39. Hazrat Utbah Bin Ghazwaan(رضی اللہ عنہ)
Hazrat Utbah Bin Ghazwaan(رضی اللہ عنہ)
Utbah Bin Ghazwaan ka islaam main bohat buland muqaam hai.
Irshad Umar Bin Khattaab.
Ameer ul Momineen Hazrat Umar Bin Khattab رضی اللہ عنہ Ishaa ki namaz kay ba’ad bistar par letay taakeh kuch der aaraam kar len aur raat ko gasht kay liye taaza dam ho saken, Lekin Khalifat ul Muslimeen ko Iraani sarhad par ladi janey waali jangg ki Surat-e-Haal kay Paish-e-Nazar neend nahi aa rahi thi daak kay zariye unhein maloom hoa keh Lashkar-e-Islam joun hi is qaabil hota hai keh aik zor daar hamlay say Airaniyon ko pispaa kar day keh kisi na kisi taraf say unhein kamak pohanch jaati hai aur woh doobara apni quwwat ko mujtimaa kar kay musalmanon kay saamnay datt jatay hein.
Ameer ul Momineen ko bataya gaya Ablaah shahar say Airaaniyon ko kamak baham pohnchai jaati hai. Aap nay azam kar lia keh Ablaah ko fatah karnay kay liye lashkar rawanaa kar doon ga. Taakeh Iraniyon ko kamak mousool honay ka raasta munqita kar dia jaye, Lekin aap kay paas afraadi quwwat ki bohat kammi thi.
Is liye keh noujawaan aur boodhay Raah-e-Khuda main jihaad kay liye apnay gharon say rawwanaa ho chukay thay aur unn kay ba’ad Madinah-e-Taiyabah main siraf chand afraad mojood thay.
Is moqah par aap nay apnaa maroof harba istimaal kia.
Aur woh yeh keh afraadi kami ko tajurbaa kaar sipah salaar kay zariye poora kia jaye.
Madinah main moujood tammaam afraad ki fahrist samnay rakh kar har aik ki salahiyaton ka bag’hor jaaizah lenay lagay, Badi taweel Soch-o-Bichaar kay ba’ad yak damm yeh kehtay hoye na’araa zann hoye. Main nay usay paa lia.
Haan haan main nay usay paa lia.
Phir bistar par daraaz hotay hoye farmanay lagay:
Yeh aik aisa mujahid hai jis nay Badar, Uhad, Ghazwa-e-Khundaq aur deegar ghazwaat main kaarhaye numaiyan sar anjaam diye.
Uski talwaar aur teer ka nishaana kabhi khata nahi gaya.
Phir usay Habsha aur Madinah ki jaanib hijratt karnay ka aizaaz bhi haail hua.
Aur woh un khushnaseeb saat musalmaanon main say hain jinhein sab say pehlay musalmaan honay ka sharf haasil hua.
Jab subah hoi Ameer ul Momineen nay irshaad farmaya:
Utbah Bin Ghazwaan ko meray paas bulaao.
Aur uski kamaan main teen so unees mujahideen ka lashkarr Ablah ki jaanib rawaana kar dia, Aur yeh wa’ada bhi kia kay main tumhaari madad kay liye waafir ta’daad main mujahideen bhi bhejoon ga:
jab yeh chota sa lashkar kooch karnay kay liye tayyaar hoa to Farooq-e-Azam رضی اللہ عنہ Qaid-e-Lashkar Utbah ko wasiyat kartay hoye farmany lagy:
Utbah! Dekhna mien tujhay sar zameen-e-Ablah ki jaanib rawaana kar raha hoon,Yeh dushman kay qil’on main say aik mazboot qil’a hai. Main Allah Subhaana-o-Ta’laa ki jaanib say pur umeed hoon keh woh teri madad karay ga.
jab wahaan jaa kar padaao karo to sab say pehlay us kay baashindon ko Allah ki taraf da’awatt dena. Un main say jo teri baat maan lay usay qabool kar lena aur jo inkaar kar day us say jazziya wasool karna. Agar woh jiziya denay say inkaari hon to Bekhouf-o-Khatar unki gardanon par talwaar chalana.
Aey Utbah! Apnay mansab kay baray main Allah say dartay rahnaa. Kibar-o-Nukhuwwat say bachnaa.
Kahin yeh tumhaari aakhirat kharaab na kar day is baat ko khoob achi tarah zahan nasheen karlo: Tujhy Rasool Allah(ﷺ) ki muhabbat ka a’izaaz hasil hai. Allah Ta’alaa nay tujhay zillat kay ba’ad izzat ata ki, Kamzori kay ba’ad quwwatt atta ki, Tum is waqat lashkar kay ameer aur har dill azeez qaaid ho: Tum jo baat kaho gay usay baghor sunaa jaaye ga, Tum jo hukam do gay usay bilaa Choon charaa maana jaaye ga, Dekhna kahin is naimat ko ghalat istemaal nah kar baithna warna akhirat main pachtaana pade ga.
Allah mujhe aur tumhe apni panah main rakhay.
Hazrat Utbah bin Ghazwan رضی اللہ عنہ to apna yeh lashkar le kar rawaana hogaye, Is lashkar main un ki biwi ke ilawah deegar paanch mujahideen ki beghmaat bhi shaamil theen.
Ablah shahar ke qareeb aik sar sabz jagah par padaao kya, Lashkar ke paas khaanay ke liye koi cheez nahi thi. Jab bhook ne zor pakda to hazrat Utbah رضی اللہ عنہ ne chand logon se kaha keh khaanay ke liye koi cheez talaash kar ke laayein, Woh khoraak talaash karne ke liye chal niklay, Taakeh bhook ka madawa ho sakay. Yahan aik dilchasp waqea paish aaya un main aik ne bataaya:
Ham khaanay ke liye koi cheez talaash kar rahay thay, Ham chaltay chaltay darakhton ke aik jhund main daakhil hue, Wahan do matke pade hue thay. Aik main khajooren theen aur doosray main sufaid rang ke chootay chootay daanay thay jin par zard rang ka chilka tha. Ham ne dono matkay utha liye aur lashkar ke paas le aaye.
Ham main se aik saathi ne us matke ko dekha jis main sufaid rang ke daanay thay aur kehnay laga: Yeh to zahar hai jo dushman ne tumaahray liye tayyaar rakha hai is ke qareeb nah jaana:
Ham khajooron ki taraf lapke aur inhen khana shuru kar diya. Itnay main aik ghoda apni rassi tuda kar seedha is matke ki taraf aaya jis main daanay thay aur inhen khana shuru kar diya.
Ba Khuda! Ham ne iradah kya keh ghoday ko zibah karlen warna zahar se is ki mout waqay ho jaye gi.
Aik saathi ne kaha: Rehne dijiye main raat bhar pehra dun ga agar marnay laga to main foran usay zibah kar loon ga. Jab subah hui dekha ke ghoday ko to kuch bhi nahi hua.
To meri behen ne kaha:
Bhai jaan! Main ne apne waalid se suna hai woh farmaya karte thay keh zahar ko agar aag par bhoon diya jaaye to is se kuch nuqsaan nahi hota.
phir behan ne thoday se daanay liye handiya mein daalay aur neechay aag jala di..
Thodi der baad kehnay lagi ke aao dekho in ka rang kis tarhan surkh ho gaya hai aur chilka utar raha hai aur andar se sufaid rang ke daanay bar aamad ho rahay hain. Hum ne khaanay ke liye woh daanay aik baday piyaale main daalay to Ameer-e-Lashkar ne irshaad farmaya:
Allah ka naam le kar khao.
Hum ne khaye to bada maza aaya.
Baad main hamein pata chala keh un daano ka naam chawal hai.
Ablah jisay fatah karne ke liye hazrat Utbah رضی اللہ عنہ ne apne chotay se lashkar ke sath chadhaai ki thi, Dajlah ke kinaare par waqay aik mahfooz sheher tha, Iranio ne yahan Asliha mahfooz karne ke liye baday stor bana rakhay thay aur qilah ke burjon par apne dushmanon par nigah rakhnay ke liye rasad gahain taamer kar rakhi theen.
Un tamaam tar intizamaa aur apni afraadi qowat aur Asliha ki kami ke bawajood Hazrat Utbah رضی اللہ عنہ ki jungi kaarwai ke raastay mein koi cheez rukaawat nah ban saki.
Aap ke hamrah lashkar main sirf chay so jangju thay. Talwaaron aur naizon ke ilawah koi Asliha nahi tha. Ab sirf Khuda daad Fahem-o-Faraasat ke zariye hi kamyabi haasil ki ja sakti thi.
Hazrat Utbah رضی اللہ عنہ ne naizon ki lakrion ke sath jhanday awezan kar ke lashkar main shaamil khawateen ke haathon main thama diye aur inhen hukam diya keh woh lashkar ke peechay chalein. Aur un se yeh bhi irshaad farmaya: Jab hum sheher ke qareeb pahonch jaayen, To hamaaray peechay is qadar ghubaar udaaein jis se fiza att jaye:
Jab Lashkar-e-Islam Ablah sheher ke qareeb pouncha to Irani lashkar baahar nikla jab unhon ne Lashkar-e-Islam ki apni taraf paish qadmi dekhi aur dekha keh jhanday un ke peechay lehra hain. Aur un ke peechay ghubaar se poori fiza bhari hui hai, to aik doosray se kehnay lagay:
Yeh to Muqadmaht-ul-Jaish hai. In ke peechay bohat bada lashkar ghubaaar udaatay hue aagay badh raha hai. Ham to un ke muqablay main bohat thoday hain.
Un ke dil ma’roob ho gaye ghabraahat ke aalam main jaldi jaldi apni aisi qeemti ashya uthayen jin ka wazan bohat kam tha, Aur un kashtiyon par baith kar bhaag niklay jo hangaami halaat se nipatne ke liye dareaye Dajla ke kinaare langar andaaz theen. Hazrat Utbah رضی اللہ عنہ kisi jaani nuqsaan ke baghair faatihana andaaz main Ablah main daakhil hue, Phir is ke baad ird gird ke shehron aur bastiyon ko bhi fatah kar liya: Yahan se itna Maal-e-Ghanimat haath laga jisay shamaar karna dushwaar tha. Aur har andazay ko maat kar gaya. Yahan tak keh kaamyabi ke baad aik Mujahid Madinah-e-Munawara wapias lota to logon ne us se poocha:
Ablah main musalmanoon ka kya haal hai?
To us ne kaha:
Bhala kis cheez ke baray main puchhte ho?
Khuda ki qisam! Main inhen is haal main chos kar aaya hoon ke sonay aur chaandi main khailtay hain. Aur log Parwana aur Ablah main rahaish ikhtiyar karne ke liye dofay aa rahay hain.
Is mauqa par Hazrat Utbah bin Ghazwan رضی اللہ عنہ ne socha keh Lashkar-e-Islam ka un maftooha shehron main ziyada der qiyaam karna inhen aaraam talab bana de ga. Aur yeh mujahid yahan ke bashindon ki aadaat apna len gain aur un ke jungi azaim maanid pad jayen gain, To unhon ne Ameer ul Momineen Hazrat Umar bin Khattab رضی اللہ عنہ ki taraf khat likha aur un se basrah sheher aabad karne ki ijazat talab ki aur mujawwaza jagah ki nishaandahi bhi kar di. Ameer ul Momineen ne yeh sheher aabad karne ki inhen ijaazat day di.
Hazrat Utbah رضی اللہ عنہ ne is naye shehar ka naqsha banaya. Sab se pehlay aik bohat badi masjid taamer ki. Us masjid ko islam ki sar bulandi ke liye apni tamaam tar msaay ka markaz banaya. Yahin par jihaad fi sabeel Allah ke liye qaafilay tarteeb diye jaatay.
Masjid ke zariye hi unhon ne Dushmanaan-e-Khuda par ghalba haasil kya.
Is liye sheher main fojion ne apne ghar bhi taamer kiye, Lekin Hazrat Utbah رضی اللہ عنہ ne apne liye koi ghar nahi banaya aur aap ne hamesha khaima main hi rahaaish rakhi aur woh apne tain is par khush thay.
Hazrat Utbah رضی اللہ عنہ ne dekha ke Basrah main rahaaish pazeer musalmanoon ke dilon main aisi duniya dar aati hai jis se insaan ka dil ghaafil ho jaata hai.
Unhon ne dekha keh thoda arsa hi pehlay woh log jo chawal jaisay khaanay se bhi na aashna thay, Woh ab Iranio ke tarhan tarhan ke lazeez khaano se lutaf andoz ho rahay hain. Inhen is duniya se apne deen ka khatrah la-haq hwa aur duniya se apni aakhirat kharaab honay ka andesha peda hua to logon ko Koofa ki masjid main jama kya aur yeh Khitab farmaya:
Logo! Yeh duniya khatam honay waali hai, Tum yahan se aik aisay ghar ki taraf muntaqil honay waalay ho, Jis par koi zawaal nahi ho ga to wahan naik aamaal le kar jao main Rasool Allah ﷺ un saat sahaba main se hoon jinhein sab se pehlay islam qubool karne ka sharf haasil hua, Ham darakhton ke pattay kha kar guzaraa kya karte thay jis se baaz auqaat hamaray mun zakhmi ho jaatay.
Aik roz giri hui chaadar mere haath lagi main ne usay phaad kar do hisson main taqseem kya, Aik ko meain ne Bator-e-Tahband baandha aur doosra hissa hazrat Saad bin Abi Waqas رضی اللہ عنہ ko tahband bandhnay ke liye diya. Ab ham main se har aik kisi nah kisi sheher ka governer hai. Main is baat se Allah ke huzoor panah mangta hoon keh main apne tain azeem banoon aur Allah ke haan zaleel shamaar kya jaoon. Phir hazreen main se aik ko apna naib muqarrar kya aur inhen Alwidah keh kar Madinah-e-Munawara rawaana ho gaye.
Jab Ameer ul Momineen hazrat Farooq-e-Azam رضی اللہ عنہ ki khidmat main haazir hue to apna istifa paish kar diya. Lekin hazrat Farooq-e-Azam رضی اللہ عنھ ne un ka istifa qubool nahi kya aur unhen Basrah wapas jaa kar apna mansab sambhalnay ka hukam diya, Unhon ne ba dil nakhwastah hazrat Umar رضی اللہ عنہ ka hukam mana aur apni uontni par sawaar ho gaye.
Aur yeh dua ki:
Ilaahi! Mujhe wapas nah lotaana. . .
Ilaahi! Mujhe wapas nah lotaana. . .
Allah Ta’alaa ne un ki dua qubool ki Madinah se abhi thoday hi faaslay par puhanche thay keh Uontni ladkhadyi aur hazrat Utbah رضی اللہ عنہ sar ke bil girtay hi Allah ko piyaray ho gaye.
انا لله وإنا إلیْه راجعوْن
Hazrat Utbah bin Ghazwan رضی اللہ عنہ ke mufassal Halaat-e-Zindagi maloom karne ke liye darjzail kitabon ka mutalea karen:
1: Al Isaabah ( Mutarjim) 5411
2: Al Istiaab 3/113
3: Tarikh-ul-Islam Allamah Zahabi 2/7
4: Usd ul Ghabah 3/363
5: Tarikh Khalifah bin Khayyat 1/95-98
6: Al Bidayah wal Nihayah 10/48
7: Mujam-ul-Buldan 10/430
8: Al Tabaqat ul Kubraa 1/7
9: Tarikh-e-Tabari jild 10 ki fahrist dikhiy
10: Siar-o-Aalam-e-Al Nubala 1/221-222
11: Hayat ul Sahabah jild Caharum ki fahrist dikhiy.
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت عتبہ بن غزوان رضی اللہ عنہ
عتبہ بن غزوان کا اسلام میں بہت بلند مقام ہے۔ ارشاد عمر بن خطاب رضی اللہ عنہ
امیر المؤمنین حضرت عمر بن خطاب رضی اللہ عنہ عشاء کی نماز کے بعد بستر پر لیٹے تاکہ کچھ دیر آرام کر لیں اور رات کو گشت کے لئے تازہ دم ہو سکیں، لیکن خلیفتہ المسلمین کو ایرانی سرحد پر لڑی جانے والی جنگ کی صورت حال کے پیش نظر نیند نہیں آ رہی تھی ڈاک کے ذریعے انہیں معلوم ہوا۔ کہ لشکر اسلام جونہی اس قابل ہوتا ہے کہ ایک زوردار حملے سے ایرانیوں کو پسپا کر دے کہ کسی نہ کسی طرف سے انہیں کمک پہنچ جاتی ہے اور وہ دوبارہ اپنی قوت کو مجتمع کر کے مسلمانوں کے سامنے ڈٹ جاتے ہیں۔
امیرالمؤمنین کو بتایا گیا، ابلہ شہر سے ایرانیوں کو کمک بہم پہنچائی جاتی ہے۔ آپ نے عزم کر لیا کہ ابلہ کو فتح کرنے کے لئے لشکر روانہ کروں گا۔ تاکہ ایرانیوں کو کمک موصول ہونے کا راستہ منقطع کر دیا جائے، لیکن آپ کے پاس افرادی قوت کی بہت کمی تھی۔
اس لئے کہ نوجوان اور بوڑھے راہ خدا میں جہاد کے لئے اپنے گھروں سے روانہ ہو چکے تھے اور ان کے بعد مدینہ طیبہ میں صرف چند افراد موجود تھے۔
اس موقع پر آپ نے اپنا معروف حربہ استعمال کیا۔
اور وہ یہ کہ افرادی کمی کو تجربہ کار سپہ سالار کے ذریعہ پورا کیا جائے۔
مدینہ میں موجود تمام افراد کی فہرست سامنے رکھ کر ہر ایک کی صلاحیتوں کا بغور جائزہ لینے لگے، بڑی طویل سوچ و بچار کے بعد یک دم یہ کہتے ہوئے نعرہ زن ہوئے۔ میں نے اسے پا لیا۔
ہاں ہاں میں نے اسے پالیا۔
پھر بستر پر دراز ہوتے ہوئے فرمانے لگے:
یہ ایک ایسا مجاہد ہے جس نے بدر، احد، غزوہ خندق اور دیگر غزوات میں کارہائے نمایاں سر انجام دیئے۔
اس کی تلوار اور تیر کا نشانہ کبھی خطا نہیں گیا۔
پھر اسے حبشہ اور مدینہ کی جانب ہجرت کرنے کا اعزاز بھی حاصل ہوا۔
اور وہ ان خوش نصیب سات مسلمانوں میں سے ہے جنہیں سب سے پہلے مسلمان ہونے کا شرف حاصل ہوا۔
جب صبح ہوئی امیر المؤمنین نے ارشاد فرمایا:
عتبہ بن غزوان کو میرے پاس بلاؤ۔
اور اس کی کمان میں تین سو انیس مجاہدین کا لشکر ابلہ کی جانب روانہ کر دیا، اور یہ وعدہ بھی کیا کہ میں تمہاری مدد کے لئے وافر تعداد میں اور مجاہدین بھی بھیجوں گا:
جب یہ چھوٹا سا لشکر کوچ کرنے کے لئے تیار ہوا تو فاروق اعظم رضی اللہ عنہ قائد لشکر عقبہ کو وصیت کرتے ہوئے فرمانے لگے:
عتبہ! دیکھنا میں تجھے سر زمین ابلہ کی جانب روانہ کر رہا ہوں، یہ دشمن کے قلعوں میں سے ایک مضبوط قلعہ ہے۔ میں اللہ سبحانہ و تعالیٰ کی جانب سے پر امید ہوں کہ وہ تیری مدد کرے گا۔
جب وہاں جا کر پڑاؤ کرو تو سب سے پہلے اس کے باشندوں کو اللہ کی طرف دعوت دیتا۔ ان میں سے جو تیری بات مان لے اسے قبول کرلینا: اور جو انکار کر دے اس سے جزیہ وصول کرنا۔ اگر وہ جزیہ دینے سے انکاری ہوں تو بےخوف و خطر ان کی گردنوں پر تلوار چلانا۔
اے عتبہ! اپنے منصب کے بارے میں اللہ سے ڈرتے رہنا۔ کبر و نخوت سے بچنا۔ کہیں یہ تمہاری آخرت خراب نہ کر دے اس بات کو خوب اچھی طرح ذہن نشین کر لو: تجھے رسول اللہﷺ کی صحبت کا اعزاز حاصل ہے۔ اللہ تعالٰی نے تجھے ذلت کے بعد عزت عطا کی’ کمزوری کے بعد قوت عطا کی، تم اس وقت لشکر کے امیر اور ہر دلعزیز قائد ہو: تم جو بات کہو گے اسے بغور سنا جائے گا’ تم جو حکم دو گے اسے بلا چون و چرا مانا جائے گا’ دیکھنا
کہیں اس نعمت کو غلط استعمال نہ کر بیٹھنا’ ورنہ آخرت میں پچھتانا پڑے گا۔
اللہ مجھے اور تمہیں اپنی پناہ میں رکھے۔
حضرت عتبہ بن غزوان رضی اللہ عنہ اپنا یہ لشکر لے کر روانہ ہو گئے، اس لشکر میں ان کی بیوی کے علاوہ دیگر پانچ مجاہدین کی بیگمات بھی شامل تھیں۔
ابلہ شہر کے قریب ایک سرسبز جگہ پر پڑاؤ کیا، لشکر کے پاس کھانے کے لئے کوئی چیز نہیں تھی۔ جب بھوک نے زور پکڑا تو حضرت عتبہ رضی اللہ عنہ نے چند لوگوں سے کہا کہ کھانے کے لئے کوئی چیز تلاش کر کے لائیں، وہ خوراک تلاش کرنے کے لئے چل نکلے، تاکہ بھوک کا مداوا ہو سکے۔ یہاں ایک دلچسپ واقعہ پیش آیا ان میں ایک نے بتایا:
ہم کھانے کے لئے کوئی چیز تلاش کر رہے تھے، ہم چلتے چلتے درختوں کے ایک جھنڈ میں داخل ہوئے، وہاں دو مٹکے پڑے ہوئے تھے۔ ایک میں کھجوریں تھیں اور دوسرے میں سفید رنگ کے چھوٹے چھوٹے دانے تھے جن پر زرد رنگ کا چھلکا تھا۔ ہم نے دونوں مٹکے اٹھا لئے اور لشکر کے پاس لے آئے۔
ہم میں سے ایک ساتھی نے اس مٹکے کو دیکھا جس میں سفید رنگ کے دانے تھے اور کہنے لگا: یہ تو زہر ہے جو دشمن نے تمہارے لئے تیار رکھا ہے اس کے قریب نہ جانا:
ہم کھجوروں کی طرف لپکے اور انہیں کھانا شروع کر دیا۔ اتنے میں ایک گھوڑا اپنی رسی تڑا کر سیدھا اس مٹکے کی طرف آیا جس میں دانے تھے اور انہیں کھانا شروع کر دیا۔
بخدا! ہم نے ارادہ کیا کہ گھوڑے کو ذبح کر لیں ورنہ زہر سے اس کی موت واقع ہو جائے گی۔
ایک ساتھی نے کہا: رہنے دیجئے’ میں رات بھر پہرہ دوں گا اگر مرنے لگا تو میں فوراً اسے ذبح کر لوں گا۔ جب صبح ہوئی دیکھا کہ گھوڑے کو تو کچھ بھی نہیں ہوا۔
تو میری بہن نے کہا۔
بھائی جان! میں نے اپنے والد سے سنا ہے، وہ فرمایا کرتے تھے کہ زہر کو اگر آگ پر بھون دیا جائے تو اس سے کچھ نقصان نہیں ہوتا۔
پھر بہن نے تھوڑے سے دانے لئے ہنڈیا میں ڈالے اور نیچے آگ جلا دی۔
تھوڑی دیر بعد کہنے لگی کہ آؤ دیکھو ان کا رنگ کس طرح سرخ ہو گیا ہے اور چھلکا اتر رہا ہے اور اندر سے سفید رنگ کے دانے برآمد ہو رہے ہیں۔ ہم نے کھانے کے لئے وہ دانے ایک بڑے پیالے میں ڈالے تو امیر لشکر نے ارشاد فرمایا:
اللہ کا نام لے کر کھاؤ۔
ہم نے کھائے تو بڑا مزا آیا۔
بعد میں ہمیں پتا چلا کہ ان دانوں کا نام چاول ہے:
ابلہ جسے فتح کرنے کے لئے حضرت عتبہ بن غزوان رضی اللہ عنہ نے اپنے چھوٹے سے لشکر کے ساتھ چڑھائی کی تھی، دجلہ کے کنارے پر واقع ایک محفوظ شہر تھا، ایرانیوں نے یہاں اسلحہ محفوظ کرنے کے لئے بڑے سٹور بنا رکھے تھے اور قلعہ کے برجوں پر اپنے دشمنوں پر نگاہ رکھنے کے لئے رصدگاہیں تعمیر کر رکھی تھیں۔
ان تمام تر انتظامات اور اپنی افرادی قوت اور اسلحہ کی کمی کے باوجود حضرت عتبہ بن غزوان رضی اللہ عنہ کی جنگی کاروائی کے راستے میں کوئی چیز رکاوٹ نہ بن سکی۔
آپ کے ہمراہ لشکر میں صرف چھ سو جنگجو تھے۔ تلواروں اور نیزوں کے علاہ کوئی اسلحہ نہیں تھا۔ اب صرف خداداد فہم و فراست کے ذریعے ہی کامیابی حاصل کی جاسکتی تھی۔
حضرت عتبہ رضی اللہ عنہ نے نیزوں کی لکڑیوں کے ساتھ جھنڈے آویزاں کر کے لشکر میں شامل خواتین کے ہاتھوں میں تھما دیئے اور انہیں حکم دیا کہ وہ لشکر کے پیچھے چلیں۔ اور ان سے یہ بھی ارشاد فرمایا: جب ہم شہر کے قریب پہنچ جائیں، تو ہمارے پیچھے اس قدر غبار اڑائیں جس سے فضا اٹ جائے:
جب لشکر اسلام ابلہ شہر کے قریب پہنچا’ تو ایرانی لشکر باہر نکلا جب انہوں نے لشکر اسلام کی اپنی طرف پیش قدمی دیکھی اور دیکھا کہ جھنڈے ان کے پیچھے لہرا رہے ہیں۔ اور
ان کے پیچھے غبار سے پوری فضا بھری ہوئی ہے، تو ایک دوسرے سے کہنے لگے۔
یہ تو مقدمتہ الجیش ہے۔ ان کے پیچھے بہت بڑا لشکر غبار اڑاتے ہوئے آگے بڑھ رہا ہے۔ ہم تو ان کے مقابلے میں بہت تھوڑے ہیں۔
ان کے دل مرعوب ہو گئے گبھراہٹ کے عالم میں جلدی جلدی اپنی ایسی قیمتی اشیاء اٹھائیں جن کا وزن بہت کم تھا اور ان کشتیوں پر بیٹھ کر بھاگ نکلے جو ہنگامی حالات سے نپٹنے کے لئے دریائے دجلہ کے کنارے لنگر انداز تھیں۔ حضرت عتبہ رضی اللہ عنہ کسی جانی نقصان کے بغیر فاتحانہ انداز میں ابلہ میں داخل ہوئے، پھر اس کے بعد اردگرد کے شہروں اور بستیوں کو بھی فتح کر لیا: یہاں سے اتنا مال غنیمت ہاتھ لگا جسے شمار کرنا دشوار تھا۔ اور ہر اندازے کو مات کر گیا۔ یہاں تک کہ کامیابی کے بعد ایک مجاہد مدینہ منورہ واپس لوٹا تو لوگوں نے اس سے پوچھا:
ابلہ میں مسلمانوں کا کیا حال ہے؟
تو اس نے کہا:
بھلا کس چیز کے بارے میں پوچھتے ہو؟
خدا کی قسم! میں انہیں اس حال میں چھوڑ کر آیا ہوں کہ سونے اور چاندی میں کھیلتے ہیں۔ اور لوگ پروانہ اور ابلہ میں رہائش اختیار کرنے کے لئے دوڑے آ رہے ہیں۔
اس موقع پر حضرت عتبہ بن غزوان رضی اللہ عنہ نے سوچا کہ لشکر اسلام کا ان مفتوحہ شہروں میں زیادہ دیر قیام کرنا انہیں آرام طلب بنا دے گا۔ اور یہ مجاہد یہاں کے باشندوں کی عادات اپنا لیں گے اور ان کے جنگی عزائم ماند پڑ جائیں گے، تو انہوں نے امیرالمومنین حضرت عمر بن خطاب رضی اللہ عنہ کی طرف خط لکھا اور ان سے بصرہ شہر آباد کرنے کی اجازت طلب کی اور مجوزہ جگہ کی نشاندہی بھی کر دی۔ امیرالمؤمنین نے یہ شہر آباد کرنے کی انہیں اجازت دے دی۔
حضرت عتبہ رضی اللہ عنہ نے اس نئے شہر کا نقشہ بنایا۔ سب سے پہلے ایک بہت بڑی مسجد تعمیر کی۔ اس مسجد کو اسلام کی سربلندی کے لئے اپنی تمام تر مساعی کا مرکز بنایا۔ یہیں پر جہاد
فی سبیل اللہ کے لئے قافلے ترتیب دیئے جاتے۔
مسجد کے ذریعے ہی انہوں نے دشمنان خدا پر غلبہ حاصل کیا۔
اس لئے شہر میں فوجیوں نے اپنے گھر بھی تعمیر کئے، لیکن حضرت عتبہ رضی اللہ عنہ نے اپنے لئے کوئی گھر نہیں بنایا اور آپ نے ہمیشہ خیمہ میں ہی رہائش رکھی اور وہ اپنے تئیں اس پر خوش تھے۔
حضرت عتبہ رضی اللہ عنہ نے دیکھا کہ بصرہ میں رہائش پذیر مسلمانوں کے دلوں میں ایسی دنیا در آتی ہے جس سے انسان کا دل غافل ہو جاتا ہے۔
انہوں نے دیکھا کہ تھوڑا عرصہ ہی پہلے وہ لوگ جو چاول جیسے کھانے سے بھی ناآشنا تھے، وہ اب ایرانیوں کے طرح طرح کے لذیذ کھانوں سے لطف اندوز ہو رہے ہیں۔ انہیں اس دنیا سے اپنے دین کا خطرہ لاحق ہوا اور دنیا سے اپنی آخرت خراب ہونے کا اندیشہ پیدا ہوا تو لوگوں کو کوفہ کی مسجد میں جمع کیا اور یہ خطاب فرمایا:
لوگو! یہ دنیا ختم ہونے والی ہے، تم یہاں سے ایک ایسے گھر کی طرف منتقل ہونے والے ہو، جس پر کوئی زوال نہیں ہو گا تو وہاں نیک اعمال لے کر جاؤ’ میں رسول اللہﷺ کے ان سات صحابہ میں ہوں جنہیں سب سے پہلے اسلام قبول کرنے کا شرف حاصل ہوا’ ہم درختوں کے پتے کھا کر گزارا کیا کرتے تھے جس سے بعض اوقات ہمارے منہ زخمی ہو جاتے۔
ایک روز گری ہوئی چادر میرے ہاتھ لگی میں نے اسے پھاڑ کر دو حصوں میں تقسیم کیا، ایک کو میں نے بطور تہبند باندھا اور دوسرا حصہ حضرت سعد رضی اللہ عنہ بن ابی وقاص کو تہبند باندھنے کے لئے دیا۔ اب ہم میں سے ہر ایک کسی نہ کسی شہر کا گورنر ہے۔ میں اس بات سے اللہ کے حضور پناہ مانگتا ہوں کہ میں اپنے تئیں عظیم بنوں اور اللہ کے ہاں ذلیل شمار کیا جاؤں۔ پھر حاضرین میں سے ایک کو اپنا نائب مقرر کیا اور انہیں الوداع کہہ کر مدینہ منورہ روانہ ہو گئے۔
جب امیرالمؤمنین حضرت فاروق اعظم رضی اللہ عنہ کی خدمت میں حاضر ہوئے تو اپنا استعفیٰ
پیش کر دیا۔ لیکن حضرت فاروق اعظم رضی اللہ عنہ نے ان کا استعفیٰ قبول نہیں کیا اور انہیں بصرہ واپس جا کر اپنا منصب سنبھالنے کا حکم دیا، انہوں نے بادل نخواستہ حضرت عمر رضی اللہ عنہ کا حکم مانا اور اپنی اونٹنی پر سوار ہو گئے۔
اور یہ دعا کی:
الہی! مجھے واپس نہ لوٹانا۔۔۔۔
الہی! مجھے واپس نہ لوٹانا۔۔۔
اللہ تعالیٰ نے ان کی دعا قبول کی مدینہ سے ابھی تھوڑے ہی فاصلے پر پہنچے تھے کہ اونٹنی لڑکھڑائی اور حضرت عتبہ رضی اللہ عنہ سر کے بل گرتے ہی اللہ کو پیار ہو گئے۔
إِنَّا لِلَّهِ وَإِنَّا إِلَيْهِ رَاجِعُوْنَ
حضرت عتبہ بن غزوان رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کریں۔
ا۔ الاصابه (مترجم) ۵۴۱۱
۲۔ الاستيعاب ۳/ ۱۳
۳۔ تاریخ الاسلام علامه ذهبی ۲/ ۷
۴۔ اسد الغابه ۳/ ۳۶۳
ه۔ تاریخ خلیفه بن خیاط ۱/ ۹۵۔۹۸
٢- البدايه والنھايه ۱۰/ ۴۸
۷۔ معجم البلدان ۱۰/ ۴۳۰
۸- الطبقات الكبرى ۷/ ۱
۹- تاریخ طبری
جلد ۱۰ کی فہرست دیکھئے
١٠- سیر اعلام النبلاء ۱/ ۲۲۱۔۲۲۲
۱۱۔ حياة الصحابه
جلد چہارم کی فہرست دیکھئے
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”