02. Tawheed ki Taleem.
*TAWHEED KI TALEEM*
Walidain kay liye zaroori hai keh apni aulaad ko sab se pehlay toheed ki taleem dein, bachon ki shuru se hi aisi islami tarbiyat karein keh zindagi ki aakhri sans tak mohid rahein, unka aqeeqah toheed zindagi kay kisi bhi mor par nah larkhraye.
Bachon kay zehn par ayaam e tafooliat se hi yeh naqash kar dein keh jis zaat wala safaat ki hum ibaadat aur bandagi kartay hain Us ka naam naami asm-e-giraami “Allah” Zoljalaal hai, Woh apni Zaat-o-Safaat Mein yaktaa hai, Is jaisi koi cheez nahi, Is ki badshahat mein koi shareek nahi, saari kaayenaat ka naffa aur nuqsaan, mout o hayat, bemari aur shifa Is kay dast qudrat mein hai, wohi hai jo rizaq deta hai, aulaad deta hai, zindagi aur mout ka maalik hai, sab Is kay mohtaaj hain, woh ghanni hai aur sab Is kay faqeer hain, kuch milta hai Isi kay dar se milta hai, Wohi sab ka dataa hai, Woh jisay day usay koi rok nahi sakta, jisay nah day Usay koi nahi day sakta, ghaib o hazir ka jan-nay wala, aasmano zamiinon ka khaaliq, mushkil kusha aur dilon ka phairnay wala Wohi hai. Har qisam ki ibadat Isi kay liye laiq o zeba hai.
Jaisa keh irshad baari hai:
﴿ اُعْبُدُوْااللّٰہَ مَالَکُمْ مِنْ إِلٰہٍ غَیْرُہُ ﴾(ھود : 50)
“Aik Allah ki ibadat karo Is kay siwa tumhara koi ilah nahi hai”.
Lehaza jo shakhs Allah ki al-wahiyat ka iqraar bhi karay aur sath sath Allah kay ilawa Is ki makhlooq ko rizaq dainay wala aulaad dainay wala naffa o nuqsan ka maalik haajat rava, mushkil kusha, algaraz Allah Ta’alaa ki khususiyaat mein Allah ki makhlooq ko shareek bhi karay to aisa shakhs muhid nahi kehlaa sakta, kyunkay al-wahiyat woh jame Wasf hai jo tamam sifaat kamaal ko shaamil hai lehaza toheed ki jame tareef yun hai:
Jo Aosaf aur ikhtiyarat Allah kay liye khaas hain un mein Allah ko tanha aur yaktaa manna”.
TAWHEED KI IQSAAM
Toheed ki teen qismain hain:
1.”Toheed Rabobiyat ( kaayenaat kay tamam ikhtiyarat sirf Allah Ta’alaa kay liye maana”
- “Toheed al-wahiyat ( ibaadat ki tamam qasmon ko sirf Usi kay liye makhsoos karna”
3.”Toheed asmaa-o-safaat ( Allah Ta’alaa kay naam aur safaat ki khususiyaat ko Un ki shaan kay mutabiq Usi kay liye khas tasleem karna”)
*TAWHEED RUBOOBIYAT*:
Allah Ta’alaa ko takhleek kaayenaat, hakmiyat aala aur tadbeer kaayenaat mein yaktaa aur tanha tasleem kiya jaaye, doosray lafzon mein Allah Ta’alaa apni poori kaayenaat ka khaaliq-o-maalik Razzaq aur akela hi poori kaayenaat ka nizaam chalanay wala hai, Wohi haakim mutlaq hai, koi Is ka wazeer, musheer aur shareek kar nahi, Wohi mout-o-hayat ka maalik aur Wohi mukhtar kul aur Qadir mutlaq hai, jo chahay, jab chahay aur jaise chahay karnay par Qadir hai, Usay koi majboor nahi kar saktha, Woh ghanni hai aur poori kaayenaat Is ki mohtaaj hai.
Irshad Rabbani hai:
:﴿ھَلْ مِنْ خَالِقٍ غَیْرُاللّٰہِ یَرْزُقُکُمْ مِّنَ السَّمَآئِ وَالْاَرْضِ لاَ إِلٰہَ إِلاَّ ھُوَ﴾( فاطر : 3)
“Kya Allah kay siwa bhi koi khaaliq hai jo tum ko aasman aur zameen se rizaq deta ho? Is kay ilawa koi doosra haqeeqi mabood nahi”.
Aur m’aboodan batlah ki nafi kartay hue Allah Ta’alaa farmatay hain:
: ﴿تَبَارَکَ الَّذِیْ بِیَدِہِ الْمُلْکُ وَھُوَ عَلٰی کُلِّ شَیْئٍ قَدِیْرٌ ﴾ ( الملک :1)
“Barri babarkat zaat hai Woh jis Kay haath mein badshahi hai aur woh har cheez par Qadir hai”.
Aur poori kaayenaat ka nizaam chalanay wala mukhtaar kul haajat rava aur mushkil kusha bhi Allah Ta’alaa ki zaat hai kis qadar jamay irshad hai:
﴿ اَلَآ لَہُ الْخَلْقُ وَالْاَمْرُ تَبَارَکَ اللّٰہُ رَبُّ الْعَالَمِیْنَ ﴾
“Sun lo! saari makhlooq Allah ki hai aur hukum bhi Is ka chalta hai, bohat hi babarkat hai Allah Rab-ul-izzat jo saaray jahanon ka Rab hai”.
(عراف : 54 )
Toheed al-wahiyat= Toheed al-wahiyat ka mafhuum yeh hai keh insaan kisi qisam ki ibadat aur ya ibadat ka koi hissa Allah Ta’alaa kay ilawa kisi doosary kay liye makhsoos nah karay, khuaah Woh koi Maqarrab farishta ho ya Nabi ho ya koi aur naik insaan ya koi bhi doosri makhlooq ho is liye keh ibadat khaaliq ka haq hai aur tamam makhlooq Is ki ibadat guzaar hai.
Irshad baari hai:
1)﴿ اَلاَّ تَعْبُدُوْا اِلاَّاللّٰہَ اِنَّنِیْ لَکُمْ مِنْہُ نَذِیْرٌ وَّبَشِیْرٌ ﴾ ( ھود :2 )
“keh Allah kay siwa kisi ki ibadat nah karo, main tum ko Allah ki taraf se daranay wala aur basharat denay wala hun”.
2)﴿ إِنِ الْحُکْمُ إِلَّا ِاللّٰه اَمَرَ اَلاَّ تَعْبُدُوْااِلَّا اِیَّاہُ ذٰلِکَ الدِّیْنُ الْقَیِّمُ وَلٰکِنَّ اَکْثَرَ النَّاسِ لاَیَعْلَمُوْنَ﴾(یوسف:40)
“Har qisam ki badshahat Allah hi kay liye hai Is ne hukum diya hai keh tum sirf Is ki ibadat karo, yahi mazboot deen hai lekin aksar log nahi samajtay”.
” 3)﴿وَقَضٰی رَبُّکَ اَلاَّ تَعْبُدُوْا اِلاَّ اِیَّاہُ وَبِالْوَالِدَیْنِ اِحْسَانًا﴾( الإسراء : 23)
“Aap kay Rab ka hukum hai keh aap sirf Isi ki ibadat karein aur walidain kay sath husan sulooq se paish aayen”.
Mazkoorah ayaat mubarikah se wazeh hai keh har qisam ki ibadat Allah hi kay liye khaas hai aur kisi qisam ki ibadat mein Allah Ta’alaa Kay Anbiya (علیہ السلام) ya farishton ya naik logon ko shaamil karna jaaiz nahi hai.
Aur Allah Ta’alaa ne un logon ki tardeed kartay hue jo keh Allah kay haq al-wahiyat aur ruboobiyat mein ghair Allah ko shareek kartay hain, farmaaya hai:
: ﴿ اِتَّخَذُوْا اَحْبَارَھُمْ وَرُھْبَانَھُمْ اَرْبَابًا مِّنْ دُوْنِ اللّٰہِ ﴾( التوبۃ : 31)
“Unhon ne apnay Ulama aur darwaishon ko Allah kay siwa apna Rab bana liya”.
Hazrat Adi Bin Haatim (رضی اللہ عنہ) farmatay hain keh is aayat mubarikah ki Tafseer khud rehmat aalam (ﷺ) ne meray samnay bayaan farmai keh jab Woh islam laanay ki gharz se Nabi Akram (ﷺ) ki khidmat Aqdas mein haazir hue to Aap (ﷺ) ne Un kay samnay yahi aayat tilawat farmai, Hazrat Adi farmatay hain keh main ne arz kiya:
: “إِنَّھُمْ لَمْ یَعْبُدُوْھُمْ”
“Keh Woh Un ki ibadat to nahi kiya kartay thay”.
To Aap (ﷺ) ne farmaaya:
“Kyun nahi”!
Jab un ka Ulama-o-buzurgaan un kay liye haraam ko halal aur halal ko haraam qarar detay to woh un ki pairwi kiya kartay thay yahi to un ki ibadat thi”.
Goya keh Nabi Akram (ﷺ) ne Allah aur Is kay Rasool (ﷺ) ki talemaat kay khilaaf kisi ki baat par amal pera honay ko Is ki ibadat qarar diya hai.
Aur Hazrat Abdullah Bin Masood (رضی اللہ عنہ) se riwayat hai keh main ne Hazrat (ﷺ) se daryaft kiya keh
أَیُّ الذَّنْبِ أَعْظَمُ عِنْدَ اللّٰہِ ؟ قَالَ :أَنْ تَجْعَلَ ِاللّٰه نِدًّا وَھُوَ خَلَقَکَ ” (بخاری مسلم)
“Allah kay haan konsa gunah sab se bara hai”?
To Aap ne jawab diya: “Keh tu Allah ka kisi ko shareek banaye halaank Is ne tujh ko paida kiya hai”.
(Yeh Allah kay haan sab se bara gunah hai )
*TAWHEED ASMA-O-SAFAAT*
Yani woh Asma-o-Husna jo Allah Ta’alaa ne apnay liye muntakhib farmaye hain aur jin jin sifaat kamaal kay sath apni zaat babarkat ko ya Rasool Akram (ﷺ) ne Allah Ta’alaa ko Mosoof kiya hai un kay baray mein aqeedah rakha jaye keh woh tamam naam achay aur tamam sifaat buland hain aur Allah Ta’alaa ko un mein yaktaa-o-tanha tasleem kiya jaye aur jis Tarhan Allah Ta’alaa kay Asmaaye Husna aur safaat ba kamaal kitaab Allah aur hadees pak mein mazkoorah hain un ki haqeeqat ko isi tarhan tasleem kiya jaaye aur har qisam ki taweel, tahreef tateel, tamseel aur tashbeeh se guraiz kiya jaaye.
Irshad baari hai:
﴿ لَیْسَ کَمَثَلِہٖ شَیْئٌ وَھُوَ السَّمِیْعُ الْبَصِیْرُ ﴾ ( شوری : 11 )
“Is ki misl (Allah Ta’alaa ki) koi cheez nahi, Woh khoob sunnnay aur dekhnay wala hai”.
Neez farmaaya:
﴿فَلاَ تَضْرِبُوْا ِاللّٰه الْاَمْثَالَ اِنَّ اللّٰہَ یَعْلَمُ وَاَنْتُمْ لاَ تَعْلَمُوْنَ ﴾ ( النمل : 74 )
“Pass Allah Ta’alaa kay liye misalein mat banaao, Allah Ta’alaa khoob jaanta hai aur tum nahi jantay”.
Aulaad ko yeh zehen nasheen karana chahiye keh Allah Ta’alaa ko Is ki makhlooq par aur Uski sifaat ba kamaal ko makhlooq ki sifaat par qiyaas karna jaaiz nahi, taakeh agay chal kar woh Rasikh alaqidh aur muwhhid musalman ban kar apnay aap ko aur apnay ghar walon ko shirk se bacha sakein.
REFERENCE:
Book: Aulaad ki islami Tarbiyat
Taaleef: “Muhammad Anwar Muhammad Qasim Al Salfi”
توحید کی تعلیم
والدین کے لئے ضروری ہے کہ اپنی اولاد کو سب سے پہلے توحید کی تعلیم دیں، بچوں کی شروع سے ہی ایسی اسلامی تربیت کریں کہ زندگی کی آخری سانس تک مؤحد رہیں، ان کا عقیدہء توحید زندگی کے کسی بھی موڑ پر نہ لڑکھڑائے۔ بچوں کے ذہن پر ایام طفولیت سے ہی یہ نقش کردیں کہ جس ذاتِ والا صفات کی ہم عبادت اور بندگی کرتے ہیں اس کا نام نامی اسمِ گرامی “اﷲ ” ذوالجلال ہے، وہ اپنی ذات وصفات میں یکتا ہے، اس جیسی کوئی چیز نہیں، اس کی بادشاہت میں کوئی شریک نہیں، ساری کائنات کا نفع اور نقصان، موت وحیات، بیماری اور شفا اس کے دستِ قدرت میں ہے، وہی ہے جو رزق دیتا ہے، اولاد دیتا ہے، زندگی اور موت کا مالک ہے، سب اس کے محتاج ہیں، وہ غنی ہے اور سب اس کے فقیر ہیں، جوکچھ بھی ملتا ہے اسی کے در سے ملتا ہے، وہی سب کا داتا ہے، وہ جسے دے اسے کوئی روک نہیں سکتا، جسے نہ دے اسے کوئی نہیں دے سکتا، غیب وحاضر کا جاننے والا، آسمانوں زمینوں کا خالق، مشکل کُشا اور دلوں کا پھیرنے والا وہی ہے۔ ہر قسم کی عبادت اسی کے لئے لائق وزیبا ہے۔جیسا کہ ارشادِ باری ہے :
﴿ اُعْبُدُوْااللّٰہَ مَالَکُمْ مِنْ إِلٰہٍ غَیْرُہُ ﴾ ( ھود :50)
ترجمہ :” ایک اﷲ کی عبادت کرو اس کے سوا تمہارا کوئی إلہ نہیں ہے”.
لہٰذا جو شخص اﷲ کی الوہیت کا اقرار بھی کرے اور ساتھ ساتھ اﷲ کے علاوہ اس کی مخلوق کو رزق دینے والا، اولاد دینے والا، نفع ونقصان کا مالک،حاجت روا، مشکل کُشا، الغرض اﷲ تعالیٰ کی خصوصیات میں اﷲ کی مخلوق کو شریک بھی کرے تو ایسا شخص مؤحد نہیں کہلاسکتا۔کیونکہ الوہیت وہ جامع وصف ہے جو تمام صفاتِ کمال کو شامل ہے، لہٰذا توحید کی جامع تعریف یوں ہے :” جو اوصاف اور اختیارات اﷲ کے لئے خاص ہیں، ان میں اﷲکو تنہا اور یکتا ماننا “۔
توحید کی اقسام = توحید کی تین قسمیں ہیں :
1۔ توحیدِ رُبوبیت (کائنات کے تمام اختیارات صرف اﷲ تعالیٰ کے لئے ماننا )
2۔ توحیدِ اُلُوہیت ( عبادت کی تمام قسموں کو صرف اسی کیلئے مخصوص کرنا )
3۔ توحیدِ اسماء وصفات ( اﷲ تعالیٰ کے نام اور صفات کی خصوصیات کواسکی شان کے مطابق اسی کے لئے خاص تسلیم کرنااور کسی دوسرے کو ان صفات کا حامل نہ سمجھنا ) توحیدِ ربوبیت : اﷲ تعالیٰ کو تخلیقِ کائنات، حاکمیت اعلی اور تدبیرِ کائنات میں یکتا اور تنہا تسلیم کیا جائے، دوسرے لفظوں میں اﷲ تعالیٰ اپنی پوری کائنات کا خالق ومالک، رزّاق اور اکیلا ہی پوری کائنات کا نظام چلانے والا ہے، وہی حاکمِ مطلق ہے، کوئی اس کا وزیر، مُشیر اور شریکِ کار نہیں، وہی موت وحیات کا مالک اور وہی مختارِ کُل اور قادرِ مطلق ہے،جو چاہے،جب چاہے اور جیسے چاہے کرنے پر قادر ہے اسے کوئی مجبور نہیں کرسکتا، وہ غنی ہے اور پوری کائنات اس کی محتاج ہے۔ارشادِ ربّانی ہے :﴿ھَلْ مِنْ خَالِقٍ غَیْرُاللّٰہِ یَرْزُقُکُمْ مِّنَ السَّمَآئِ وَالْاَرْضِ لاَ إِلٰہَ إِلاَّ ھُوَ﴾( فاطر : 3) ترجمہ :”یا اﷲ کے سوا بھی کوئی خالق ہے جو تم کو آسمان اور زمین سے رزق دیتا ہو؟ اس کے علاوہ کوئی دوسرا حقیقی معبود نہیں”۔اور معبودانِ باطلہ کے اختیارات کی نفی کرتے ہوئے اﷲ تعالیٰ فرماتے ہیں : ﴿تَبَارَکَ الَّذِیْ بِیَدِہِ الْمُلْکُ وَھُوَ عَلٰی کُلِّ شَیْئٍ قَدِیْرٌ ﴾ ( الملک :1) ” بڑی بابرکت ذات ہے وہ جسکے ہاتھ میں بادشاہی ہے اور وہ ہر چیز پر قادر ہے” اورساری کائنات کا نظام چلانے والا، مختارِ کُل، حاجت روا، مشکل کشا، غوثِ اعظم داتا،بندہ نواز اور غریب نواز صرف اور صرف اﷲ تعالیٰ ہے۔ کس قدر جامع ارشاد ہے : ﴿ اَلَآ لَہُ الْخَلْقُ وَالْاَمْرُ تَبَارَکَ اللّٰہُ رَبُّ الْعَالَمِیْنَ ﴾ ترجمہ : ” (اے لوگو)سن لو ! ساری مخلوق اﷲتعالیٰ کی ہے اور (کائنات پر) حکم بھی اسی کا چلتا ہے، بہت ہی بابرکت ہے اﷲ جو سارے جہانوں کا رب ہے”۔( الأعراف : 54) توحیدِ
اُلُوہیت = توحید الوہیت کا مفہوم یہ ہے کہ انسان کسی قسم کی عبادت یا عبادت کا کوئی حصّہ اﷲ تعالیٰ کے علاوہ کسی دوسرے کیلئے مخصوص نہ کرے، خواہ وہ کوئی مقرب فرشتہ ہو یا نبی،یا کوئی اور نیک انسان ہو یا کوئی بھی دوسری مخلوق، اس لئے کہ عبادت خالق کا حق ہے اور تمام مخلوق اسکی عبادت گزار ہے،ارشادِ باری ہے :
1)﴿ اَلاَّ تَعْبُدُوْا اِلاَّاللّٰہَ اِنَّنِیْ لَکُمْ مِنْہُ نَذِیْرٌ وَّبَشِیْرٌ ﴾ ( ھود :2 )
ترجمہ : ” کہ اﷲ کے سوا کسی کی عبادت نہ کرو،میں تم کو اﷲ کی طرف سے ڈرانے والا اور بشارت دینے والا ہوں”
۔2)﴿ إِنِ الْحُکْمُ إِلَّا ِاللّٰه اَمَرَ اَلاَّ تَعْبُدُوْااِلَّا اِیَّاہُ ذٰلِکَ الدِّیْنُ الْقَیِّمُ وَلٰکِنَّ اَکْثَرَ النَّاسِ لاَیَعْلَمُوْنَ﴾(یوسف:40)
ترجمہ : “ہر قسم کی بادشاہت اﷲ ہی کیلئے ہے، اس نے حکم دیا ہے کہ تم صرف اسی(اللہ) کی عبادت کرو، یہی مضبوط دین ہے، لیکن حقیقت ہے کہ اکثر لوگ نہیں سمجھتے “
3)﴿وَقَضٰی رَبُّکَ اَلاَّ تَعْبُدُوْا اِلاَّ اِیَّاہُ وَبِالْوَالِدَیْنِ اِحْسَانًا﴾( الإسراء : 23)
ترجمہ : ” آپ کے رب کا حکم ہے کہ آپ صرف اسی کی عبادت کریں اور والدین کے ساتھ حسنِ سلوک سے پیش آئیں”۔ مذکورہ آیاتِ مبارکہ سے واضح ہے کہ ہر قسم کی عبادت اﷲہی کے لئے خاص ہے اور کسی قسم کی عبادت میں انبیاء علیہم السلام یافرشتوں یا نیک لوگوں کو شامل کرنا جائز نہیں ہے.اور اﷲ تعالی نے ان لوگوں کی تردید کرتے ہوئے جو کہ اﷲ کے حق الوہیت اور ربوبیت میں غیر اﷲ کو شریک کرتے ہیں۔ فرمایا ہے :
﴿ اِتَّخَذُوْا اَحْبَارَھُمْ وَرُھْبَانَھُمْ اَرْبَابًا مِّنْ دُوْنِ اللّٰہِ ﴾( التوبۃ : 31)
ترجمہ :” انہوں نے اپنے علماء اور درویشوں کو اﷲ کے سوا اپنا رب بنالیا “۔حضرت عدی بن حاتم رضی اللہ عنہ فرماتے ہیں کہ اس آیت مبارکہ کی تفسیر خود
رحمت عالم صلی اللہ علیہ وسلم نے میرے سامنے بیان فرمائی کہ جب وہ اسلام لانے کی غرض سے نبی اکرم صلی اللہ علیہ وسلم کی خدمتِ اقدس میں حاضر ہوئے تو آپ صلی اللہ علیہ وسلم نے ان کے سامنے یہی آیت تلاوت فرمائی، حضرت عدی رضی اللہ عنہ کہتے ہیں کہ میں نے عرض کیا : “إِنَّھُمْ لَمْ یَعْبُدُوْھُمْ”کہ وہ ان کی عبادت تو نہیں کرتے ہیں۔ توآپ صلی اللہ علیہ وسلم نے فرمایا : ” جب ان کے علماء وبزرگان ان کیلئے حرام کو حلال اور حلال کو حرام قرار دیتے تھے تو کیاوہ انکی پیروی نہیں کرتے تھے ؟ میں نے کہا: ہاں۔فرمایا:یہی تو انکی عبادت تھی “۔ توگویا نبی اکرم صلی اللہ علیہ وسلم نے اﷲ اور اس کے رسول صلی اللہ علیہ وسلم کی تعلیمات کے خلاف کسی کی بات پر عمل پیرا ہونے کو اس کی عبادت قرار دیا ہے۔ اور عبد اﷲ بن مسعود رضی اللہ عنہ سے روایت ہے کہ میں نے آنحضرت صلی اللہ علیہ وسلم سے دریافت کیا کہ” أَیُّ الذَّنْبِ أَعْظَمُ عِنْدَ اللّٰہِ ؟ قَالَ :أَنْ تَجْعَلَ ِاللّٰه نِدًّا وَھُوَ خَلَقَکَ “ (بخاری 4477:۔ مسلم267: ) ترجمہ :”اﷲ تعالیٰ کے نزدیک کونسا گناہ سب سے بڑا ہے ؟ تو آپ صلی اللہ علیہ وسلم نے جواب میں ارشاد فرمایا : کہ تو کسی اور کو اﷲ تعالیٰ کا شریک بنائے حالانکہ اس نے تجھ کو پیدا کیا ہے۔ (یہ اﷲتعالیٰ کے نزدیک سب سے عظیم گناہ ہے) توحیدِ اسماء وصفات = یعنی وہ اسماء حسنیٰ جو اﷲ تعالیٰ نے اپنے لئے منتخب فرمائے ہیں اور جن جن صفاتِ کمال کے ساتھ اپنی ذاتِ بابرکات کو یا رسول اکرم صلی اللہ علیہ وسلم نے اﷲ تعالی کو موصوف کیا ہے،ان کے بارے میں عقیدہ رکھا جائے کہ وہ تمام نام اچھے اور تمام صفاتِ بلند ہیں اور اﷲ تعالی کو ان میں یکتا وتنہا تسلیم کیا جائے اور جس طرح اﷲ تعالی کے اسمائے حسنیٰ اور صفاتِ باکمال کتاب اﷲ اور حدیثِ پاک میں مذکورہ ہیں ان کی حقیقت کو اسی طرح تسلیم کیا جائے اور ہر قسم کی تأویل، تحریف، تعطیل،
تمثیل اور تشبیہ سے گریز کیا جائے۔ ارشادِ باری ہے :﴿ لَیْسَ کَمَثَلِہٖ شَیْئٌ وَھُوَ السَّمِیْعُ الْبَصِیْرُ ﴾ ( شوری : 11 ) ترجمہ :” اس ( اﷲ تعالیٰ کی) جیسی کوئی چیز نہیں، وہ خوب سننے اور دیکھنے والا ہے “۔نیز فرمایا :﴿فَلاَ تَضْرِبُوْا ِاللّٰه الْاَمْثَالَ اِنَّ اللّٰہَ یَعْلَمُ وَاَنْتُمْ لاَ تَعْلَمُوْنَ ﴾ ( النمل : 74 ) ترجمہ :” پس اﷲ تعالیٰ کے لئے مثالیں مت بناؤ، اﷲ تعالی خوب جانتا ہے اور تم نہیں جانتے “۔اولاد کو یہ ذہن نشین کرانا چاہیئے کہ اﷲ تعالیٰ کو اسکی مخلوق پر اور اسکی صفاتِ باکمال کو مخلوق کی صفات پر قیاس کرنا جائز نہیں، تاکہ آگے چل کر وہ راسخ العقیدہ اور مؤحد مسلمان بن کر اپنے آپکو اور اپنے گھر والوں کو شرک سے بچا سکیں۔
حواله جات :
كتاب : “اولاد كى اسلامى تربيت”
محمد انور محمدقاسم السّلفی