Aashura KA ROZA

(10 MUHARRAM KA ROZA):

Alhamdulillah

  Awwal:

 Yaum Aashura ka roza guzishta ek saal ke  gunahon ka kaffaara ban jaata hai, kyun keh Nabi Kareem (ﷺ) ka farmaan hai:(Mujhe  Allah Ta’la  se umeed hai keh a’rfa ke  din ka roza guzishta aur aainda saal ke  gunahon ka kaffaara ban jaayega,aur Mujhe  Allah Ta’la  se umeed hai keh yaum e Ashoor ka roza guzishta) ek saal ke  gunahon ka kaffaara ban jaayega. (Muslim: 1162) 

Yeh Allah Ta’la  ka ham par fazal hai keh Uss ne hamen ek din ka roza rakhne par poore saal ke  gunaah m’af hone ka badla diya,aur Allah Ta’la  bahot zyada  fazal waala hai.

 Nabi Kareem (ﷺ) yaum Aashura ki shaan ke  baais uska roza rakhne ke  liye khususi ehtimaam karte the , chunacha Ibn A’bbaas Razi Allahu ‘Anhuma kehte hain keh: “Main ne Rasool Allah (ﷺ)ko dinon mein se Ashura,aur mahinon mein se maah e Ramzaan ke  rozon se zyada  kisi din ya mahine ke rozay rakhne ka ehtimam karte  huye nahi dekha.” [Bukhaari:1867]

 Hadees ke ‘arabi lafz:”Yatahra” ka matlab hai keh usdin ke rozay ke  sawaab aur uske liye dilchaspi ki wajah se uska ehtimam karte  the . 

Duwwam: 

Yaum Aashura ko Nabi Kareem (ﷺ)ne roza kyun rakha, aur logon ko iski targheeb kyun dilayi, to uska jawaab : Bukhari (1865)mein hai keh ibn ‘Abbaas Razi Allahu A’nhuma kehte hain keh Nabi Kareem (ﷺ) Madina Munawwara tashreef laaye, aur yahudiyon ko dekhaa keh who Aashura ka roza rakhte the , To Nabi Kareem (ﷺ)ne farmaya:(yeh [Roza]kyun rakhte ho?) To unhon ne keha:”[isliye keh]yeh khushi ka din hai, isdin mein Allah Ta’la ne Bani Israil ko Dushman se nijaat dilaayi thi,to Musa(Alaihis Salaam) ne roza rakha “To Aap (ﷺ)ne farmaaya: (Main Musa[Alaihis Salaam] ke  saath tum se zyada  ta’lluq rakhta hoon) To Aap (ﷺ)ne khud bhi roza rakha , aur roza rakhne ka Hukm bhi diya.

 Hadees mein mazkurah:” yeh khushi ka Din hai” iski jagah Sahih Muslim mein hai keh:”yeh Azeem din hai ,is mein Allah Ta’la ne Musa [Alaihis Salaam] aur Aapki qaum ko nijaat di aur Fir’aun aur qaum e fir’aun ko Gharq e Aab kiya. ” Hadees mein Mazkurah:” To Musa [Alaihis Salaam] ne roza rakha ” Muslim ki Riwaayat mein izafa hai keh: Allah ka shukar ada karte huye roza rakha to ham bhi ussi din roza rakhte hain”,aur Sahih Bukhari ki ek Riwayat mein hai keh:” Ham isdin ka roza isdin ki ta’zeem karte  huye rakhte hain.”

 Hadees mein Mazkurah:” Aur roza rakhne ka Hukm bhi diya”jabke  Bukhari hi ki ek aur Riwaayat mein hai keh:” To Aap (ﷺ)ne Apne Sahaaba Karaam ko keha keh tumhara Musa [Alaihis Salaam] ke saath unse zyada  ta’lluq hai, chunacha tum bhi roza rakho.” 

Suwwam: 

Aashura ke rozay se sirf sagheera gunaah mit-te hain,jabke  kabeera gunahon ke liye khususi tauba ki zarurat hogi. 

Chunacha Nawawi Rahimahullah kehte hain:” ’Arfa ke din ka roza tamaam chhotay gunahon ko mita dayta hai, to Hadees ka mafhoom yeh hoga keh kabeera gunahon ke ‘alaawa tamaam gunaah mit jaate hain.”

 Iske ba’ad Nawwi Rahimahullah kehte hain keh:” ‘Arfa ke din ka roza do saal ke  gunahon ka kaffara ban jaata hai,jabke Aashura ka roza ek saal ke  gunahon ka kaffaara banta hai,isi tarah jis shaks ki Aameen farishton ki Aameen se mil jaaye to uske guzishta saaray gunaah m’af kar diye jaate hain. Mazkurah tamaam a’maal gunahon ko mitane ki salaahiyat rakhte hain,aur chunacha agar koi sagheera gunaah maujood huwa to woh mit jayega,aur agar sagheera ya kabeera koi bhi gunaah na huwa to uske  badle mein nekiyan likh di jaayengi,aur darjaat buland kardiye jaayenge aur agar koi ek ya mota’ddid kabeera gunaah huye, lekin koi sagheera gunaah na paaya gaya, to hamen umeed hai keh un kabeera gunahon mein kuch takhfeef ho jaayegi,”Intahee 

[” Almajmooa’ Sharah Almahzab”jald:6]

Aur Shek Al-Islam Ibn Taimiyyah Rahmahullah kehte hain keh: “Wudu, Namaaz,aise hi Ramzaan, Yaum ‘Arfa,aurAashura ke  rozay sirf sagheera gunahon ko hi mita sakte hain.” “Alfataawwi Alkabri” jald:5

 Wallahu Alam

REFERENCE:

https://islamqa.info/en/answers/21775/virtues-of-fasting-ashura