Hukmaran-e-Habshah Ashamatul Najashi (رحمہ اللہ)

Jab Najashi ki wafat hui to ham yeh batein kar rahe they keh us ki qabar par hamesha anwaar ki tajalliyaat dekhi jayen gi. (Sayyedah Ayesha Siddiqua رضی اللّٰہ عنها)

Habsha ke hukmaran Najashi ka shumaar taab’een رحمهم الله mein bhi hota hai aur Sahaba رضى الله عنهم mein bhi. Taab’een رحمهم الله main is liye keh un ki mulaqat un Sahaba-e-Karam ke sath hui jo Quresh-e-Makkah ke Zulm-o-Sitam say tang aa kar Tark-e-Watan kar ke Habshah me panaah guzeen huye thay aur Najashi ko Sahaabi ka darja is liye hasil hai keh us ki Nabi-e-Akram (ﷺ) ke sath Khat-o-Kitabat hui thi aur jab ye faut hua to Nabi-e-Akram (ﷺ) ne is ki ghaibana Namaz-e-Janazah padhai jabkeh kisi aur ki aap ne ghaibana Namaz-e-Janazah nahi padhai.

Is ka naam Asahamah Bin Abjar tha aur Najashi ke lafz say Mashoor-o-Ma’roof thay.

Aaiyye chand mubarak lamhaat is Nabghah-e-Rozghaar ki yaad mein guzar dein jo apnay daur ki aik namwar shakhsiyat tha.

---

Asahamah ka walid Habsha ka hukmaran tha aur is ka sirf yehi aik beta tha.

Zua’may Habshah ne aapas mein mashwara kiya keh hamary hukmaran ka sirf aik hi beta hai jo abhi bacha hai, Agar yeh hukmaran faut ho gaya to dastoor ke mutaabiq yeh bacha hamara hukmaraan ban jayega jo hamari lutiya dubo dega, Agar ham is hukmaran ko qatal kar dein aur is ke bhai ko apna hukmaraan bana lein to behter hoga kyunkeh us kay baarah betay hain is tarhaan taweel muddat tak woh yake baad deegarey hukmaran bantay rahain gay aur apnay baap ki zindagi mein bhi us kay Dast-o-Bazu bane rahein gay, Is tarhan sheetan unhein uksata raha aur musalsal un kay dilon mein waswasy dalta raha yahan tak keh unhon ne apny hukmaraan ko qatal kar diya aur us kay bhai ko apna hukmaran bana liya.

---

Baap kay qatal ho jane kay baad Asahamah apnay chacha ki nigraani mein parwarish pany laga, Jab is honhaar birwe kay chikany chikany paat wazeh honay lagay aur us ki dilkash khoobiyaan numayan honay lageein to chacha ka dil us ki taraf khichne laga aur woh usay apnay beton par tarjeeh denay laga.

Shetaan kay warghalany say habashi sardaaron kay dilon mein khayal paida hua keh hamara yeh hukmaran is nojawan ki taraf mayel hota dikhai deta hai agar is ne hakumat ki bhàg daur is kay supurd kar di to yeh ham say buri tarhan apnay baap ka intiqaam lega ho sakta hai yeh apnay baap kay badlay ham sab ko qatal kara de is andeshay ki bina par yeh habashi sardaar apnay badshaah kay paas gaye aur kehnay lage badshaah salamat ham bade afsurda hain hamara dil sirf aik hi surat mein mutmayin ho sakta hai aur woh yeh keh is nojawan ko qatal kar dein ya isay mulk badar kar dein kyunkeh yeh jawan hota ja raha hai hamey andesha hai keh yeh hakumat ki bàag dor sambhal lega aur hukmaraan bantay hi ham say apnay baap ka intiqaam lega.

Badshaah ne yeh baat sun kar gussay say phankaarte huye kaha tum bohat bure log ho, Pehle tum ne is kay baap ko qatal kiya ab is masoom kay peechay hath dho kar pad gay ho kuch sharam karo, Kuch haya karo, Kuch aqal kay nakhun lo Allah ki qasam main is jurm ka irtekaab hargiz nahi karoon ga.

Sardaaron ne kaha agar tum hamari baat nahi mano gay to ham khud usey pakad kar mulk badar kar dein gay aap hamara kya bigaad saktay hain? Sadaaran-e-Habshah ka andaaz dekh kar badshaah khaufzadah ho gaya aur apnay bhatijay ko dil par patthar rakh kar mulk badar karnay par majboor ho gaya.

Abhi Asahamah ko mulk badar kiye huye din ka kuch hissah hi guzra tha keh aik aisa holnaak waqia pesh aya jo un kay Waham-o-Guman mein hi nahi tha. Hua yeh keh Aasmaan par kaali ghanghoor ghatayen chaa gain bijli kadaknay lagi, Achanak aasmani bijli badshaah par giri is ne us kay jisam ko jala kar bhasam kar diya aur woh mauqe par hi dam tod gaya.

Habshi sardaaron ne badshaah kay beton ki taraf ruju’ kiya takeh woh un mein say kisi ko apna badshaah bana lein lekin in mein say kisi mein bhi ye zimmedari sambhalnay ki salahiyat hi nahi thi. Badi mayusi hui aur yeh Surat-e-Haal dekh kar sab dilgirafta huye sab sar pakad kar baith gaye keh kya hoga?

Din badin halat bigadne lagay Gird-o-Nawah kay hukmaraanon ko Habsha ki girti hui saakh ka pata chala to is par qabzah karnay ka sochany lage. In naguftabah halaat mein ba’az habashi danish waron ne mashwara diya keh jab tak mulk badar kiye huye nojawan Asahamah ko wapis laa kar takhat par farokash nahi kiya jayega mulk kay halaat behtar nahi hon gay agar apna Mulk-e-Habshah bachana chahtay ho to usay dhoondh kar wapis lana hoga.

Habshi quam kay chand afraad us ki talaash mein niklay badi kawish aur Tag-o-Doo kay baad us tak pohchany mein kamyab huye.

Badi Minnat-o-Samaajat kar kay usey wapis apnay watan aane par aamadah kiya. Wapis la kar taaj us kay sar par rakha us kay hath par bait ki aur usay Najashi kay laqab say pukarnay lage.

Us ne badi hikmat, Danaai aur ahtiyaat say Karobaar-e-Hakumat chalana shuru kiya. Aur mulk kay bashindo ko bechaini, Iztaraab aur iqtasaadi baadhaali say nikal kar Adal-o-Insaaf ka gehwarah bana diya.

---

Najashi kursi-e-Iqtadaar par mutmakin raha yahan tak keh Allah Ta’ala ne Rushd-o-Hidayat aur Deen-e-Haq de kar Hazrat Muhammad (ﷺ) ko Nabi bana kar bheja, Islam qubool karnay mein sabqat lay janey waly hidayat paany waaly Aap ki dawat ko yake baad deegary qubool karnay lage aur Quresh unhein dardnaak sazaain denay lage aur unhein nuqsaan pohchany kay darpay huye.

Jab sarzameen-e-Makkah ki fiza kushaadah honay kay bawajood un par tang ho gayi aur mushrikeen ne un par Takleef-o-Masaib kay aisy taazianey barsaaye jis say mazboot pahaad bhi laraz uthein.

Rasool-e-Aqdas ﷺ ne apnay is jaanisar ki Halat-e-Zaar dekh kar irshaad farmaaya:

Sarzameen-e-Habshah ka hukmaraan aisa rahamdil aur munsif mizaaj hai keh is kay haan kisi par zulm nahi kiya jata, Tum wahan chale jao, Us kay haan ja kar panah gazeen ho jao, Yahan tak keh Allah Ta’ala tumhary liye raahain kushadah kar de aur tumhary liye tangi say nikalnay ki raah bana de.

---

Is tarhan pehly marhalay par 80 afraad par mushtamil muhajireen ka qaafila Habshah rawana hua jin mein chand khawateen bhi shamil thein. Unhone wahan pohanch kar aman chain aur sakoon ka saans liya.

Wahan woh taqwa aur ibaadat ki halaawat say faizyaab huye baghair is andeshay kay keh koi in kay rang mein bhang daaly ya in ki imaani halaawat mein koi zeher gholay, Qureish ko jab pata chala keh 80 afraad par mushtamil muslamanon ka qaafila Habshah me Aman-o-Sakoon kay sath zindagi basar kar raha hai to woh aapas mein mashwary karnay lage keh kis tarha in ka kaam tamaam kiya ja sakta hai ya Makkah wapis laya ja sakta hai.

---

Qureish ne Najashi ki taraf apnay do aisy jigar goshay bhejy jo Hikmat-o-Danaai aur siyasi soojh boojh mein yadd-e-Toola rakhtay they. In mein say aik Umru bin Aas رضی اللہ عنہ aur doosra Abdullah Bin Abi Rabbia رضی اللہ عنه tha un kay hamrah Najashi kay liye sarzameen-e-Hijaaz kay behtareen qeemti tahaaif waafir miqdaar mein bhejay, Jab yeh dono Habsha pohchay Najashi say pehlay unhon ne haashia nasheeno say mulaqat ki aur har aik ki khidmat mein qeemti tahaaif pesh kiye aur inhein is baat say aagah kiya keh tumhari sarzameen mein hamary haan say chand deewany aa kar rihaaish pazeer huay hain jinho ne apnay baap dada kay deen ko chod diya hai aur qaum ki wahadat ko parah parah kar diya hai, Aap say guzarish hai keh jab ham badshaah salamat say baat karain to aap bhi hamari taaid kartay huye unhein mashwara dein keh woh un logon ko baghair kuch dariyafat kiye hamary sapurd kar dein kyunkeh hamari qaum kay sardaar in ki Tarz-e-Fikar, amal aur nazriyaat kay bare mein achi tarhan jantay hain.

---

Umr bin Aas رضی اللّٰہ عنہ aur Abdullah bin Abbi Rabbia رضی اللّٰہ عنہ Najashi kay darbaar mein hazir huye dono qaumi riwaaj aur darbaari aadab kay mutaabiq us kay samnay sajdah raiz huye. Najashi ne unhein khush aamdeed kaha kyunkeh us kay Umr bin Aas kay sath pehlay say dostaana ta’alluqaat they. Phir dono ne us ki khidmat mein qeemti tahaaif aur Sardaaran-e-Qureish ka salaam pesh kiya aur khaas taur par Abu Sufyan ki janib say kher sagaali ka paighaam pohchaya jis say Najashi bohat khush hua.

Usay tahaaif bohat pasand aaye, Unhein apnay paas bithaya khatir tawaz’a ki aur Tabaadlah-e-Khayal kiya, Jab khushgawaar andaaz mein Qurb-e-Shahi naseeb hua to un dono ne yeh baat ki keh baadshah salamat aap ki rajdhani mein hamary paas say chand shar pasand anaasir aa kar abhi abhi abaad huye hain jinhon ne hamara deen bhi chod diya hai aur aap kay deen ko bhi nahi apnaya woh aik naye deen kay pairo kaar ban kar aay hain jis ko na ham jantay hain aur na aap. Hamary qaum kay sardaaron ne hamein aap kay paas bheja hai takeh ham aap ki khidmat mein yeh guzarish pesh karein keh in afraad ko hamary sapurd kar dein inho ne jo naya deen ijaad kiya hai aur jo aik naya fitnah paida kiya hai us kay bare mein un ki qaum hi khoob achi tarhan janti hai. Yeh baatain sun kar Najashi ne apnay hamnasheeno ki taraf sawaliya andaaz mein dekha to sab ne bayak zuban ho kar kaha baadshah salamat yeh sach kehte hain ham us deen say waqif nahi hain jisay inhon ne ijaad kiya hai. Yeh jaane aur in ki qaum, Behter yehi hai keh inhein wapis bhej diya jaye takeh yeh fitnah kahin hamary mulk mein na phail jaye.

Najashi ne garajdaar awaaz mein kaha nahi aisa hargiz nahi ho sakta main us waqat tak inhein kisi kay sapurd nahi karon ga jab tak khud un say baat na kar loon aur un kay a’aqaid dariyafat na kar loon. Agar un ki niyaton mein fitoor aur iraadon mein shar hoga to unhein un ki qaum kay sapurd kar doonga aur agar un ka mauqaf Khair-o-Bhalai par mabni hoga to main Dil-o-Jaan say un ki himayat karoon ga. Aur jab tak woh yahan rehna chahein gay unhein har tarah ka tahaffuz aur sahuliyaat mayassar karoonga.

Phir woh kehnay laga main Allah kay Fazal-o-Karam ko kabhi nahi bhool sakta jis ne mujhe is sarzameen ka hukmaran banaya hai aur mujhy makkaaron ki makkaari say aur baaghiyon ki baghaawat say har tarah Mahfooz-o-Mamoon rakha hai.

---

Najashi ne sahaaba Karam رضي الله عنهم ko mulaqat kay liye dawat di to woh khauf zadah ho gaye, Aapas mein mashwara karnay lage keh agar baadshah ne hamary deen kay bary mein sawal kiya to kya jawab dein gay?

Un mein say manjhey huye Sahaaba Karam رضي الله عنهم ne kaha ham wahi kuch kahain gay jo Allah Ta’ala ne apni kitaab Quran-e-Majeed mein kaha hai.

Ham barmala us paighaam ka ‘ailaan karen gay jo Nabi-e-Akram ﷺ apnay Rab ki janib say lay kar aaye hain.

Sahaaba Karam رضي الله عنهم Najashi kay darbaar mein gaye, Kya dekhaty hain keh wahan Qureish kay numainde Umr bin Aas aur Abdullah bin Rabbia baithay huye hain. Aur haashia nasheen darbaari libas zaibtan kiye huye takht kay daayen baayen baa adab apnay samnay khuli hui kitaabon par sar jhukaye baithay hain, Darbaar mein mukammal sannata chaya hua hai.

Sahaaba Karaam رضي الله عنهم darbaar mein dakhil huye salam kiya aur majlis kay aakhir mein jahan jagah khali thi baith gaye, Umr bin Aas ne un ki taraf dekha aur kaha tum baadshah salamat kay samnay sajdah raiz kyun nahi hotay?

Sahaaba Karam ne jawab diya ham Allah kay siwa kisi ko sajdah nahi kartay.

Najashi ne bade ta’ajjub say apnay sarko jumbish di aur un ki taraf narmi say dekhtay huye irshaad farmaaya:

Aap ne woh kaun sa naya deen ijaad kar liya hai jis ki wajah say apni quam kay deen ko chod diya hai aur merey deen mein bhi tum dakhil nahi huye?

Hazrat ja’afir Bin Abi tualib رضی اللّٰہ عنه ne baat karnay ki ijazat talab kartay huye irshaad farmaaya: Badshaah salamat ham ne apnay liye koi naya deen ijaad nahi kiya, Surat-e-Haal yeh hai keh hamary paas Hazrat Muhammad (ﷺ) apnay Rab ki janib say aik aisa Tarz-e-Hayat lay kar aaye hain jo hidayat aur haq par mabni hai jis ne hamein tareekion say noor ki taraf nikala, Ham jahil qaum thay, Buton kay pujaari thay, Rishton ka taqaddus paamaal kiya kartay thay, Murdaar khatey thay, Behayai kay murattakib thay, Padosi kay haqooq ko paamaal kiya kartay thay, Ham mein say taaqatwar kamzor ko rageedta tha, Ham un ghinone jurayem mein buri tarhan mulawwis thay keh Allah Ta’ala ne hamary paas aik Rasool bheja jis kay khandaan ko ham jantay thay, Jis ki sadaqat, Amaanat aur paakmdamani kay ham Qalab-e-Sameem say ma’ataraf thay, Us ne hamein Allah ki taraf dawat di aur hamein yeh hukm diya keh ham sirf aik Allah ki ibaadat karein, Ilawah azeen hamein Namaz qayem karne, Zakat ada karne aur ramzaan kay roze rakhne ki targheeb di, Nez hamein yeh talqeen ki keh pathharon aur buton ki puja ko yaksar chod dein aur isi tarhan hamein sach bolnay, Amaanat ada karne, Silah rehmi karne, Padosiyon say Husn-o-Salook say pesh aane, Haraam se bachne aur khoon raizi se bachne ka hukm diya, Aur saath hi saath us ne hamein behayaai kay irtikaab, Jhoot bolne aur yateem ka maal khaane se mana’ kiya, To ham ne sidq-e-Dil se aap ki sadaaqat ka aiteraaf kiya, Aap ki risaalat par imaan laye aur aap ki pesh kardah shariyat ki pairwi karne lagay, Ham aik Allah ki ibaadat karne lage jis ka koi shareek nahi, Ham ne har us cheez ko haram qaraar diya jise aap ne hamaare liye haram qaraar diya tha, Aur har us cheez ko halaal samjha jise aap ne hamaare liye halaal qaraar diya tha, To is binaa par hamaari qaum hamaari dushman ban gayi aur hamein alamnaak sazaain denay lagi takeh woh hamein deen se munharif kar de aur phir se hamein buton ka pujaari bana de, Jab keh ham aik Allah ki ibaadat kay khoogar ban chukay thay jab unhon ne ham par Zulm-o-Sitam ki intehaa kar di, Hamara arsa-e-Hayaat tang kar diya aur hamaare deen kay mabain hayel hone lage to ham panaah haasil karne kay liye aap ki khidmat mein haazir huye aap ka intekhab ham ne mehez is binaa par kiya keh yahan ham par koi zulm nahi kiya jayega.

Najashi ne Hazart Ja’far رضى الله عنه se pucha kiya aap kay paas us paighaam ka koi namuna hai jo woh apne Rab ki taraf se laye hain?

Farmaaya: Haan!

Kaha woh mujhe bhi sunaiye.

Hazrat Ja’far رضى الله عنه ne surat Mariam ki darjzail aayat padh kar sunayi:

وَاذْكُرْ فِى الْكِتٰبِ مَرْيَمَ  ۘاِذِ انْتَبَذَتْ مِنْ اَهْلِهَا مَكَانًا شَرْقِيًّا 16۝ۙ فَاتَّخَذَتْ مِنْ دُوْنِهِمْ حِجَابًا    ڨ فَاَرْسَلْنَآ اِلَيْهَا رُوْحَنَا فَتَمَثَّلَ لَهَا بَشَرًا سَوِيًّا 17؀ قَالَتْ اِنِّىْٓ اَعُوْذُ بِالرَّحْمٰنِ مِنْكَ اِنْ كُنْتَ تَقِيًّا  18؀ قَالَ اِنَّمَآ اَنَا رَسُوْلُ رَبِّكِ ڰ لِاَهَبَ لَكِ غُلٰمًا زَكِيًّا  19؁ قَالَتْ اَنّٰى يَكُوْنُ لِيْ غُلٰمٌ وَّلَمْ يَمْسَسْنِيْ بَشَرٌ وَّلَمْ اَكُ بَغِيًّا 20؀ قَالَ كَذٰلِكِ ۚ قَالَ رَبُّكِ هُوَ عَلَيَّ هَيِّنٌ ۚ وَلِنَجْعَلَهٗٓ اٰيَةً لِّلنَّاسِ وَرَحْمَةً مِّنَّا  ۚ وَكَانَ اَمْرًا مَّقْضِيًّا 2١؁ فَـحَمَلَتْهُ فَانْتَبَذَتْ بِهٖ مَكَانًا قَصِيًّا 22؀ فَاَجَاۗءَهَا الْمَخَاضُ اِلٰى جِذْعِ النَّخْلَةِ  ۚ قَالَتْ يٰلَيْتَنِيْ مِتُّ قَبْلَ ھٰذَا وَكُنْتُ نَسْيًا مَّنْسِيًّا  23؀ فَنَادٰىهَا مِنْ تَحْتِهَآ اَلَّا تَحْزَنِيْ قَدْ جَعَلَ رَبُّكِ تَحْتَكِ سَرِيًّا 24؀

Aur (Aye Nabi ﷺ ) is kitaab mein Mariyam ka haal bayaan karo jab keh woh apne logon se alag ho kar sharqi jaanib Gosha-e-Nasheen ho gayi the aur pardah daal kar un se chup baithi thi is haalat mein ham ne us kay paas apni rooh ( yani farishte ) ko bheja aur woh us kay samnay aik pure insaan ki shakal main namudaar ho gaya. Mariam yakayak bol uthi keh agar to koi Khuda tars aadmi hai to main tujh se Khudaae Rehmaan ki panah maangti hoon, Us ne kaha main to teray Rab ka farastaada hoon aur is liye bheja gaya hoon keh tujhe aik paakizah ladka doon, Mariam ne kaha meray haan kaise ladka hoga jab keh mujhe to kisi bashar ne chua tak nahi aur main koi badkaar aurat nahi hoon. Farishte ne kaha aisa hi hoga, Tera Rab farmaata hai keh aisa karna meray liye bohat asaan hai aur ham yeh is liye karein gay keh is ladkay ko logon kay liye nishani banaaen aur apni taraf se aik rehmat aur yeh kaam ho kar rehna hai, Mariam ko us bache ka hamal reh gaya aur woh us hamal ko liye huye aik door ke maqaam par chali gayi phir zachgi ki takleef ne use aik khajoor kay darakht kay nichay pohcha diya woh kehnay lagi kaash main is say pehlay hi marr jaati aur mera Naam-o-Nishaan na rehta, Farishte ne paainti se us ko pukaar kar kaha gham na kar teray Rab ne teray neechay aik chashmah rawaan kar diya hai.

---

Yeh aayat sun kar Najashi rone laga yahan tak keh us ki daadhi aansuon say tar ho gayi.

Darbaar kay tamaam hashiya nasheen bhi yeh kalaam sun kar rone lage aansuon say un kay saamne khulay huye sahifay aur kitaaben bheeg gayeen.

Najashi ne Umr Bin Aas aur us kay saathi Abdullah Bin Rabbia ki taraf dekha aur kaha keh yeh paighaam jo abhi hamein padh kar sunaaya gaya hai aur woh paighaam jo Isa علیہ السلام le kay kar aaye thay dono ka manbah aik hi hai.

Phir usne kaha: Allah ki qasam main in pakeeza nafs logon ko aap kay sapurd nahi kar sakta aur na hi jab tak main zindah hoon koi mujhe is kaam kay liye warghala sakta hai. Yeh baat kahi aur uth khada hua aur tamaam hashiya nasheen bhi khaday ho gaye aur majlis ikhtitaam pazeer ho gayi.

---

Umr Bin Aas yeh Surat-e-Haal dekh kar Ghaiz-o-Ghazab se Peech-o-Taab khaane laga aur us kay haathon kay totay udd gaye, Phir apne saathi se kehne laga qasam Khuda ki main kal Najashi ko zaroor miloonga aur use aisi baat bataaonga jis se un kay kiye dhare par paani phir jayega, Saathi qadre naram dil tha us ne kaha Umr aisa na kro aakhir woh hamaare hi rishtah daar hain kya hua agar aaj hamaare darmiyan kuch ikhtilaaf ronuma ho gaye hain jis ki binaa par unhon ne hamaari mukhalifat ki hai chodiye jaane dijiye.

Us ne kaha: Khuda ki qasam main Najashi ko zaroor bataaunga keh yeh log Isa bin Mariam ko banda samajhte hain unhon ne badi safaai kay saath is baat ko aap se chupaye rakha hai. Yeh Isa علیہ السلام par tohmat hai jis kay yeh murtakib huye hain.

Doosre din Umr Bin Aas Najashi kay paas gaya aur kaha baadshah salaamat in logon ne aap ko aik baat suna di aur aik baat chuhpaaye rakhi yeh log Isa bin Mariam kay mut’alliq kehte hain keh woh aik banda hai, Yeh baat sun kar Najashi ne unhein apne paas bulaaya aur dariyafat kiya keh Isa bin Mariam kay mut’alliq tumhaara kya khayaal hai?

Hazrat Ja’far رضى الله عنه ne farmaaya ham Isa عليه السلام kay mut’alliq wahi kuch kehte hain jo kuch Nabi Akram ﷺ ne hamein bataya hai.

Najashi ne kaha woh aap kay paas kya paighaam laaye hain Isa عليه السلام kay baare mein? unhon ne aap ko kya bataya hai?

Hazrat Ja’far رضى الله عنه ne farmaaya: Woh Allah ka banda, Us ka Rasool aur us ka woh kalmah hai jo paak daaman Mariam ki taraf ilqaa kiya gaya.

Najashi ne kaha Bakhuda Isa عليه السلام bilkul aise hi hain jis ka izhaar aap ne kiya hai un mein aur aap ki baat mein zarra baraabar bhi faraq nahi hai.

Yeh Surat-e-Haal dekh kar darbaar mein maujood bade bade asateen juz buz huye aur khusar phusar karnay lagay, Najashi ne aaj yeh kya ajeeb andaaz ikhtiyar kiya hai us ne un ki taraf ghazabnaak andaaz mein dekha aur kaha tum jaao bhaad mein yehi sachaai hai jis ka izhaar aaj yahan hua hai.

Phir Hazrat Ja’far رضى الله عنه aur us kay saathion se kaha mere is mulk mein aman, Sakoon aur araam se raho jo tumhary darpe aazaar hoga nuqsan uthaaye ga.

Yaqeenan jo tumhary darpe aazaar hoga nuqsan uthaayega. Mujhe koi sone ka pahaad de kar yeh kahe keh main tumhein koi gazand pohchaoon to main is peshkash ko thukraa doon ga aur tumhein koi zarra barabar bhi takleef dene kay liye aamadah nahi hounga.

Phir apne darbaan se kaha Umr Bin Aas aur us kay saathi ko tamaam tahaaif lautaa do mujhe in ki koi zaroorat nahi. Allah Ta’ala ne mujhe mera mulk rishwat de kar nahi lautaaya tha keh ab main logon say tahaaif ki surat mein rishwat lena shuru kar doon.

---

Asateen Habsha logon mein khul kar Izhaar-e-Khayaal karne lage keh Najashi ne apna deen chod diya hai aur aik doosra deen apna liya hai, Woh awaam un naas ko barangeekhtah karne lage hain, Is se ta’alluq naata tod do, Habashi is awaaz par jama hone lage aur unhon ne us ki bai’t khatam karne ka pukhtah iraadah kar liya.

Najashi ne Hazart Ja’far Bin Abi Taalib رضى الله عنه aur us kay saathion ko is nai Surat-e-Haal say aagah kiya.

Un kay liye kashtiaan tayyaar karaaen aur kaha meri ab qaum se than gayi hai, Agar main in kay muqablay mein paspaa ho gaya to tum in kashtiyon par sawaar ho kar jahan chaahe chale jaana aur agar main kaamyab ho gaya to phir aap Izzat-o-Ikraam se rehaaish rakhna.

Phir Najashi ne hiran ka aik bareek chamda mangwaya aur us par yeh likha:

“اشهد ان لا اله الاالله وان محمدا عبده وخاتم

رسله واشهد ان عيسى عبده ورسوله و روحه وكلمته القاها الى مريم “

“Main gawaahi deta hoon keh Allah kay siwa koi ma’bood-e-Haqeeqi nahi aur Muhammad ﷺ us kay bande aur Rasool hain aur Main gawaahi deta hoon keh Isa us ka banda hai us ka Rasool us ki rooh aur kalmah hai jise us ne Mariam ki taraf ilqaa kiya.

Phir yeh chamda apne seene par baandh liya upar jubbah pehen liya aur Allah ka naam lay kar un logon ki taraf chal diye jinhon ne aap kay khilaaf baghawat kar rakhi thi.

Jab un kay paas pohchay to ba awaaz buland un ko mukhaatib karte huye kaha:

Aye Habsha kay rehne waalon mere kirdaar kay baare mein tumhara kya khayaal hai? Main ne apni zindagi kay din tum mein kaise guzaare?

Sab ne kaha: Bohat ache din guzre aap kay akhlaaq, Kirdaar par hamein koi aiteraaz nahi.

Najashi ne kaha phir aap ne mere khilaaf yeh kiya hangaama barpa kar rakha hai? Unhon ne kaha aap ne hamaara mazhab chod diya hai ab tumhara khayaal hai keh Isa عليه السلام insaan hai.

Najashi ne kaha:

Isa عليه السلام kay baare mein tumhari kya raye hai?

Sab ne bayak zubaan ho kar kaha woh Allah ke betay hain.

Najashi ne seenay par haath rakh kar un khayalaat ka izhaar kiya jo chamde par likh kar seene par baandha hua thaa. Aur Babang-e-Dahl ye kaha keh main gawaahi deta hoon keh Isa عليه السلام hubahu yehi kuch hain is se zyadah nahi. Yeh baatain sun kar sab log khush ho gaye majma bikhar gaya aur sab raazi khushi gharon ko wapis laut gaye.

---

Najashi aur qaum kay darmiyaan paida hone waale ikhtilfaat ka Nabi akram ﷺ ko ilm hua to kabida khaatir huye lekin mehmaan muhajireen kay saath najashi kay Husan-o-Salook se bohat khush huye aur is se badhkar aap ko is baat par khushi hui keh Najashi ne Islam qabool kar liya hai aur Qurani talimaat kay saamne sarnagoon ho gaya, Us kay ba’ad joon joon waqat guzarta gaya Nabi akram ﷺ aur najashi kay darmiyaan t’alluqaat khush gawaar aur gehre hote gaye.

San 7 hijri kay pehle mahine Rasool-e-Akram ﷺ ne 6 sarbaraahan mumlikat ko khat likhe jin mein unhein Islam qabool karne ki dawat pesh ki gayi.

Un khatoot mein Imaan ki khubiyon aur Kufr-o-Shirk kay khatarnaak natayej ko ujaagar kiya gaya tha, Khatoot pohchane kay liye 6 tajarbah kaar Sahaba Karaam ka intikhab kiya gaya, Un Sahaba mein se har aik ne us ilaaqe ki zubaan se agaahi haasil ki jahan us ne safaarat kay fraayez sar anjaam dene thay, Phir yeh fariza ada karne kay liye aik hi din rawaana huye, Un mein se hazrat Umr bin Umiah zamri Habsha kay hukmaraan Najashi kay paas gaye.

---

Hazrat Umr bin Umiah Najashi kay darbaar mein pohche use salaam kaha us ne badi khush asloobi se salaam ka jawaab diya aur unhein khush aamdeed kaha.

Jab darbaar mein maujood tamaam haashiah bardaar baith gaye to unhon ne Najashi ki khidmat mein Nabi Akram ﷺ ka khat pesh kiya us ne khat ko intihaai aqeedat se khola dekha keh us mein aap ne Islam qabool karne ki dawat di hai.

Najashi ne Wafoor-e-Aqeedat se khat ko apni aankhon se lagaaya aur khat kay ahtraam mein apne takht se neechay utar aaya phir us ne bhari majlis mein apne Islam qabool karne ka ailaan kar diya.

الله اکبر ولله الحمد سبحان اللّٰہ العظیم  Kalmah shahaadat padhte huye us ne barmala sab kay saamne yeh baat kahi:

Agar halaat saazgaar hote to main abhi Hazrat Muhammad ﷺ kay paas pohcnhat aap ka didaar karta aap kay qadmon mein baithta.

Phir us ne Nabi Akram ﷺ ki Khidmat-e-Aqdas mein jawaabi khat likha jis mein apne Islam qabool karne ki rawadaad likhi.

Phir Hazrat Umar bin Umiah ne aik doosra khat Najashi ko diya jis mein Abu Sufiyan bin Harb ki beti Ramla kay saath shaadi ka paighaam tha.

Umm ul momineen Umme Habiba Ramla Binte Abi Sufyan ki ibtadaai dastaan ghamnaak hai, Lekin is dastaan ka anjaam bada khush gawaar hai.

Ayyie zara is dastaan ki jhalak mulahizah farmaayein.

---

Ramla Binte Abi Sufyan ne Quresh kay sardaar apne Abba jaan kay khudaaon ka inkaar kar diya tha yeh aur un ka khaawand Ubaidullah bin jahash aik Allah par Imaan lay aaye jis ka koi shareek nahi aur us kay Nabi Hazrat Muhammad ﷺ ki risaalat ki tasdeeq kar di, Quresh ne un dono miyan biwi ka Arsa-e-Hayaat tang kar diya, Woh unhein aziyatnaak sazaain denay lage yahan tak keh un ka Makkah mein rehna dushwaar ho gaya aur yeh bhi us qaafilay mein shareek ho gaye jo apne Imaan aur jaan ko bachaanay kay liye Habshay kay hukmaraan Najashi kay paas jaa kar panah guzeen hua thaa. Unhein bhi wahan wahi chain aman aur sakoon naseeb hua tha jis se doosre muhajireen faizyaab hote thay. Umm-e-Habiba ne yeh samjha keh ab mushkil ki ghadiyan beet gayein, Sukh chain ka daur shuru ho gaya lekin taqdeer ne apne daaman mein kya chupaa rakha hai aur mustaqbil mein aik aisa waqiya ronuma hone waala hai jo use tadpa kay rakh dega us ka usey Waham-o-Gumaan hi na thaa.

Hua yeh keh un ka khaawand Ubaidullah bin jahash murtad ho gaya us ne Isaayiyat qabool kar li aur Islam aur Ahl-e-Islam ko mazaaq karne laga.

Sharaab khaanon ka rukh kiya jaam pe jaam chadhaane laga. Umm ul khabaais ki usey aisi lat padi keh kabhi us ki tabiyat sair hi na hoti, Ab umm-e-Habiba kay liye do mein se aik kadwi goli nigalna zaroori ho gayi, Yaa woh talaaq lay lein yaa Isaayiyat qabool kar lein.

---

Umm-e-Habiba kay saamne ab teen surtain thein. Pehli yeh keh khaawand ki baat maante huye Isaayiyat qabool kar lein. Is se duniya ki ruswaai aur aakhirat ka azaab laazim hota. Doosri surat ye thi keh woh Makkah mein apne waalid kay ghar waapis chali jaaye jo shirk aur kufar ka gadh thaa. Aur teesri surat yeh thi keh talaaq lay kar akeli hi habsha mein Sabar-o-Shukar kay saath halaat ka muqablah kare jab keh choti bachi Habiba bhi us ki god mein thi.

Aakhir kaar Allah Ta’ala ki raza ko har cheez par tarjeeh dete huye bhale dinon ki ummeed par Habsha mein hi rehne ka pukhtah iraadah kar liya.

---

Umm-e-Habiba ki Daastaan-e-Gham zyadah taweel na hui thi keh thode hi arse kay ba’ad khaawand nashe ki haalat mein chal basa. Iddat puri hote hi musarrat, Shaadmani aur khush haali ne khair maqdam kiya. Aik roz subha kay suhaane waqt mein abhi suraj ki chamkili kirnon ne aangan mein zufashaani ki hi thi keh ghar kay darwaaze par dastak hui, Darwaaza khol kar dekha. Najashi ki kaneez Abraha khadi muskura rahi hai aur muskurate huye salaam arz ki aur saath hi yeh paighaam diya keh baadshah salaamat ne aap ko salaam kaha aur yeh khush khabri di hai keh Rasool-e-Akram ﷺ ne aap ko Rafiqa-e-Hayaat kay taur par muntakhib kiya hai aur nikah kay liye badshah salaamat ko wakeel muqarrar kiya hai. Aap apni taraf se jise pasand karein wakeel naamzad kar dein. Yeh khabar sun kar Umm-e-Habiba ki khushi ki koi intihaa na rahi aur wafoor-e-Musarrat-o-Shaadmani se usey Khair-o-Barkat ki du’aaen dene lageen, Allah tujhe khush rakhe, Tere bhaag jaagte rahein, Jeeti raho, Shaad raho aabaad raho hameshah khushian tere sang rahein.

Phir kaha meri taraf se Khalid bin S’aad bin Aas wakeel hongay woh mere qareebi rishtedar hain.

---

Umm-e-Habiba ki Rasool-e-Akram ﷺ kay saath Rasam-e-Nikah ki taqreeb mein shirkat kay liye Habsha mein muqeem Sahaaba karaam رضى الله عنهم Najashi kay mahal mein jama’ huye, Sab kay wahan ikattha hone par Najashi ne Allah Ta’ala ki Hamd-o-Sanah bayaan ki phir hazireen ko agaah karte huye yeh kaha keh Rasool-e-Aqdas ﷺ ne yeh paighaam bheja hai keh Ramla Binte Abi Sufyan kay nikah ka aap kay saath ahtemaam kiya jaye is liye aap ko yahan dawat di gayi hai takeh aap is khushi ki taqreeb mein shareek hon aur main ne Rasool-e-Akram ﷺ ki niyabat kay faraiyz sr anjaam dete huye chaar so deenaar meher muqarrar kiya hai.

Phir Khalid bin S’aad bin Aas khade huye Allah ki ta’reef bayan ki, Istaa’nat talab ki aur Nabi aqdas par darood salaam bhejne kay ba’ad kaha:

Main ne Rasool Allah ﷺ ki talab aur khwahish ka ahteraam karte huye apni muwakkila Ramla Binte Abi Sufyan ka Rasool-e-Akram ﷺ kay saath nikah kiya, Allah Ta’ala apne Rasool-e-Aqdas kay liye un ki Rafeeq-e-Hayaat ko baa’is barkat banaaye aur us ki khush naseebi par main usey mubarak baad deta hoon.

---

Najashi ne apne behri bedey mein say do kashtiyan tayyaar keen aur un par Umm ul momineen Ramlah Binte Abi Sufyan, un ki beti Habiba, Habsha mein panah guzeen sahaaba aur un Habshi baashindon ko Madinah munawarrah rawaana kiya jo Allah aur Rasool par imaan laate huye daaira-e-Islam mein daakhil ho chuke thay.

Musalmaan Ahl-e-Habsha ka dili shauq tha keh woh Nabi Akram ﷺ ki ziyarat karein, Un se faiz haasil karein aur un kay pichay namazein padhein us qaafilay ka ameer Hazrat Ja’far Bin Abi Taalib رضى الله عنه ko muqarrar kiya gaya.

Is mauqa par umm ul momineen Umm-e-Habiba ki khidmat mein Bataur-e-Tohfa woh tamaam qeemti atriyaat pesh ki gayin jo Najashi ki beghamaat ki malkiyat thein. Aur qeemti tahaaif Rasool-e-Aqdas ﷺ ki khidmat mein paish karne kay liye ameer qaafilah kay sapurd kiye gaye.

Un tahaaif mein teen umdah deeda zaib aur nafees tareen chadiyan thein. Un mein say aik chadi Rasool-e-Aqdas ﷺ ne apne liye rakh li. Doosri Hazrat Umar Bin Khattaab (رضي الله عنه) ko de di aur teesri Hazrat Ali bin taalib رضى الله عنه ko inaayat kar di.

Basa auqaat Hazrat Bilal رضى الله عنه woh chadi pakad kar Rasool-e-Akram ﷺ kay aage aage chalte jo aap ne apne liye rakh li thi, Rasool-e-Aqdas ﷺ aur Hazrat Bilal رضى الله عنه us chadi ko Dauraan-e-Safar istemaal karte, Jahan Masjid na hoti us se qabilay ka ta’awun karne kay liye lakeer lagaate eideen aur namaz istasqaa kay waqt hamrah lay jaate, Hazrat Bilal رضى الله عنه yeh chadi thaame kayi martabah Saddiqu-e-akbar رضى الله عنه kay aage aage bhi chalay, Hazrat Umar bin Khattaab رضى الله عنه kay Dur-e-Khilafat mein Hazrat Bilal kay haath mein yehi chadi hua karti thi. Us kay ba’ad yeh S’aad Qarzi kay pas chali gayi.

Najashi ne Rasool-e-Akram ﷺ ko sone ki aik anguthi bhi Bataur-e-Tohfa di lekin aap ne yeh anguthi apni nawaasi Umamah binte Zainab ko pehna di.

---

Fatah Makkah se thoda arsa pehle Ashama Najashi Allah ko pyare ho gaye. Rasool-e-Aqdas ﷺ ne wafaat ki khabar sun kar sahaba karaam رضى الله عنهم ko Namaz-e-Janaazah kay liye bulayaa aur farmaaya tumhara bhai Ashama Najashi wafaat paa gaya hai. Aap ne imaamat ki aur sab ne ghaaibana Namaz-e-Janaazah padhi. Allah Ashama Najashi se raazi ho gaya aur Allah ne usay raazi kar diya aur sada bahaar jannaton mein jagah ataa ki.

Us ne mazloom musalmaanon ki madad ki, Khauf zada Ahl-e-Imaan ki dhaadas bandhaai aur us khidmat se mehez Allah aur us kay Rasool ko raazi karna maqsood tha.

---

Hukmaran Habsha Ashama Najashi kay mufassal Halaat-e-Zindagi ma’loom karnay kay liye darjzail kutab ka muta’ala kijiye:

1: Al seerat tul Sabuya Ibn Hisham                                                         1/356-369 2: Aalam ul Nisaa Lizahabi                                                                       page: 81-132-251 3: Tarikh ul Khalifaa                                                                                    page: 991 4: Usd ul Ghaba                                                                                           1/119 5: Tahzeeb ul Asmaa wal Lhugat                                                           9/287 6: Majma ul Zawaid                                                                                    9/419 7: Al Isabah                                                                                                    1/177

REFERENCE:

Book: “Hayat-e-Taba’een kay Darakhsha pahelo”

Taleef :  Dr. Abdur Rahman Rafat Al- Pasha.

Urdu Translation : By Professor Mehmood Ghaznofer