se farigh huye to Hazrat Umar Bin Khattaab (رضي الله عنه) is kay qareeb aaye aur farmaaya:
Tum kaun ho kahan se aaye ho?
Arz ki Yaman se aaya hun.
Aap ne puchaa: Hamaray us saathi ka kya bana jise jalanay ki khaatir Dushman-e-Khuda ne aag bhadkayi thi lekin Allah Ta’ala ne usay nijaat de di?
Aap ne farmaaya: Woh Allah kay Fazal-o-Karam se Khair-o-Aafiyat se hai.
Hazrat Umar ne farmaaya: Main tujhay qasam de kar puchtaa hun kahin tum hi to woh nahi ho?
Farmaaya: Haan main hi woh hun.
Hazrat Umar (رضي الله عنه) ne uski peshaani ko chooma aur farmaaya:
Kya tum jantay ho keh Allah ne apnay aur teray dushman kay sath kya sulook kiya?
Farmaaya: Nahi mujhe kuch pata nahi, Jab se main ne Yaman ko chhoda hai mujhe koi khabar nahi.
Farmaaya: Allah Ta’ala ne usay doosray mominon kay haathon qatal kara diya hai. Uski hakumat jaati rahi aur us kay pairo kaar Deen-e-Islam ki taraf lautaaye.
Farmaaya: Allah ka shukar hai jis ne meri aankhein us kay ibrat naak anjaam se thandi ki, Aur us ki shobdah baazi se dhokaa khanay walay Ahl-e-Yaman ko Islam ka daaman thamnay ki taufeeq a’taa ki.
Hazrat Umar (رضي الله عنه) ne Kaha:
Main Allah Ta’ala ka shukar bajaa laata hun jis ne Hazrat Muhammad (ﷺ) ki ummat mein se aik aise shakhs ki ziyarat ka mauqa ataa kiya jis kay sath Hazrat Ibrahim Khaleelullah (علیہ السلام) jaisa salook kiya gaya.
Phir uska haath pakda aur Hazrat Saddiqu-e-Akbar (رضي الله عنه) kay paas lay gaye, Salaam arz kiya aur un kay haath par bai’t ki, Hazrat Saddiqu-e-Akbar (رضي الله عنه) ne usay apnay aur Hazrat Umar (رضي الله عنه) kay darmiyaan bitha liya, Aur donon Sheikh Hazrat Abu Muslim Khoolaani se Aswad Ansi kay sath pesh aanay waala waqiya ghaur se sunnay lagay.
Hazrat Abu Muslim Khoolaani (رحمہ اللہ ) ne Madinah Munawwarah mein kafi arsa qiyaam kiya, Masjid Nabwi kay ho kar rahay, Riyaazul jannah mein jee bhar kar namazein padhi, Jaleel ul qadar Sahaabah Kiraam (رضي الله عنهم) se ilm hasil kiya jin mein se Hazrat Abu Ubaidah Bin Jarrah, Hazrat Abu Zar Ghaffar, Hazrat Abu Ubaydah Bin saamit, Hazrat Ma’az Bin Jabal aur Hazart Auf Bin Maid aashjai’ (رضي الله عنهم) Sar-e-Fahrist hain.
Phir Hazrat Abu Muslim Khoolaani ne sar Zameen-e-Shaam ki taraf kooch kiya aur wahin rehaaish ikhtayyaar karnay ka iradah kiya, Unka asal maqsad yeh thaa keh shaam kay sarhadi ilaaqay mein qiyaam karnay kay is lashkar Islam mein shamooliyat ikhtayyaar ki jaye jo Rome kay khilaaf nabard aazma hain. Is tarah Allah ki raah mein jihaad aur mujahideen ki dekh bhaal ka Ajar-o-Sawab hasil kiya jaye.
Jab Hazrat Muawiyah Bin Abu Sufiyaan Khalifat ul Muslimeen banay to Hazrat Abu Muslim Khoolaani kasrat kay sath un kay paas aaya jaya kartay thay aur in donon shakhsiyat kay maabain baaz auqaat aise waqiyaat pesh aatay jin se unki azmat dobalah nazar aati.
Aik martabah Hazrat Abu Muslim Khoolaani Ameer Muawiyah (رضي الله عنه) kay darbaar mein aaye, Dekha keh aap aik bhaari Majlis kay darmiyaan biraajman hain, Hukumat kay kaarindon, Lashkar kay General aur watan kay mu’azziz logon ne aap kay ird gird ghera daal rakha hai. Log had darjah tazeem baja laa rahay hain. Hazrat Abu Muslim yeh manzar dekh kar bohot ghabraaye, Andeshah hua keh Ameer Muawiyah yeh Jaah-o-Hasham dekh kar kahin aapay se baahir na ho jaayein to aap ne ba aawaz buland kaha:
Assalam-0-alaikum aye Ajeerul Momineen.
Log uski taraf mutawajjah huye aur kaha Abu Muslim, Ameerul Momineen kaho.
Aap ne unki baat ki koi parwah naa ki dobara phir yeh kaha.
Assalam-o-Alaikum Ya Ajeerul Momineen.
Logon ne Kaha aye Abu Muslim Ameerul Momineen kaho.
Aap ne unki suni un suni kartay huye phir yehi jumlah dohraaya.
Jab logon ne Abu Muslim ko sakhti se baaz karnay ka iradah kiya abhi usay pakda hi thaa keh Hazrat Ameer Muawiyah (رضي الله عنه) ne farmaaya:
Abu Muslim ko chor do jo baat woh keh raha hai main uska mafhoom samajhtaa hun.
Abu Muslim Khoolaani Ameer Muawiyah (رضي الله عنه) ki taraf mutawajjah huye aur farmaaya: Masnad khilaafat par jalwah afroz honay kay baad aap ki misaal us shakhs jaisi hai jis ne kisi Shakhs ko mazdoor rakha ho aur apni bhed bakriyaan us kay supurd kar di hon aur woh apnay mazdoor ko us kay kaam kay hisaab se detaa ho, Agar us ne bakriyon ko achay tarikay se charaaya, Unki achi dekh bhaal ki jis se un ki oon aur doodh mein khaatir khwah izafah hua, Us ki musalsal nigaahdasht se choti bakriyaan badi ho gain, Laaghar moti taazi ho gayi, Beemaar tandarust ho gayi, Zaahir hai maalik khush ho kar mazdoor ko ziyadah ujrat dega.
Agar us ne achi tarah bakriyon ki dekh bhaal naa ki, Un kay baaray mein aisi ghaflat barti keh laaghar bakriyan halaak ho gayi, Moti kamzoor ho gayi, Un kay badnon se oon jhad gayi, Kamzori ki wajah se doodh jaata rahaa Surat-e-Haal dekh kar maalik mazdoor ko ujrat nahi degaa balkay us se naraz hoga aur ho bhi sakta hai keh usay saza bhi de. Aap apnay liye woh tareeqah ikhtayyaar kijiye jis mein aap kay liye khair-o-Barkat ho aur Ajar-o-Sawaab bhi. Hazrat Ameer Muawiyah (رضي الله عنه) ne nigaahein jhukai hui thi, yeh naseehat amoz baatein sun kar apna sar upar uthaaya.
Aur farmaaya: Aye Abu Muslim Khoolaani Allah Ta’ala aap ko jazaaye khair ata karay aap waqayi ikhlaas kay sath naseehat karnay walay hain.
Hazrat Abu Muslim (رحمہ اللہ) ne Damishq ki markazi Masjid mein jumah padha, Ameer ul Momineen Hazrat Ameer Muawiyah (رضي الله عنه) khutbah jumah de rahay thay woh awaam kay saamnay neher ki khudwayi kay mansoobay ka tazkirah kar rahay thay takeh logon ko peenay kay liye saaf pani muhayya kiya jaa sakay.
Hazrat Abu Muslim ne farmaayaa: Aye Ameer Muawiyah aap aaj yaa kal fout ho jayeinge, Do gaz zameen ka tukda chota sa tera ghar hoga, Agar wahaan achay amal lay kar jaaogay to tumharay liye yeh ghar Baagh-o-Bahaar hoga, Agar khaali hath chale gaye to isay chattel maidan paao gay.
Aye Ameer Muawiyah (رضي الله عنه) Allah aap ko apni panah mein rakhay, Kya aap masnad khilaafat pe jalwah afroz honay ka mafhoom yeh samajhte hain keh nehren khodi jaayein aur maal ikattha kiya jaye, Khilaafat to haq par amal pera honay kay liye Adal-o-Insaaf qayam karnay kay liye aur Allah Ta’ala ki raza kay mutabiq logon ki qiaadat karnay kay liye di gayi hai.
Aye Ameer Muawiyah agar woh chashmah saf ho jahaan se pani nikal kar neher mein aataa hai to phir neher mein aa kar pani kay gadlay ho janay ki humein koi parwah nahi aap humaray liye pani kay asal chashmay ki manind hain, Aap khud saaf shaffaaf rehnay kay liye koshaan rahein.
Aye Ameer Muawiyah agar aap ne kisi aik shakhs par bhi koi zulm kiya to woh zulm tumharay Adal-o-Insaaf ko bhi le doobega. Zulm se humesha bachtay rehna.
Yaad rakhna aik zulm qiyaamat kay din kayi zulmaton aur tareekiyon ka pesh khaimah saabit hoga.
Hazrat Abu Muslim Khoolaani ne apni naseehat aamooz guftagu ko khatam kiya hi tha keh Ameer ul Momineen Ameer Muawiyah (رضي الله عنه) mimbar se neechay utray, Abu Muslim se baghalgeer huye aur farmaaya, Aye Abu Muslim Allah aap par raham farmaaye aur aap ko jazaye khair a’ataa karay aap ne waqayi’ nasihat ka haq adaa kar diya.
Aik martabah Hazrat Ameer Muawiyah (رضي الله عنه) mimbar par chadhay, Khutbah dena shuru kiya hi tha, Surat-e-Haal yeh thi keh logon ko do maah se baitul maal mein se un ka haq adaa nahi kiya gaya, Hazrat Abu Muslim Khoolaani qalandaraanah andaaz mein bole, Aye Ameer Muawiyah yeh maal naa tera hai aur naa teray maa baap kaa.
Aap ne logon ka haq kyun rok rakha hai?
Yeh baat sun kar Hazrat Ameer Muawiyah (رضي الله عنه) ka chehrah ghussay se surkh hogaya, Log ghabraa uthay aap ne farmaaya apni apni jagah par baithay rehna, Phir aap mimbar se neechay utray wazu kiya aur dil par pani kay cheentay maray. Phir mimbar par chadhay. Allah Ta’ala ki Hamd-o-Sana bayaan karnay kay baad irshaad farmaaya:
Abu Muslim ne abhi abhi kaha tha keh yeh maal naa mera hai naa meray maa baap ka, Suno Abu Muslim ne bilkul sach kaha.
Main ne Rasoolullah (ﷺ) ko farmatay huye yeh suna tha keh:
Ghussa shaitaan ki taraf se aata hai
aur shaitaan ko aag se paidah kiya gaya hai.
Pani aag ko bujhaata hai jab tum mein se kisi ko ghusas aaye to woh naha liya karay.
Logon! Apnay haqooq aaj Baitulmaal se wasool kar lena Allah hum sab kay liye barkat a’ata karay.
Hazrat Abu Muslim Khoolaani (رضي الله عنه) ko Allah Ta’ala jazaaye khair a’ataa karay yeh haq baat kehnay mein baray hi bebaak thay.
Allah Ta’ala Ameer ul Momineen Hazrat Ameer Muawiyah par be intahaa raazi ho aap ne haq baat ki taraf rajoo’ karnay ka aik misaali namuna pesh kiya.
Kisi ne kya khoob kaha hai:
Kisi par bilaawajah zabaan ta’an daraaz na kiya karo.
Ya phir un jaisi khoobiyaan apnaa kar dikhaao.
Hazrat Abu Muslim Khoolaani (رضي الله عنه) kay mufassal Halaat-e-Zindagi ma’loom karnay kay liye darjzail kutub ka muta’ala karein:
| 1: Tabqaat Ibn-e-S’aad 7/448 2: Tarikh ul Bukhari 5/58 3: Al Marifaah wal Tarikh 2/308-382 4: Al Istia’ab 1479 5: Tarikh Ibn-e Asakir 9/21 6: Usd ul Ghabah 3/129 7: Al Lubab 1/395 8: Tazkirat ul Huffaz 209 9: Al Bidayah wal Nihayah 8/146 10: Al Isabah 6302 11: Shazarat ul Zahab 1/70 |
REFERENCE:
Book: “Hayat-e-Taba’een kay Darakhsha pahelo”
Taleef : Dr. Abdur Rahman Rafat Al- Pasha.
Urdu Translation : By Professor Mehmood Ghaznofer
حضرت ابو مسلم خولانی رضی اللّٰہ عنہ
ابو مسلم خولانی رضی اللّٰہ عنہ عبادت میں اس قدر مگن ہو چکے تھے کہ وہ یہ کہا کرتے تھے اگر میں جنت کو اپنی آنکھوں سے دیکھ لوں یا جہنم کو دیکھ لوں پھر بھی اس سے زیادہ عبادت نہ کر سکوں ۔
(عثمان بن ابی عاتکہ)
جزیرة العرب میں یہ خبر جنگل کی آگ کی طرح پھیلا گئی کہ رسول معظم صلی اللّٰہ علیہ وسلم حجتہ الوداع سے واپس آتے ہی شدید بیمار ہو گئے ہیں ۔
اسود عنسی کو شیطان نے بہکا یا کہ وہ اللّٰہ تعالیٰ پر جھوٹ باندھتے ہوئے یمن میں اپنی قوم کو یقین دلائے کہ اسے تو اللّٰہ تعالٰی نے نبی بنا کر بھیجا ہے ، اس طرح اسے ایمان کے بعد کفر کی طرف لوٹا دیا ۔
اسود عنسی طاقت ور ، کڑیل جوان ، سیاہ دل اور انتہائی درجے کا شرارتی تھا، اس نے زمانہ جاہلیت میں علم نجوم میں مہارت پیدا کر لی تھی اور یہ اپنے دور کا بہت بڑا شعبدہ باز تھا۔
اس کے ساتھ ساتھ اسکی گفتگو میں بڑی فصاحت و بلاغت ہوتی ۔
اس کا بیان نہایت دلنشیں ہوتا۔ یہ بڑا ہوشیار چالاک تھا لوگوں کو گرویدہ کرنے کا فن اسے خوب آتا تھا، عام لوگوں کو اپنی شعبدہ بازی سے گرویدہ کر لیتا اور خواص کو قیمتی تحائف دے کر اپنا بنا لیتا ، یہ جب بھی منظر عام پر آتا تو اپنے چہرے پر سیاہ رنگ کا خول چڑھا کر نمودار ہوتا تا کہ لوگوں پر اسکی ہبیت طاری ہو ۔
یمن میں اسود عنسی کی دعوت اس تیزی سے پھیلی جیسے خشک گھاس
میں آگ پھیلتی ہے ۔ سب سے پہلے اس کے قبیلے نے اس کا بھر پور ساتھ دیا۔ یہ قبیلہ ان دنوں یمن میں تمام قبائل سے بڑا، زیادہ اثر رسوخ والا اور طاقتور تھا۔
نت نئے جھوٹ گھٹرنے کی مہارت ، نیز ذہین اور تیز طرار پیروکاروں نے بھی اسکی ملمع سازی کو مہمیز لگائی۔
اس نے لوگوں کو اس بات کا یقین دلایا کہ آسمان سے فرشتہ وحی لے کر اس کے پاس آتا ہے اور اسے غیب کی خبریں دیتا ہے ۔ اس نے لوگوں کو مطمئن کرنے کے لیے بہت سے طریقے ایجاد کر رکھے تھے ۔
اس نے اپنے جاسوس ہر جگہ پھیلا رکھے تھے تاکہ لوگوں کے خفیہ حالات اور مشکلات کا مشاہدہ کریں اور اسے ان کے راز ہائے دروں سے آگاہ کرتے رہیں۔
جاسوس پہلے لوگوں کی مشکلات معلوم کرتے ان کی دلی امنگوں کو بھانپ کر انہیں اسود عنسی سے پناہ اور مدد طلب کرنے کے لیے ایگخت کرتے۔
جو شخص بھی اسود عنسی کے پاس فریاد لے کر جاتا جاسوس اس کے وہاں پہنچنے سے پہلے ہی اسکی مشکلات سے آگاہ کر دیتے ، جو نہی وہ سامنے آتا ابھی وہ سوچ ہی رہا ہوتا کہ میں فریاد کروں ۔ اسود عنسی بڑے پر اعتماد لہجے میں اسے مخاطب ہوتا اور کہتا تم فلاں جگہ سے آئے ہو ، تجھے یہ مشکل درپیش ہے تم مجھے یہ بات کہنا چاہتے ہو، ایسے عجیب و غریب انداز میں گفتگو کرتا کہ فریاد لے کر آنے والے انگشت بدنداں رہ جاتے ، ان کی عقلیں یہ منظر دیکھ کر دنگ رہ جاتیں ۔
تھوڑے ہی عرصہ میں اس کی شہرت بڑی تیزی سے چہار سو پھیل گئی ۔ بہت سے لوگ اس کے پیرو کار بن گئے ۔ ان شیطان گزیدہ لوگوں کے ذریعے پہلے اس نے صنعاء پر حملے کر کے اسے اپنے قبضے میں لیا اور پھر صنعاء کو مرکز بنا کر دوسرے علاقوں پر چڑھائی کی ۔ یہاں تک حضر موت سے طائف کے درمیان پورا علاقہ اس کے زیر نگیں ہوگیا ، اور بحرین و عدن کے درمیانی علاقے بھی اس کے زیر اثر آ گئے۔
حضرت اسود عنسی کے پاؤں جم گئے کثیر تعداد میں علاقے اور انسان اس کے تابع ہوگئے تو اس نے اپنے ان مخالفوں کی سر کوبی کے لیے تیزی سے اقدامات کیے جنہیں اللّٰہ تعالیٰ نے اپنے دین پر راسخ ایمان ہونے کی دولت سے نوازا تھا، جنہیں نبی کریم ﷺ کی صداقت پر ٹھوس یقین تھا۔ اللّٰہ و رسول علیہ السلام سے سچی محبت تھی اور جو حق کے پرچار اور باطل سے نبرد آزما ہونے کو اپنے لیے باعث افتخار سمجھتے تھے ۔
اس نا ہنجار نے بڑی سختی اور ظالمانہ انداز میں پکڑ دھکڑ شروع کر دی اور انہیں عبرت ناک سزائیں دینے لگا ان عظیم شخصیات میں حضرت عبد اللّٰہ بن ثوب رضی اللّٰہ عنہ سر فہرست جو ابو مسلم خولانی کے نام سے مشہور تھے۔
حضرت ابو مسلم خولانی دین و ایمان کے پکے راست گو سچائی کے خوگر اعلان حق میں غیور اور جراتمند تھے، انہوں نے اپنے آپ کو اللّٰہ کے لیے وقف کر دیا ، دنیا اور اس کی زیب و زینت سے منہ پھیر لیا تھا، زندگی کی رعنائیوں سے یکسر بے رغبتی اختیار کر لی تھی ، اپنی زندگی اللّٰہ تعالیٰ کی اطاعت اور اس کے دین کی تبلیغ کے لیے وقف کر دی تھی ۔ اور انہوں نے اپنی فانی دنیا کو سدا بہار آخرت کی خاطر بیچ دیا تھا لوگوں کے دلوں میں ان کا بڑا مرتبہ تھا سبھی لوگ اسے برگزیدہ ، پارسا اور مستجاب الدعوات سمجھتے تھے ۔
اسود عنسی نے حضرت ابو مسلم خولانی کو ایسی عبرت نا ک سزا دینے کا فیصلہ کیا جس سے تمام مخالفین کے رونگٹے کھڑے ہو جائیں اور وہ مخالفت سے یکسر باز آجائیں ۔
اس نے حکم دیا کہ صنعاء کے ایک کھلے میدان میں لکڑیاں اکٹھی کی جائیں اور انہیں آگ لگا دی جائے اور لوگوں میں یہ علان کر دیا جائے کہ وہ فقہیہ یمن ابو مسلم خولانی کی توبہ اپنے موقف سے انحراف اور اسود عنسی کی نبوت کے اقرار کا دلفریب منظر دیکھنے کے لیے میدان میں جمع ہو جائیں ، جب میدان میں لوگوں کے اثدہام کی وجہ سے تل دھرنے کی جگہ نہ تھی تو اسود عنسی وقت مقررہ پر اسطرح نمودار ہوا کہ چیلے چانٹوں ، حفاظتی دستے اور لشکر کے جرنیلوں نے اسے اپنے گھیرے میں لے رکھا تھا، وہ اس چبوترے پر رکھی گئی عالیشان کرسی پر براجمان ہوا جو آگ کے سامنے خاص طور پر اس کے لیے رکھی گئی تھی ۔
ابو مسلم خولانی کو بیڑیوں میں جکڑ کر اس کے سامنے لایا گیا ۔ لوگ یہ ہیبت ناک منظر بڑے ہی استعجاب سے دیکھ رہے تھے ہر کوئی انگشت بدنداں تھا، اس جھوٹے مکار اور سرکش نے ان کی طرف بڑے تکبر سے دیکھا ، پھر شعلہ فگن آگ کی طرف دیکھا ، پھر وہ آپکی طرف متوجہ ہوا اور پوچھا : کیا تم اقرار کرتے ہو کہ حضرت محمد ﷺ اللّٰہ کے بندے اوراس کے رسول ہیں ۔
آپ نے فرمایا ، ہاں میں ببانگ دہل گواہی دیتا ہوں کہ حضرت محمد ﷺ اللّٰہ کے بندے اور اس کے رسول ہیں ، وہ سید المرسلین اور خاتم الانبیاء ہیں اسود عنسی نے تیوری چڑھا کر ادراپنا مکروہ چہرہ اسکی آنکھوں کے قریب لا کر کہا ۔
کیا تم گواہی دیتے ہو کہ میں اللّٰه کا رسول ہوں ۔
آپ نے فرمایا میرے کانوں میں بہرہ پن اتر آیا ہے جو تم کہتے ہو وہ بات میں سن نہیں پا رہا ۔
اسود عنسی نے کہا میں تمہیں اس آگ میں پھینک دوں گا ۔
حضرت ابو مسلم نے فرمایا: اگر تم مجھے اس آگ میں پھینک دو گے جو لکڑیوں سے جلائی گئی ہے میں اس کے ذریعے قیامت کے دن اس آگ سے بچ جاؤں گا جس کا ایندھن لوگ اور پتھر ہونگے ، جس پر ایسے سخت گیر فرشتے
مقرر ہونگے جو اللّٰہ تعالیٰ کا ہر حکم مانیں گے اور سرمو بھی انحراف نہیں کریں گے یہ بات سن کر اسود نے کہا میں تیرے بارے میں جلد بازی نہیں کرونگا ۔
میں تجھے موقع دیتا ہوں تاکہ تیری عقل ٹھکانے آجائے۔
تھوڑی دیر کے بعد اس نے پھر یہ سوال دھرایا۔
کیا تو گواہی دیتا ہے کہ محمد ﷺ اللّٰہ کے رسول ہیں۔
آپ نے فرمایا: ہاں میں گواہی دیتا ہوں کہ حضرت محمد ﷺ اللّٰہ کے رسول ہیں ، اللّٰہ تعالیٰ نے انہیں دین برحق دے کر بیجھا اور آپ پر رسالت ختم کر دی ، اسود کو بہت غصہ آیا اس نے کہا کیا تو گواہی دیتا ہے کہ میں اللّٰه کا رسول ہوں ؟
حضرت ابو مسلم نے کہا کیا میں نے تجھے پہلے نہیں کہ دیا تھا کہ تیری یہ بات میرے کان سننے کے لئے آمادہ نہیں ہیں اور نہ ہی ان میں یہ بات سننے کا یارا ہے ۔
یہ جواب سن کر اور حضرت ابو مسلم کے چین و اطمینان کو دیکھ کر اسود عنسی غصے سے آگ بگولہ ہو گیا ۔
اس نے ارادہ کیا ہی تھا کہ انہیں آگ میں پھینکنے کا حکم دے اتنے میں اس کا ایک منظور نظر چیلا آگے بڑھا اور کان میں یہ بات کہی: جیسا کہ آپ جانتے ہیں کہ یہ شخص پاکیزہ دل مستجات الدعوات ہے۔
یاد رکھ اللّٰہ تعالیٰ اپنے مئومن بندے کو ہرگز ذلیل و رسوا نہیں کیا کرتا ، اگر آج تو نے اسے آگ میں پھینک دیا اور اللّٰہ تعالیٰ نے اسے بچا لیا
تو آن واحد میں تیزی عزت خاک میں مل جائے گی ، اور لوگ اسی میدان میں تیری نبوت کو جھٹلا دیں گے ۔ اور اگر آگ نے اسے جلا دیا تو لوگوں کی نظر میں اس کی عزت و توقیر مزید بڑھ جائے گی ۔ لوگ اسے شہیدوں کی صف میں لاکھڑا کریں گے ۔
میری مانیں اس کو چھوڑ کر اس پر احسان کریں اور اسے ملک بدر کردیں اور اپنی جان چھڑائیں ۔
اسود عنسی نے اپنے چیلے کا مشورہ مانتے ہوئے حضرت مسلم خولانی کو فورا ملک سے نکل جانے کا حکم دیا ۔
حضرت ابو مسلم خولانی نے مدینے کا رخ کیا رسول معظم ﷺ کی زیارت کا شوق دل میں موجزن تھا یہ آپ کی زیارت کا سرمہ اپنی آنکھوں کو لگانے سے پہلے ہی ایمان لا چکے تھے دل آپ کی صحبت کا متمنی تھا لیکن یہ ابھی مدینہ کی حدود میں پہنچے ہی تھے کہ انہیں نبی کریم ﷺ کے وصال اور حضرت صدیق اکبر رضی اللّٰہ عنہ کے خلیفہ بننے کی اطلاع ملی تو انہیں آپکی وفات پر دلی صدمہ ہوا۔
حضرت ابو مسلم خولانی مدینہ منورہ پہنچے اور مسجد نبوی کا قصد کیا ۔ مسجد نبوی کے قریب پہنچ کر اپنی اونٹنی کو دروازے کے پاس باندھ دیا۔ حرم
نبوی میں داخل ہوئے ۔
روضہ رسول پر سلام عرض کیا پھر مسجد کے ایک ستون کی اوٹ میں کھڑے ہو کر نماز پڑھنے لگے۔
جب نماز سے فارغ ہوئے تو حضرت عمر بن خطاب رضی اللّٰہ عنہ اس کے قریب آئے اور فرمایا ۔
تم کون ہو کہاں سے آئے ہو۔
عرض کی یمن سے آیا ہوں۔
آپ نے پوچھا ، ہمارے اس ساتھی کا کیا بنا جسے جلانے کی خاطر دشمن خدا نے آگ بھڑکائی تھی لیکن اللّٰه تعالیٰ نے اسے نجات دے دی۔
آپ نے فرمایا وہ اللّٰه کے فضل و کرم سے خیرو عافیت سے ہے ۔
حضرت عمر نے فرمایا میں تجھے قسم دے کر پوچھتا ہوں کہیں تمہیں تو وہ نہیں ہو۔
فرمایا ہاں میں ہی وہ ہوں ۔
حضرت عمر رضی اللّٰہ عنہ نے اس کی پیشانی کو چوما اور فرمایا ۔
کیا تم جانتے ہو کہ اللّٰہ نے اپنے اور تیرے دشمن کے ساتھ کیا سلوک کیا ؟
فرمایا نہیں مجھے کچھ پتہ نہیں ، جب سے میں نے یمن کو چھوڑ ا ہے۔ مجھے کوئی خبر نہیں ۔
فرمایا اللّٰہ تعالیٰ نے اسے دوسرے مومنوں کے ہاتھوں قتل کرا دیا ہے ۔
اسکی حکومت جاتی رہی اور اس کے پیروکار دین اسلام کی طرف لوٹ آئے ۔
فرمایا اللّٰه کا شکر ہے جس نے میری آنکھیں اس کے عبرت ناک انجام سے ٹھنڈی کیں ، اور اس کی شعبدہ بازی سے دھوکہ کھانے والے اہل یمن کو اسلام کا دامن تھامنے کی توفیق عطا کی۔
حضرت عمر رضی اللّٰہ عنہ نے کہا ۔
میں اللّٰه تعالیٰ کا شکر بجا لاتا ہوں جس نے حضرت محمد ﷺ کی امت میں سے ایک ایسے شخص کی زیارت کا موقع عطا کیا جس کے ساتھ حضرت ابراہیم خلیل اللّٰہ علیہ السلام جیسا سلوک کیا گیا۔
پھر اسکا ہاتھ پکڑا اور حضرت صدیق اکبر رضی اللّٰہ عنہ کے پاس لے گئے سلام عرض کیا اور انکے ہاتھ پر بیعت کی ، حضرت صدیق اکبر رضی اللّٰہ عنہ نے اسے اپنے اور حضرت عمر رضی اللّٰہ عنہ کے درمیان بٹھالیا، اور دونوں شیخ حضرت ابو مسلم خولانی سے اسود عنسی کے ساتھ پیش آنے والا واقعہ غور سے سننے لگے۔
حضرت ابو مسلم خولانی رضی اللّٰہ عنہ نے مدینہ منورہ میں کافی عرصہ قیام کیا مسجد نبوی کے ہو کر رہے ، ریاض الجنتہ میں جی بھر کر نمازیں پڑھیں جلیل القدر صحابہ کرام رضی اللّٰہ عنہ سے علم حاصل کیا جن میں سے حضرت ابو عبیدہ بن جراح ، حضرت ابو ذر غفاری ، حضرت ابو عبادہ بن صامت ، حضرت معاذ بن جبل
جبل اور حضرت عوف بن مائدا شجعی رضی اللّٰہ عنہ سر فہرست ہیں۔
پھر حضرت ابو مسلم خولانی نے سر زمین شام کی طرف کوچ کیا اور وہیں رہائش اختیار کرنے کا ارادہ کیا ان کا اصل مقصد یہ تھا کہ شام کے سرحدی علاقے میں قیام کر کے اس لشکر اسلام میں شمولیت اختیار کی جائے جو روم کے خلاف نبرد آزما ہے۔ اس طرح اللّٰه کی راہ میں جہاد اور مجاہدین کی دیکھ بھال کا اجر و ثواب حاصل کیا جائے۔
جب حضرت معاویہ بن ابو سفیان خلیفہ المسلمین بنے تو حضرت ابو مسلم خولانی کثرت کے ساتھ ان کے پاس آیا جایا کرتے تھے اور ان دونوں شخصیات کے مابین بعض اوقات ایسے واقعات پیش آتے ہیں جن سے ان کی عظمت دوبالا نظر آتی ۔
ایک مرتبہ حضرت ابو مسلم خولانی امیر معاویہ رضی اللّٰہ عنہ کے دربار میں آئے دیکھا کہ آپ ایک بھری مجلس کے درمیان براجمان ہیں حکومت کے کارندوں ، لشکر کے جرنیلوں اور وطن کے معزز لوگوں نے آپ کے اردگرد گھیرا ڈال رکھا ہے ۔ لوگ حد درجہ تعظیم بجا لا رہے ہیں ۔ حضرت ابو مسلم یہ منظر دیکھ کر بہت گھبرائے، اندیشہ ہوا کہ امیر معاویہ یہ جاہ و حشم دیکھ کر کہیں آپے سے باہر نہ ہو جائیں تو آپ نے باواز بلند کہا۔
السلام علیکم اے اجیر المومنین ۔
لوگ اس کی طرف متوجہ ہوئے اور کہا ابو مسلم ۔
امیر المؤمنین کہو: آپ نے ان کی بات کی کوئی پرواہ نہ کی دوبارہ پھر یہ کہا۔
السلام علیکم یا اجبر المومنین ۔
لوگوں نے کہا اے ابو مسلم امیر المومنین کہو۔
آپ نے ان کی سنی ان سنی کرتے ہوئے پھر یہی جملہ دھرایا۔ جب لوگوں نے ابو مسلم کو سختی سے باز کرنے کا ارادہ کیا ابھی اسے پکڑا ہی تھا کہ حضرت امیر معاویہ رضی اللّٰہ عنہ نے فرمایا ۔
ابو مسلم کو چھوڑ دو جو بات وہ کہہ رہا ہے میں اس کا مفہوم سمجھتا ہوں ۔
ابو مسلم خولانی امیر معاویہ رضی اللّٰہ عنہ کی طرف متوجہ ہوئے اور فرمایا مسند خلافت پر جلوہ افروز ہونے کے بعد آپ کی مثال اس شخص جیسی ہے جس نے کسی شخص کو مزدور رکھا ہو اور اپنی بھیڑ بکریاں اس کے سپرد کر دی ہوں اور وہ اپنے مزدور کو اس کے کام کے حساب سے دیتا ہو، اگر اس نے بکریوں کو اچھے طریقے سے چرایا، انکی اچھی طرح دیکھ بھال کی جس سے ان کی اون اور دودھ میں خاطر خواہ اضافہ ہوا اس کی مسلسل نگہداشت سے چھوٹی بکریاں بڑی ہو گئیں ، لاغرموٹی تازی ہوگئیں بیمار تندرست ہو گئیں ظاہر ہے مالک خوش ہو کر مزدور کو زیادہ اجرت دے گا ۔
اگر اس نے اچھی طرح بکریوں کی دیکھ بھال نہ کی، ان کے بارے میں ایسی غفلت بھرتی کہ لاغر بکریاں ہلاک ہو گئیں ، موٹی کمزور ہو گئیں ، انکے بدنوں سے اون جھڑ گئی ، کمزوری کی وجہ سے دودھ جاتا رہا ظاہر ہے یہ صورتحال دیکھ کر مالک مزدور کو اجرت نہیں دے گا بلکہ اس سے ناراض ہوگا اور ہو سکتا ہے کہ اسے سزا بھی دے۔ آپ اپنے لیے وہ طریقہ اختیار کیجئے جس میں آپ کے لیے خیرو برکت ہو اور اجر و ثواب بھی۔ حضرت امیر معاویہ رضی اللّٰہ عنہ نے نگاہیں جھکائی ہوئی تھیں ، یہ نصیحت آموز باتیں سن کر اپنا سر اوپر اٹھایا ۔
اور فرمایا ۔ اے ابو مسلم خولانی اللّٰہ تعالیٰ آپکو جزائے خیر عطا کرے آپ واقعی اخلاص کے ساتھ نصیحت کرنے والے ہیں ۔
حضرت ابو مسلم خولانی رضی اللّٰہ عنہ نے دمشق کی مرکزی مسجد میں جمعہ پڑھا امیر المومنین حضرت امیر معاویہ رضی اللّٰہ خطبہ جمعہ دے رہے تھے وہ عوام کے نہر کی کھدائی کے منصوبے کا تزکرہ کر رہے تھے تاکہ لوگوں کو پینے کے لیے صاف پانی مہیا کیا جا سکے ۔
حضرت ابو مسلم نے فرمایا: اے امیر معاویہ آپ آج یا کل فوت ہو جائیں گے دو گز زمیں کا ٹکڑا چھوٹا سا تیرا گھر ہو گا ، اگر وہاں اچھے عمل لے کر جاؤ گے تو تمھارے لیے یہ گھر باغ و بہار ہو گا، اگر خالی ہاتھ چلے گئے تو اسے چٹیل میدان پاؤ گے ۔
اے امیر معاویہ رضی اللّٰہ عنہ اللّٰہ آپ کو اپنی پناہ میں رکھے ، کیا آپ مسند خلافت پہ جلوہ افروز ہونے کا مفہوم یہ سمجھتے ہیں کہ نہریں کھودی جائیں اور مال اکٹھا کیا جائے ، خلافت تو حق پر عمل پیرا ہونے کے لیے عدل و انصاف قائم کرنے لیے اور اللّٰہ تعالیٰ کی رضا کے مطابق لوگوں کی قیادت کرنے کے لیے دی گئی ہے۔
اے امیر معاویہ اگر وہ چشمہ صاف ہو جہاں سے پانی نکل کر نہر میں آتا ہے تو پھر نہر میں آکر پانی کے گدلے ہو جانے کی ہمیں کوئی پرواہ نہیں آپ ہمارے لیے پانی کے اصل چشمے کی مانند ہیں ، آپ خود صاف شفاف رہنے کے لیے کوشاں رہیں ۔
اے امیر معاویہ اگر آپ نے کسی ایک شخص پر بھی کوئی ظلم کیا تو وہ ظلم تمھارے عدل و انصاف کو بھی لے ڈوبے گا ۔ ظلم سے بچتے رہنا ۔
یادر رکھنا ایک ظلم قیامت کے دن کئی ظلمتوں اور تاریکیوں کا پیش خیمہ ثابت ہوگا۔
حضرت ابو مسلم خولانی نے اپنی نصیحت آموز گفتگو کو ختم کیا ہی تھا کہ امیر المومنین امیر معاویہ رضی اللّٰہ منبر سے نیچے اترے ، ابو مسلم سے بغلگیر ہوئے اور فرمایا ، اے ابو مسلم اللّٰہ آپ پر رحم فرمائے اور آپ کو جزائے خیر عطا کرے آپ نے واقعی نصحیت کا حق ادا کر دیا ۔
ایک مرتبہ حضرت امیر معاویہ رضی اللّٰہ عنہ منبر پر چڑھے خطبہ دینا شروع کیا ہی تھا صورت حال یہ تھی کہ لوگوں کو دو ماہ سے بیت المال میں سے ان کا حق ادا نہیں کیا گیا ، حضرت ابو مسلم خولانی قلندرانہ انداز میں بولے اے امیر معاویہ یہ مال نہ تیرا ہے اور نہ تیرے ماں باپ کا ۔
آپ نے لوگوں کا حق کیوں روک رکھا ہے ؟
یہ بات سن کر حضرت امیر معاویہ رضی اللّٰہ عنہ کا چہرہ غصے سے سرخ ہو گیا ، لوگ گھبرا اٹھے آپ نے فرمایا اپنی اپنی جگہ پر بیٹھے رہنا ، پھر آپ منبر سے نیچے اترے وضو کیا اور دل پر پانی کے چھینٹے مارے ۔ پھر منبر پر چڑھے ۔
اللّٰہ تعالیٰ کی حمد و ثناء بیان کرنے کے بعد ارشاد فرمایا ۔
ابو مسلم نے ابھی بھی کہا تھا کہ یہ مال نہ میرا ہے اور نہ میرے ماں باپ کا ، سنو ابو مسلم نے بالکل سچ کہا۔
میں نے رسول اللّٰہ ﷺ کو یہ فرماتے ہوئے سنا تھا ۔
کہ غصہ شیطان کی طرف سے آتا ہے اور شیطان کو آگ سے پیدا کیا گیا ہے ۔
پانی آگ بجھاتا ہے جب تم میں سے کسی کو غصہ آئے تو وہ نہا لیا کرے۔
لوگو! اپنے حقوق آج بیت المال سے وصول کر لینا اللّٰہ ہم سب کے لیے برکت عطا کرے ۔
حضرت ابو مسلم خولانی رضی اللّٰہ عنہ کو اللّٰہ تعالیٰ جزائے خیر عطا کرے یہ حق بات کہنے میں بڑے ہی بیباک تھے۔
اللّٰہ تعالیٰ امیر المومنین حضرت امیر معاویہ پر بے انتہا راضی ہو آپ نے حق بات کی طرف رجوع کرنے کا ایک مثالی نمونہ پیش کیا ۔
کسی نے کیا خوب کہا ہے :
کسی پر بلا وجہ زبان طعن درازنہ کیا کرو
یا پھر ان جیسی خوبیاں اپنا کر دیکھاؤ
حضرت ابو مسلم خولانی رضی اللّٰہ عنہ کے مفصل حالات زندگی معلوم کرنے کے لیے درج ذیل کتب کا مطالعہ کریں ۔
١- طبقات ابن سعد
٧/ ٤٤٨
٢- تاریخ البخاری
٥/ ٥٨
٣- المعرفہ و التاریخ
٢/ ٣٠٨ ، ٣٨٢
٤- الاستیعاب
١٤٧٩
٥- تاریخ ابن عساکر
٩/ ١٢
٦- اسد الغابہ
٣/ ١٢٩
٧-:اللباب
١/ ٣٩٥
٨-:تزکرة الحفاظ
٢٠٩
٩- البدایہ والنہایہ
٨/ ١٤٦
١٠- الاصابتہ
٦٣٠٢
١١- شزرات الزھب
١/ ٧٠
حوالہ:
“کتاب: حَياتِ تابِعِين کے دَرخشاں پہلوُ”
تالیف: الاستاذ ڈاکتور عبد الرحمان رافت الباشا
ترجمه: محمود غضنفر