Sections
< All Topics
Print

11. Jaidaad ki taqseem.

*Taqseem ut tarka

( Jaedaad ki taqseem )*

 

Ilm -e- meeraas ko seekhnay ki gharz o ghaayat maiyat ki jaedaad ki taqseem hi hai. baqi taaseel yani asal masla aur tasheeh waghera ka ilm to is key husool ka aik zari’ya hai, jaedaad ki taqseem darj zail qawaa’id key tehat amal Pazeer hoti hai .

( 1 ) Agar kisi maiyat ka aik hi waaris ho to woh akela hi saari jaedaad samait le ga chahay woh sahib farz, asbah ya zo al-arhaam mein se koi bhi ho .

( 2 ) Agar maiyat key wurasa ashaab -ul- furooz ya asbah hon to pehlay un ka asal maloom karen aur har waaris ko is ka hissa den .

( 3 ) Jaedaad mein se jis waaris ka hissa maloom karna ho. to is waaris ko asal masla se jo hissa mila hai usay tarka se zarb den. aur haasil zarb ko asal auwl ya radd ki jami’a se taqseem karen. to haasil taqseem is waaris ka hissa hoga .

 

 

*Qaida*

Tarka x waaris ka hissa ÷ asal auwl ya radd ki jami’a

 

*Misaal*

Aik aurat apne khaawand, maa aur betay ko chode kar faut hogayi aur is ka tarka 2400 rupay hai .

 

*Hal*

Asal masla ( 12 ) hai. khaawand 1/4 (3) miley. maa ko 1/6 (2) miley, betay ko baqi bator -e- asbah (7) miley .

 

12

3 Khaawand 1/4

2 Maa 1/6

7 Beta ain


khaawand ka hissa

2400×3÷12 = 600 rupay hai .

 

Maa ka hissa :

2400×2÷12 = 400 rupay hai .


khaawand ka hissa :

2400×7÷12 = ️1400 rupay hai .

 

*Misaal*

Auwl ki misaal

aik aurat apne khaawand, ‘Aini behan, ‘allati behan aur akhiyaafi bhaai ko zindah chode kar faut hogayi. is ki jaedaad 4000 rupay hai .

*Hal*

is ka asal ( 6 ) hai khawand ko 1/6 (3) miley ‘Aini behan ko 1/2 (3) miley, ‘allati behan 1/6, ( 1 ) mila aur akhiyaafi bhaai ko 1/6 ( 1 ) mila. un ke hisson ka majmo’ah ( 8 ) hai chunancha yeh masla ‘Aaila hai is ka naya asal ( 8 ) hai .

 

8/6

3 Khaawand 1/2

3 ”Aini behan 1/2

1 ‘allati behan 1/6

1 akhiyaafi bhaai 1/6


khawand ka hissa :

4000×3÷8 = 1500 rupay hai .

‘Aini behan ka hissa:

4000×3÷8 = 1500 rupay hai .

‘Allati behan ka hissa:

4000×1÷8 = 500 rupay hai .

Akhiyaafi bhaai ka hissa

4000×1÷8 = 500 rupay hai 

 

*Misaal*
Radd ki misaal

Aik aadmi apni biwi, maa, beti aur poti ko zindah chode kar faut ho gaya. is ka tarka 800 rupay hai .

*Hal*

Yeh radd masla hai is ki jami’a ( 40 ) hai. is mein se biwi ko (5) miley. maa ko ( 7 ) miley. beti ko ( ‏21 ) miley aur poti ko ( 7 ) miley .

 

5×8 = 40

1×5= 5 biwi 1/8

7 Baaqi

1×7 = 7 maa 1/6

3×7 = 21 beti 1/2

1×7 = 7 Poti 1/6


Biwi ka hissa :

800×5÷40 = 100 rupay hai .

maa ka hissa :

800×7÷40 = 140 rupay hai .


Beti ka hissa

800×21÷40 = 420 rupay hai .


poti ka hissa

800×7÷40 = 140 rupay hai

 

REFERENCE:
Book: “Islam Ka Qanoon-e-Warasaat”
By Salah Uddin Haider Lakhwi.

 

 

Table of Contents