26. Hazrat Salim Bin Abdullah Bin Umar Bin Khitab (رحمہ اللہ)
Hazrat Salim Bin Abdullah Bin Umar Bin Khitab (رحمہ اللہ)
|
Zuhd, Taqwa, Fazal-o-Sharf aur khush Haali-o-Farawaani mein Salim Bin Abdullah jaisa us kay daur mein aur koi na tha. (Imaam Malik) |
Ameer ul Momineen Hazrat Umar Bin Khattab (رضي الله عنه) kay tamaam beton mein Abdullah (رضي الله عنه) sab se ziyadah aap kay sath mushaabhat rakhta tha. Hazrat Abdullah (رضي الله عنه) kay tamaam beton mein Hazrat Salim sab se ziyadah aap kay sath Mushaabhat-o-<umaaslat rakhtay thay.
Aaiyye ab hum Hazrat Abdullah kay betay aur Hazrat Farooq-e-Azam’ kay potay Hazrat Salim Bin Abdullah’ ki Dastaan-e-Hayat bayaan kartay hain. Jo Shakal-o-Surat, Seerat-o-Kirdaar aur Deen-o-Sulook kay aitebaar se Hazrat Farooq-e-Azam se had darjah mushaabhat rakhta tha.
Hazrat Salim Bin Abdullah (رحمہ اللہ) ne tayyabah ki moa’tar noorani fizaaon mein zindagi basar ki. Tayyabah mein un dinon Maal-o-Daulat ki jo rail pail thi is se pehlay kabhi dekhnay mein nahi aayi, Har taraf rizq badi farawaani kay sath yahan pohoch raha tha. Khulafa-e-Bani Umayyah Madinah Munawwarah mein asbaab Maal-o-Daulat ki afzaaish mein insaani tasawwuraat se bhi badh kar dil chaspi letay lekin Hazrat Salim Bin Abdullah ne doosron ki tarah duniya ki taraf lalchaai hui nazroon se na dekha us kay faani Saz-o-Samaan ki koi parwah naa ki, Logon ki malkiyat se hameshah kinaara kash rahay taakeh jo kuch Allah Ta’ala kay haan hai usay hasil kiya jaa sakay yeh duniya se be raghbati darasal aakhirat ki kamyabi hasil karnay ki ummeed par thi.
Khulafa-e-Bani Umayyah ne unhein be baha Maal-o-Daulat se nawaaznein ki koshish ki lekin unho ne duniya ko haqeer samjhte huye Maal-o-Daulat qabool karnay se inkar kar diya.
Aik saal Khalifah Suleiman Bin Abdul Malik Hajj karnay kay liye Makkah aaya jab us ne tawaaf qadoom shuru kiya to us ne Hazrat Salim Bin Abdullah ko dekha keh woh Kaa’bah ki taraf rukh kiye huye Khuzoo’-o-Khushoo’ se baithe Quraan Majeed ki tilaawat kar rahay thay, Aankhon se aansu ki barsaat lagi hui hai, Khalifah jab tawaaf se faarigh hua do raka’at sunnat ada ki to is taraf ka rukh kiya jahan Hazrat Salim Bin Abdullah baithe thay. Logon ne raastah bataaya yahaan tak keh woh Hazrat Salim (رحمہ اللہ) ki jaanib ghutnay se ghutna milaa kar baith gaye. Hazrat Salim (رحمہ اللہ) Duniya-o-Maafiha se be niyaaz zikar Ilahi mein mashghool thay unhein kuch khabar na thi keh meray pehlu mein kaun aa baitha hai, Khalifah dazdeedah nigahon se Salim ko dekhnay laga keh kab tilaawat mein toqaf karay aur Aah-o-Baka ka silsala munqata’ ho keh woh us se baat kar sakay.
Jab yeh fursat ka lamha aaya us ki taraf lapka aur kaha:
Abu Umar Assalam-0-Alaikum Warahmat ullah wabarakath
Aap ne farmaaya wa Alaikum Assalam Warahmat ullah wabarakath
Khalifah ne badi hi past awaaz mein kaha:
Abu Umar koi zaroorat ho to batayein taakeh main usay pura karun.
Hazrat Salim khamosh rahay aur usay koi jawaab na diya.
Khalifah ne samjhaa shayad isay sunaai nahi diya pehlay ki nisbat aur ziyadah aagay badha aur kaha:
Mera dil chahtaa hai keh aap mujh se kisi zaroorat kay pura karnay ka mutaalbah karain mujhe aap ka wohh kaam kartay huye dili khushi hogi. Hazrat Salim ne farmaaya:
Allah ki qasam mujhe sharam aati hai keh main Allah Ta’ala kay ghar mein baith kar kisi aur se maangun.
Khalifah yeh jawaab sun kar sharminda hua aur khamosh ho gaya lekin usi jagah baitha raha. Jab namaz ada kar li gayi Hazrat Salim (رحمہ اللہ) uth kar apni sawaari ki taraf jaanay lagay to us kay gird logon ka azdahaam ho gaya.
Aik aap se Hadees-e-Rasool (علیہ السلام) puch raha hai.
Doosra koi deeni maa’malay mein fatwa dariyaft kar raha hai.
Teesra kisi deeni maa’malay mein nasihat haasil kar raha hai.
Chauthaa dua kay liye arz kar raha hai.
Is bheed mein Khalifat ul Muslimeen, Suleiman Bin Abdul Malik bhi tha. Logon ne jab usay dekha to us kay liye rastah banaaya wohh Hazrat Salim Bin Abdullah (رحمہ اللہ) kay qareeb ho kar kaan mein kehnay laga:
Ab hum Masjid Haram se bahir aa chukay hain apni koi zaroorat bataayen taakeh main usay pura karun.
Hazrat Salim ne Khalifah se pucha koi duniya ki zarorat pesh karun yaa akhirat ki ?
Khalifah ne thoday toqaf kay baad kaha:
Koi duniya ki zaroorat bataayen.
Hazrat Salim (رحمہ اللہ) ne farmaaya: Main duniya ki zarooriyaat us se nahi mangtaa jo uska haqeeqi maalik hai bhalaa main us se kaise maangun jo in ka maalik hi nahi? Mera Allah bin maangay meri tamaam zaroortein puri karta hai. Khalifah sharmindah hua aur usay Salaam kiya aur yeh kehtay huye wapis palat gaya:
Aye Aal-e-Khataab, Zuhd-o-Taqwa ne tumhein kis qadar khud daar bana diya hai.
Allah Ta’ala ne tumhein kis qadar be Niyaaz-o-Ghani kar diya hai.
Allah Ta’ala tumhein barkat a’ata karay.
Is se pehlay Waleed Bin Abdul Malik ne Hajj kiya jab log Maidan-e-Arafaat se wapis paltay to Khalifat ul Muslimeen muzdalfah mein Hazrat Salim Bin Abdullah se milay, woh ahraam ki haalat mein thay usay salaam kiya aur buland darjaat ki du’aa di, Us kay jisam ki taraf dekha to us kay phurteelay, Shaidol aur taqat war jism ko dekhte hi reh gaye jo ahraam ki wajah se pura dhaanpa hua nahi tha.
Farmaaya: Abu Umar bada khoobsurat jisam hai kya khatay ho?
Farmaaya roti aur tail…….. Kabhi kabhi gosht mil jaye to woh bhi kha leta hun.
Khalifah ne ta’ajjub say kaha:
Bas roti aur tail par guzaara chalta hai?
Farmaaya haan.
Khalifah ne pucha kya tum usay dili raghbat say khaatay ho?
Farmaaya:
Agar bhook nahi hoti to main usay haath tak nahi lgaata jab khoob bhook lagti hai to badi Chaahat-o-Raghbat say tanaawul karta hoon.
Hazrat Salim Bin Abdullah (رحمہ اللہ) jis tarhan Zuhad-o-Taqwa mein apnay dada Farooq-e-Azam (رضى الله عنه) say mushabehat rakhte thay bea’eenih haq baat dankay ki chot say kehnay mein bhi un kay Naqas-e-Qadam par gamzan thay khwah kitnay hi na masaa’id halaat kyun na hon woh haq baat kehnay mein qat’an nahi jhijhaktay thay.
Aik martabah musalmaanon kay kisi kaam kay liye Hajjaj Bin Yousuf kay paas gaye, Hajjaj ne khush aamdeed kaha aur badi Izzat-o-Ikaraam say pesh aaya, Thodi hi der baad Hajjaj kay paas kuch log bediyon mein jakday huye laye gaye, Jin kay baal paragandah thay, Jism ghubaar aalood thay, Chehray zard ho chukay thay.
Hajjaj ne Hazrat Salim ki taraf dekha aur farmaaya:
Yeh baaghi aur fasaadi log hain in ka khoon bahaana jaiz hai, phir Hazrat Salim رحمہ اللہ ko talwaar di aur kaha is pehlay khaday huye shakhs ki gardan par tum waar karo.
Hazrat Salim رحمہ اللہ ne Hajjaj kay haath say talwaar lay li aur us shakhs ki taraf qadam badhaya, Log tiktiki lagaa kar yeh manzar dekh rahay thay keh ab kiya kartay hain?
Jab us shakhs kay saamne jaa kar khade huye to ussay pucha:
Kya tu musalmaan hai?
Us ne kaha: Haan main musalmaan hoon. Lekin tujhay is sawaal say kiya gharz?
Jo tujhay hukm diya gaya hai woh naafiz karo.
Hazrat Salim ne us say pucha:
Kya tune aaj subha ki namaz padhi hai?
Us shakhs ne kaha main ne tumhein bataya keh main musalmaan hoon phir tum mujh say puchtay ho keh main ne subha ki namaz padhi hai!!!
Aap ka kya khayaal hai keh koi musalmaan namaz chod sakta hai?
Hazrat Salim ne kaha:
Main ne tujh say pucha hai kya tu ne aaj subha ki namaz padhi hai?
Us shakhs ne badi be baaki say kaha:
Allah tujhay hidayat de, Main ne kaha keh haan main ne namaz padhi hai, Meri yeh aap say iltamaas hai keh jo is zaalim ne hukm diya hai woh kar guzro. Warna is ki sakhti aur Zulm-o-Tashaddud ka aap ko saamna karna paday ga.
Hazrat Salim Hajjaj ki taraf paltay aur talwaar us kay samnay phenk di aur farmaaya: Yeh shakhs iqraar karta hai keh woh musalmaan hai aur woh yeh kehta hai keh us ne aaj subha ki namaz parhi hai mujh tak yeh hadees pohchi hai keh Rasool-e-Aqdasﷺ ne irshaad farmaaya:
“Jis ne subha ki namaz ada ki woh Allah ki panah mein aa jaata hai”.
Main aisay shakhs ko qatal nahi karoonga jo Allah ki panah mein aa chuka ho.
Hajjaj ne ghazabnaak andaaz mein kaha:
Ham isay subha ki namaz chodnay par qatal nahi kartay ham isay is jurm mein qatal karna chahtay hain keh is ne Khalifaht ul muslimeen Hazrat Usman Bin Affaan رضی اللّٰہ عنه kay qatal mein mu’aawnat ki, Hamaray nazdeek yeh jurm Qaabil-e-Gardan zani hai.
Hazrat Salim رحمہ اللہ ne irshaad farmaaya:
Logon mein mujh say aur tujh say badhkar aisi shakhsiat maujood hai jo khud Usman ka badlah lay sakti hai.
Hajjaj khamosh ho gaya aur us ne koi jawaab na diya, Us majlis mein haazir aik shakhs Madinah munawwarah pohcha us ne Hazrat Abdullah bin Umar رضى الله عنه ko un kay betay Salim ka waqiya sunaaya abhi woh sunaanay hi laga tha keh aap jhat bol paday meray betay Salim ne Hajjaj kay hukm ka kya kiya?
Us ne kaha Hazrat Salim ne is andaaz mein uskay hukm ko maannay say inkaar kar diya.
Yeh sun kar aap bohat khush huye aur farmaaya mera beta waqayi bohat aqalmand hai.
Mera beta waqayi bohat danishmand hai.
Jab Hazrat Umar Bin Abdul ‘Azeez رحمہ اللہ Masnad-e-Khilafat par jalwah afroz huye to Hazrat Salim Bin Abdullah رحمہ اللہ ki taraf khat likha tehreer kartay hain:
Allah Ta’ala ne mujhe Masnad-e-Khilafat kay kaday imtehaan mein mubtala kar diya hai. Na kisi ne mujh say mashwara kiya aur na hi kabhi main ne is ka mutalba kiya.
Meri Allah Ta’ala say iltijaa hai keh woh is imtehaan mein meri madad karay.
Jab mera yeh khat aap tak pohchany mujhay woh tamaam tehreeri faislay jo Hazrat Umar Bin Khattaab رضی اللّٰہ عنه ne apnay Daur-e-Khilaafat mein kiye thay, Bhej dena aur agar un ki seerat kay waqiyaat aap kay paas tehreeri maujood hain to woh bhi bhej dena.
Main un kay Naqash-o-Qadam par chalnay ka iraadah rakhta hoon aur un ka manhaj ikhtiyar karna chahta hoon.
Allah mujhay taufeeq ataa Karay.
Hazrat Salim رحمہ اللہ ne un ki taraf jawaabi khat likha jis mein yeh tehreer kiya.
Aap ka khat mujhay musool hua halaat say aagahi hui, Aap ne imaarat ko Ibtilaa say ta’beer kiya hai.
Aap ne na usay talab kiya aur na hi aap say mashwara kiya gaya aur yeh keh aap Hazrat Umar رضى الله عنه ki seerat apnaana chahtay hain.
Aap ko yeh baat achhi tarhan zehen nasheen kar leni chahiye keh aap jis daur say guzar rahay hain woh Hazrat Umar رضى الله عنه kay daur say mukhtalif hai.
Aap ko woh Rijaal-e-Kaar mayassar nahi jo Hazrat Umar رضى الله عنه ko mayassar thay lekin yeh baat khoob achi tarhan jaan lo: Aap ne haq kay parchaar ki niyat ki hai, Allah yaqeenan aap ki madad karayga aap ko bhi aise kaarinde mayassar aayen gay jo tera haath bataaen gay.
Aur aise aise log teray maawan banayengay jin ka tujhay Wahem-o-Gumaan hi nahi ho ga.
Allah Ta’ala apnay bande ki madad us ki niyat kay mutaabiq karta hai jis ki niyat Khair-o-Bhalaai mein kàamil ho aur khaalis ho Allah Ta’ala ki nusrat aur madad bhi us kay Shaami-e-Haal hoti hai.
Jis ki niyat mein fitoor aur kotaahi ho us ki niyat bhi usi hisaab say hoti hai.
Agar kabhi tera dil kisi aisi cheez ki taraf maail ho jo Allah Ta’ala ko pasand na ho to apnay say pehlay un baadshahon ko yaad kar liya karo jo is duniya say kooch kar chukay hain.
Apnay dil say yeh sawaal kiya karo: Un ki woh aankhain kisi tarhan phodi gayeen jo lazzaton aur raa’naayon say lutf andoz hua karti thein.
Un kay woh pait qabar mein kis tarhan phatay jo Shehwat-o-Lazzat say sair nahi hua kartay thay.
Un kay murdah jismon ko agar hamaare gharon kay qareeb laa kar khul-e-aam rakh diya jaye aur mitti mein na dabaaya jaaye to us ki sadhaand say hamara jeena haraam ho jaye.
Wa alikum aslam Warahmat ullah wa bakraktuh
Hazrat Salim Bin Abdullah Bin Umar رحمہ اللہ lambi umar bharpoor taqway ki haalat mein aur hidayat say aarasta guzaari.
Duniya ki Zeb-o-Zeenat say zindagi bhar kinaara kash rahay.
Allah Ta’ala ki raza ko har qadam par Paish-e-Nazar rakha.
Saada khana khaaya.
Khurdura libaas pehna.
Ma’arkah-e-Rome mein Lashkar-e-Islaam kay saath aik sipaahi ki haisiyat mein hissah liya.
Musalmaanon ki zarooratain puri karnay mein bhar poor dilchaspi ka muzaahira kiya un kay saath hamesha aisi shafqat say paish aay jaise maa aulaad say mohabbat aur shafqat say paish aati hai.
106 hijri ko jab yeh Allah ko piyary huye to Madinay kay har fard par Gham-o-Andooh kay pahaad toot paday.
Un ki mout ki khabar ne har fard kay dil mein gham ka sholaa bhadka diya.
Har aankh ghamnaak thi. Aur har rukhsaar aansuon say tar tha, Tamaam log deewana waar janaaze kay peechay ho liye aur dafan tak haazir rahay, Khalifah Hisham Bin Abdul malik Madinah mein maujood tha. Woh bhi Namaz-e-Janaazah mein shareek hua.
Jab us ne logon ka izdhaam dekha janaaze mein shareek logon ki waariftagi ka haal dekha to us kay dil mein hasad paidah ho gaya. Woh apnay dil say sawaal karnay laga. Agar Khalifat ul Muslimeen fout ho jaye to kya log isi Zoq-o-Shoq say janaaze ko kandha denay kay liye gharon say nikal aaengay?
Janaaze say faarigh ho kar Madinah kay governor Ibrahim bin Hisham Makhzuni ko kaha:
Ahl-e-Madinah par yeh farz aaid kar dein keh woh sarhadon ki hifaazat kay liye chaar hazaar afraad rawaana kar dein.
Hazrat Salim Bin Abdullah رحمہ اللہ ki qabar ko Allah Ta’ala taro taazah karay aur unhein Jannat al Firdous mein a’alaa maqaam naseeb karay.
Hazrat Salim Bin Abdullah رضى الله عنه kay mufassil halaat-e-zindagi ma’loom karnay kay liye darjzail kitaabon ka muta’ala karain:
| 1: Tabqaat-e-Bin S’aad: 5/195 2: Tarikh ul Bukhari 4/115 3: Al Marifaah wal Tarikh 1/554 4: Al Jarah wal Tadeel 2/174 5: Hilyat ul Awliya 2/192 6: Tabaqat ul Fuqaha Shirazi 46 7: Tahzeeb ul Asmaa wal Lughat 207 8: Wafayat ul Aayan 2/349 9: Tarikh ul Asmaa 4/115 10: Tabaqat ul Huffaz (Suyooti) 33 11: Shazarat ul Zahab 1/133 |
REFERENCE:
Book: “Hayat-e-Taba’een kay Darakhsha pahelo”
Taleef : Dr. Abdur Rahman Rafat Al- Pasha.
Urdu Translation : By Professor Mehmood Ghaznofer
حضرت سالم بن عبد اللّٰہ بن عمر بن خطاب رضی اللّٰہ عنہ
زہد ، تقوی ، فضل و شرف اور خوش حالی و فراوانی میں سالم بن عبد اللّٰہ رضی اللّٰہ عنہ جیسا اس کے دور میں اور کوئی نہ تھا۔
(امام مالک)
امیرالمومنین حضرت عمر بن خطاب رضی اللّٰہ عنہ کے تمام بیٹوں میں عبداللّٰہ رضی اللّٰہ عنہ سب سے زیادہ آپ کے ساتھ مشابہت رکھتا تھا حضرت عبداللّٰہ رضی اللّٰہ عنہ کے تمام بیٹوں میں سے حضرت سالم سب سے زیادہ آپکے ساتھ مشابہت و مماثلت رکھتے تھے –
آئیے اب ہم حضرت عبداللّٰہ کے بیٹے اور حضرت فاروق اعظم رضی اللّٰہ عنہ کے پوتے حضرت سالم بن عبداللّٰہ کی داستان حیات بیان کرتے ہیں – جو شکل و صورت, سیرت و کردار اور دین و سلوک کے اعتبار سے حضرت فاروق اعظم رضی اللّٰہ عنہ سے درجہ مشابہت رکھتا تھا –
حضرت سالم بن عبداللّٰہ رضی اللّٰہ عنہ نے طیبہ کی معطر و نورانی فضاؤں میں زندگی بسر کی طیبہ میں ان دنوں مال و دولت کی جو ریل بیل تھی اس سے پہلے کبھی دیکھنے میں نہیں آئی ہر طرف رزق بڑی فراوانی کے ساتھ یہاں پہنچ رہا تھا – خلفائے بنو امیہ مدینہ منورۃ میں اسباب مال و دولت کی افزائش میں انسانی تصورات سے بھی بڑھ کر دلچسپی لیتے لیکن حضرت سالم بن عبداللّٰہ نے دوسروں کی طرح دنیا کی طرف للچائی ہوئی نظروں سے نہ دیکھا اس کے فانی سازو سامان کی کوئی پرواہ نہ کی لوگوں کی ملکیت سے ہمیشہ کنارہ کش رہے تاکہ جو کچھ اللّٰہ تعالیٰ کے ہاں اسے حاصل کیا جا سکے یہ دنیا سے بے رغبتی دراصل آخرت کی کامیابی حاصل کرنے کی امید پر تھی-
خلفائے بنو امیہ نے انہیں بے بہا مال و دولت سے نوازنے کی کوشش کی لیکن انہوں نے دنیا کو حقیر سمجھتے ہوئے مال و دولت قبول کرنے سے انکار کر دیا – ایک سال خلیفہ سلیمان بن عبدالملک حج کرنے کے لیے مکہ آیا جب اس نے طواف قدوم شروع کیا تو اس نے حضرت سالم بن عبداللّٰہ کو دیکھا کہ وہ کعبہ کی طرف رخ کیے ہوئے خضوع و خشوع سے بیٹھے قرآن مجید کی تلاوت کر رہے تھے آنکھوں سے آنسوؤں کی برسات لگی ہوئی ہے
خلیفہ جب طواف سے فارغ ہوا دو رکعت سنت ادا کی تو اس طرف کا رخ کیا
جہاں حضرت سالم بن عبداللّٰہ بیٹھے تھے – لوگوں نے راستہ بنایا یہاں تک کہ وہ حضرت سالم رضی اللّٰہ عنہ کی جانب گھٹنے سے گھٹنہ ملا کر بیٹھ گئے حضرت سالم رضی اللّٰہ عنہ دنیا و مافیہا سے بے نیاز ذکر الٰہی میں مشغول تھے انہیں کچھ خبر نہ تھی کہ میرے پہلو میں کون آ بیٹھا ہے خلیفہ دزدیدہ نگاہوں سے سالم کو دیکھنے لگا کہ کب تلاوت میں توقف کرے اور آہ وبکا کا سلسلہ منقطع ہو کہ وہ اس سے بات کر سکے-
جب یہ فرصت کا لمحہ آیا اس کی طرف لپکا اور کہا –
ابو عمر السلام علیکم و رحمۃ اللّٰہ و برکاتہ-
آپ نے فرمایا و علیکم السلام و رحمۃ اللّٰہ وبرکاتہ-
خلیفہ نے بڑی ہی پست آواز میں کہا –
ابو عمر کوئی ضرورت ہو تو بتائیں تاکہ میں اسے پورا کروں –
حضرت سالم خاموش رہے اور اسے کوئی جواب نہ دیا –
خلیفہ نے سمجھا شاید اسے سنائی نہیں دیا پہلے کی نسبت اور زیادہ آگے بڑھا اور کہا-
میرا دل چاہتا ہے کہ آپ مجھ سے کسی ضرورت کے پورا کرنے کا مطالبہ کریں مجھے آپ کا وہ کام کرتے ہوئے دلی خوشی ہو گی, حضرت سالم نے فرمایا –
اللّٰہ کی قسم مجھے شرم آتی ہے کہ میں اللّٰہ تعالیٰ کے گھر میں بیٹھ کر کسی اور سے مانگوں-
خلیفہ یہ جواب سن کر شرمندہ ہوا اور خاموش ہو گیا لیکن اسی جگہ بیٹھا رہا – جب نماز ادا کر لی گئی حضرت سالم رضی اللّٰہ عنہ اٹھ کر اپنی سواری کی طرف جانے لگے تو اس کے گرد لوگوں کا ازوہام ہو گیا-
ایک آپ سے حدیث رسول علیہ السلام پوچھ رہا ہے –
دوسرا کوئی دینی معاملے میں فتوی دریافت کر رہا ہے –
تیسرا کسی دنیاوی معاملے میں نصیحت حاصل کر رہا ہے –
چوتھا دعا کے لیے عرض کر رہا ہے –
اس بھیڑ میں خلفیتہ المسلمین سلیمان بن عبدالملک بھی تھا لوگوں نے جب اسے دیکھا تو اس کے لیے راستہ بنایا وہ حضرت سالم بن عبداللّٰہ رضی اللّٰہ عنہ کے قریب ہو کر کان میں کہنے لگا –
اب ہم مسجد حرام سے باہر آچکے ہیں اپنی کوئی ضرورت بتائیں تاکہ میں اسے پورا کروں –
حضرت سالم نے خلیفہ سے پوچھا کوئی دنیا کی ضرورت پیش کروں یا
آخررت کی ؟
خلیفے نے تھوڑے سے توقف کے بعد کہا-
کوئی دنیا کی ضرورت بتائیں –
حضرت سالم رضی اللّٰہ عنہ نے فرمایا میں دنیا کی ضرورت اس سے نہیں مانگتا جو اسکا حقیقی مالک ہے بھلا میں اس سے کیسے مانگوں جو ان کا مالک ہی نہیں ؟ میرا اللّٰہ بن مانگے میری تمام ضرورتیں پوری کرتا ہے خلیفہ شرمنزہ ہوا اور اسے سلام کیا اور یہ کہتے ہوئے واپس پلٹ گیا –
اے آل خطاب زاہد و تقوی نے تمہیں کس قدر خودار بنا دیا ہے-
اللّٰہ تعالیٰ نے تمہیں کس قدر بے نیازی و غنی کر دیا ہے –
اللّٰہ تعالیٰ تمہیں برکت عطا کرے –
اس سے پہلے ولید بن عبدالملک نے حج کیا جب لوگ میدان عرفات سے واپس پلٹے تو خلیفتہ المسلمین مزدلفہ میں حضرت سالم بن عبداللّٰہ سے ملے وہ احرام کی حالت میں تھے اسے سلام کیا اور بلندی درجات کی دعا دی اس کے جسم کی طرف دیکھا تو اس کے پھر تیلے,شیڈول اور طاقت ور جسم کو دیکھتے ہی رہ گئے جو احرام کی وجہ سے پورا ڈھانپا ہوا نہیں تھا –
فرمایا ابو عمر بڑا خوبصورت جسم ہے کیا کھاتے ہو؟
فرمایا روٹی اور تیل …..کبھی کبھی گوشت مل جائے تو وہ بھی کھا لیتا ہوں –
خلیفہ نے تعجب سے کہا –
بس روٹی اور تیل پر گزارہ چلتا ہے ؟
فرمایا ہاں –
خلیفہ نے پوچھا کیا تم اسے دلی رغبت سے کھاتے ہو؟
فرمایا :
اگر بھوک نہیں ہوتی تو میں اسے ہاتھ نہیں لگاتا جب خوب بھوک لگتی ہے تو بڑی چاہت اور رغبت سے تناول کرتا ہوں –
حضرت سالم بن عبداللّٰہ رضی اللّٰہ عنہ جس طرح زہدو تقوی میں اپنے دادا فاروق اعظم رضی اللّٰہ عنہ سے مشابہت رکھتے تھے بعینہ حق بات ڈنکے کی چوٹ سے کہنے میں بھی ان کے نقش قدم پر گامزن تھے خواہ کتنے ہی نامساعد حالات کیوں نہ ہوں وہ حق بات کہنے میں قطا نہیں جھجکتے تھے-
ایک مرتبہ مسلمانوں کے کسی کام کے لیے حجاج بن یوسف کے پاس گئے حجاج نے خوش آمدید کہا اور بڑی عزت و اکرام سے پیش آیا تھوڑی ہی دیر بعد حجاج کے پاس کچھ لوگ بیڑیوں میں جکڑے ہوئے لائے گئے, جن کے بال پر اگندہ تھے جسم غبار آلود تھے چہرے زرد ہو چکے تھے-
حجاج نے حضرت سالم کی طرف دیکھا اور فرمایا :
یہ باغی اور فسادی لوگ ہیں ان کا خوں بہانا جائز ہے پھر حضرت سالم رضی اللّٰہ عنہ کو تلوار دی اور کہا اس پہلے کھڑے ہوئے شخص کی گردن پر تم
حضرت سالم رضي الله عنه نے تلوار حجاج کے ہاتھ سے لی اور اس شخص کی طرف قدم بڑھایا، لوگ ٹکٹکی لگا کر یہ منظر دیکھ رہے تھے کہ اب کیا کرتے ہیں۔
جب اس شخص کے سامنے جا کر کھڑے ہوئے تو اس سے پوچھا۔
کیا تو مسلمان ہے؟
اس نے کہا:ہاں میں مسلمان ہوں ۔۔۔۔۔۔ لیکن تجھے اس سوال سے کیا غرض؟
جو تجھے حکم دیا گیا ہے تم وہ نافذ کرو۔
حضرت سالم نے اس سے پوچھا۔
کیا تو نے آج صبح کی نماز پڑھی ہے؟
اس شخص نے کہا میں نے تمہیں بتایا ہے کہ میں مسلمان ہوں پھر تم مجھ سے پوچھتے ہو کہ میں نے صبح کی نماز پڑھی ہے!!!!
آپ کا کیا خیال ہے کہ کوئی مسلمان نماز چھوڑ سکتا ہے؟
حضرت سالم نے کہا۔
میں نے تجھ سے پوچھا ہے کیا تو نے آج صبح کی نماز پڑھی ہے؟
اس شخص نے بڑی بیباکی سے کہا۔
اللّٰہ تجھے ہدایت دے میں نے کہا کہ ہاں میں نے نماز پڑھی ہے میری یہ آپ سے التماس ہے کہ جو اس ظالم نے حکم دیا ہے وہ کر گزرو۔ ورنہ اس کی سختی اور ظلم و تشدد کا آپکو سامنا کرنا پڑے گا۔
حضرت سالم حجاج کی طرف پلٹے اور تلوار اس کے سامنے پھینک دی اور فرمایا یہ شخص اقرار کرتا ہے کہ وہ مسلمان ہے اور وہ یہ کہتا ہے کہ اس نے آج صبح کی نماز پڑھی ہے مجھ تک یہ حدیث پہنچی ہے کہ رسول اقدسﷺ نے ارشاد فرمایا۔
“جس نے صبح کی نماز ادا کی وہ اللّٰہ کی پناہ میں آجاتاہے۔”
میں ایسے شخص کو قتل نہیں کروں گا جو اللّٰہ کی حفاظت میں آ چکا ہو۔
حجاج نے غضبناک انداز میں کہا۔
ہم اسے صبح کی نماز چھوڑنے پر قتل نہیں کرتے ہم اسے اس جرم میں قتل کرنا چاہتے ہیں کہ اس نے خلیفتہ المسلمیں حضرت عثمان بن عفان رضی اللّٰہ عنه کے قتل میں معاونت کی ہمارے نزدیک یہ جرم قابل گردن زدنی ہے۔
حضرت سالم رضی الله عنه نے ارشاد فرمایا۔
لوگوں میں مجھ سے اور تجھ سے بڑھ کر ایسی شخصیت موجود ہے جو خود عثمان کا بدلہ لے سکتی ہے۔
حجاج خاموش ہو گیا اور اس نے کوئی جواب نہ دیا اس مجلس میں حاضر ایک شخص مدینہ منورہ پہنچا اور اس نے حضرت عبداللّٰہ بن عمر رضی الله عنه کو ان کے بیٹے سالم کا واقعہ سنایا ابھی وہ سنانے ہی لگا تھا کہ آپ جھٹ بول پڑے میرے بیٹے سالم نے حجاج کے حکم کا کیا کیا۔
اس نے کہا کہ حضرت سالم نے اس انداز میں اسکے حکم کو ماننے سے انکار کر دیا۔
یہ سن کر آپ بہت خوش ہوئے اور فرمایا کہ میرا بیٹا واقعی بہت عقلمند ہے۔ میرا بیٹا واقعی بہت دانشمند ہے۔
جب حضرت عمر بن عبد العزیز رضی الله عنه مسند خلافت پر جلوہ افروز ہوئے تو حضرت سالم بن عبداللّٰہ رضی الله عنه کی طرف خط لکھا تحریر کرتے ہیں۔
کہ اللّٰہ تعالیٰ نے مجھے مسند خلافت کے کڑے امتحان میں مبتلا کردیا ہے۔ نہ کسی نے مجھ سے مشورہ کیا ہے اور نہ کبھی میں نے اس کا مطالبہ کیا۔
میری اللّٰہ تعالیٰ سے التجا ہے کہ وہ اس امتحان میں میری مدد کرے۔
جب میرا یہ خط آپ تک پہنچے مجھے وہ تمام تحریری فیصلے جو حضرت عمر بن خطاب رضی الله عنه نے اپنے دور خلافت میں کیے تھے بھیج دینا اور اگر ان کی سیرت کے واقعات آپکے پاس تحریری موجود ہوں تو وہ بھی بھیج دینا ۔
میں ان کے نقش قدم پر چلنے کا ارادہ رکھتا ہوں اور ان کا منہج اختیار کرنا چاہتا ہوں۔
اللّٰہ مجھے توفیق عطا کرے۔
حضرت سالم رضی اللّٰہ عنه نے ان کی طرف جوابی خط لکھا جس میں یہ تحریر کیا۔
آپ کا خط مجھے موصول ہوا حالات سے آگاہی ہوئی آپ نے امارات کو ابتلاء سے تعبیر کیا ہے۔
آپ نے نہ اسے طلب کیا اور نہ ہی آپ سے مشورہ کیا گیا اور یہ کہ آپ حضرت عمر رضی اللّٰہ عنه کی سیرت اپنانا چاہتے ہیں۔
آپ کو یہ بات اچھی طرح ذہن نشین کر لینی چاہیئے کہ آپ جس دور سے گزر رہے ہیں وہ حضرت عمر رضی اللّٰہ عنه کے دور سے مختلف ہے۔
آپکو وہ رجال کار میسر نہیں جو حضرت عمر رضی اللّٰہ عنه کو میسر تھے لیکن یہ بات خوب اچھی طرح جان لو: آپ نے حق کے پرچار کی نیت کی ہے اللّٰہ یقیناً آپ کی مدد کریگا آپ کو بھی ایسے کارندے میسر آئیں گے جو تیرا ہاتھ بٹائیں گے۔
اور ایسے ایسے لوگ تیرے معاون بنیں گے کہ جن کا تجھے وہم و گمان ہی نہیں ہو گا۔
اللّٰہ تعالیٰ اپنے بندے کی مدد اس کی نیت کے مطابق کرتا ہے جس کی نیت خیر و بھلائی میں کامل ہو اور خالص ہو اللّٰہ تعالیٰ کی نصرت اور مدد بھی مکمل اس کے شامل حال ہوتی ہے۔
جس کی نیت میں فتور اور کوتاہی ہو اس کی مدد بھی اسی حساب سے ہوتی ہے۔
اگر کبھی تیرا دل کسی ایسی چیز کی طرف مائل ہو جو اللّٰہ تعالیٰ کو پسند نہ ہو تو اپنے سے پہلے ان بادشاہوں کو یاد کر لیا کرو جو دنیا سے کوچ کر چکے ہیں۔
اپنے دل سے یہ سوال کیا کرو: ان کی وہ آنکھیں کسی طرح پھوڑی گئیں جو لذتوں اور رعنائیوں سے لطف اندوز ہوا کرتی تھیں۔
ان کے وہ پیٹ قبر میں کس طرح پھٹے جو شہوات و لذات سے سیر نہیں ہوا کرتے تھے۔
ان کے مردہ جسموں کو اگر ہمارے گھروں کے قریب لا کر کھل عام رکھ دیا جائے۔ اور مٹی میں دبایا نہ جائے تو اس کی سڑھاند سے ہمارا جینا حرام ہو جائے۔
والسلام علیکم ورحمتہ اللّٰہ وبرکاتہ
حضرت سالم بن عبداللّٰہ بن عمر بن رضی اللّٰہ عنه لمبی عمر بھر پور تقوے کی حالت میں اور ہدایت سے آراستہ گذاری۔
دنیا کی زیب و زینت سے زندگی بھر کنارہ کش رہے۔
اللّٰہ تعالیٰ کی رضا کو ہر قدم پر پیش نظر رکھا ۔
سادہ کھانا کھایا۔
کھردرا لباس پہنا۔
معرکہ روم میں لشکر اسلام کے ساتھ ایک سپاہی کی حیثیت میں حصہ لیا۔
مسلمانوں کی ضرورتیں پورا کرنے میں بھرپور دلچسپی کا مظاہرہ کیا ان کے ساتھ ہمیشہ ایسی شفقت سے پیش آئے جیسے ماں اولاد سے محبت اور شفقت سے پیش آتی ہے۔
١٠٦ ہجری کو جب یہ اللّٰہ کو پیارے ہوئے تو مدینے کے ہر فرد پر غم و اندوہ کے پہاڑ ٹوٹ پڑے۔
ان کی موت کی خبر نے ہر فرد کے دل میں غم کا شعلہ بھڑکا دیا ۔
ہر آنکھ غم ناک تھی ۔ اور ہر رخسار آنسوؤں سے تر تھا تمام لوگ دیوانہ وار جنازے کے پیچھے ہو لیے اور دفن تک حاضر رہے خلیفہ ہشام بن عبد الملک مدینہ میں موجود تھا ۔ وہ بھی نماز جنازہ میں شریک ہوا۔
جب اس نے لوگوں کا ازدحام دیکھا جنازے میں شریک لوگوں کی دارفتگی کا حال دیکھا تو اس کے دل میں حسد پیدا ہو گیا ۔ وہ اپنے دل سے سوال کرنے لگا۔ اگر خلیفتہ المسلمین فوت ہو جائے تو کیا لوگ اسی ذوق و شوق سے جنازے کو کندھا دینے کے لیے گھروں سے نکل آئیں گے ؟
جنازے سے فارغ ہو کر مدینہ کے گورنر ابراہیم بن ہشام مخزومی کو کہا: اہل مدینہ پر یہ فرض قرار دے دیں کہ وہ سرحدوں کی حفاظت کے لیے چار ہزار افراد روانہ کریں۔
حضرت سالم بن عبد اللّٰہ کی قبر کو اللّٰہ تعالیٰ تروتازہ کرے اور انہیں جنت الفردوس میں اعلیٰ مقام نصیب کرے۔
حضرت سالم بن عبد اللّٰہ رضی اللّٰہ عنہ کے مفصل حالات زندگی معلوم کرنے کے لیے درج ذیل کتابوں کا مطالعہ کریں ۔
١- طبقات ابن سعد
٥/ ١٩٥
٢- تاریخ البخاری
٤/ ١١٥
۳۔المعرفتہ و التاریخ۔ ۵۵۴/۱
۴۔الجرح والتعدیل۔ ۱۸۴/۲
۵۔حلیتہ الاولیاء۔ ۱۹۲/۲
۶۔ طبقتات الفقہاء شیرازی۔ ۶۲
۷۔ تہذیب الاسماء واللغات ۲۰۷
۸۔وفیات اللاعیان. ۳۴۹/٢
۹۔تاریخ الاسلام۔ ١١٥/٤
۱۰۔طبقات الحاظ۔ ٣٣
١١۔ شززات الذہب۔ ١٣٣/١
حوالہ:
“کتاب: حَياتِ تابِعِين کے دَرخشاں پہلوُ”
تالیف: الاستاذ ڈاکتور عبد الرحمان رافت الباشا
ترجمه: محمود غضنفر