03. PATHAR DILOUN KA ILAJ
PATHAR DILOUN KA ILAJ
Pathar dil log agar apna dil naram karna chahte hai tou unke liye zaruri hai keh wo:
- Jin gunaahon mein manhamak(mubtala) hon unhe fauran chorden aur deeni majlison mein hazir ho.
- Maut ko ziyada se ziyada yaad kiya karen- wo maut jo lazatou ko khatam kardeti hai, pyaron se juda kardeti hai aur bachon ko yateem banadeti hai.
- Jinlogon ki maut ka waqt qareeb ho aur wo sakrat-e-maut mein mubtelah ho unke paas baithe- issay bhi pathar dil naram hojata hain.
Hazrat Ibn Abbas(رضي الله عنه) se marwi hai keh Rasool Allah(ﷺ) ne farmaaya:
(( لَیْسَ الْخَبَرُ کَالْمُعَایَنَۃِ،إِنَّ اللّٰہَ عَزَّ وَجَلَّ أَخْبَرَ مُوْسٰی بِمَا صَنَعَ قَوْمُہُ فِیْ الْعِجْلِ فَلَمْ یُلْقِ الْألْوَاحَ،فَلَمَّا عَایَنَ مَا صَنَعُوْا أَلْقَی الْألْوَاحَ فَانْکَسَرَتْ
“Kisi khabr ka sunna isko dekhne ki manind nahi hota- Isiliye jab Allah Ta’aala ne Hazrat moosa(علیہ السلام) ko unki qaum ke baare mein khabar di keh unhone bachre ko mabood banaliya hai tou unho ne apni takhtiyaan na phenkein, lekin jab unho ne jaakar apni ankhon se dekhliya tou (Ghusse se) takhtiyaan phenk di jissay wo tootgae.”
[Musnad Ahmad: 2447; Ibn Hibban: 6213]
Yani jin logon ki maut ka waqt qareeb ho unhe dekhna, Qabron par jana aur mayyat ko ghusl dena, kafan pehnaane aur uski namaz-e-janaza parhne ke ba’ad uski tadfeen ko khud apni ankhon se dekhna, mahez khabren sunne ki be nisbat ziyada moassar(asardaar) aur ibratnaak hai.
REFERENCE:
BOOK: “ZAAD UL KHATEEB” JILD: 02
BY: DR. MUHAMMAD ISHAQ ZAHID
پتھر دلوں کا علاج
پتھر دل لوگ اگر اپنے دل نرم کرنا چاہتے ہوں تو ان کیلئے ضروری ہے کہ وہ :
۱۔ جن گناہوں میں منہمک ہوں انھیں فورا چھوڑ دیں اور دینی مجلسوں میں حاضر ہوں ۔
۲۔ موت کو زیادہ سے زیادہ یاد کیا کریں۔وہ موت جو لذتوں کو ختم کردیتی ہے ، پیاروں سے جدا کردیتی ہے اور بچوں کو یتیم بنا دیتی ہے ۔
۳۔ جن لوگوں کی موت کا وقت قریب ہو اور وہ سکراتِ موت میں مبتلا ہوں ان کے پاس بیٹھیں۔ اس سے بھی پتھر دل نرم ہوجاتے ہیں ۔
حضرت ابن عباس رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا :
(( لَیْسَ الْخَبَرُ کَالْمُعَایَنَۃِ،إِنَّ اللّٰہَ عَزَّ وَجَلَّ أَخْبَرَ مُوْسٰی بِمَا صَنَعَ قَوْمُہُ فِیْ الْعِجْلِ فَلَمْ یُلْقِ الْألْوَاحَ،فَلَمَّا عَایَنَ مَا صَنَعُوْا أَلْقَی الْألْوَاحَ فَانْکَسَرَتْ))
’’ کسی خبر کا سننا اس کو دیکھنے کی مانند نہیں ہوتا ۔ اسی لئے جب اللہ تعالیٰ نے حضرت موسی علیہ السلام کو ان کی قوم کے بارے میں خبر دی کہ اس نے بچھڑے کو معبود بنا لیا ہے تو انہوں نے اپنی تختیاں نہ پھینکیں ، لیکن جب انہوں نے جا کر اپنی آنکھوں سے دیکھ لیا تو ( غصے سے ) تختیاں پھینک دیں جس سے وہ ٹوٹ گئیں ۔ ‘‘
[مسند أحمد:260/4:2447،صحیح ابن حبان :6213۔ وہو حدیث صحیح]
یعنی جن لوگوں کی موت کا وقت قریب ہوانھیں دیکھنا ، قبروں پر جا نا اورمیت کو غسل دینے ،کفن پہنانے اور اس کی نمازِ جنازہ پڑھنے کے بعد اس کی تدفین کو خود اپنی آنکھوں سے دیکھنا ، محض خبریں سننے کی بہ نسبت زیادہ مؤثر اور عبرتناک ہے ۔