Sections
< All Topics
Print

12. At Takhaaruj wat Tasaaluh ka bayan.

*At-Takhaaruj wat tasaaluh ka bayaan*

 

 

*Takhaaruj ka lughwi aur istilahi ma’ienay*

 

*Lughwi*

 

Takhaaruj baab tafaa’ul ka masdar hai. jis key ma’ienay Khurooj yani niklny key hain .

 

*Istilahi ma’ienay*

 

ilm meeras mei takhaaruj ussay kehte hain. jab koi waaris dosray waarison se baahami musaalihat kar le keh woh tarka mein se koi mut’ayyan cheez le kar ya tarka key ‘ilawa koi aik cheez le kar apne shara’i hissa se dast bardaar ho jaye .


*Takhaaruj ki qismain*

Takhaaruj ki do qismain hain:

 

( 1 ) jab koi waaris deegar sab waarison se musaalihat kar le keh woh mutwafa ki jaedaad mein se maslan makaan, plot, ya dokaan waghera le kar apne baqi shara’i hissa se dast bardaar ho jaye ga .

 

 

*Misaal*

1 shakhs apni biwi, beti aur baap ko zindah chode kar faut ho gaya. biwi ne beti aur baap se musaalihat karli keh shehar wala makaan agar usay day diya jaaye to woh apne baqi hissa se dast bardaar ho jaaye gi aur un key darmiyaan se nikal jaye gi. is ka tarka aik makaan aur 42000 rupay hai .

 

*Hal*

 

Is masla ko pehlay biwi samait hal kiya jaaye ga. asal masla ( 24 ) hai biwi ko ( 1/8 ) ( 3 ) miley beti ko ( 1/2 ) ( 12 ) miley aur baap ko ( 1/6 ) farzan aur baqi t’aseebn (9) miley. chunkay biwi masla se kharij ho gayi hai. isliye ab baqi tarka beti aur baap key darmiyaan taqseem kiya jaye ga. un key hisson ka majmo’ah ( 12 + 9 = ‏21 ) ( ‏21 ) hai ab yahi un ka naya asal masla hoga jis key zar’eya baqi tarka taqseem kiya jaaye ga .

 

Beti ka hissa :

42000×12÷21= 24000 rupay hai

 

Baap ka hissa

42000×9÷21 = 18000 rupay hai

 

21 24

3 biwi 1/8

12 12 beti 1/2

9 4+5 =9 baap ain 1/6

 

*Note*

 

( 1) Agar hum musaaleh shakhs yani biwi ko masla mein shaamil nah karen aur shuru hi se tarka ko beti aur baap key darmiyaan taqseem karen to beti ko is key hissa se kam miley ga aur baap ziyaada le ga. aur dono key darmiyaan tarka aadha aadha taqseem hoga. yani beti bhi 21000 rupay le gi aur baap bhi 21000 rupay le ga, jo ghalat hai .

( 2 ) Jab koi waaris dosray waaris se musaalihat kar le agar woh usay apne khaas maal se koi cheez de dy to woh tarka mein se is key haq mein apne hissa se dast bardaar ho jaaye ga .

 

*Misaal*

Aik aurat apne khaawand, maa aur ‘Aini bhaai ko zindah chode kar mar gayi. is ki jaedaad 124 aykdh zar’ayi zameen hai, khaawand ne ‘Aini bhaai se musaalihat kar li agar woh usay apni gaadi de dy to woh ( khaawand ) is key haq mein jaedaad mein se apne hissa se dast bardaar ho jaaye ga-

 

*Hal*

Asal masla ( 6 ) hai khaawand ko ( 1/2 ) (3) miley maa ko ( 1/3 ) (2) miley aur ‘Aini bhaai ko ( 1 ) mila. ab khaawand ka hissa (3) ‘Aini bhaai ko miley ga. is terhan ‘Aini bhaai ka majmo’ah ( 3 + 1 = 4 ) 4 ho jaye ga .


*Tarka ki taqseem*


Maa ka hissa

24×2÷6 = 8 aekar

 

‘Aini bhaai ka hissa :

24×4÷6 = 16 aekar

 

6 6

3 Khaawand 1/2

2 2 Maa 1/3

3 + 1 = 4 1 bhaai ain

 


*Mashqi sawaal aur un ka hal*

*Misaal*

 

1 shakhs faut ho gaya aur mandarja zail waaris zindah chodey .

 

(1)- khaawand, 2 betiyaan, pota, potay ne waarison se dokaan key badlay musaalihat kar li aur apne hissa se nikal gaya .

 

*Hal*

Asal masla ( 12 ) hai, khaawand ko ( 1/4 ), ( 3 ) miley. 2 baitiyon ko ( 2/3 ), ( 8 ) miley aur potay ko baqi ( 1 ) mila. ab potay ka hissa ( 1 ) asal masla se nikaal diya jaaye ga. ( 12-1 = ‎11 ) ab naya asal masla ( ‎11 ) hoga. jis key zare’ya khaawand aur 2 baitiyon ke darmiyaan jaedaad taqseem ki jaye gi. khaawand ko ( 3 ) aur baitiyon ko ( 8 ) milein ge.


(2)- khaawand, maa aur chacha, khaawand ne baqi waarison se biwi key waajib -ul- ada mahar key iwaz musaalihat karli

 

*Hal*

Is ka asal masla ( 6 ) hai. khaawand ko ( 1/2 ), ( 3 ) miley aur maa ko ( 1/3 ), ( 2 ) miley aur baqi (1) chacha le ga. ab khawand ka hissa (3) asal masla se nikaal diya jaaye ga aur baqi ( 6-3 = 3 ) ab naya asal masla (3) ho ga jis key zare’ya maa aur chacha key darmiyaan tarka taqseem kiya jaaye ga. maa ko (2) aur chacha ko (1) miley ga .


(3)- khaawand, beti aur beta, phir beti ne betay se musaalihat kar li agar woh apni gaadi de dy to woh tarke mein se apne hissa se is key haq mein dast bardaar ho jaye gi .
*Hal*

Asal masla (4) hai khawand ko (1/4), (1) mila. beti ko bator -e- asbah ( 6 ) mila aur betay ko bator -e- asbah ( 2 ) miley. beti ka hissa betay ko diya jaaye ga. ab khaawand aur betay key darmiyaan jaedaad taqseem ki jaaye gi. khaawand ka hissa (1) aur betay ka (2 +1 = 3 ) ( 3 ) hai .


(4)- Biwi, maa, beti aur pota phir maa ne biwi se musaalihat kar li us qarzz key iwaz jo is ne biwi ko dena tha. aur maa tarka se nikal gayi .

 

*Hal*

Asal masla ( 24 ) hai, biwi ko (1/8), ( 3 ) miley, maa ko (1/6), (4) miley. beti ko (1/2), (12) miley. baqi (5) pota bator -e- asbah le ga. ab maa ka hissa (4) biwi ko diya jaaye ga. aur jaedaad biwi, beti aur potay key darmiyaan taqseem ki jaaye gi. biwi ka hissa (4 +3 =7 ), (7) hai beti ka hissa (12) aur potay ka hissa (5) hai.


(5)- khaawand, maa, akhiyaafi bhaai aur chacha. aur tarka 60 kanaal zameen aur 60000 rupay khaawand ne sab waarison se musaalihat karli keh naqad raqam 60000 rupay dedein to woh baaqi tarka se nikal jaaye ga.

 

*Hal*

Asal masla 6 hai. Khaawand ko (1/2) 3 mily. Maa ko (1/3) 2 mily. Aur akhiyaafi bhaai ko (1/6) 1 mily. Chacha asbah hai us key liye kch nahi bcha. Ab khaawand ka hissa 3 asal msla 6 sy nikaal diya (6-3=3) baaqi 3 masla ka asal naya masla hai. maa ka hissa (2) aur akhiyaafi bhaai ka hissa (1) hai .

Maa ka hissa 60×2÷3 = 40 kanaal

Akhiyaaafi bhaai ka hissa : 60×1÷3 = 20 kanaal


(6) biwi, do ‘Aini behnain aur akhiyaafi bhaai. biwi ne baqi waarison se tarka mein se ghar key iwaz musaalihat kar li .

 

*Hal*

Asal masla ( 12 ) hai lekin is mein (13) tak auwl hai. biwi ko (1/4), (3) miley. do ‘Aini behnon ko (2/3), (8) miley aur akhiyaafi bhaai ko (1/6), (2) miley. phir biwi ka hissa (3) asal masla se nikaal diya ( 13-3 = 10 ) jawab (10) is ka naya asal masla hai. jis key zare’ya do ‘Aini behnon aur akhiyaafi bhaai key darmiyaan tarka taqseem kiya jaaye ga. ab do ‘Aini behnon ka hissa (8) hai aur akhiyaafi bhaai ka hissa (2) hai .

 

REFERENCE:
Book: “Islam Ka Qanoon-e-Warasaat”
By Salah Uddin Haider Lakhwi.

 

 

Table of Contents