05A. HAIZ KAY AHEKAAM; NAMAZ

پہلا حکم :- نماز

حیض کے احکام بہت زیادہ ہیں۔ جو کہ 20 سے زائد ہیں ان احکام میں سے جو ہم ضروری اور اہم خیال کرتے ہیں وہ یہاں ذکر کریں گے ۔وہ احکام مندرجہ ذیل ہیں۔

پہلا حکم :- نماز

 حائضہ خاتون پر فرضی اور نفلی نماز حرام ہے وہ نماز نہیں پڑھ سکتی اور نہ  ہی اس پر واجب ہے۔ الا یہ کہ وہ ایک رکعت کے قدر نماز کا وقت طہر  میں پالے اول میں یا آخر میں۔

ا۔۔ اول وقت کی مثال

 ایک خاتون کو غروب  شمس کے بعد  ایک رکعت کی  مقدار کے بعد  حیض آیا تو جب حیض سے  پاک ہوگی  تو اس پر نماز مغرب کی قضا واجب ہے کیونکہ حیض آنے سے پہلے اس نے نماز کے وقت میں ایک رکعت کی مقدار کو پا لیا تھا۔

 ب۔ اخری وقت کی مثال

 اگر کوئی خاتون طلوع  شمس سے ایک رکعت کی مقدار پہلے حیض سے پاک ہوجائے تو جب وہ طہارت حاصل کرلے  گی اس پر نماز فجر کی قضاء  واجب ہے  کیونکہ اس نے نماز کے وقت میں ایسے حصے کو پایا ہے جس میں ایک رکعت پڑھنے کی گنجائش و وسعت پائی  جاتی ہے اور اگر  حائضہ عورت نے وقت کا اتنا حصہ پایا کہ جس میں ایک مکمل رکعت پڑھنے کی گنجائش نہیں ہے مثال کے طور پر پہلی  مثال میں غروب شمس  کے بعد ایک لحظ برابر بعد عورت کو حیض ایا یا دوسری مثال میں  طلوع شمس سے ایک لحظہ قبل عورت  طہارت حاصل کرلے تو اس پر نماز واجب نہیں ہو گی کیونکہ آپ صلی اللہ علیہ وسلم کا فرمان   ہے.

”  وَمَنْ أَدْرَكَ رَكْعَةً مِنَ الْعَصْرِ قَبْلَ أَنْ تَغْرُبَ الشَّمْسُ فَقَدْ أَدْرَكَ الْعَصْرَ ‏”‏‏.‏

دیکھو صحیح بخاری مواقیت الصلوۃباب من ادرک من الصلوۃ رکعة رقم    (580)(68/2) مع الفتح اور صحیح مسلم المساجد و المواضع الصلوۃ باب من ادرک رکعة من الصلوۃ رقم (607)(251/4)

 “جس نے نماز کی ایک رکعت پالی یقینا اس نے  نماز پا لی”

اس حدیث کا مفہوم  یہ ہے کہ  جس نے ایک رکعت سے کم پائی وہ نماز کو پانے والا نہیں ہے ۔اور جب کسی عورت نے نماز عصر کے وقت میں ایک رکعت کا وقت پایا تو کیا اس خاتون پر نماز عصر کے ساتھ ظہر کی نماز واجب ہوگی ؟ یا نماز عشاء کے وقت ایک رکعت پالی  تو کیا اس پر نماز عشاء کے ساتھ مغرب کی نماز واجب ہوگی ؟

اس بارے میں علماء کرام کا اختلاف ہے ۔صحیح بات یہ ہے اس پر  نماز واجب نہیں ہوگی سوائے اسی نماز کے جو اس نے پائی ہے  اور وہ صرف عصر اور عشاء آخرہ کی نماز ہے نبی کریم صلی اللہ علیہ وسلم کے فرمان کے مطابق ( من ادرک رکعة من العصر قبل ان تغرب الشمس فقد ادرک العصر) 

دیکھو صحیح بخاری رقم الحدیث (579) (67/1)اور صحیح مسلم رقم (608)(251/4)

“جس شخص نے غروب شمس سے پہلے عصر کی ایک رکعت پائی یقینا اس نے عصر کی نماز پائی”

 تو اس حدیث میں آپ صلی اللہ علیہ وسلم نے ” فقد ادرک الظهر والعصر ” کے الفاظ نہیں فرمائے تو آپ صلی اللہ علیہ وسلم نے اس پر  ظہر کے وجوب کا ذکر نہیں کیا جبکہ اصل برأت ہے ( کہ وہ نماز نہ پڑھے ) اور یہی مذہب امام  ابو حنیفہ اور امام مالک کا ہے ۔علامہ نووی نے ان دونوں سے  ” شرح المھذب” میں نقل کیا ہے.

 دیکھو شرح المھذب رقم (70/3)

 اور رہی بات ذکر و اذکار ، اللہ اکبر ،سبحان اللہ اور الحمد للہ پڑھنا کھانے وغیرہ پر بسم اللہ پڑھنا ،حدیث اور فقہہ پڑھنا،دعا کرنا اور اس پر امین کہنا اور قرآن مقدس سننا ،ان مذکورہ امور میں سے کوئی بھی چیز  اس پر حرام نہیں ہے ۔اور بخاری و مسلم وغیرہ میں یہ ثابت ہے کہ “آپ صلی اللہ علیہ وسلم سیدہ عائشہ کی گود میں ٹیک لگاتےتھے  سیدہ عائشہ حالت  حیض میں ہوتی تھیں اور آپ صلی اللہ علیہ وسلم قرآن حکیم پڑھتے تھے۔

 دیکھیں صحیح بخاری کتاب الحیض باب قراۃ الرجل فی حجر امراته وھی حائض رقم الحدیث (297)(479/1)اور صحیح مسلم باب جواز غسل الحیض رأس زوجھا و ترجیله رقم الحدیث (1۔301)(1 /541 )

اوراسی طرح بخاری ومسلم میں سیدہ ام عطیہ سے مروی ہے کہ انہوں نے نبی کریمﷺ سے یہ کہتے ہوۓ سنا (تـخـرج الـعـواتـق وذوات الـخـدوروالحيض يعني إلى صلاة العيدين وليشهدن الخير ودعوة المؤمنين ويعتزل الحيض المصلى)  ’

 میں صحیح بخاری ، کتاب الحیض باب شهود الحائض العيدين و دعوة المسلمين

(324)(504/1) اور صحیح مسلم صلاة الـعـيـدين باب ذكر إباحة خروج النساء العيدين إلى المصلى رقم الحديث (890)

“’نوجوان، پردونشین اور حیض والی خواتین نماز عیدین کے لئے جائیں اور مسلمانوں کی دعوت اور بھلائی میں حاضر ہوں اور حیض والی خواتین نماز سے الگ رہیں‘‘۔ اور رہی بات حائضہ خاتون کے خودقرآن پڑھنے کی تو اگر وہ خاتون دیکھ کر بادل کے ساتھ غور وفکر کر کے بغیر زبان کی حرکت کے پڑھے تو اس میں کوئی حرج نہیں ہے مثلا : قرآن یا تختی آگے رکھ دی جاۓ تو حائضہ خاتون آیات کی طرف دیکھتی رہے اور دل میں پڑھتی رہے امام نووی نے شرح مهذب ‘‘ میں فرمایا ہے: ”یہ بغیر کسی اختلاف کے جائز ہے‘‘ 

 دیکھو:شرح المهذب (188/2)] (3) رکھو: فتح الباری (486/1)]

 اگر خاتون زبان کے ساتھ پڑھتی ہے تو جمہور علماء کے نزدیک یہ ممنوع اور نا جائز ہے ۔ اور امام بخاری ، امام ابن جریرطبری اور امام ابن منذر نے فرمایا یہ جائز ہے۔ اور امام مالک اور امام شافعی کے قدیم قول سے یہی منقول ہے حافظ ابن حجر نے ان دونوں سے ’فتح الباری میں نقل کیا ہے (3)

 امام بخاری نے امام ابراہیم نخعی سے ’معلق‘‘ روایت ذکر کی ہے کہ اگر وہ آیت پڑھتی ہے تو کوئی حرج نہیں ہے .

(4) دیکھو:صحیح بخاري كتاب الحيض المناسك كلها إلا الطواف بالبيت 

(485/1) مع الفتح

شیخ الاسلام ابن تیمیہ نے فتاوی مجموعة ابن القاسم ‘‘میں فرمایا ہے :

’’حائضہ کے قرآن نہ پڑھنے کے بارے بالکل کوئی حدیث نہیں ہے۔

اور آپﷺ کی بیحد یث:’’حائضہ خاتون اور جنبی قرآن پاک سے کچھ بھی نہ پڑھے۔

محدثین کے نزدیک بالاتفاق ضعیف  ہے.

یہ روایت امام ترمذی نے جامع ترمذی میں رقم(131)  اور امام ابن ماجہ نے  سنن ابن ماجہ رقم (595)  میں عبداللہ بن عمر رض سے نقل کی ہے ۔ یہ روایت سندا ضعیف ہے۔ اس کی سند میں اسماعیل بن عیاش اہل حجاز سے روایت کر رہا ہے۔ امام بخاری رح نے فرمایا ہے کہ  اہل حجاز اور عراق سے  یہ منکر احادیث روایت کرتا ہے۔ اور اس حدیث کا کوئی  طرق بھی حجت کے قابل نہیں ہے۔ تفصیل کے لیے دیکھیں ارواء الغلیل (206/1)(192)از البانی

 اور نبی کریم صلی اللہ علیہ وسلم کے زمانہ  مبارک میں خواتین کو حیض آتا تھا اگر ان پر قرآن کی قرأت حرام ہوتی  (جس طرح نماز ہے) تو اس کو نبی کریم صلی اللہ علیہ وسلم  اپنی امت کے لئے ضرور بیان کرتے اور امہات المومنین اسے ضرور جانتی ہوتیں اور اس کا تعلق (ایسے مسائل سے ہے)جس کو صحابہ کرام لوگوں میں نقل کرتے ہیں  جب کسی ایک نے بھی آپ ﷺ  سے اس بارے ممانعت نقل نہیں کی تو قرأت کو حرام ٹھہرانا جائز نہیں ہے  باوجود اس علم کے کہ اپ صلی اللہ علیہ وسلم نے اس سے روکا نہیں ہے۔ آپ صلی اللہ علیہ وسلم کے زمانے میں حیض کی کثرت ہونے کے باوجود جب آپ صلی اللہ علیہ وسلم نے حیضہ کو قرآن پڑھنے سے روکا نہیں  تو معلوم ہوا حائضہ کا قرآن پڑھنا حرام نہیں ہے.

دیکھو مجموع الفتاوی(191/26)

 اہل علم کا اختلاف جاننے کے بعد یہ کہنا  مناسب ہوگا کہ ضرورت کے بغیر حائضہ قرآن پاک  نہ پڑھیں۔ مثال کے طور پر حائضہ خاتون معلمہ ہے  اسے اپنی  طالبات کو تلقین کرنے کی ضرورت پڑتی ہے یا امتحان کے وقت معلمہ  طلبہ کا امتحان پڑھ کر لیتی ہے  یا اس جیسے دوسرے امور ہیں .

  حائضہ عورت کے قرآن پڑھنے کے بارے  اہل علم کی آرا مختلف ہیں اس بار ے

راجح موقف   یہی ہے جس کو شیخ الاسلام  ابن تیمیہ نے نقل کیا  کیونکہ قرآن و حدیث میں کوئی صریح  اور صحیح نص  نہیں ہے۔ جس میں حیض والی خواتین کو قرآن مقدس کی تلاوت سے منع کیا  گیا ہو  اور یہ بہت اظہر من الشمس ہے کہ خواتین رسول اللہ صلی اللہ علیہ وسلم کے زمانے میں حائضہ  ہوتی تھیں  اگر  قرآن کی تلاوت ان پر حرام ہوتی تو  رسول صلی اللہ علیہ وسلم انہیں قرآن کی تلاوت سے ضرور روک  دیتے جس طرح نماز پڑھنے اور روزہ رکھنے سے روک دیا تھا ۔ اور جب آپ صلی اللہ علیہ وسلم کے عہد مبارک میں حیض کی  کثرت  کے باوجود کسی صحابی رسول صلی اللہ علیہ وسلم  یا امہات المومنین میں سے کسی ایک نے بھی  محسن  کائنات صلی اللہ علیہ وسلم سے اس   بارے ممانعت   نقل نہیں کی  تو معلوم ہوا کہ حائضہ کا قرآن پڑھنا جائز ہے اس چیز کا علم ہونے کے باوجود کہ  رسول صلی اللہ علیہ وسلم سے اس کی ممانعت بالکل منقول نہیں اس کو حرام کہنا سے ہی نہیں ہے۔ باقی رہا  قرآن مجید کو چھونے کا مسئلہ اس  بارے بھی علماء کی مختلف آراء ہیں  راجح یہ  ہے حائضہ عورت بلا وجہ  قرآن کو   چھوئے لیکن پڑھنے اور پڑھانے   کے وقت اگر چھو لیتی ہے تو اس میں کوئی مضائقہ نہیں)

 تفصیل کے لئے دیکھیں :-  فتح الباری (407/1) اوسط ابن المنذر (98/6) محلی ابن حزم (77/1) فتاویٰ ابن تیمیہ رح (191/26) نیل الاوطار (226/1) تمام المسئہ (ص 117) اور ارواء الغلیل (244/4)۔

حوالہ جات:

کتاب:  “نسوانی طبی خون کے احکام۔”

تالیف:  شیخ محمد بن صالح العثیمین (رحمة الله)۔

اردو ترجمہ:  حافظ ریاض احمد حفظ اللہ۔