15. RAMAZAAN SE MUTALLIQ KUCH GALAT FEHMIYO KA IZALA
RAMAZAAN SE MUTALLIQ KUCH GALAT FEHMIYO KA IZALA
Ramazaanul Mubarak Se Mutalliq Ahkaam O Masaail Jasta Jasta Qisto Ki Shakal Me Aap Logo Ki Khidmat Me Paish Karta Hu. In-Sha-Allah
Inme Taqreeban Ramazaanul Mubarak Ke Aksar Ahkaam O Masaail Aa Jaaenge. Barwaqt Point Ki Shakal Me Ramazaan Se Mutalliq Chand Galat Fehmiyo Ka Izala Kar Deta Hu Taaki Un Baato Ki Haqeeqat Hame Pehle Se Maloom Rahe Aur Apne Alawah Dusro Ko Bhi Unse Aagaah Karenge.
(1) Pehli Baat Yah Zahan Nasheen Rahe Ke Ramazaan Ka Istiqbaal Karne Ki Koi Makhsoos Dua Ya Koi Makhsus Tariqah Nahi He Aur Na Hi Istiqbaal E Ramazaan Me Se Ek-Do Din Pehle Rozah Rakhna Saabit He Balke Mumaniat Ki Hadees Aai He.
(2) Ramazaan Ka Chand Dekhna Har Ek Ko Zaroori Nahi He Chand Ne Dekh Liya To Kaafi He Isi Tarah Atimaad Shakhash Khabro Ke Zariya Ramazaan Ke Chand Ka Saboot Milne Par Rozah Rakha Jaae Ga.
(3) Logo Ke Andar Yah Galat Fehmi He Ke Rozah Rakhne Ki Koi Makhsoos Dua He Jab Ke Aysi Koi Baat Nahi Balke Rozah Rakhne Ke Liye Sirf Niyyat Ki Zaroorat He Jo Sehri Khane Se Pehle Pehle Kisi Bhi Waqt Kar Sakte Hai Aur Sehri Khana Masnoon He.
(4) Kuch Log Yah Sochte Hai Ke Rozah Ki Haalat Me Ahtelaam Hone Se Rozah Toot Jata He Is Wajah Se Agar Kisi Ko Din Me Ahtelaam Ho Jaae To Apna Rozah Torh Leta He Jo Ke Bahut Barhi Galti He. Ahtelaam Se Rozah Nahi Tootta Ahtelaam Hone Par Gusal Kar Le Bas.
(5) Kuch Log Yah Sochte Hai Ke Janabat Yani Napaki Ki Haalat Me Sehri Nahi Khaai Jati Yah Bhi Galat He. Napaki Ki Haalat Me Bhi Sehri Kha Sakte Hai Taaham Fajr Se Pehle Gusal Kar Le Taaki Jama’at Se Fajr Ki Namaaz Parh Sake.
(6) Roze Ki Haalat Me Biwi Se Jim’a Karna Mana He. Hansi Mazaaq Karna,Kiss Karna,Bashart Yah Ke Jim’a Waqe Hone Ka Khatrah Na Ho To Jaiz He. Raat Me Biwi Se Jim’a Kar Sakte Hai.
(7) Roze Ki Haalat Me Aurat Apne Bachche Ko Dudh Pila Sakti He Is Se Rozah Nahi Tootta He. Hamila Aur Dudh Pilane Aurto Ko Rozah Rakhne Se Bachche Ko Ya Khud Ko Nuqsaan Na Ho To Woh Rozah Bhi Rakh Sakti He.
(8) Bagair Namaaz Ada Kiye Bhuk Aur Piyaas Bardashat Karne Wale Samjhate Hai Hamara Bhi Rozah Sahih He Jab Ke Namaaz Ki Adaaegi Na Karne Ka Koi Amal Qabool Nahi Hoga Ha Bagair Taraaweeh Parhe Rozah Sahih He Magar Chunki Ramazaan Me Qiyaamul Lail Ka Sawaab Bahut Hi Ziyadah Hai Is Liye Taraaweeh Ka Bhi Khaas Ahtimaam Karna Chaahiye.
(9) Ramazaan Me Aa Kar Koi Shaadi Karna Chaahe To Koi Harj Nahi Haalat E Rozah Me Mubashrat Karna Mana He Raat Me Ijaazat He.
(10) Rozah Me Bagair Taaqat Wala Injection Kaan Aur Aankh Ka Drops Istimaal Kar Sakte Hai Isi Tarah Kam Asar Wala Toothpaste Bhi Istimaal Kar Sakte Hai Yah Amal Raat Tak Let Kar Le To Behtar He Albatta Naak Ke Drops Ke Mutalliq Ikhtilaaf He Ise Bhi Raat Tak Muakhkhar Kar Liya Jaae To Ziyadah Behtar He.
(11) Roze Ki Haalat Me Ajnabi Ladki Se Baat Kar Li,Ya Film Dekh Liya, Gana Sun Liya Taash Khel Liya Ya Cricket Wagairah Me Waqt Barbaad Kar Diya To Un Baato Se Rozah Nahi Tootta Magar Ajnabi Ladki Se Baat Karna,Film Dekhna, Gana Sunna Haraam He Aur Yah Na Sirf Roze Ki Haalat Me Mana Hai Balke Aam Dino Me Bhi Mana He Aur Waqt Ko Barbaad Karne Wale Kaamo Maslan Taash Aur Cricket Wagairah Se Bachna Behtar He Taaki Faraaiz Aur Waajibaat Ki Adaaegi Me Kotaahi Na Ho. Agar Yah Kaam Shart Wala Ho To Haraam He.
(12) Haalat E Rozah Thook Nigalne Se Rozah Faasid Nahi Hota Magar Balgam Baahar Phaink De Kuy Ke Isme Bimaari He Isi Tarah Rozah Me Khoon Nigalne Ya Anjaane Me Halaq Me Kuch Chale Jane Se Rozah Nahi Tootta.
(13) Kuch Aurte Yah Taswwur Karti Hai Ke Rozah Me Hijaab Me Na Rehna Se Rozah Toot Jata He Yah Bhi Galat He Ham Yah Kahenge Ke Khatoon Ke Liye Hijaab Ramazaan Aur Gair Ramazaan Hamesha Zaroori He. Bepardagi Ka Talluq Rozah Tootne Se Nahi He.
(14) Ramazaan Me Sam Taur Se Logo Ke Kirdaar Se Maloom Hota He Ke Islaam Me Achchaai Ka Talluq Sirf Ramazaan Se Hi He Haalanki Achchaai Hamesha Achchaai He Aur Buraai Hamesha Buraai He Is Liye Musalmano Ko Ramazaan Ke Baad Bhi Ramazaan Ki Tarah Hi Achchaai Ki Taraf Ragbat Aur Buraai Se Be-etinaai Honi Chaahiye.
(15) Cigarette Noshi Haraam Kaam Ke Sath Roze Ke Baatil Ka Bhi Sabab He Kuy Ke Iska Asar Stomach Tak Jata He.
(16) Sun Doobne Ke Baad Iftaari Me Ehtiyaat Karna Sarasar Shariat Ki Khilaaf Warzi He. Yah Galati Ahnaaf Aur Barelwi Ke Yaha Paai Jaati He.
(17) Logo Me Yah Baat Mashhoor He Ke Iftaar Ke Waqt Bande Aur Rab Ke Darmiyaan Ka Pardah Utha Diya Jata He. Is Baat Ki Koi Haqeeqat Nahi He Yah Kisi Sahih Hadees Me Mazkoor Nahi.
(18) Taraweeh Ki Namaaz Me Har 2 Rakat Par Buland Aawaaz Se Koi Khaas Zikar Parhne Ka Koi Saboot Nahi He.
(19) Yah Baat Bhi Kisi Sahih Hadees Se Saabit Nahi He Ramazaan Me Faut Hone Se Hisaab Kitaab Nahi Hota Aur Woh Bilahisaab Jannat Me Chala Jata He Ek Hadees Is Tarah Ki Aati He Ke Jo Allah Ki Raza Ke Liye Rozah Rakhe Aur Usi Haalat Me Mar Jaae To Jannat Me Daakhil Hoga.(Musnad E Ahmed:22813)
(20) Kuch Log Zakaat Dene Ke Liye Ramazaan Ka Intizaar Karte Hai Yah Bhi Sahih Nahi He. Zakaat Ka Talluq Nisaab Aur Saal Pura Hone Se He. Nisaab Tak Pohnchne Ke Baad Jaise Hi Saal Pura Ho Jaae Zakaat Ada Kar De Iske Liye Let Karna Aur Ramazaan Ka Intizaar Karna Sahih Nahi He Albatta Agar Ramazaan Me Saal Pura Hota Ho Ya Shawwal Me To Kuch Paishgi Zakaat Di Ja Sakti He. Ha Is Mahine Me Kasrat Se Sadqah De Sakte Hai Jaisa Ke Nabi Kareem Sallallaahu Alyhi Wasallam Se Saabit He.
(21) 27wi Ki Raat Sadqah Karna Kuch Ke Yaha Khaas He. Iska Mani Hua Ke 27wi Ki Raat Hi Shabe Qadr He Jab Ke Yah Raat Har Saal Badalti Rehti He. Kabhi 21,Kabhi 23,Kabhi 25,Kabhi 27 Aur Kabhi 29 Ki Raat Hoti He Un Raato Me Ta’aat Ke Kaam Karna Barhe Ajar O Sawaab Ka Kaam He Ta’aat Ke Kaamo Me Sadqah Bhi He Lihaza Bagair 27 Raat Surf Kiye Un Sabhi Raato Me Sadqah Aur Khairaat Kare Taaki Shab E Qadr Paane Ka Imkaan Ho.
(22) Ramazaan Ke Aakhir Me Har Jagah Aur Harkis Aur Naakis Ki Zabaan Par Yah Jumla Aam Hota He Ke Is Saal Fitrana Kitna Rupees Hai? Goya Logo Ne Raqam Ko Hi Fitrana Samjh Rakha He Aur Unhe Guid Karne Wale Ulma Bhi Ayse Hi Hai Jo Pehle Se Calculator Se Hisaab Kiye Hue Bethe Hote Hai. Fitrana Ki Asal Fi Kas “Dhaai Kilo” Anaaj He. Fitra Dene Wala Khane Ke Kisi Bhi Anaaj Se Dhaai Kilo De Sakta Hai. Ek Rate Lagane Wale Ulma Ko Anaaj Ke Bajaae Rupees Nikaalne Aur Ek Makhsoos Anaaj Ka Rate Fix Karne Ka Kis Ne Ikhtiyaar Diya He? Ulma Ko Chaahiye Ke Logo Ko Fitrane Ki Haqeeqat Bataae Taaki Fitrana Lene Aur Dene Wale Tamaam Logo Ko Aasaani Ho. Yah Alag Baat He Ke Bawaqt E Zaroorat Fitrane Ki Raqam Bhi Nikaali Ja Sakti Hai.
REFERENCE:
Book: “Ramzaniyaat”
Tahreer: Shaikh Maqbool Ahmad Salafi Hafizahullah”
رمضان سے متعلق بعض غلط فہمیوں کا ازالہ
رمضان المبارک سے متعلق احکام ومسائل جستہ جستہ قسطوں کی شکل میں آپ لوگوں کی خدمت میں پیش کرتا رہوں ، ان شاء اللہ ۔ان میں تقریبا رمضان المبارک کے اکثر احکام ومسائل آجائیں گے ۔ بروقت پوائنٹ کی شکل میں رمضان سے متعلق چند غلط فہمیوں کا ازالہ کردیتا ہوں تاکہ ان باتوں کی حقیقت ہمیں پہلے سے معلوم رہے اور اپنے علاوہ دوسروں کو بھی ان سے آگاہ کریں گے ۔
(1) پہلی بات یہ ذہن نشیں رہے کہ رمضان کا استقبال کرنے کی کوئی مخصوص دعا یا کوئی مخصوص طریقہ نہیں ہے اور نہ ہی استقبال رمضان میں اس سے ایک دو دن پہلے روزہ رکھنا ثابت ہے بلکہ ممانعت کی حدیث آئی ہے ۔
(2)رمضان کا چاند دیکھنا ہرایک کو ضروری نہیں ہے ،چند نے دیکھ لیا تو کافی ہے ،اسی طرح بااعتماد خبروں کے ذریعہ رمضان کے چاند کا ثبوت ملنے پر روزہ رکھا جائے گا۔
(3) لوگوں کے اندر یہ غلط فہمی ہے کہ روزہ رکھنے کی کوئی مخصوص دعا ہے جبکہ ایسی کوئی بات نہیں بلکہ روزہ رکھنے کے لئے صرف نیت کی ضرورت ہےجوسحری کھانے سے پہلے پہلے کسی بھی وقت کرسکتے ہیں اور سحری کھانا مسنون ہے ۔
(4) بعض لوگ یہ سوچتے ہیں کہ روزہ کی حالت میں احتلام ہونے سے روزہ ٹوٹ جاتا ہے ۔ اس وجہ سے اگر کسی کو دن میں احتلام ہوجائے تو اپنا روزہ توڑ لیتا ہے جو کہ بہت بڑی غلطی ہے ۔ احتلام سے روزہ نہیں ٹوٹتا۔ احتلام ہونے پہ غسل کرلے بس۔
(5) بعض لوگ یہ سوچتے ہیں کہ جنابت یعنی ناپاکی کی حالت میں سحری نہیں کھائی جاتی ۔ یہ بھی غلط ہے ۔ ناپاکی کی حالت میں بھی سحری کھاسکتے ہیں تاہم فجر سے پہلے غسل کرلے تاکہ جماعت سے فجر کی نماز پڑھ سکے ۔
(6) روزے کی حالت میں بیوی سے جماع کرنا منع ہے۔ ہنسی مذاق کرنا، بوسہ لینا بشرطیکہ جماع میں واقع ہونے کا خطرہ نہ ہوتو جائز ہے ۔ رات میں بیوی سے جماع کرسکتے ہیں۔
(7) روزے کی حالت میں عورت اپنے بچے کو دودھ پلاسکتی ہے اس سے روزہ نہیں ٹوٹتا ہے ۔حاملہ اور دودھ پلانے عورتوں کو روزہ رکھنےسے بچے کو یا خود کونقصان نہ ہو تو وہ روزہ بھی رکھ سکتی ہیں۔
(8)بغیر نماز ادا کئے بھوک پیاس برداشت کرنے والے سمجھتےہیں ہمارا بھی روزہ صحیح ہے جبکہ نماز کی ادائیگی نہ کرنے کا کوئی عمل قبول نہیں ہوگا۔ ہاں بغیر تراویح پڑھے روزہ درست ہے مگر چونکہ رمضان میں قیام اللیل کا ثواب بہت ہی زیادہ ہے اس لئے تراویح کا بھی خاص اہتمام کرنا چاہئے۔
(9)رمضان میں اگر کوئی شادی کرنا چاہئےتو کوئی حرج نہیں ،بحالت روزہ بیوی سے مباشرت منع ہے ،رات میں اجازت ہے۔
(10) روزہ میں بغیرطاقت والا انجکش،کان اور آنکھ کا قطرہ استعمال کرسکتے ہیں اسی طرح کم اثروالا پیسٹ بھی استعمال کرسکتے ہیں۔ یہ عمل رات تک مؤخر کرلے تو بہتر ہےالبتہ ناک کے قطرہ کے متعلق اختلاف ہے اسے بھی رات تک مؤخرکرلیا جائے تو زیادہ بہترہے۔
(11) روزے کی حالت میں اجنبی لڑکی سے بات کرلی یا فلم دیکھ لیا، گانا سن لیا، تاش کھیل لیا یا کرکٹ وغیرہ میں وقت ضائع کردیا تو ان باتوں سے روزہ نہیں ٹوٹتا مگر اجنبی لڑکی سے بات کرنا، فلم دیکھنااور گانا سنناحرام ہے اور یہ نہ صرف روزے کی حالت میں منع ہیں بلکہ عام دنوں میں بھی منع ہیں اور وقت کو ضائع کرنے والے کاموں مثلا تاش اور کرکٹ وغیرہ سے بچنا بہترہے تاکہ فرائض وواجبات کی ادائیگی میں کوتاہی نہ ہو۔ اگر یہ کام شرط والا ہو تو حرام ہے ۔
(12) بحالت روزہ تھوک نگلنے سے روزہ فاسد نہیں ہوتا مگر بلغم باہر پھیک دے کیونکہ اس میں بیماری ہے، اسی طرح روزہ میں خون نکلنے سے یا انجانےمیں حلق میں کچھ چلے جانے سے روزہ نہیں ٹوٹتا ۔
(13) بعض خواتین یہ تصور کرتی ہیں کہ روزے میں حجاب میں نہ رہنے سے روزہ ٹوٹ جاتا ہے ۔ یہ بھی غلط ہے ۔ ہم یہ کہیں گے کہ خاتون کے لئے حجاب رمضان اور غیر رمضان ہمیشہ ضروری ہے ، بے پردگی کا تعلق روزہ ٹوٹنے سے نہیں ہے ۔
(14) رمضان میں عام طور سے لوگوں کے کردار سے معلوم ہوتا ہے کہ اسلام میں اچھائی کا تعلق محض رمضان سے ہی ہے ۔ حالانکہ اچھائی ہمیشہ اچھائی ہے اور برائی ہمیشہ برائی ہے ۔اس لئے مسلمانوں کو رمضان کے بعد بھی رمضان کی طرح ہی اچھائی کی طرف رغبت اور برائی سے بے اعتنائی ہونی چاہئے ۔
(15) سگریٹ نوشی فعل حرام کے ساتھ روزہ کے بطلان کا بھی سبب ہے کیونکہ اس کا اثر معدے تک جاتا ہے ۔
(16) سورج ڈوبنے کے بعد افطاری میں احتیاط کرنا سراسر شریعت کی خلاف ورزی ہے ۔ یہ غلطی احناف و بریلوی کے یہاں پائی جاتی ہے ۔
(17) لوگوں میں یہ بات مشہور ہے کہ افطارکے وقت بندے اور رب کے درمیان کا پردہ اٹھا دیا جاتا ہے ۔ اس بات کی کوئی حقیقت نہیں ہے ۔یہ کسی صحیح حدیث میں مذکور نہیں ۔
(18) تراویح کی نماز میں ہر دو رکعت پہ بلند آوازسے کوئی خاص ذکر پڑھنےکاکوئی ثبوت نہیں ہے ۔
(19) یہ بات بھی کسی صحیح حدیث سے ثابت نہیں ہے رمضان میں فوت ہونے سے حساب وکتاب نہیں ہوتا اور وہ بلاحساب جنت میں چلاجاتا ہے ۔ ایک حدیث اس طرح کی آتی ہے کہ جو اللہ کی رضا کے لئے روزہ رکھے اور اسی حالت میں مرجائے تو جنت میں داخل ہوگا۔(احمد:22813)
(20) بعض لوگ زکوۃ دینے کے لئے رمضان کا انتظار کرتے ہیں یہ بھی درست نہیں ہے ۔ زکوۃ کا تعلق نصاب اور سال پورا ہونے سے ہے ۔ نصاب تک پہنچنے کے بعد جونہی سال پورا ہوجائے زکوۃ ادا کردے اس کے لئے تاخیرکرنا اور رمضان کا انتظار کرنا صحیح نہیں ہے البتہ اگر رمضان میں سال پورا ہوتا ہو یا شوال میں تو کچھ پیشگی زکوۃ دی جاسکتی ہے ۔ہاں اس مہینے میں کثرت سے صدقہ دے سکتے جیساکہ نبی ﷺ سے ثابت ہے ۔
(21) ستائیسویں کی رات صدقہ کرنا بعض کے یہاں مختص ہے ۔ اس کا معنی ہواکہ ستائیسویں کی رات ہی شب قدرہے جبکہ یہ رات ہرسال منتقل ہوتی رہتی ہے ۔کبھی 21،کبھی 23،کبھی25،کبھی 27 اور کبھی 29 کی رات ہوتی ہے ۔ ان راتوں میں طاعات کے کام کرنا بڑے اجر کا کام ہے ۔ طاعت کے کاموں میں صدقہ بھی ہے لہذا بغیر 27 کی رات مختص کئے ان سبھی راتوں میں صدقہ وخیرات کرے تاکہ شب قدرپانے کا امکان ہو۔
(22) رمضان کے آخر میں ہرجگہ اور ہرکس وناکس کی زبان پہ یہ جملہ عام ہوتا ہے کہ امسال فطرانہ کتنا روپیہ ہے ؟ گویا لوگوں نے رقم کو ہی فطرانہ سمجھ رکھاہے اورانہیں گائیڈ کرنے والے علماء بھی ایسے ہی ہیں جو پہلے سے کلکولیٹرسے حساب کئے بیٹھے ہوتے ہیں۔ فطرانے کی اصل فی کس ڈھائی کلو اناج ہے ۔فطرہ دینے والا کھانے کے کسی بھی اناج سے ڈھائی کلو دے سکتا ہے ۔ ایک ریٹ لگانے والے علماء کو اناج کے بجائے روپیہ نکالنے اورایک مخصوص اناج کا ریٹ فکس کرنے کا کس نے اختیار دیا ہے ؟ علماء کو چاہئے کہ لوگوں کو فطرانے کی حقیقت بتائیں تاکہ فطرانہ لینے اور دینےوالے تمام لوگوں کو آسانی ہو۔ یہ الگ بات ہے کہ بوقت ضرورت فطرانے کی رقم بھی نکالی جاسکتی ہے ۔
مقبول احمد سلفی
اسلامک دعوۃ سنٹر-طائف