34. Imam Abu Bakr Ajuri [D 360]
Imaam Abu Bakar Aajri
(Mutawaffi 360 ba-mutaabiq 970)
Naam-o-nasab :
Muhammad naam, Abu Bakar kuniyat aur silsila-e-nasab yeh hai Muhammad bin Hussain bin Abdullah. ( 1 )
Wilaadat-e-Watan:
Woh Baghdad mein paida huye, san paidaish ka morrikheen ne zikar nahi kiya hai, Aajri ki nisbat se ziyaada mashoor hain, Ansaab ke maahir Allamah Sama’ani ke bayaan se maloom hota hai keh yeh pesha ki jaanib nisbat hai, yani woh eentain banaatay aur un ko farokht karte thay. ( 2 )
Lekin Allamah Ibn Khalqaan ne is nisbat ke sabab se la ilmi zaahir ki hai aur Kitaab Al-Silah ke Hashiya ke hawaala se yeh tehreer farmaaya hai keh Aajir Baghdad ke aik gaaon ka naam tha aur yeh isi ki jaanib nisbat hai. ( 3 )
Aakhir umar mein Makkah Muazzama mein aabaad ho gaye thay aur ( 30 ) saal tak Jawar-e-Bait Allah mein reh kar Hajj-e-Baitullah ko aanay waalon aur Bilaad-e-Maghrib ke logon ki tashnagi-e-ilm bujhaaty rahay, Ibn Khalqaan aur Ibn Jawzi waghairah ne likha hai keh Aajri jab Makkah Muazzama tashreef laaye to yeh sheher unhein bohat pasand aaya aur unhon ne Allah Ta’ala se is mein aik saal tak qiyaam karne ki dua ki, Hatef Ghaib ne sada di keh Abu Bakar aik hi saal ki tamanna kyun karte ho tum ko tees ( 30 ) saal tak yahan qiyaam karne ka mauqa miley ga, chunancha un ki hayaat-e-mustaar ke baqiya din yahin guzray aur ( 30 ) saal ke baad jab Dayee-e-Ajal ka payaam aaya to woh usi ki khaak mein pewand kiye gaye.
Asaatzah-wa-Shuyookh: :
Abu Bakar Aajri ke baaz mashoor asaatzah ke naam yeh hai :
Abu Shoiab Hareani, Abu Muslim Ibrahim bin Abdullah Kaji, Ahmad bin Hasan bin Abd Al-Jabbar Sufi, Ahmad bin Umar bin Zanjuyah Qattan, Ahmad bin Yahya Halwani Jafar bin Muhammad Faryadi, Khalf bin Umar-o-Akmri, Qasim bin Zikria Mutaraz, Mufzal bin Muhammad Jindi, Haroon bin Yousuf bin Ziyaad.
Talaamizah:
Baaz mashoor shaagirdon ke naam hasb zail hain :
Hafiz Abu Naeem Ahmad bin Abdullah Asbhani Abdul Rehman bin Umar bin Nihas, Abu Al-Hasan Ali bin Muhammad Abdullah Bashran Sakri, Abu Al-hasan Ali bin Ahmad bin Umar Hamami Muqari, ( un ke bhaai ) Abu Al-Qasim Abdul Malik Muhammad bin Hussain bin Fazal Qattan Mahmood bin Umar-wa-Akbri.
Hifz-o-Zabt aur Hadees mein darja:
Moarrikheen aur Ulama-e-fan ne bil itfaaq un ki tauseeq ki hai aur Hadees mein un ke kamaal ka aiteraaf kiya hai, Hafiz Zahabi un ko Al-Imaam Al-Muhaddis Al-Qadwah likhte hain, Allamah Ibn Aseer ka bayaan hai keh Tabrani aur Aajri Kibaar Muhaddiseen-o-Huffaz mein thay khateeb, Ibn Jawzi aur Ibn Kaseer likhte hain keh “Woh Siqah thay Allamah Sama’ani ka bayaan hai keh Aajri Siqah wa Sadooq thay. Hafiz Zahabi aur Ibn Amad kehte hain keh woh Siqah wa Zaabit Muhaddis aur Sahib sunnat thay.”
Fiqh:
Fiqh-wa-ijtihaad mein bhi Aajri ka darja buland tha aur woh Al Faqeeh ke laqab se mausoom kiye jaatay thay, is fan mein kayi kitaabain bhi un se yaadgaar hain.
Tadeen-o-Taqwa:
Ilm-o-fazal ki tarhan Zuhad-o-Taqwa bhi un ka shoaar tha, Ibn Nadeem ka bayaan hai keh “woh Salha-e-Ibaad mein thay.”
Hafiz Zahabi likhte hain keh “woh Aalim ba-Amal, Sahib sunnat aur muttabe Shariyat thay.”
Moarrakh khateeb aur Allamah Sama’ani waghairah ne bhi un ke Salah-o-Nazeen ka aiteraaf kiya hai.
Fiqhi Maslak:
Go un ke Shafi Al-Muhazzib honay par ittafaaq hai chunancha Ibn Nadeem likhte hain وكان على مذهب الشافعی ( woh Imam Shafi ke maslak Fiqh se wabasta thay) lekin Ibn Amad Hanbali ka bayaan hai keh :
کان حنبلیا وقیل شافعیا
وبه جزم الا سنوى وابن الا هدل
“Aajri Hanbali the magar yeh bhi kha gaya hai keh wo Shafi’i the aur Asnawi-o-Ibn Al-Ahdil ne isi ko qataee bataaya hai.”
Wafaat:
Yakam Muhrram Al-Haram 360 hijri ko Makkah Muazzama mein wafaat hui aur yahin supurd-e-khaaq kiye gaye.
Tasnifaat:
Imam Abu Bakar Aajri Kaseer Al-Tasaneef thay, Fiqh, Hadees aur Zuhad-o-Riqaq waghairah mein unhon ne mut’addid kitaabain likhi theen magar ab woh sab nayaab aur madoom hain jin kitaabon ke naam maloom ho sakay woh yeh hain :
1- Kitaab ahkaam Al-Nisa
2- Kitaab Mukhtasir Al-Fiqa
3- Kitaab Al-Nasiha :
Yeh teenon kitaabain Fiqh mein hain, Ibn Nadeem ne in ka zikar kiya hai.
- Kitaab Al-Shariyat :
Yeh sunnat-o-hadees mein thi, Haaji khalifa ne is ka naam likha hai.
5- Kitaab Al-Arbaeen :
Yeh Imam Sahib ki sab se mashoor tasneef hai, Shah Abdul Azeez sahib kutub-e-hadees ke tabqaat-o-iqsaam bayaan karte huye likhte hain :
“Arbaeeniyat mein chalees ( 40 ) Hadeesain aik baab ya mukhtalif abwaab mein aik sanad ya mut’addid sanadon se jama ki jaati hain, Arbaeeniyat beshumaar hain.”
Haaji khalifa likhte hain keh Arbaeeniyat ki jama-o-taleef ke aghraaz-o-maqaasid mukhtalif hain chunancha baaz mein tauheed-o-asbaat sifaat baaz mein ahkaam-o-Ibadaat, baaz mein muwaiz-o-Riqaq aur baaz mein fazaail-o-manaaqib ke mutalliq riwaaytain darj hoti hain, Arbaeeniyat ke baaz majmooay Sahih Al-Asnad aur taan-o-qadh se khaali aur baaz nihaayat Aala sandon aur taweel matan waali par mushtamil hain.”
Ibn Sabki ke bayaan se maloom hota hai keh Aajri ki Arbaeen ki sanadein aali aur buland theen, Haaji khalifa aur doosray Ashaab-e-Fahars ne is mauzu ki aksar kitaabon ke naam likhay hain, is fehrist se zaahir hota hai keh Arbaeeniyat mein sab se qadeem majmooa yehi hai .
Go is ko Nowu waghairah ki Arbaeen jaisi shohrat nahi mili taaham qadaamat aur Asnaad ki quwwat ke aitebaar se is ki ahmiyat musllm hai.
(1) تذكرة الحفاظ ج 3 ص 138 ( 2 ) کتاب الانساب ورق 14 ( 3 ) وفیات الاعیان ج 3 ص 291.
( 1 ) وفیات الاعیان ج 2 ص 291 وصفه المصفو و ج 2 ص 266 ( 2 ) تاریخ بغداد ج 2 ص 243 د تذکرة الحفا
(۱) الفہرست ص 30,2,301 تذکرة ج 3 ص 138 انساب ورق 14۔ ( 2 ) الفهرست ص 302 و شذرات الذہب ج 3 ص 35۔ ( 3 ) ابن خلکان ج 2 ص 291، تاریخ بغداد ج 2 ص 234.
امام ابوبکر آجری
( متوفی ٣٦٠ ھ مطابق ۹۷۰ء)
نام و نسب:
محمد نام، ابوبکر کنیت اور سلسلہ نسب یہ ہے: محمد بن حسین بن عبداللہ ۔ (1)
ولادت و وطن:
وہ بغداد میں پیدا ہوئے ، سنہ پیدائش کا مورخین نے ذکر نہیں کیا ہے، آجری کی نسبت سے زیادہ مشہور ہیں، انساب کے ماہر علامہ سمعانی کے بیان سے معلوم ہوتا ہے کہ یہ پیشہ کی جانب نسبت ہے، یعنی وہ اینٹیں بناتے اور ان کو فروخت کرتے تھے۔ (2) لیکن علامہ ابن خلکان نے اس نسبت کے سبب سے لاعلمی ظاہر کی ہے اور کتاب الصلہ کے حاشیہ کے حوالہ سے یہ تحریر فرمایا ہے:
کہ آجر بغداد کے ایک گاؤں کا نام تھا اور یہ اسی کی جانب نسبت ہے۔(3)
آخر عمر میں مکہ معظمہ میں آباد ہو گئے تھے اور ۳۰ سال تک جوار بیت اللہ میں رہ کر حج بیت اللہ کو آنے والوں اور بلاد مغرب کے لوگوں کی تشنگی علم بجھاتے رہے، ابن خلکان اور ابن جوزی وغیرہ نے لکھا ہے کہ آجری جب مکہ معظمہ تشریف لائے تو یہ شہر انھیں بہت پسند آیا اور انھوں نے اللہ تعالیٰ سے اس میں ایک سال تک قیام کرنے کی دعا کی، ہاتف غیب نے صدا دی کہ ابو بکر ایک ہی سال کی تمنا کیوں کرتے ہو تم کو تیس سال تک یہاں قیام کرنے کا موقع ملے گا، چنانچہ ان کی حیات مستعار کے بقیہ دن یہیں گزرے اور ۳۰ سال کے بعد جب داعی اجل کا پیام آیا تو وہ اس کی خاک میں پیوند کئے گئے۔ (4)
اساتذہ و شیوخ:
ابو بکر آجری کے بعض مشہور اساتذہ کے نام یہ ہے:
ابو شعیب حرانی،
ابو مسلم ابراہیم بن عبداللہ کجی،
احمد بن حسن بن عبدالجبار صوفی،
احمد بن عمر بن زنجویہ قطان،
احمد بن یحیٰی حلوانی،
جعفر بن محمد فریادی،
خلف بن عمر و عکبری،
قاسم بن زکریا مطرز،
مفضل بن محمد جندی،
ہارون بن یوسف بن زیاد۔ (5)
تلامذه:
بعض مشہور شاگردوں کے نام حسب ذیل ہیں:
حافظ ابونعیم احمد بن عبداللہ اصبہانی،
عبدالرحمٰن بن عمر بن نحاس،
ابوالحسن علی بن محمد عبدالله بشران سکری، ابوالحسن علی بن احمد بن عمر حمامی مقری، (ان کے بھائی)
ابوالقاسم عبد الملک محمد بن حسین بن فضل قطان،
محمود بن عمر و عکبری (6)
حفظ و ضبط اور حدیث میں درجہ:
مورخین اور علمائے فن نے بالاتفاق ان کی توثیق کی ہے اور حدیث میں ان کے کمال کا اعتراف کیا ہے، حافظ ذہبی ان کو ”الامام المحدث القدوہ“ لکھتے ہیں، علامہ ابن اثیر کا بیان ہے کہ ”طبرانی اور آجری کبار محدثین و حفاظ میں تھے“ خطیب، ابن جوزی اور ابن کثیر لکھتے ہیں کہ ”وہ ثقہ تھے“ علامہ سمعانی کا بیان ہے کہ ”آجری ثقہ و صدوق تھے“
حافظ ذہبی اور ابن عماد کہتے ہیں کہ وہ ثقہ وضابط محدث اور صاحبِ سنت تھے۔(7)
فقہ:
فقہ و اجتہاد میں بھی آجری کا درجہ بلند تھا اور وہ الفقیہ کے لقب سے موسوم کئے جاتے تھے، اس فن میں کئی کتابیں بھی ان سے یادگار ہیں۔
تدین و تقوی:
علم و فضل کی طرح زہد و تقویٰ بھی ان کا شعار تھا، ابن ندیم کا بیان ہے کہ ”وہ صلحائے عباد میں تھے۔“حافظ ذہبی لکھتے ہیں کہ ”وہ عالم باعمل، صاحب سنت اور متبع شریعت تھے“۔ مورخ خطیب اور علامہ سمعانی وغیرہ نے بھی ان کے صلاح و تدین کا اعتراف کیا ہے۔ (8)
فقہی مسلک:
گوان کے شافعی المذہب ہونے پر اتفاق ہے چنانچہ ابن ندیم لکھتے ہیں وكان على مذهب الشافعی ”وہ امام شافعی کے مسلک فقہ سے وابستہ تھے“ لیکن ابن عماد حنبلی کا بیان ہے کہ:
كان حنبليا وقيل شافعياوبه جزم الاسنوى وابن الاھدل۔(9)
وہ شافعی تھے اور اسنوی و ابن اہدل نےاسی کو قطعی بتایا ہے۔
وفات:
یکم محرم الحرام ٣٦٠ ھ کو مکہ معظمہ میں وفات ہوئی اور یہیں سپرد خاک کئے گٸے۔(10)
تصنیفات:
امام ابو بکر آجری کثیر التصانیف تھے، فقہ، حدیث اور زہد و رقاق وغیرہ میں انھوں نے متعدد کتابیں لکھی تھیں مگر اب وہ سب نایاب اور معدوم ہیں جن کتابوں کے نام معلوم ہو سکے وہ یہ ہیں:
ا – کتاب احکام النساء
٢ – کتاب مختصر الفقہ،
۳ – کتاب النصیحتہ: یہ تینوں کتابیں
فقہ میں ہیں، ابن ندیم نے ان کا ذکر کیا ہے،
(٤)۔ کتاب الشریعتہ: یہ سنت و حدیث میں تھی، حاجی خلیفہ نے اس کا نام لکھا ہے۔
۵- کتاب الاربعین یہ امام صاحب کی سب سے مشہور تصنیف ہے، شاہ عبدالعزیز صاحب کتب حدیث کے طبقات واقسام بیان کرتے ہوئے لکھتے ہیں:
”اربعینیات میں چالیس حدیثیں ایک باب یا مختلف ابواب میں ایک سند یا متعدد سندوں سے جمع کی جاتی ہیں، اربعینیات بیشمار ہیں۔“ (11)
حاجی خلیفہ لکھتے ہیں کہ” اربعینیات کی جمع و تالیف کے اغراض و مقاصد مختلف ہیں چنانچہ بعض میں توحید واثبات صفات بعض میں احکام و عبادات بعض میں مواعظ و رقاق اور بعض میں فضائل و مناقب کے متعلق روایتیں درج ہوتی ہیں، اربعینیات کے بعض مجموعے صحیح الاسناد اور طعن و قدح سے خالی اور بعض نہایت عالی سندوں اور طویل متن والی حدیثوں پر مشتمل ہیں۔“ (12)
ابن سبکی کے بیان سے معلوم ہوتا ہے کہ آجری کی اربعین کی سندیں عالی اور بلند تھیں، حاجی خلیفہ اور دوسرے اصحاب فہارس نے اس موضوع کی اکثر کتابوں کے نام لکھے ہیں، اس فہرست سے ظاہر ہوتا ہے کہ اربعینیات میں سب سے قدیم مجموعہ یہی ہے (13)
گو اس کو نووی وغیرہ کی اربعین جیسی شہرت نہیں ملی تاہم قدامت اور اسناد کی قوت کے اعتبار سے اس کی اہمیت مسلم ہے۔