06. HALAT-E-NAMAZ MEIN MARD AUR AURAT KA LIBAAS

حالت نماز میں مرد اور عورت کالباس

ستر پوشی کی ایک تیسری قسم بھی ہے جس کا تعلق خاص حالت نماز سے ہے کیونکہ عورت اگر تنہائی میں نماز پڑھے تب بھی اسے چادر اوڑھنے کا حکم ہے۔

عن عائشةرضی اللہ عنہا عن النبی صلی اللّٰہ علیہ وسلم لا یقبل اللّٰہ صلاة حقائق آلا بحمار یعنی اللہ کے رسول صلی اللہ علیہ وسلم نے ارشاد فرمایا کہ کسی بالغہ عورت کی نماز بغیر اوڑھنی کے اللہ تعالیٰ قبول نہیں فرماتا۔

جبکہ حالت نماز کے علاوہ اپنے گھر کے اندر جہاں اجنبی مرد نہ ہوں اپنے سر کو کھلا رکھ سکتی ہے۔نماز کی حالت میں زینت کا اختیار یعنی ستر پوشی باری تعالیٰ کا حق ہے لہذا یہ امر کسی صورت جائز نہیں کہ کوئی بیت اللہ کا طواف یا نماز برہنہ حالت میں ادا کرے خواہ وہ رات کی تاریکی میں تن تنہا ہی کیوں نہ ہو معلوم ہوا کہ نماز میں زینت کا اختیار یعنی عورت کی ستر پوشی لوگوں سے پردہ کے لیے نہیں بلکہ رب العالمین کا حق ہے۔

[(صحیح) سنن ابی داؤد،کتاب الصلاۃ،باب المراة تصلی بغیر خمار،ح 643،سنن الترمذی،کتاب الصلاۃ،باب ماجاء فی لا تفصیل صلاة المراة الا بخمار، ح :377]

اسی وجہ سے نمازی حالت نماز میں اپنے جسم کا وہ حصہ چھپائے گا جسے عام طور پر نماز کے علاؤہ ظاہر کرنا جائز ہے ۔

مثلاً دونوں کندھے ، رسول اللہ صلی اللہ علیہ وسلم نے مرد اپنے کندھوں کو ڈھکے بغیر ایک کپڑے میں نماز پڑھنے سے منع فرمایا ہے.

 صحیحین میں یہ روایت ان الفاظ میں مروی ہے ” لَایُصْلِّیْ اَحَدُکُمْ فِیْ الثَّوْبِ الْوَاحِدِ لَیْسَ عَلٰی عَاتِقَیْهِ مِنْهُ شَیْءٌ” تم میں سے کوئی ایک کپڑے میں اس حالت میں نماز نہ پڑھے کہ اس کے کندھے پر اس کا کوئی حصہ نہ ہو۔ صحیح بخاری: کتاب الصلاۃ، باب الصلاۃ فی ثوب واحد و صفۃ لبسه ۵۱۶-

یہ حکم نماز میں باری تعلق کے حق کی بنا پر ہے جبکہ مرد حضرات نماز کے علاؤہ کندھے ننگے رکھ سکتے ہیں۔
اسی طرح آزاد عورت نماز میں دوپٹہ اوڑھےگی جیسا کہ آپ صلی اللہ علیہ وسلم نے ارشاد فرمایا:

(لَا یَقْبَلُ اللّٰهُ صَلَاۃَ حَائِقٍ اَلَّا بِخَمَارً)

“یعنی کسی بالغ عورت کی نماز الله تعالیٰ بغیر دوپٹہ کے قبول نہیں فرماتا.”

 مذکورہ حدیث کی تفریح سنن ابو داؤد اور سنن ترمذی کے حوالے سے قریب ہی گزر چکی ہے ۔ علامہ البانی رحمہ اللہ فرماتے ہیں کہ یہ حدیث اپنے عموم کے لحاظ سے آزاد لونڈی کی ہر ایک کے لیے یکساں حکم رکھتی ہے دونوں میں تفریح کی کوئی دلیل نہیں، چناچہ آزاد عورت اور لونڈی میں فرق کرنا صحیح نہیں ، جیسا کہ مصنف علیہ الرحمۃ نے کیا ہے ۔ اس تفریح کی کوئی دلیل مجھے شریعت میں نہیں مل سکی ۔ اس کے برعکس یہ ضرور مروی ہے کہ آپ صلی اللہ علیہ وسلم نے اپنی لونڈی سے فرمایا: “اختمری” یعنی چادر اوڑھ لو، اس حدیث کا حوالہ میری کتاب “جاب المرأۃ” صفحہ ۵ ۴ پر دیکھا جا سکتہ ہے ۔ یہ حدیث اس مسئلہ پر واضح دلیل ہے کہ آزاد عورت اور لونڈی دونوں ہی چادر اوڑھی گی ۔ اور حدیث مذکورہ بالا عمومی حکم کی تائید کرتی ہے۔

حالانکہ اس کے لیے اپنے شوہر اور محرم رشتہ داروں کے سامنے اوڑھنی یا دوپٹہ کا اوڑھنا ضروری نہیں ہے کیونکہ عورت زینت باطنہ کا اظہار اپنے محرم رشتہ داروں کے سامنے کر سکتی ہے۔ جب کہ حالت نماز میں یہ حکم عام ہے چاہے محرم رشتہ داروں ہوں یا غیر محرم (اور چاہے صرف عورتوں کے سامنے ہی نماز کیونہ پڑھ رہی ہو) سرکا کھلا رکھنا جائز نہیں۔ اس کے برعکس صحیح موقف کے مطابق ابتدائی اسلام میں اجنبی لوگوں کے حکم سامنے ہاتھ چہرا اور پاؤں وغیرہ ظاہر کرنے کی اجازت تھی لیکن یہ حکم منسوخ ہو چکا ، اب صرف اپنی ظاہری زینت یعنی کپڑے وغیرہ ظاہر کر سکتی ہے۔

البتہ حالت نماز میں اس بات پر اتفاق ہے کہ چہرہ ، ہاتھ اور پاؤں کا چھپانا واجب نہیں ہے۔ حالانکہ چہرے کا شمار پوشیدہ زینت میں ہوتا ہے اس کے باوجود دوران نماز کھلا رکھنا بالا جماع جائز ہے اسی طرح جمہور علماء امام شافعی ، امام ابو حنیفہ وغیرہ رحمہمُ اللہ کے نزدیک عورت نماز میں دونوں ہاتھوں کو بھی کھلا رکھ سکتی ہے البتہ امام احمد رحمہ اللہ کے نزدیک دو قول ہیں ، ایک یہی ہے اور ایک اس کے خلاف ہے ۔ امام ابو حنیفہ رحمہ اللہ کے نزدیک دونوں پاؤں کا بھی حکم ہے اور یہی مسلک زیادہ قومی معلوم ہوتا ہے ، کیونکہ حضرت عائشہ رضی الله عنھا نے پاؤں کو زینت ظاہر قرار دیا ہے چناچہ آپ نے آیت (وَلَا یُبْدِیْنَ زِیْنَتَھُنَّ اِلَّا مَا ظَھْرَ) کی تفسیر میں فرمایا ہے کہ اس سے مراد “فتح” ہے اور “فتح” چاندی کے اس چھلے کو کہتے ہیں جو عورتیں پاؤں کی انگلی میں پہنتی ہیں۔ اماں ابی حاتم نے اپنی تفسیر میں اسی روایت کیا ہے۔

یہ قول اس بات کی دلیل ہے کہ عورتیں پہلے ھاتھوں اور چہروں کی طرح اپنے پیروں کو بھی کھلا رکھتی تھی البتہ باھر نکلتے وقت وہ اپنے دامن کو تو ضرور لٹکالیتیں لیکن چلتے وقت بسا اوقات ان کا پاؤں نظر جاتا تھا کیونکہ عادتاً وہ جوتے یا موزے استعمال نہیں کرتی تھیں،اور حالت نماز میں ان کا ڈھکنا شدید تکلیف کا باعث ہے۔ خود ان سلمہ رضی الله عنھا نے فرمایا کہ اگر عورت کا کپڑا اتنا وسیع ہوکہ پاؤں کے اوپر والے حصے کو ڈھانپ لے تو کیا اس میں وہ نماز پڑھ سکتی ہے .

(ضعیف) سنن ابی داؤد،کتاب الصلاۃ،باب فی کم تصلی المرءۃ ح: ۶۳۹: مذکورہ حدیث جی سند میں ابن محمد بن زید مجہول ہے ۔ شیخ البانی فرماتے ہیں مذکورہ حدیث مرفوعاً اور موقوفاً دونوں طرح مروی ہے ۔ لیکن تمام اسناد ضعیف ہیں۔
امان مال رحمه الله فرماتے ہیں کہ محمد بن زید بن قنفذ جی ماں نے ام المومنین حضرت ام سلمہ رضی اللہ عنہا سے سوال کیا کہ وہ کون کون سے کپڑے ہیں جن میں عورت نماز پڑھ سکتی ہے؟ آپ نے جواب دیا کہ وہ اپنی اوڑھنی میں نماز پڑھ سکتی ہے اور اپنے عبائے میں نماز پڑھ سکتی ہے بشرطیکہ پاؤں کا اوپری حصہ چھپا ہوا ہو-
المؤطا: کتاب الصلاۃ، باب الرخصۃ صلاۃ المرأۃ فی الدرع والخمار: ۴۳/۱:
سنن ابی داؤد کتاب الصلاۃ، باب فی کم تصلی المرءۃ: ۶۳۹

ظاھر ہے کہ جب وہ آدھی کرے گی تو اس کے پاؤں کا نچلا حصہ نظر آسکتا ہے ۔ خکاصہ ہے کہ نص اور اجماع سے یہ بات ثابت ہوگئی کہ عورت اگر گھر میں نماز پڑھے تو اس کے لئے جلباب کا استعمال ضروری نہیں ہے اور جلباب سے مراد کشادہ چادر ہے جو عورت کے پورے بدن کو چھپاتی ہو،بلکہ جلباب اسی صورت میں ضروری ہے جبکہ وہ گھر سے باہر نکلے،گھر میں نماز پڑھتے ہوئے اگر عورت کا ہاتھ ،پیر اور چہرا کھلا رہے تو یہ جائز ہے جیسا ہے آیت حجاب نازل ہونے سے پہلے مسلمان خواتین اسی حالت میں باھر نکلتی تھیں ۔ لہاذا نماز کا ستر وہ نہیں ہے جو نظر کا ستر ہے۔ اور نظر کا ستر وہ نہیں جو نماز کا ستر ہے۔ خود عبدالله بن مسعود رضی الله عنه نے جب کپڑوں ہی کو زینت ظاہرہ قرار دیا تو یہ نہیں فرمایا کہ عورت پوری کی پوری پردے کی چیز ہے حتیٰ کہ اس کا ناخن بھی حکم پردہ میں شامل ہے بلکہ یہ تو امام احمد بن حنبل رحمہ اللہ کا قول ہے کہ عورت نماز میں اپنے ناخن کو بھی چھپاۓ گی ،فقہاء کرام کا پردہ کے احکام کو’’باب ستر العورة‘‘ ’’قابل پردہ حصہ کو چھپانے کا بیان سے موسوم کرنا کہ جن اعضاء کو نمازی دوران نماز چھپاتا ہے وہ پردہ میں بھی شمار ہوں گے۔ یہ ان کی ذاتی تشریح ہے یہ نہ تو آپ کے الفاظ ہیں اور نہ قرآن وسنت ہی میں کہیں ایسا حکم وارد ہوا ہے۔

ارشاد باری تعالی ہے:

(خذوا زينتكم عند كل مسجد)

مسجد کی حاضری کے وقت اپنی زینت (لباس) استعمال کرو۔

[الاعراف:۳۱]

رسول اللہ ﷺ نے برہنہ ہو کر بیت اللہ کا طواف کرنے سے منع فرمایا ہے۔

لہذا نماز بدرجہ اولی بر ہنہ ہو کر نہیں پڑھی جاسکتی ۔

  [صحيح البخاری، کتاب الصلاة، باب مايستر من العورة، ح 369؛ صحيح مسلم، کتاب الحج، باب لايحج بالبيت مشرك ولايطوف عريان…، ح: ١٣٤٧]

اس لیے جب آپ ﷺ سے ایک کپڑے میں نماز کا حکم دریافت کیا گیا تو آپ نے فرمایا:

((اولكلكم توبان)) 

” یعنی کیا تم میں سے ہر شخص کے پاس دو کپڑے ہیں ۔

[صحیح البخاری، کتاب الصلاة، باب الصلاة، في الثوب الواحد: ٣٥٧؛ صحيح مسلم، کتاب الصلاة، باب الصلاة، في ثوب واحد، ٥١٥]

اور ایک کپڑے میں نماز سے متعلق فرمایا:

(ان كان واسعا فالتحف به وإن كان ضيقا فائزربه)

’’اگر کپڑا کشادہ ہے تو اس کو لپیٹ لو اور اگر چھوٹا ہے تو تہیبند باندھ لو۔‘‘

[صحیح البخاری، کتاب الصلاۃ،باب اذا كان الثوب ضيفا: ٣٦١]

:اسی طرح ایک کپڑے میں کندھا ننگا رکھتے ہوۓ نماز پڑھنے سے منع فرمایا: 

(لا يصلى أحدكم في الثوب الواحد ليس على عاتقيه منه شيء)) ’’

’ تم میں سے کوئی ایک ہی کپڑے میں نماز نہ پڑ ھے جبکہ اس کپڑے کا کوئی حصہ کندھے پر نہ ہو۔‘

‘ [صحیح البخاری، کتاب الصلاة، باب اذا صلي في الثوب الواحد: 359، صحیح مسلم، کتاب الصلاة، باب الصلاة في ثوب واحد : 516]

 یہ اس بات کی دلیل ہے کہ حالت نماز اور غیر نماز کے پردے میں فرق ہے اس لیے نماز میں ستر یعنی ران وغیرہ کو چھپانے کا حکم ہے، جب کہ حالت نماز کے علاوہ عام حالات میں ران وغیرہ کا چھپانا ضروری نہیں جیسا کہ امام احمد کے ایک موقف کے مطابق مرد کا ستر صرف قبل ودبر ( پیشاب و پاخانہ کی جگہ ) ہے۔ امام احمد کے مذکورہ قول کا مفہوم بھی یہی ہے کہ ایک مرد کو دوسرے مرد کی ران دیکھنے کی اجازت ہے، حالت نماز اور طواف کا اس سے کوئی تعلق نہیں ہے۔ اس لیے خواہ را نیں حد و ستر میں شامل ہوں یا نہ ہوں ، بہر حال کسی شخص کو ران کھول کر نماز پڑھنے اور برہنہ ہو کر نماز پڑھنے کی اجازت نہیں بلکہ مجبوری کی حالت میں اگر ایک ہی کپڑے میں نماز پڑھے اور وہ کپڑا چھوٹا ہوتو اسے ازار بنا لے اور کشادہ ہو تو اس میں لپٹ جاۓ ۔ اسی طرح اگر وہ گھر میں تن تنہا پڑھ رہا ہوتو بھی با تفاق علماء ستر پوشی کرنا واجب ہے۔

ازار کی موجودگی میں ران کھول کر نماز پڑھنا کسی صورت میں مرد کے لیے جائز نہیں ۔ اور نہ ہی اس مسئلہ میں اختلاف کی گنجائش ہے۔ جن لوگوں نے حدو دستر کی تحدید سے متعلق دونوں روایتوں کی بنیاد پر اختلاف کیا ہے جیسا کہ بعض حضرات کا خیال ہے تو یہ ان کی صریح غلطی ہے ۔ یہ نہ تو امام احمد اللہ کا قول ہے اور نہ ہی کسی دوسرے امام کا کہ نمازی ایسی حالت میں (یعنی کھلی ران کے ساتھ نماز پڑھ سکتا ہے، اور یہ کیسے ہوسکتا ہے کہ امام احمد رحمہ اللہ حالت نماز میں کندھوں کے ڈھکنے کا تو حکم دیں اور ران کھلی رکھنے کی اجازت دے دیں۔

علامہ البانی رحمہ اللہ یہاں حاشیہ لگاتے ہیں کہ مناسب ہے کہ بچوں کو ایسے ہی آداب سکھائے جائیں ۔ والدین کے لیے کسی بھی طرح مناسب نہیں ہے کہ اپنے بچوں کو خاص کر اس وقت جب کہ وہ تمیز کو پانچ جائیں ) جانگھیا (ہاف پینٹ ) پہنائیں اور اسی حالت میں انہیں مسجد بھی لے جائیں ۔
چنانچہ ماسبق حديث :
((مروهم بالصلاة وهم ابناء سبع) میں ہے کہ جب بچے سات سال کے ہو جائیں تو انہیں نماز کا حکم دو اور جب وہ دس سال کے ہو ہا میں تو نماز نہ پڑھنے پر اتش مارو ۔

* ہاں! اس مسئلے میں اختلاف ضرور ہے کہ آدمی جب اکیلا ہو تو اس پرستر کا چھپانا واجب ہے یا نہیں؟
لیکن کپڑا اوڑھ کر نماز پڑھنے کے واجب ہونے میں کوئی اختلاف نہیں ۔ باتفاق علماء لباس کی موجودگی میں برہنہ حالت میں نماز پڑھنا جائز نہیں اس لیے امام احمد اللہ اور کچھ دوسرے ائمہ کی رائے ہے کہ جہاں کہیں صرف ننگے ہی مرد ہوں تو ان کے لیے بیٹھ کر نماز پڑھنا جائز ہے ان کا امام صف کے درمیان میں کسی ایسی جگہ جہاں عام مرد بر ہنہ حالت میں ہوں ۔ یہ حکم حالت نماز کے ساتھ خاص ہے۔
اس قدر پردہ پوشی کا خیال صرف و صرف نماز کی اہمیت کے پیش نظر ہے، نہ کہ نظر کی وجہ سے ۔ چنانچہ جب بہز بن حکیم کے دادا حضرت معاویہ بن حیدو نے آپ ﷺ سے سوال کیا کہ اگر ہم اکیلے رہیں تب بھی ستر پوشی کا خیال رکھیں تو آپ ﷺ نے فرمایا :

(فالله أحق أن يستحي منه من الناس)

حدیث سنن ابوداود اورسنن الترمذی کے حوالے سے گزرچکی ہے۔

یعنی (لوگوں کے مقابلے میں ) اللہ تعالی اس بات کا زیادہ حق دار ہے کہ اس سے شرم کی جائے ۔

 جب عام حالات میں یہ کم ہے تو حالت نماز میں اللہ تعالی اس سے بھی زیادہ حق دار ہے کہ اس شرم کی جائے اور اس سے ہم کلامی کے وقت زیادہ زینت و آرائش اختیار کی جاۓ اس وجہ سے جب حضرت عبداللہ بن عمر ا نے اپنے غلام نافع کو دیکھا کہ وہ ننگے سر نماز پڑھ رہا ہے تو اس سے پوچھا کہ اگر تمہیں لوگوں کے پاس جانا ہو تو اسی حالت میں چلے جاؤ گے؟ غلام نے جواب دیا کہ نہیں ۔ تب آپ نے فرمایا کہ اللہ اس بات کا زیادہ حقدار ہے کہ اس کے سامنے آنے کے لیے خوبصورتی اور آرائش اختیار کی جائے ۔

سنن کبری میں امام بیہقی واللہ نے مذکورہ قول کو ان الفاظ میں نقل کیا ہے کہ نافع نے بیان کیا کہ ایک روز جانوروں کو چارہ وغیرہ دینے کی وجہ سے میں جماعت سے پیچھے رہ گیا ۔ جب عبداللہ بن عمر کی واپس آۓ تو انہوں نے مجھے دیکھا کہ میں ایک ہی کپڑے میں نماز پڑھ رہا ہوں ۔ آپ نے پوچھا: کیا میں نے تمہیں دو کپڑے نہیں دیئے تھے؟ میں نے جواب دیا: جی ہاں! آپ نے سوال فرمایا کہ کیا میں تمھیں شہر میں کسی آدمی کے پاس بھیجوں تو تم ایسے ہی چلے جاؤ گے؟ میں نے عرض کیا نہیں ۔ تو آپ نے فرمایا کہ اللہ لوگوں سے زیادہ حقدار ہے کہ اس کے لیے زینت اختیار کی جاۓ ۔
پھر انہوں نے کہا میں نے اللہ کے رسول ﷺ سے سنادہ حضرت عمران سے فرمارہے تھے کہ

((من كان له ثوبان فليصل فيهما ومن لم يكن له إلا ثوب واحد فليتزر به ولا يشتيل كاشتمال اليهود)

یعنی جس کے پاس دو کپڑے ہوں اس میں نماز پڑھے اور جس کے پاس ایک ہی کپڑ اہوا سے ازار بنالے اور یہودیوں کی طرح اس میں لپیٹ نہ جاۓ ۔(السنن الكبرى: ٢/ ٢٣٦۔) کچھ الفاظ کے رد و بدل کے

ساتھ یہی روایت صحيح ابن خزيمه: 1/ 376، رقم: 766 میں بھی مروی ہے ۔
علامہ البانی فرماتے ہیں کہ
جن الفاظ کے ساتھ مصنف نے اس حدیث کو نقل کیا ہے وہ مجھے کسی کتاب میں نہیں مل سکی ۔ ہوسکتا ہے کہ نگے سر کا ذکر جو مصنف نے اس حدیث میں کیا ہے اتر کار پڈوکسی ایسی کتاب میں ہو جو مجھے نہیں مل سکی ۔

ایک صحیح حدیث میں ہے کہ جب اللہ کے رسول ﷺ سے یہ سوال ہوا کہ آدمی کی خواہش ہوتی ہے کہ اس کا کپڑا اچھا اور اس کا جوتا بھی اچھا ہو تو کیا یہ بھی تکبر میں داخل ہے؟ ) آپ نے جواب دیا کہ اللہ خوبصورت ہے اور خوبصورتی کو پسند فرماتا ہے۔

[صحیح مسلم، کتاب الایمان، باب تحريم الكبر وبيانه: ۹۱]

اور جس طرح آپ نے نمازی کو پاکیزگی ، صفائی اور خوشبو کا حکم دیا ہے، اس طرح آپ نے بھی فرمایا:

«أن تتخذ المساجد في البيوت وتنظف وتطيب))

” یعنی گھروں یا محلوں اور بستیوں میں مسجد میں بنائی جائیں ، انہیں صاف ستھرا رکھا جائے اور انہیں معطر کیا جاۓ ۔”

[سنن ابی داود: کتاب الصلاة، باب ماجاء في اتخاذ المساجد في الدور، ح٤٥٥: سنن الترمذي،أبواب السفر، باب ما ذكر في تطيب المساجد، ح: 594؛ علامہ البانی رحمہ اللہ فرماتے ہیں کہ بدرجہ]

یہاں سے یہ حقیقت از خود منکشف ہو جاتی ہے کہ عام ظروف میں ایک مرد دوسرے مرد سے اور ایک عورت دوسری عورت سے جتنا پردہ کرے گی ، اس سے کہیں زیادہ پردے کا اہتمام حالت نماز میں کیا جائے گا ۔ اسی لیے عورت کو حالت نماز میں دو پٹہ اوڑھنے کا حکم دیا گیا ہے۔ باقی رہا چہرہ ، دونوں ہاتھ اور دونوں پیر تو انہیں کسی بھی اجنبی مرد کے سامنے ظاہر کرنے کی ممانعت ہے ۔ لیکن عورتوں اور محرم مردوں کے سامنے ان کا کھلا رکھنا جائز ہے۔یہ اس بنا پر ہے کہ یہ اعضاء ان حدود ستر میں شامل نہیں ہیں جنہیں مرد کو مردوں سے اور عورت کو عورتوں سے چھپانے کا حکم ہے

اور ان کا کھولنا بے حیائی اور بدتمیزی کی بات ہے۔ البتہ یہ اعضاء بڑی برائی کا پیش خیمہ ہیں اور اگر ان کو غیر محرموں کے سامنے ظاہر کرنے سے روک دیا جاۓ تو فی الواقع بڑی برائیوں سے بچنے کا پیش خیمہ ثابت ہو سکتے ہیں ، چنانچہ ارشاد باری تعالی ہے:

 (قل للمؤمنين يغضوا من أبصارهم ويحفظوا فروجهم ذلك اذكى لهم )

 ”اے نبی آپ مومنوں سے کہہ دیجئے کہ اپنی نظروں کو نیچی رکھیں اور اپنی شرمگاہوں کی حفاظت کر میں بیان کے لیے خوب ستھرائی ہے ۔”

[٢٤/النور]

اور آیت حجاب کے آخر میں ارشاد فر مایا کہ:

“ذلکم اطهر لقلوبكم وقلوبهن”

* تمہارے اور ان کے دلوں کی پاکیزگی کے لیے زیادہ مناسب طریقہ ہے۔”

[٤/النور: ٥٣]

درج بالا آیات سے یہ بات خوب عیاں ہو جاتی ہے کہ چہرے اور ہاتھ کے اظہار کی جو ممانعت ہے وہ صرف بڑی برائی کا دروازہ بند کر نے کے لیے ہے، اس وجہ سے نہیں کہ یہ اعضا مستقل طور پر حد و دستر میں داخل ہیں ، نہ حالت نماز میں اور نہ غیر نماز میں، ویسے بھی یہ بات بعید از قیاس ہے کہ عورتوں کو حالت نماز میں ہاتھوں کے ڈھکنے کا حکم دیا جاۓ کیونکہ چہرے کی طرح دونوں ہاتھ بھی سجدہ کرتے ہیں ۔ 

حضرت عبداللہ بن عمر ا سے روایت ہے کہ اللہ کے رسول ﷺﷺ نے ارشادفرمایا:
(إِنَّ الْيَدَيْنِ تَسْجُدَانِ كَمَا يَسْجُدُ الْوَجْهُ، ‏‏‏‏‏‏فَإِذَا وَضَعَ أَحَدُكُمْ وَجْهَهُ فَلْيَضَعْ يَدَيْهِ، ‏‏‏‏‏‏وَإِذَا رَفَعَ فَلْيَرْفَعْهُمَا .
یعنی چہرے کی طرح دونوں ہاتھ بھی سجدہ کرتے ہیں اس لیے جب کوئی سجدے کے لیے اپنا چہرہ زمین پر رکھے تو اسے چاہیے کہ اپنے دونوں ہاتھ بھی رکھے اور جب سجدے سے چہرہ اٹھاۓ تو دونوں ہاتھوں کو بھی اٹھاۓ ۔سنن ابی داؤد، کتاب الصلاة، باب اعضاء السجود: ۸۹۲۔

رسول اللہ ﷺ کے زمانے میں عورتیں قمیص پہنتی تھیں اور قمیص پہن کر سب کام کاج انجام دیا کرتی تھیں لہذا جب عورت آٹا گوندھتی تھی ، یا پیستی تھی یا روٹی پکاتی تو لامحالہ اپنے ہاتھ کوکھولتی تھی ، ان تصریحات کے پیش نظر اگر حالت نماز میں ہاتھوں کا ڈھکنا واجب ہوتا تو رسول اللہ صلی اللہ علیہ وسلم اسے ضرور بیان فرماتے ،اور اس پر دونوں پیروں کو بھی قیاس کرنا چاہیے ۔ آپ نے عورتوں کو میں کے ساتھ صرف اوڑھنی کا حکم دیا تھا چنانچہ عورتیں اپنی قمیصوں اور اوڑھنیوں میں نماز پڑھا کرتی تھیں ۔ باقی رہا وہ کپڑا جسے عورتیں لٹکاتی تھیں اور جس کے بارے میں آپ ﷺ سے سوال بھی ہوا تو آپ ﷺ نے فرمایا کہ ایک بالشت لٹکالیں ، پھر عورتوں نے عرض کیا کہ اتنے سے تو چلنے میں پنڈلیاں نظر آئیں گی تو آپ نے فرمایا کہ( ایک ذراع) یعنی ایک ہاتھ لٹکالیں اس سے زیادہ نہیں ۔

سنن ابوداود وغیرہ میں ہے کہ حضرت ام سلمہ رضی اللہ عنہ ، جب اللہ کے رُسول صلی اللہ علیہ وسلم سے تہبند وغیرہ کے اسبال اور اس کی ممانعت سے متعلق سنا تو سوال کیا کہ کیا اے اللہ کے رسول صل اللہ علیہ السلام عورتوں کا ازار کیسے ہونا چاہیے؟ آپ ﷺ نے فرمایا کہ انہیں چاہیے کہ ایک بالشت لٹکا لیں ( یعنی آدھی پنڈلی سے ایک بالشت نیچے تک لٹکا ئیں ) اس پر ام سلمہ رضی اللہ عنہ نے عرض کیا تب تو چلتے وقت ان کا قدم کھل جاۓ گا تو آپ سلام نے فرمایا: ((ذراع لایز دن علیہ)
یعنی ایک ہاتھ لٹکا لیں لیکن اس سے زیادہ نہیں
۔ سنن ابی داود، كتاب اللباس، باب قدر الليل: ٤١١٧، سنن النسائی، کتاب الزينة، باب ذيول النساء: ۸/ ۲۰۹

،علامہ البانی رحمہ اللہ فرماتے ہیں کہ حدیث صحیح پیش کی ہے ۔

عمر بن ربیعہ فرماتے ہیں:

(كتب القتل والقتال علينا و على الغانيات جر الذيول)

یعنی ہمارے او پر توقتل وقتال فرض ہے اور عورتوں پر اپنے دامن کا گھسیٹنا۔‘‘

اس وقت کا بیان ہے کہ جب عورتیں اپنے گھروں سے نکلیں ۔اس لیے جب آپ سے ایسی عورت کے متعلق پوچھا گیا جو اپنے دامن کو گندی جگہوں پر گھسیٹتی ہوئی آتی ہو تو اس کا کیا حکم ہے؟ تو آپ ﷺ نے فر مایا کہ اس کے بعد والی جگہ اس کو پاک کردے گی۔ 

ام المومنین ام سلمہ رضی اللہ عنہ سے ایک عورت نے سوال کیا کہ میرا دامن لمبا ر ہتا ہے اور بسا اوقات مجھے گندی جگہ سے گزرنا پڑتا ہے تو ایسی صورت میں ہم کیا کر یں؟

** تو ام سلمہ رضی اللہ عنہ نے فرمایا کہ اللہ کے رسول ﷺ کا ارشاد ہے کہ ((يطهرة ما بعده)) ’’اس کے بعد والی پاک زمین اسے پاک کر دے گی ۔

**سنن ابوداود، کتاب الطهارة، باب الأذى ليصيب الثوب ۳۸۳؛ سنن الترمذی، ابواب الطهارة، باب ماجاء في الوضوء من الموطا:١٤٣

البتہ گھر کے اندر ایسے لیے دامن والا لباس خواتین نہیں پہنتی تھیں ۔ اسی طرح بعد میں عورتوں نے باہر نکلتے وقت اپنی پنڈلیوں کو ڈھکنے کے لیے موزے کا استعمال شروع کر دیا تھا۔

لہذا جب رسول اللہ ﷺ نے عورتوں کو ایک بالشت کپڑا لٹکانے کا حکم دیا تو جواب میں عورتوں کا یہ کہنا تھا: اس صورت میں تو پنڈلیاں ظاہر ہوں گی ، گویا اصل مقصود پنڈلیاں ہیں نہ کہ پاؤں ۔ اور ویسے بھی جب کپڑ اٹخنوں سے اوپر ہوگا تو تب ہی چلتے وقت پنڈلیاں ظاہر ہوگی….!

 مسلمان عورتیں اپنے گھروں میں نماز پڑھا کرتی تھیں اور آپ ﷺ نے ارشادفر ما یا :

“لا تمنعوا إماء الله مساجد الله و بيوتهن خير لهن “

*یعنی اللہ کی بندیوں کو اللہ کی مسجدوں سے نہ روکولیکن ان کے گھر ان کے لیے ذیادہ بہتر ہے”

[صحیح البخاری، کتاب الجمعة، باب ۹۰۰:۱۳؛ صحیح مسلم، کتاب الصلاة، باب خروج النساء الى المساجد: ٤٤٢۔]

۔ گھر بہتر ہونے باوجود مسجد آنے کی صورت میں قمیض کے ساتھ صرف اوڑھنی اوڑھنے کا حکم دیا گیا، جرابوں یا موزے وغیرہ کا حکم نہیں دیا گیا کہ جس سے وہ اپنے پیروں کو چھپائیں اور نہ دستانے وغیرہ کا مکلف بنایا گیا جس سے وہ اپنے ہاتھوں کو چھپاۓ رکھیں ۔

* اس بات کی دلیل ہے کہ اگر اجنبی مرد نہ ہوں تو نماز میں عورت کے لیے ہاتھ اور پاؤں کا چھپانا واجب نہیں ، چنانچہ حضرت خدیجہ ﷺ سے مروی ہے کہ فرشتے پوشیدہ زینت کی طرف نہیں دیکھتے۔ *

اس قصہ کی سند منقطع ہے اور اس سے ملتی جلتی ایک روایت  حافظ ابن حجر بن اللہ نے’’الاصابہ میں ’’دلائل النو الی فیم‘‘ کے حوالے سے نقل کر کے اس کی تضعیف کی ہے ۔

یعنی جب عورت اپنا دوپٹہ یا قمیص اتار دیتی ہے تو فرشتے اس کی طرف نہیں دیکھتے ۔خلاصہ یہ کہ نماز کے سلسلے میں عورت کو صرف اتنی ہی مقدار یعنی قمیص اور اوڑھنی ہی کا حکم دیا گیا ہے جیسا کہ مردکو حکم ہے کہ اگر وہ ایک کپڑے میں نماز پڑھے تو اس میں اس طرح لے کہ اپنے کندھے اور حد و د ستر کو چھپائے۔ مرد کے دونوں کندھوں کا وہی حکم ہے جو عورت کے سر کا حکم ہے، چنانچہ مرد قمیض پہن کر یا جو کپڑ ا قمیص کی جگہ پہنا جا سکے اس میں نماز پڑھ سکتا ہے، لیکن حالت احرام میں اس کے لیے جائز نہیں کہ اس کے اعضاء جسم کے حساب سے کاٹ کر جو کپڑ اسلایا گیا ہومثلا قمیص یا چوغہ وغیرہ اس میں نماز پڑھے، جس طرح کہ عورت حالت احرام . میں نہ نقاب پہنے گی اور نہ دستانہ ہی پہنے گی ، باقی رہا مرد کا سرتو حالت احرام میں وہ اپنے سر کونہیں چھپاۓ گا۔